بينه وبين نفسه ،
وبين ايامه
وبين ذكرياته وبين حاظره - ومستقبله ،
غياب .... نعم غياب
غريق لكن لن يموت ، جرحه عميق لكن لن يموت ،
الذي سيعود كما كان ، وان طال وان شاخ به هذا الواقع الاليم.

لا زلت مكتئبً بظهر هادئ وجميل ، فأنا أحترقَ أكثر كلما جعلت مشاعري باردة ، كلما توَهمتُ بأنني ليس مهتم او انني لم اعد أتذكرُ شيئًا إزدادَ عقلي حطبً لأحترقَ بقوة ، انني ادفع ثمن عاطفتي وصدقي مع الاخرين ، أنا في هذه اللحظة ادفع ثمن انني كنت حقيقًا وواضحًا اكثر مما ينبغي ، فهذه ابشع حالة يصل اليها الانسان انه يعلم جيدًا انه ظلم نفسهُ كثيرًا .

اجو كالو  الحك مات
ضليت هوايه افكر ياهو ميت!
كالو واحد يخليك تعبان
اذا هيج الوضع عالتابوت اجيت ،
رحت بساع وشفت اهواية ناس
لكيت الوجوه دموع وتراب عللعبايه
سألت شلون مات كالو مرض بالراس
كلت بس لا صدك هاي النهايه!
ضليت ايام خايف بس لا يموت!
وضل ابجي بجي مثل النثايه
وضل ساعه احتار وساعه محروك
واروحن ركض خاف جنازه جايه
ومن صارت صدك كلت باجر تهون
شهور ابيتنه اسمع نعي الملايه
اذا بينه بخت ترجع تمر للبيت 
ولتكول اني ميت ضم هلحجايه

متندم بكد ما عشكته..
حيل اناني وماعرف علته..
كره يمشي بدمه مبينه شغلته..
ويكسر گلوب الناس هايه مهنته..
ومن شفته تندم وحيل موجوع..
جبرني فضولي اشوف سالفته..
شفت حزن والم واهات ودموع..
شفت وجه متروك والفرگه كاتلته..
شفت واحد حزين وكاتله الحرمان..
شفت واحد امهل وخلصانه مهلته..
شفت بيده جكاره وكاضيه سهران..
شفت وجه مهموم وبجيه حاصرته..
شفت لمحه فراك وشخص خسران..
شفت واحد تعيس احزانه حاضنته..
شفته مكسور ويمشي وسط الناس..
شفت واحد هجر بيته وعاف عائلته..

-اني

لهسه صواب زعلك حار بينه،
وطبيب الطيب السل حار بينه
عفتنه واحنا لاجلك حاربينه،
اهلنا ولا كلت فشله وخطيه،

وبجتف مخلوع وانت طارحتني،
امس ويدك بسديه طارحتني،
يريت امي بشهرها طارحتني،
ولا اعيش واشوفك خنت بيه،

وشعلامك زمزم عيونك يريته،
بوكت يبجي المزعلك يريته،
بجيت وكلبي من عرجه يريته،
وشطت شوطه يتيم بمغربيه،

اما ناوي تبطل الزعل ياهيل،
ترف ياعود عنبر مسيج ياهيل،
وعلي من جنت بالكاروك ياهيل،
وانا مناغاك يلعب لعب بيه،

وصدى صوتك يدك بالراس ويران،
بعقلي وكلبي من فركاك ويران،
حرب صدام ثمن سنين ويران،
رضت وانت على زعلك ذاك بيه،

وترا عيونك دوه لخلكي وانومي،
شحيح وطيفك يغري وانومي،
هنا يل امك لاهيه بشعرك وانومي،
كل ليله بضريح تبات بيه،

واجه يطكني واخوته حاجبينه ،
واسمعه يكول مالك حاجبينه،
خزرني وسيف صارن حاجبينه،
وصرت مثل الصنم من هد عليه،

هواي حجي ومنين راح ابديها،
شغلات ترا ما داعي تسويها،
تتأخر بردك شكو!
ادري الرساله بيه لغه
وكاعد تترجم بيها!

اني بلايه مشاعر هيج صاير،
و لياليي بعدك كاضيه حاير،
انت بشفتك الورديه والالوان
واني بشفتي دخان الجكاير،
وانت تطلع وكاضيه سهران
واني ماطلع من البيت صاير،