پښتو شعرونه ټولګه ①
هیله ده چی راسره مل اوسی
وخت په وخت به نوی شعرونه
درته نشر وو إن شاء الله
{ الْحَمْدُ لِلَّهِ حَمْدًا كَثِيرًا }
- تواصل ، إعلان، @alim761
Last updated 4 days, 1 hour ago
اضغط على #انضمام لتشرفنا 💞🥝
• القناه الرسميه على التليجرام التقليد لا يعنينا🎞🖤
𖤐| صور📷.
𖤐| عبارات🗞.
𖤐| خلفيات كيوت🧸.
𖤐| ستوريات سوداء🖤.
• تواصل معي |~| للاعلانات،تمويلات |~| رابط القناة
@P_8_D - @ssGoo - @GGG_SG
• الحمدلله قبل كل شيء 🙏
Last updated 1 month, 1 week ago
غـــزل
ستا به زده نۀ وي، واپسي د بیا راتللو هنر
مـاسـره نۀ شته یـاره ستا د هـیـرولـو هنر
زړه ماتولو هنر څومره دی عام شوی دلته
په چا کې نۀ شته دی د زړه د رغـولـو هنر
څومره دې اوويل اسان لاړ شه د تل لپاره
پاتې مې ندی زړه کې نور د غـږیـدلــو هنر
خیر دی پروا نۀ کړي یتیم په ژړیدو وي عادت
راسـره نـۀ شته لڪه ستا د خندیدلـو هنر
تۀ په زړه کلک یې لکه زما دغسې نۀ یې یاره
لـرې په شـونـډو ڪښې انکار او د رټلـو هنر
زما په مینه صداقت پورې خندا دې وکړه
وس فائـده نۀ لري د بیا را ستنیدلو هنر
ما "نظام" هر وخت په اخلاص د مینې لاس در کوو
په تا ڪښې نـۀ وو ای مغروره د نیـولـــو هنر
نظام
پښتو شعرونه
غزل
ته لاړې او زه پاته پېښور غوندې يوازې
په اوښکو سترګې وینځم مهاجر غوندې يوازې
ته لره پښتنه يې خو ښۀ کلکه بې وفا يې
زه بر ولاړ کابل يم مرور غوندې يوازې
د درد، هِجر، بېلتون ټول اسرائیل دي سره يو سي
حماس زړۀ مې ور وړاندې سي لښکر غوندې يوازې
ستا سترګې لکه ټوله عربي نړۍ مړې، مړې سي
زه دنګ فلسطین ودرېږم نر غوندې يوازې
هغسې خو دوی هره فارموله د رنځ راښيي
خو درد باندې مې تۀ پوه يې ډاکتر غوندې يوازې
يادونه دي يرغل لکه ټلواله د ناټو کړي
او زه پاته طالب سم زړور غوندې يوازې
غمونه دي د هند سمندر غر غوندې څپې سي
ارام يې شفاعت کړي قلندر غوندې يوازې
شفاعت ريحان
پښتو شعرونه
غزل
پلونه بدرنګ مه پریږده ښکلی ، تېر شه
خلک لا نۀ دي ویدۀ غلی ، تېر شه
چې دوښمنان دې پۀ هوا تېریږي
تۀ پۀ روانو اوبو پلی ، تېر شه
د لارې ستړي ملۀ دې ویښ وساته
هرې نقطې ته دریدلی ، تېر شه
چې قیامتونه دې قامت وۀ نۀ خوري
زخمونه وتړه اوبدلی ، تېر شه
د ګړنګونو پیریان وۀ ترهوه!
پۀ چوپو لارو غږیدلی ، تېر شه
لۀ مبارک جرم دې مه تېریږه!
اوس یې لۀ هر عذاب وتلی ، تېر شه
شاکر داوړه! پۀ لمړي ځل داسې
لکه یوځلې چې وې تللی ، تېر شه
شاکر داوړ
پښتو شعرونه
غزل
له اوښکو سره توی مې شي باڼه چې ته رايادشې
سينه کې راته ؤخوږېږي زړه چې ته رايادشې
داستادحجردښته کې پريبلو پښو روان يم
پښو کې مې شي بند اغزي تيره چې ته رايادشې
دزړه له اخلاص ډيرې دوعاګانې درته وکړم
په هروخت کې بياوروسته له لمانځه چې ته رايادشې
اې مابه پرملامات کړي نوريې وړلې اشنا نه شم
اخ زور دې ياره ډير دبلتانه چې ته راياد شې
بيګاشپه دې ناڅاپه په مجلس کې نوم چايادکړو
له خولې مې اسويلي را ؤ واته چې ته رايادشوې
بيتا دژوند په ستړې لاره پاتې شوم جانانه
نور څه کوم اشنا په ژوندانه چې ته راياد شې
زمابه بدرالدين ځلانده هيچرې هيرنشې
اويادبه دې کوم هره شيبه چې ته رايادشې
ځلاند
پښتو شعرونه 822
غزل
ګونګ تصویرونه دي اوزه يم شپه ده
دچایادونه دي او زه يم شپه ده
چاته مې هيڅ ویلي ندي ياره
داستاغمونه دي اوزه یم شپه ده
دسمال مې اوس لامبلی ؤيې ګوره
اوښکې رودونه دي اوزه يم شپه ده
کوي ترخې څړيکې په زوره زوره
سوي زخمونه دي اوزه یم شپه ده
بس عجیه وختوته پاتې یومونږ
مات ټول لوضونه دي اوزه یم شپه ده
دچاد درد چيغې څوک نه اوري اوس
کاڼه غوږونه دي اوزه یم شپه ده
پرچا کو لی اعتبار نشو نور
داسې وختونه دي اوزه يم شپه ده
ځلانده بیا دې پرزړګي لکه چې
بل سره اورونه دي اوزه یم شپه ده
بدرالدین ځلاند
پښتو شعرونه 821
وړی دی
خوند دزندګۍ مې اوبو وړی دی
ژوند مې پر اوږو بار لکه مړی دی
بخت ده امازون ځنګل کې ورک مرغه
زړه ورپسې وګرځیدی ستړی دی
زړه مې مکمل ددردو ځاله ده
نه چې دیادونو صِرف غړی دی
خامخا یو ورځ به مې ساه بنده کړي
غاړه کې مې بند دهجر پړی دی
ښار کې دغمونو بلد هرڅوک وي
ستا دلرېش بیخي پکښې ځانګړی دی
دلریش
پښتو شعرونه 820
غــــزل
د ژوند سوا، په هر څه کي ماهره زمانه ده
په دا خو خلګ وايي چي اخره زمانه ده
بل هر څه رانه ورک شولو حتٰی خپله سایه هم
یوه په دغه سخته کي حاضره زمانه ده
ته وګوره کېدی شي ستا په دغه خیال کي فرق وي
نه زه یم کافر شوی نه کافره زمانه ده
هنداري ستا پر دوو اړخونو، دی هم داسي وایي
باطنه زمانه ده او ظاهره زمانه ده
نایاب یې کړم نایاب یې کړم نایاب یې کړم له ځانه
په سترګو کي یې څه رنګه نادره زمانه ده
زه څه یم او دی څه دی او آ بل آ بل آ بل هم
روانه خو فقط ستا له خاطره زمانه ده
سیرته! نو سندري خو هم دا راباندي وایي
شاعر به شاید زه نه یم شاعره زمانه ده
عزیزی سیرت
پښتو شعرونه 800
{ الْحَمْدُ لِلَّهِ حَمْدًا كَثِيرًا }
- تواصل ، إعلان، @alim761
Last updated 4 days, 1 hour ago
اضغط على #انضمام لتشرفنا 💞🥝
• القناه الرسميه على التليجرام التقليد لا يعنينا🎞🖤
𖤐| صور📷.
𖤐| عبارات🗞.
𖤐| خلفيات كيوت🧸.
𖤐| ستوريات سوداء🖤.
• تواصل معي |~| للاعلانات،تمويلات |~| رابط القناة
@P_8_D - @ssGoo - @GGG_SG
• الحمدلله قبل كل شيء 🙏
Last updated 1 month, 1 week ago