Last updated 1 month, 1 week ago
Романтика спортивного образа жизни
Курсы тренировок и индивидуальные программы тут
https://recomposition.site
Реклама the.volefirenko@gmail.com
Last updated 1 month, 1 week ago
Кегий долаш мархаш даьстач,
Гlад а ухар массахан.
Гlайгlа яхьаш lадика ювца,
Гарга кхаьчаб Рамадан.
Иманаш вай хьал а дизза,
Вай дын мишттад - гойташ сурт.
Уж вай бlаргаш хих хьалдизза,
Д1абодаш ба мархий бутт.
Б1аргцlацкъамаш да са тlуна,
Са къамарга эттаб шод.
Уйлаш хьувза корзаг1яьнна,
Д1абахарах мархий бутт.
Мархий бутт - са дог да ч1ехкаш ,
Хьал диззад 1а са иман.
Хала да сона хьоца къоасташ,
1адика хийла хьа Рамадан.
Автор: Адам Торшхоев / @yoazonho
Т1уна - влажные
Дека къона дог, хьо дека,
Ла магарах моллаг1а оап.
Наьха 1оттар т1аийьярах,
Шеко йоацаш йоаг1ар топ.
Г1атта додача оалхазарах,
Боаккхаргбац-те аз-м бехк.
Хьогара г1алат далларга хьежаш,
Царгаш хьекхаш ц1енаю т1ехк.
Лепа къона б1арг, хьо лепа,
Хьайна гой а ирча сурт.
Хьарамчох са хьоа лорабелахь,
Дог1алца са ц1и латта чурт.
Дека къона са, хьо дека,
Хьайга доллачох хоастам беш.
Автор: Адам Торшхоев / @yoazonho
Дlа ма хецалахь са кулг, ва Нáна,
Дlа ма хецалахь са са.
Миштта вахаргва хьох ваьнна,
Хьо ца хилча дийце къа.
Дlа ма хецалахь са пlелгаш,
Цу чу а лела хьона къона цlий.
Klаьдача кулге йlовхал йоацаш,
Отта ма елахь сона вий.
Ва, са Нáна, дега lоткьам,
Венна дlаваллалца хала никъ.
Хlана байтар хьайх сога кодам,
Хlана дайтар ер цlий дикъа.
Дег тlа зарба тохача санна,
Цу тlа-м йитар lаьржа лар.
Хьона гlо де малайк хила,
Хьамсара Нáна, дац са кара.
Дуlашца хьо ехаш вайча,
Лургда сона Дала жоп.
Цхьаlа-м хов сона, ва са Нáна,
Дуне дар lа сона-м готта.
Автор: Адам Торшхоев / @yoazonho
Сериал: «Красные бутоны»
Цlаккха дицлургдоаца къаьра, lаьржа, балан ди - 23.02.1944💔
——
Десткий сад ГБДОУ «Жемчужина» с.п. Сагопши, подготовительная группа «Светлячки» – воспитатели Мержоева Д. И. / Мержоева А.И.
——
Къахетаме волча Дала беркате йолаш, ираз, аьттув даим уллув болаш кхуйла вай ер тlехье! Тахан ер ди дицденнадоацарг дlа а хайташ, цу берашка из хьокхам байтарах хьалха лаьттачарна Даьла раьза хилва, диканца Дала бекхам болба🤲
Безам ба са хьаста дог,
Бакъда лоархlавац.
Хьо йолча аз лувза ког,
Тешаме бий хац.
Безам ба са йlовхал тел
Дега, денна, бусса.
Хьатlаяллалца ахчан къел,
Хьона ле зизай курс.
Безам ба са се дог ле,
Амма тешам бац.
Дуссаргдий хьох яхаш къе,
Из мара уйла яц.
Безам ба са, безам ба,
Ваха ираз долаш.
Хало ла а кийча ва,
Цох а раьза волаш..
Автор: Адам Торшхоев / @yoazonho
Хьа оамало сийг а телаш,
Из хьа сибат духьал латта.
Кхычарца иштта lимерза волаш,
Сона ховш, ди а денадац.
Беттал сийрдагla елакъажар,
Хlанз-м дега хьамсара да.
Хьо кхычарна бlара ца хьажар,
Дега доаккха совгlат да.
Саг цец валлал, тамашийна,
Из хьа хала оамал лов.
К1орда ца деш хlара денна,
Зизайх дуззаргда хьа ков.
Хала оамал аз ловш хилча,
Дунен тlом ла хала дац.
Цу тlем тlа хьо моасстагl хилча,
Хьона герз тоха могаргдац.
Автор: Адам Торшхоев / @yoazonho
Last updated 1 month, 1 week ago
Романтика спортивного образа жизни
Курсы тренировок и индивидуальные программы тут
https://recomposition.site
Реклама the.volefirenko@gmail.com
Last updated 1 month, 1 week ago