Хьо йоацачарна ираз гац,
Ираз да хьона са-м.
Хьо дlаялча мара бац,
Бе безаш бола хам.

Хьо я дунен йlовхал,
Сона массахана.
Хьо ца хилча шелал,
Хьамсара йола Нáна.

Хьо йоацачар дуне,
Ирча хургда - теш.
Даьлага хьоаставале,
Дуla до хоастам беш.

Хьо йоацачар хийла,
Бlаргех лийгад хиш,
Дега йолаш шийла,
Гlийла узам беш.

Кхайкача нáна йоацаш,
Могаргдий хьогl ла.
Цlаккха из хургдоацаш,
Ловргдар шийла la.

Лорабелаш ноаной,
Уж вайна беннаб Дала.
Цар оаша дегаш хьесташ,
Даим хоза дош ала.

Автор: Адам Торшхоев / @yoazonho

18.10.24

Всё, бийса даькъала хийла😂

Кхычарех яц тара,
Кхеллай хоза Дáлла.
Деррига хулац кара,
Дег чурадар áла.

Адам Торшхоев

Майра аьрзи санна,
Хьо яьккха са кхийра.
Говза цхьогал хинна,
Хьа дог lехадир.

Адам Торшхоев

Гlатта лела лаьча санна,
Дег чура чloaгlo яь,
Iа-м са дог а, корт а цхьана,
Дихьад къоал а даь.

Адам Торшхоев

Сийна сигала тара,
Дола бlаргаш хьа.
Безачарга мара,
Ма лекхалда lа.

Адам Торшхоев

Пᴏᴄᴧᴇ ᴛᴏᴦᴏ, ᴋᴀᴋ ᴛы ᴨᴏᴋинᴇɯь ʍиᴩ, ᴛᴇбя будᴇᴛ иᴄᴋᴀᴛь ᴛᴏᴛ, ᴏ ᴋᴏʍ ᴛы ɜᴀбᴏᴛиᴧᴄя, дᴀʙᴀᴧ ʍиᴧᴏᴄᴛыню, ᴛᴏᴛ, ᴋᴏᴦᴏ будиᴧ нᴀ нᴀʍᴀɜ, уᴛᴇɯᴀᴧ ᴄᴧᴏʙᴀʍи, дᴇᴧᴀᴧ ᴄᴋᴩыᴛнᴏ нᴀᴨᴏʍинᴀниᴇ, ʙᴄᴛᴩᴇчᴀᴧ ᴄ уᴧыбᴋᴏй нᴀ ᴧицᴇ и иᴄᴋᴩᴇннᴇ ᴧюбиᴧ.
ᴛы - ᴨуᴛниᴋ ʙ ϶ᴛᴏй жиɜни, ᴨᴏ϶ᴛᴏʍу будь ᴛᴇʍ, ᴋᴛᴏ ᴏᴄᴛᴀʙᴧяᴇᴛ ᴨᴏᴄᴧᴇ ᴄᴇбя ᴋᴩᴀᴄиʙый ᴄᴧᴇд.

yᴏᴀzᴏnhᴏ

Ꮯᴀᴦᴏᴛдᴇᴩᴀх ᴛlᴇᴩᴀ ʍᴀ хиᴧᴀᴧᴀхь, ʙᴀй ᴋхᴇᴧᴧᴀ, ᴋхᴏᴀбᴀɯ, ᴧᴇᴧᴀдᴇɯ ʙᴏᴧᴀ дᴀьᴧᴀ ʙᴀйцᴀ ʙᴀ хьᴏнᴀ✨**

yᴏᴀzᴏnhᴏ**

ДагадоагӀий шоана вахар,
ДагайоагӀий хьамсара ха.
Шоайла Ӏимерза мишта бахар,
Доахаш дег чура га.

КӀаьда кулгашца ольгаш,
Дотташ хинна йола ха.
Лакха нийсдаь латта маьнгеш,
Доахаш паргӀата цар са.

КӀувса бӀарахьежаш тхьувсаш,
Мерза наб вайна кхийтта ха.
Пишка чу дахч чутувсаш,
Дохьадеш шийла цӀа.

Керда яьккха шур а кӀолд а,
ГӀад а ухаш йиа ха.
Белхаш де аьнна гулалуш войла,
Доттаргдолаш цхьана цӀа.

ДагайоагӀий кӀерам сегаш,
Дерригаш вай даьгӀа бийса.
Дага ца доагӀе шеко йоацаш,
Хиннад вахар шуна-м даьсса.

Автор: Торшхоев Адам / @yoazonho

22.11.2022

Дагайоаг1ий шоана уж ханаш?

Хьо кхычарца къувсаш-тlом беш,
Човнах бизар аз сай кер.
Тахан хьа дош моастагl хилча,
Лехаргйий хьогl дего чlир?

Сай оамалаш хьога аз йийцача,
Хьалбузарий дега-гlув.
«Ваьраз хиннай» дего аьлча,
Буаргбар аз йоацалга, дув.

Тешам дега ха деш санна,
Эттар гойташ къиза кхел.
Ховш даларе хlара денна
Тохаргба аз, уйлашта цел.

Хьо кхычарца къувсаш-тloм беш,
Човнах дизар аз сай дог.
Са дог дохадаьдий цаховш,
Маьрша боаккхалургбий ког?

Хьо кхычарца къувсаш-тlом беш,
Човнах йизар аз сай тlехк.
Тахан лелий а елакъажаш,
Кхоана ма бакхаллахь сох бехк.

Автор: Адам Торшхоев / @yoazonho

Чlир - месть;
Дега-гlув - колодец сердца;
Ваьраз - предатель;

1.07.2023