Erkinlik = Imkoniyat - Majburiyat

Man uchun eng muhum qadriyatlardan biri bu erkinlik.

Maksimum erkinlik uchun maksimum imkoniyat va minimum majburiyat kerak bo'ladi.

Katta korxona rahbarida katta imkoniyat bor lekin majburiyat ham katta bo'lganligi uchun, u o'zini erkin hisoblay olmaydi.

Xuddi shunaqa biror katta majburiyat olmagan xodim katta imkoniyati bo'lmaganligi uchun ham o'zini erkin deyolmaydi.

Savol: Qanday qilib majburiyatni cheklab imkoniyatni oshirish mumkin?

Agar siz ham erkin bo'lishni istasangiz, unda shu tepadagi savolga javob izlashni boshlang.

Ilgari "Problem-solving" eng muhum soft skillardan deyishsa, tushunmardim.

Muammoni yechish bu hammada bor ko'nikma deb o'ylardim.

Oxirgi 1-2 oy fikrimni o'zgartirdi.

Hamma ham muammoni yechish ma'suliyatini zimmasiga ololmarkan.

Ba'zilar bu ma'suliyatni boshqalarga yuklashadi. Ba'zilar majburiyat qilib yuklangandagina, muammoni yechishga harakat qiladilar.

Lekin haqiqiy ko'nikmaga ega insonlar, muammoni ham yechimni ham o'zlari topadilar.

Shunaqa insonlarga ehtiyojimiz bor!

Vaqt nisbiy tushuncha.

Esimda, Ingliz tilidan dars berib yurgan vaqtlarim, 1 yil qanday o'tib ketganini sezmay qolardim. Xozir eslasam ham huddiki 1 oy muddatdek tuyuladi go'yo.

2023, Avgust - Fevral oylari, aslida bor yog'i 6 oy, lekin kamida 2 yilni yashagandek his qilaman shu 6 oy ichida.

Vaqt atrofimizda sodir bo'layotgan hodisalar, yangiliklarga qarab nisbiy bo'larkan.

Agar bir xil ishni qayta qayta bajarib, shablon hayot kechirsangiz, umringizni 1 oyda yashab qoygandek his qilarkansiz.

Agar doim sarguzash, yangilik, yangi tanishlar, yangi bilimlar orttirish bilan band bo'lsangiz, 1 oylik muddat ham uzoqroq tuyulishi mumkin ekan.

Oxirgi oy masalan 10 kun Turkiyada bo'ldim, 2 kun vodiyda, dacha, peregavorlar bilan bo'lib, yana bir 2-3 oy yashavordimov.

Urush

Insonga inom etilgan eng qiymatli ne'matlardan biri bu aql, tafakkur qilish imkoniyati.

Aynan idrokimiz bizni boshqa mavjudotlardan farqli qildi, darajamizni ko'tardi.

Taffakur ila biz dunyo va oxiratimizni obod qila olamiz.

Lekin, hozirgi zamonda aynan tafakkur qilish qobilyatimizga hujum boshlangandek go'yo.

Yoshlarga nazar soling. Tanasini Fast Food bilan, miyasini Tik-Tok bilan, ruhini har xil video o'yinlar bilan band qilgan bu avloddan yetuk tafakkur egalari chiqishiga ishonmayman. Balkim "Zamonaviy Manqurtlar" armiyasi yetishib chiqayotgandek. Taqlidchi, o'z fikriga ega bo'lmagan va zaif avlod.

Tanamiz, miyamiz va ruhimizni nima bilan oziqlantirayotganimizga ehtiyot bo'laylik. Ora orada boshimizni ko'tarib orqa oldinimizga nazar solmasak, hayot qanday o'tib ketganini ilg'amay qolamiz.

Bizga yana qanday "zamonaviy qurollar" bilan hujum qilishyapti deb o'ylaysiz?

Bilamiz lekin amal qilmaymiz?

Sababi nima?

Irodasizlikmi? Beparvolikmi?

Fikrimcha, maqsadsizlik.

Nega?

Chunki maqsadimiz tomon bizni yaqinlashtiradigan har bir resursdan, shu jumladan har bir ma'lumotdan qo'limizdan kelgancha foydalanamiz.

Bahor mavsumi uchun kiyim olmoqchi edim. Bir do'konda katta chegirma bo'layotganini eshitdim. Darhol borib, bu imkoniyatdan foydalandim.

Ozishni niyat qildim. Internetni chuqaladim, va ozishga yordam beruvchi bir nechta postlarni o'qidim. Ertasiga amal qilishni boshladim.

Agar har bir ilmni aniq bir maqsad yo'lida olar ekanmiz, albatta undan foydalanamiz, amalda qo'llaymiz.
Siz nima deb o'ylaysiz? Bilib amal qilmaslikning sababi nima?

Dunyo qarashni kengaytirish

1. Dunyo qarash nima? Keling tarkib qilamiz.

Dunyo - olam, bizni o’rab turgan atrof.

Qarash - Bizning nazarimiz. Ingliz tilida “Perspective”.

Dunyo qarash demak bu atrofga nazar.

2. "Dunyo qarashi keng" nima degani?

Kengaymoq - o’lchovda oshmoq. Hajmi, soni, uzunligning oshishi.

Demak, atrofga 1 emas, undan ko’p “ko’z” bilan nazar sola olgan insonning dunyo qarashi keng desak bo’ladi.

Tushuntiraman, bir hodisaga nafaqat o’zingizni ko’zingiz bilan, balkim shu hodiasada qatnashganlarning har birining ko’zi bilan nazar sola olishingiz bu dunyo qarashingiz kengligidan dalolat.

Qisqasi, O’zingizni atrofdagilar o’rniga qoya olishingiz.

3. Qanday kengaytiramiz?

- Turli xil insonlar bilan muloqot qilasiz, ular dunyoga qanaqa qarashini o’rganasiz.

- Romanlar o’qiysiz chunki romanlarda bosh qahramonlarning nazari bilan ko’rish imkoniyati bor.

- Sayohat qilasiz. Sayohat qilsangiz boshqa millatlarni qarashini o’rganasiz.

Shunaqa gaplar.

Endi savol sizning dunyo qarashingiz kengmi yoki tormi?

Ilmsizlik 2.0

Ilgari aksar insonlarda ilm olish imkoniyati bo’lmagan.

Kitoblar soni cheklangan, madrasalar pullik va cheklangan miqdordagi o’quvchilarni bir vaqtda o’qita olgan.

Xozirga kelib esa ilm olish uchun hech qanday chegara mavjud emas.

Hozir hamma “aqilli”, nima qilish kerakligini bilishadi.

LEKIN, bilganlariga amal qilishmaydi. Nima qilishni bilishadi, lekin qilishmaydi.

Sababi oddiy.

Nima qilishni bilish yetarli emas, nega qilish kerakligini tushunish kerak.

Nima qilishni bilish, nega kerakligini tushunish va qanaqa qib qilishni sinab ko’rib o’rganish kerak.

Think big, Act small.

Shaxsiy rivojlanishda, ishda va munosabatlarda ham shu prinsipga amal qilish tavsiya qilinadi.

O'zingizga orzu qilishga qo'yib bering, lekin kichkina qadamlar bilan harakatni boshlang.

Katta orzularga berilib ketib, katta qadam tashlab qoymang.

Sekin, kichkina qadamlar bilan maqsad tomon borish - eng tez yo'l.

Crawl, Walk, Run. (Emakla, Yur va Yugur)

Lekin orzu'da ayb yoq. Kattaroq narsani, ko'prog'ini istang, orzu qilavering. Harakatni esa kichik qadamlar bilan boshlang.

#prinsip

2024-yil oxiriga borib, o'tgan yilga (2024)ga nazar solib, o'zimga o'zim xat yozdim.

"Kelajakga o'tmishdan xat!"

O'qib chiqdim va ruhlandim. Agar ruhlanmasam, demak maqsadlarim o'zimniki emas

Sinab ko'ring. 10-20 daqiqa vaqtingizni oladi