@hazelbooks

“O’zgaribsiz” deysan. Bo’lishi mumkin:
Axir boshdan oyoq o’zgaradi dunyo.
Odam, havo, tuproq avvalgidekmas.
Menda o’zgarishlar bo’lmaydimi yo?

Oqibatni ko’mdik oxir-oqibat,
Huquqlar haqida kimdir chertar soz.
Hov issiq yurtlarda polaponlar och,
Mening esa sochim to’kilgan bir oz..

Go’daklar, go’daklar, ma’sum go’daklar,
Baliqqa aylanib ketdi qanchasi..
Ertalash, zartalash - saraon -sargardon
erta manziliga ketdi qanchasi..

“O’zgaribsiz”, deysan. Ha, men o’zgardim:
Diydam qotdi qancha, kechdim ro’yodan.
Sahroyi Kabirga qor yog’di, axir,
O’zgarmay bo’larmi shunday dunyoda?!

O’zgardim. Sezibsan. Avvalgi “Men” yo’q,
Ishga ko’milganman ertadan to kech.
Muztog’ erimoqda, men xudbin esa,
Onamni ko’rgani vaqt topmayman hech.

Mayli, hayron bo’lma, hammasi yaxshi
Hech kimning aybi yo’q – o’zimdan ginam.
Ko’p narsa o’zgardi, to’g’ri va lekin
Mehrim o’zgarmadi senga birgina..

#MuslimMirzajonov
@hazelbooks

Dostoyevskiy bilan suhbatlashgim keyabdi?