Юқори инстанция судларидаги иш берувчиларнинг апелляция, кассация ёки тафтиш шикоятларини қабул қилишдаги энг катта хатолардан бири, ходимни бошқа бир лавозимга тиклаш ҳақидаги буйруқлар илова қилинса ҳам, шикоятларни иш юритувга қабул қилиниши бўляпти.

Амалиёт кирадиган жойига кириб кетяпти ўзиям.

👉@yuristkadr

Юридик марказлардаги дўстларимизга!

Адлия бўлимлари таркибидаги Юридик марказларда фаолият юритаётган ака-укаларимга маслаҳат, ҳушёр бўлинг.

Меҳнат шартномасини бекор қилишга оид нотўғри буйруқларни "ўтказиб юборяпсиз".

Аччиқ бўлса ҳам айтаман, ана шу хато буйруқлар ортидан чиқадиган ишга тиклашга оид суд қарорларининг ундирувлар қисмига сиз ҳам жавобгарсиз.

Бошқа буйруқлар лойиҳаларида етти ўлчасангиз, ишдан бўшатишга оид буйруқларини юридик кўрикдан ўтказишда, ЕТМИШ ЎЛЧАБ БИР КЕСИНГ.

Низоли буйруқлар лойиҳалари келганда "тезлаштириб беринглар" дейдиганларга "пошёл" денг керак бўлса.

👉@yuristkadr

Ходим ташаббусига кўра вақтинча бошқа ишга ўтказишда бизда ўқишиз мумкин бўлган фикрлар.

Меҳнат кодексининг 142-моддасида кўрсатилган ҳолатларда ходим ташаббус кўрсатса, иш берувчи уни ватқинча бошқа ишга ўтказиши шарт.

МК 142-моддасига кўра ходимнинг вақтинча бошқа ишга ўтказиш тўғрисидаги илтимоси, яъни унинг мурожаати иш берувчи томонидан қуйидаги узрли сабабларга кўра қаноатлантирилиши лозим:

1. Қайси тиббий хулосага мувофиқ ходим соғлиғининг ҳолатига кўра вақтинча енгилроқ ёки ноқулай ишлаб чиқариш омилларини истисно этадиган ишга ўтказишга муҳтож бўлса, ўша тиббий хулосанинг мавжудлиги;

2. Қайси тиббий хулосага мувофиқ ҳомиладор аёл вақтинча енгилроқ ёки ноқулай ишлаб чиқариш омилларининг таъсирини истисно этадиган ишга ўтказишга муҳтож бўлса, ўша тиббий хулосанинг мавжудлиги;

3. Икки ёшга тўлмаган боласини парваришлаётган ота-онанинг бири (васий) томонидан аввалги ишини бажариш мумкин эмаслиги;

4. Узрли сабабларга кўра ходим илтимос қилган ва бундай иш иш берувчида мавжуд бўлган бошқа ҳолларда.

Агар ходим вақтинча ўтказиладиган бошқа бўш иш ўрни бўлмаса нима бўлади?
Биринчи ҳолат. Меҳнат кодексининг 151-моддасига асосан “тиббий хулосага мувофиқ соғлиғининг ҳолатига кўра тўрт ойгача муддатга вақтинча бошқа ишга ўтказишга муҳтож бўлган ходимни ўтказиш рад этилганда ёхуд иш берувчида иш мавжуд эмаслиги муносабати билан бундай ходимга тегишли ишни таклиф этиш мумкин бўлмаганда иш берувчи ходимни ишдан четлаштиради. Иш берувчида ходимга таклиф этиладиган ва унинг соғлиғига тўғри келадиган бўш иш бўлмаса, ёки шундай иш бору, бироқ ходим таклиф қилинган ишни рад қилса, у МК 151-моддасига асосан вақтинча ишдан четлаштирилади. Бу бўйича ходимни вақтинча ишдан четлаштириш ҳақида буйруқ чиқарилади ва четлаштирилган даврга ходимга иш ҳақи тўланмайди.

Иккинчи ҳолат. Меҳнат кодексининг 394-моддаси иккинчи қисмига кўра “ҳомиладор аёлга енгилроқ иш ёки ноқулай ишлаб чиқариш омиллари таъсиридан холи бўлган иш бериш масаласи ҳал этилгунига қадар, у бунинг оқибатида қолдирилган барча иш кунлари учун ўртача иш ҳақи сақланган ҳолда ишдан озод этилиши лозим”. Демак, ҳомиладор аёл ходим тиббий хулоса тақдим этиб, енгилроқ ёки қулайроқ бўлган ишга вақтинча ўтказишни сўраса, бироқ иш берувчи ташкилотда бундай иш жойи йўқ бўлса, токи шундай иш топилгунига қадар аёл ишдан озод этилади ва унга бу даврда ўртача иш ҳақи тўланади.

Учинчи ҳолат. Меҳнат кодексининг 395-моддаси иккинчи қисмида “иш берувчида бошқа иш мавжуд бўлмаган тақдирда, икки ёшга тўлмаган бола парваришини амалга ошираётган ходимга қонунчиликда белгиланган тартибда бола парвариши бўйича нафақа тўланади” дейилган. Демак, икки ёшга тўлмаган боланинг ота-онасидан бири (васий)ни аввалги ишини бажариш мумкин эмаслиги сабабли вақтинча бошқа ишга ўтказиш керак бўлса, бироқ ташкилотда бундай иш бўлмаса, иш берувчи бу ходимни ишдан озод қилади ва унга бола парваришлаш нафақаси тўлайди.

Тўртинчи ҳолат. Тўртинчи, яъни бошқа ҳолатларда иш берувчида бошқа бўш иш бўлмаса, ходимни вақтинча бошқа ишга ўтказиш амалиёти шунчаки юз бермайди. Чунки, МК 142-моддасида ушбу тўртинчи "бошқа ҳолатлар"да вақтинча ўтказиш, ташкилотда бўш иш бўлган тақдирда қўлланилиши назарда тутилган. Бошқа бўш иш ўрни бўлмаса, тўртинчи ҳолат амалга ошмайди. Яъни, муаммо йўқ демоқчиман.

👉@yuristkadr

Сўз адвокат Кулбаевга.

Кўплаб тергов ҳаракатлари учун санкция бериш ваколати прокуратурадан судга ўтди, судларда оқлов ҳукмлари сезиларли кўпайди, адвокатларга кўплаб имкониятлар берилди, жиноят процесси рақамлаштирилди.

Гап йўқ, унда нимага Президент 2017 йилда танқид қилган иллатлар бугунги кунга қадар тугамаяпти, бартараф этилган иллатларнинг яна орқага қайтиши кузатилаяпти?

Бунга жавобан битта нарсани айта оламан: адолатни фақат битта Президентни ўзи таъминламайди, балки Республика даражасидаги рахбарлар ҳамда 14 та ҳудуднинг ҳуқуқ соҳасига масъул юқори рахбарлари бирга таъминлайди!

Бугун битта судьяни пора билан ушлаган опер ва унинг рахбарлари, эртага бутун суд тизимига шу орқали таъсир ўтказа олмаслиги керак!

Бугун битта судьяни қарорини протест киритиб бекор қилаётган прокурор, эртага бутун суд тизимига шу орали таъсир ўтказа олмаслиги керак!

Бугун, креслога ўтирган суд рахбари ўзининг “қўрқоқ”лиги учун қуйи судьянинг одил судловни амалга ошириш фаолиятига таъсир ўтказа олмаслиги керак!

Ё ман, порахўр судьяларни қилмишларини бартараф қилмаслик керак демайман. Аммо, мазкур ваколатга эга ташкилотлар ўзининг шу ваколатидан бошқа судьяларга таъсир ўтказишда фойдаланмаслиги керак.

Қизиқ ишлар бўлаяпти: ҳақиқий айбдор жиноятчи “жиноятчиликни камайтириш” учун жавобгарликка тортилмаяпти. Аммо, айби йўқ инсон “заказ” жиноят иши доирасида қамалиб кетаяпти ёки “пашша"дай айби “фил"дай баҳоланаяпти.

Қачонки жазо муқаррарлиги таъминлансагина - жиноятлар камаяди. Қачонки ҳоким ҳам, дехқон ҳам бир ҳилда жавобгарликка тортилсагина - адолат таъминланади.

Агар мендан кимдир “қачон адолат тўлиқ таъминланади?”, - деб сўраса,

мен: “Адолат фақатгина (ал-Адл – "мутлақ адолат қилувчи" сифати эгаси) Аллоҳнинг ҳузирида тўлиқ таъминланади”, - деб жавоб бераман.

Агарда мендан кимдир “хўп, унда қачон Ўзбекистонда нисбатан яхшироқ адолат қарор топади?”, - деб сўраса,

мен: “Қачонки Ўзбекистонда судларнинг мустақиллиги тўлиқ таъминлансагина адолат қарор топади”, - деб жавоб бераман.

Адвокат Хондамир Кулбаев

👉@yuristkadr

Қизиқ, жуда қизиқ.

ФПК ва ЖПКдан фарқли равишда ИПК ва МСИЮтКнинг бирорта жойида АДОЛАТ жумласи чиқмади.

Ҳмм...

👉@yuristkadr

"Жўжани ёзда санадик".

Бундан 4 ой олдин Тошкент шаҳар фуқаролик судлов ҳайъати судьялари Ж.С, Д.Д ва судья А.Слар томонидан бизнинг ишга тиклашга оид тафтиш шикоятимиз адолатсизларча рад этилган эди.

Бу фуқаро Г.Сулаймоновадан қистов йўли билан ариза олиб, шу ариза билан ноқонуний равишда ишдан бўшатилган иш эди. Ўшанда биз судда қистов бўлганлигини тасдиқловчи асосли далилларни келтирган эдик: айни ўша куни иш берувчи ходимни интизомий жазо сифатида ишдан бўшатиш ҳақида касаба уюшма қўмитасига тақдимнома киритганлиги, яъни ташаббус аслида иш берувчидан чиққанлиги, ариза ёзилишидан 3 кун олдин ходим прокуратурага унга ариза ёзишга қистов бўлаётганлиги ҳақида шикоят киритганлиги, биринчи суд инстанциясидаги суд мажлиси баённомасига кўра кадрлар хизмати ходими ҳақиқатдан ҳам иш берувчи унга телефон қилиб, даъвогар ходим бўшаш ҳақида ариза ёзиб беришини айтгани, лекин ходим келиб ариза ёзиб бермаслигини билдирганлиги каби бир нечта важларни билдирган эдик.

Бироқ, юқоридаги судьялар бизнинг асосли важларимизни эътиборга олмай, тафтиш шикоятимизни рад қилган эди.

Биз каналимиз орқали бунга ўз эътирозимизни билдириб, важларимизни кузатувчиларимиз эътиборига ҳавола қилган эдик ва ҳаммаси Олий судда ҳал бўлишини ва жўжани ҳали кузда санашимизни айтган эдик.

Бугун ўша "жўжани санадик". Фақат шукрки, иш кузгача бормади.

Бугун Олий судда бу иш тафтиш тартибида кўриб чиқилди ва Тошкент шаҳар фуқаролик судлов ҳайъати судьялари Ж.С, Д.Д, А.С ва бошқаларнинг адолатсиз, ғайриқонуний, сифатсиз, чала-чулпа ва бир томонлама тарзда чиқарган қарорлари бекор қилиниб, Г.Сулаймоновани ишга тиклаш ҳақидаги биринчи инстанция суди ҳал қилув қарори ўз кучида қолдирилди.

?@yuristkadr

Telegram

YURISTKADR

Тафтиш суди эътиборга олмаган важларим. Бугун пойтахт фуқаролик судида яна бир тафтиш шикоятимиз рад қилинди. Бу иш гўёки ўз ташаббусига кўра меҳнат шартномасини бекор қилинган ходимни ишга тиклаш иши эди. Ходимга босим, тазйиқ, қистов бўлганини ва буйруқ…