لهم فاطِمه ألطُم
أُمي ونعم الأُم
توگفلي بالتهظُم .. وتسترلي خلواتي

غير أُمي ياهيَ ؟
الزهره تهِم بيّه
خادم كُبرّ فيّه .. وكل خيري دمعاتي

أنه الـ بس يمها يلگه هيبته وروحَه
أنه البس عالزچيه تكبر أجروحه
أنه العايش حياته بدمعته كاشخ
عايف كل شبابه وعايش بنوحـه

عايش شبابي دمعه
ويتمنى كاسر ضلعه .. لأم الحسن

آنه اليگضّي ليله
وجروحه تشتكيله .. وبيها يوّن
….
الكون وعُمق طرحه
تتحكمّه بـ رحّه
أصل النجم سبحه .. تسبيحة الزهرّه

طيش العُمر كسره
وآنه الكُبرّ عُمرّه
بنص عالم الزّهره .. وهالعالم شكُبرّه ؟

رغم كل هذا عاشت هيَ مكسوره
منو الأمه گبر ماعدها ويزوره ؟
غشيم المايعيش ألها مثل فضه
ويخلي أدموعه برداناته منذوره

ماعدها حظره فاطم
ولابد يجيها قائم .. يهدم جرح

أبهر دليله رايح
يبچي بدمعته نايح .. ش گد ينذبح
…..
الماعنده كل مأوى
وبالغُرّبه يتچوه
خـل بيها يتگوى .. وتحلّه موضوعه

ردد لها ماجاء
يارَبِ بالزهراء
تحلوا لها الأسماء .. في حُبها موسوعه

عمت عيني عليها طولها ناحِل
المايعرف قدرها ينحسب جاهل
من گد ما حنينه الزهره بينتها
مو بس للحسين أم حتى أبو فاضل

وأحنه تره بزغرنه
شفنه شكثر محنّه .. من فاطمه

اليعطش بچي يجيها
تروي جرح بديها .. وينسى الضمه
…..
الله ليحرمني
منها ويضل حزني
مُغرم وسط جفني .. ودمعي يصبّح دم

گلبي أنغمس بيها
وراح أبقى أتانيها
أُمي ، أحن ليها .. وكل همي بس هالـ هم

تفز أجروحي كلما ( وأن ) أسمعها
وأنه المايدري ياشوغه اليطلعها
من ذيچ السنه الهاي السنه أدموعي
أضل أذكر مصيبتها وأجمعها

المكسوره مِنْ جبرها ؟
وذاك الجذع عصرها .. بحايط هظم

بس تبقى بأنتظاره
خاطر تتاني ثاره .. يشيل الظلُم
…..
عبد الرحمن حميد الفضلي

ياملح الخيم يبني يمضويلي كل عتمه
ندى وليدي بلهيب الصيف بين بي حليب امه

موعد شروقك بالفجر
ارجع يالمحلي العمر
….
موعد خريف بكوكبك ماچان
موسم ورد وانت گبالي ذبلان
ياراوي گلب امه وباقي عطشان

مالاگ الفگد _ مناطرتك ترد
اللحظه تنولد _ سنين
من عني درت _ بلحضتها متت
واحجيلك صرت _ وين

من روحي أعله روحك كون هاي شويه ريت أكثر
وليد مو فقط عالگاع نسمه بريّتي وتفتر

أمك خاطرها ينكسر
يبني يالمحلي العمر
.....
صارت اگبالي وماحسبت لهاي
مصدر المي وتعطش اعله الماي
ياگمر بس ادور اعله فياي

من عندي انسلب
وليدي والتعب
يامحلى العتب _ اااه
يالب الگلب
حضني مو ترب
هالنوقف صعب _ اااه

يامحلى التعب وياك تعبي فدوة لعيونك
ورد تنزف عطر كلما اجو رادوا يذبحونك

وعطرك على انفاسي يمر
يبني يالمحلي العمر
......
ياضاوي والدنيا عگبك أغروب
مشهد شفت يمه الدليل يذوب
متعوب يركض يحضن المتعوب

وكاسرهم الم
بي خط القلم
حاچوا البالخيم .. راح

ضوه عيني طفى
وكل حلمي اختفى
وكل دمعي أنچفى .. أجراح

ياعيني الاشوفن بيك واتباها على الدنيه
مو حالت وداع وياك عوف اوداعك شويه

وگلبي انكسر ماينجبر
يبني يالمحلي العمر
.....
بالخيمه عطرك ضل يجي ويروح
عايش تضل بيه حتلوا مذبوح
الحب حلاته لو بدأ بجروح

لو صار العشگ_ ويبدي من صدك
بالدم ينسبگ _ تشوف
دربك كله حب_ ومحلاته الدرب
من اتلوح الگلب _ سيوف

الحب مستوى كل انسان يفدي دم لليحبه
واليعطش عشگ يرويه عشگه العايش بگلبه

فدوة للزنود السمر
يبني يمحلي العمر
.....
من تنشد الدنيا تنتهي وين
محلى الختام الينتهي وي حسين
وهي المواقف كلها دين بدين

موقف للملا _ بي شانك عله
يسوى بكربله _ يصير
عفته الوحدة _ ضل بين العده
يومك موعده_ يحير

يمحلى الموقف وي حسين تخلص دنيتك يمه
ولو عندي ولد غيرك فدوة لعين ابو اليمه

وهايه نهاية كل صبر
يبني يمحلي العمر
….
عبد الرحمن حميد الفضلي

عِندما رّجعت مولاتي زينب ص مع الضعن الى المدينه رأت مولاتي العليله واقفه ملهوفه على باب الدار قالت ..

يالمنتظره أبوچ أباب الجروح وبگليبچ جرح حاط
چبيره الفاتحه واليلطم يطيح بدينه تعيش السياط

أسمعي يالعليله الخبر موزين
أجينه بس بقى مذبوح الحسين
___
أسولف مقتل أحلامي قنوتي بنبره من الويل
دعيت من الخيم للتل وأجاني حسين ويه الخيل
شافوها الگبل چانت ماشايفها حتى الليل

لمّن فگدته وسافر الراي
ميت حسين وگام وياي
ينزف عطش وآنه أركضت ماي

ولگيته من الخيول هواي تعبان ردت أسگي بالدموع
بس مايشرب المي ميت حسين أبوچ هواي موجوع

موبس النحر گطعوله چفين
أجينه بس بقى مذبوح الحسين _ركضت وحيلي مابي حيل وأخ من الگلب هدّت
أطلعت مثل الضوه بنص ليل وصاحوا بت علي طلعت
أخيول الأعوجيه هواي وكلها بصدره أجت عثرت

الباقي ثلثتيام عطشان !
بطوله الخيول تسوي نيشان
حسين مغطي گلبه شفت تربان

الحرمه التنولي حرمتها تنهاب بس تذبحها الجروح
صوتي ماطلع أبچي بلا صوت بس أگليبي مذبوح

مقتل كامل أحچيلچ تسمعين
أجينه بس بقى مذبوح الحسين __خذونه من الهوه للموت وصعدونه أعله ضهر النوگ
مچتوفات أدينه بنار وكل چف حرمه ضل محروگ
الماتدخل مضيف الدار أخت حسين طبت سوگ

السوگ وأحنا ماكو مقياس
سألوني كِلهم أسمع الناس
زينب وحيده وينه عباس ؟

يعمه وحگ عينچ ضيجة السوگ وحدها أطلبت ثار
تخيلي أحنه نسوان وتجي الناس علينه تشمر أحجار

خافن أحچي ألچ عمه وتموتين
أجينه بس بقى مذبوح الحسين _بعد ما كلشي صار أرماد ماضلت علينه أخيام
بعد عدنه بواچي هواي والحادي علينه شضام
وصلنه الكوفه گلناله وين نروح ؟ گال الشام

طحنت اضلوع حسين الخيول
بس آنه كسرت گلبي الطبول
لهاي المصيبه منهو مسؤول ؟

من شافوا ضعن بي تمشي نسوان وشافوا زينب أم عون
ركضوا كلهم من أبيوتهم نار شو گاموا يصفگون

بعد هذا الحچي تگليلي تحچين
أجينه بس بقى مذبوح الحسين __أشبگيني أعله گد الشوگ بروحي كلشي بالطف مات
وداعة كل حرف بأسمچ ثگيله الغربه بس شمات
الثواني تمر علينه أسنين من بوابة الساعات

مبينين كل أحنه عناوين
طبت قصرهم صارت أسنين
مو فصل وأنطيح بدواوين

ومشيت بنص ألم وتشيّب الروح وأموتن آنه كلساع
بس وداعة أسمچ يم الجروح بالطف صايره أشراع

والطف صاير أعله أم عون طفين
أجينه بس بقى مذبوح الحسين __عبد الرحمن حميد الفضلي

يالتسأل لطول السنه .. إلمن تجازين ؟
أمجازاتي لليومه گضى يخدم بالحسين

ولدي الخدم كلهم
گلبي أحن من امهم

عليهُم ..
……
من گال ميفيد البچي ؟ لكل شخص ما تبچي العين
كل البچي مابي نفع بس الصدگ يم حسين
بلا خدمه أسأل عالعمر بنادم يگضّي چا وين
يگضي أشحلاته بخدمته مره العمر مو مرتين

عمر مابي بس الالم
شنو نفعه بلايه الخيم .. وبواچي عليهُم

أنه الجرحي بي چم جرح
أعله ذاك الضل فوگ الرمح .. وسياط وسبيهم

ماتلتم اجروح اليحب دمعه بالعيون
شگد حلوه لو بس من صدگ كل اليحبون

حتى الهوى يشمهم
گلبي احن من امهم
……
ماناسيه العاش العمر ماطافي مثل الجمره
أعله أدموع اليون كل مسه تطلع تدور الزهره
والعنده الحسين الصدگ مو عَشره بالحب عِشره
ماينحسب عمره عمر الـ عالخدمه ناذر عمره

الخدم من گلبه بالدمع
ترا يجبر مني الضلع .. ويجبّر حنيني

والينام وگلبه أنثلم
وللحسين بروحه ألم .. أعرفه الحُسيني

مينام البروحه وجع وايسحب اهواي
ويم كل شمس تلگه الدمع يتگاط افياي

بكل لحضه أنه يمهم
گلبي احن من امهم
……
شما أشوفكُم تبچون أجي بلهفه عليكُم أركض
وما غمّض عيوني أبد عاليسهر وميغمّض
مشكور سعيه الكل ضهر بعينه محرم يعرض
واليرض صدره من عرف الخيل اعله صدره تركض

أجازيكم بالدنيا أنه
وأعيشن كل طول السنه .. أباهي بدمعكم

حچي موبس راد العشگ
فعل والدمعه من الصدگ .. يشيعتنه أودكُم

دمعه وفعل هيچ اليحب .. مابين الاحساس
والي يريد يطب اله من باب عباس

بنص روحي اشوفنهم
گلبي احن من امهم
……
صح تنتهي أيامه لچن شهر الحزن ضل دايم
بس هي فرص والصدگ فرصة الدنيا الخادم
لهل الدمع كون الدمع شيفيد يم الوادم
اهل الوسيله احنى ترى اليگصدنه ميرد نادم

الندم يوحي الى درب
رجعته تسوي احبى حُب .. وتِسعى لوجودك

الضمه ياخذ جرحك اله
اخذ گلبك يم كربله .. وگله اعلمودك

سلّم عشگ ماينصعد بالهيّن يريد
والينجرح بي ينولد بإحساس الـ أبعيد

بشمس التعب فيهُم
گلبي احن من امهم
…..
بالدنيا كلشي ينتهي والخدمه بس التبقى
الصفقات كلها بالعدم وتعيش هاي الصفقه
البير بي مي يعني حُب ينقاس حُبه بعُمقه
الحوهر حلاته لو طلع بالخدمه كون تطبقى

التجاره وياه ما تكتمل
الگلب يفرق عن العَقل .. ولا اكو خسائر

تأمل هو والحرم
اعلمود تعيش انت انظلم .. ورسم جرحه عاشر

مو عاشر وبس الاسم عاشر للدموع
هاي العديه للخدم للتلطم ادموع

لابني فدو دمهم
گلبي احن من امهم
……
عبد الرحمن حميد الفضلي

نحر وعيون روحي اتلاگت بروحي
وبجينه اثنينه اعله اجروحه واجروحي

من أول مرّه شفته
كلشي أگباله گلته
___
گتله اشلونك وآنه اعرف شلونه
شفت الشيب جازي حاجب عيونه
شما حاچيت أخوي أشكيله عن الصار
علـى أعـنادي الرمـح ركضـوا يهزونه

ضحكوا يمي وكل الديره أحضروها
وصاحوا هاي الگطعنه أچفوف أخوها

مثل جيّت ضوه أتعنوا علي ناس
شما ينشال سوط يموت عباس

شفت نزلت دمعته
كلشي أگباله گلته
___
مشّونه بدرّب بي ماتطُب النوگ
الماتدخل مضيف الدار طبت سوگ
طفلهُم بيده ماي وحار يچوي الگاع
ويرشّه أعله كلمن عنده چف محروگ

لمن باوع من يم رمحه عليه
درت عيوني وگتله زينب سبيه

حتى ألطفل عدهم حجر بچفوفه
ومن أطفالهم بينه أصبحت خوفه

السبي تكتل غربته
كلشي أگباله گلته
____
على رمحه وشكيت وشاب كِل شعره
ذاك الشاب شفته صاير أشكبره
لمن گتله شلعت گلبي طبت السوگ
مو گصته أعرگت لا دم نزف نحره

ما شِفت آنه شط طاح أعله راگه
ونفس الطيحه طحت بهزله ناگه

الحيره تدير فوگي وشنهي من حيره
أهل الديره ضلوا مالهُم ديره

اخوي أدري ولچمته
كلشي أگباله گلته _خذونه بليله ضلمه وبالدرب ضعنه
حرم كثره وعلي السجاد زلمتنه
ولأن هو أزلمتنه وبالضعن أول
أذا طاح العليل أنطيح كل أحنه

والهظمتني كلمن شافاني أنحب
واحد گال لواحد عالهزله زينب

محد گال عني هاي تعبانه !
الناگه أشربت ماي وآنه عطشانه

حتى المر جرعته
كلشي أگباله گلته _أنتهى كلشي وتفارگنه أعله كل لچمه
والنور اعله شاطي ضوّه چم عتمه
من گد ماحنين بوكتي أبو فاضل
يتقاسمها چان وياي كل نسمه

من گالوا عالكافل شاف الحنينه
خاف يشوفوني بعينه طفّى عينه

ياهي العدها مثلي زلمه يبراها
حتى وهو ميّت راسه وياها

سبي الغربه حملته
كلشي أگباله گلته __عبد الرحمن حميد الفضلي
،ً

ماروينه
بمستحى يمكم لفينه
الوادم تباوع علينه ، ماروينه

شگد متاعب بينه صارت
ومثل رحّى الدنيا دارت

ماروينه
…..
ماكو ليل وبي نهوّد ولو نهوّد ما ننام
يا أقصور أتلمنه وأحنه أمعودات أعله الخيام
الحرم لو طبت مضايف تقره عالدنيا السلام
ناس من تذبح وسيله بدمهم يعيش الحرام

يجي الليل وأبد مانغفى بالليل
نغمض لچن ترجع بينه الآهات

وتمر المواجع حتى نبچيك
من نسمع أركضوا حسينكم مات

شگد تعبنه
وأنلچمنه من المتاعب
هسه چا بيمن نعاتب ، شگد تعبنه

الوادم شگد بينه جارت
ومثل رحّى الدنيا دارت

ماروينه
…..
الگلب مالاگي اليقنعه وضال ينشد بلّه ليش ؟
يامره بطرگ العبايه والعليل تلاگي جيش
كون اليذبحون أهلها لحضه وحده ماتعيش
چانت تلوذ بخيمهم هسه بله تلوذ بيش ؟

التاكل بالگلب وتهيج الجروح
ولهسه كل گلب من عدها محروگ

وصلوا مرحله بينه يشمتون
نعطش ليش أحنه وترتوي النوگ

شگد بچينه
اعله الجرح توگع مدامع
والدمع من المواجع ، شگد بچينه

وزينب بيا ضيم حارت
ومثل رحّى الدنيا دارت

ماروينه
…..
لا يضيعون السبايه ويه الضعن أمشي سريع
كون أباريهم بروحي ، وخايفه أنوب آنه أضيع
أنسدت البوب بوجهنه وأحنى باب الله الوسيع
والسبي حچايه ثگيله وبالعرب زحمه تشيع

أهواي أحنه لچن شماتنه هواي
وزحمه حيل أسمنه يمهم أنجاب

ماسدينه باب بوجه أنسان
بس بوجوهنه يسدون الف باب

لچمه بينه
من أهد ذي البواچي
وعلى الگاع أهل المحاچي ، لچمه بينه

ارواحنه من التعب فارت
ومثل رحّى الدنيا دارت

ماروينه
…..
تمتمت بينه البواچي وخوف ياخذ خوف صار
الحادي بارد گلبه حيل وگلب زينب چنه نار
مدللات أبيت أهلنه وهسه شفنه الإنكسار
بيا وكت يا آل هاشم يعيش بالصحره الخضار

بسنه اللحظه علينه تصير يحسين
ونخلص أيامنه بدموع الجروح

مو بس اليذبحه السيف متعوب
اليعوفونه هله هم أسمه مذبوح

تعز علينه
أرواحنه يم الشماته
حسين مسبيه بناته ، تعز علينه

بالسبي كلها تمادت
ومثل رحّى الدنيا دارت

ماروينه
…..
أمصيبه ما أعظمها هايه مصيبه كلش ما تهون
أنسد مسامعنه بدينه الغربه بينه أيشتمون
كون والكون أشحلاها أبلا سبي ردينه كون
ياوفاء العاش بيكم روس ويانه تجون

هنا يهل الوفه المامنكم أحد
ولا واحد اويانه وگلبه مرتاح

ماعفتونه صح اجسادكم غاد
بس انتم ويانه فوگ الارماح

ليش أدينه
أتچتفت بالغربه صحنه
ما أنگادت من أهلنا ، ليش أدينه

أرواحنه شگد بيها ناحت
ومثل رحّى الدنيا دارت

ماروينه
……
عبد الرحمن حميد الفضلي

[ أبهرّ ] درب .. تارسني حُب
أبلا أبهر يموت الگلب
هيچ آنه من دون حسين
رمله وهوتني الصحره
<
مِن عالم الذر جرني مِن بين الناس
وشربني غيره بچفه من العباس
حظ خلّه بيه الرد لأخيته أبلا راس

درب العشگ .. ماينسحگ
يفتهمه بس المحترگ
وآنه عبد عند حسين
وأشتغل عند الزهره

من مدرسة عابس طلعت آنه أعفاء
يهمني الحسين وماتهمني الأسماء
العفيه أشحلاها من تجي من الزهراء

من فاطمه .. لحد فاطمه
ما أتبع العايش ضمه
واليخدم بأهل البيت
عايشها عِبره وعَبره
<
هوَّ الهوى شمحلاته لو مِنهُم هَب
الخدمه درب للرايد إلهم يتعَب
لتمس سِتر وأتگول أنه أخدم زينَب

وكت العِسر .. زينب ستر
أحچايتها أبد ماتنكسر
من طبت الگاع الشام
وگفت الشام بأسره

يم الخلگ مامرّه طلعَت يدّي
ما أمد اديه وأبو فاضل عندي
رزقي وهديتي دمعه تچوي وبخدي

خادم صرت .. بي چلبت
منّه أطلب ومتحيرت
گد ماكريم وينطيك
أسمه أبو چفوف السمره
<
أمر الحسين تطيعه عوف الوادِم
باوعله بس لتدير وجهك لازم !
سلطان خلاك أنت وأسمك خادم

خادِم إله .. قدرك عِلَه
وموطن ألك حط كربله
قدرك كبر بين الناس
والفخر هذا شكبره

بدفتر الزهره أتسجلينه بورقه
والدفتر بختم الحسين ويبقى
خدمتنه يمچ فاطِمه أجمل صفقه

عالأنسبن .. وذاك الضعن
خادم صرت لأم الحسن
أزرعت بمجالسها أدموع
وتالي حصدت الثمره
<
تگدر تلوح حسين بس بعلومك
مولاك أعشگه بگلبك وبهدومك
حكّم بعقلك وأگضي أله كل يومك

ها يالخَدم .. يهل الشيَم
بدمعة الحب تطفى الخيَم
وحبك ترا دينك صار
أقبض عليه چن جمره

عبد الرحمن حميد الفضلي

#شوط_كربلائي

يسور المرمر اليتعِب    بخدمتك يطول الشارب
أختصر ربك جمال الكون   كله بكسرة الحاجب

قنوت الخايف أطمئنان   وأطمئناني بس أنتَ
حلاة الصفنه بعيونك    صفنت وديني كملته
نقص بيه وترست الروح   من أجيت ودمعي نزلته

الناس اللي يوصفونك
كلها فدوه لعيونك
غزر بينه ماعونك
هلا أبلا ضيف أنه روحي    وأنت أتعرف المعزب
<>
بوكت سبعين الف فنجان   كلها بحضرتك تركد
منو يموت ومنو يعدَل؟   بكيفك أنتَ التحدد
ميتثلم ترا سيفك   بكل راس اليذبحه يحد

كل الجيش صح سبعين
شيترسها الك هالعين
التارس عينك أنت حسين

أذا حبك سراط أعليه     نمشيله صبح واجب
<>
اليجيك بحجة يقاتل    أگطعت نسله ونسل نسله
سيف وعد شجاع يصير    ياهو الگال مايحله
ياهو الگال قصر يوم ؟  الچفه فاطمه تقبله

واحد سولف لواحد
شجاع بكربله الشارد
واليم أمه رد لابد

واليبعد يكتله الخوف    على ارگاب الزلم كاتب
<>
أسمعتهم صاحوا بأسمك   ومادرتلهم أنتَ العين
سمعت الصوت بس رديت   ماشوف آنه غير حسين !
نسبولك شمرهُم خال    رغم تعرف نسلهُم زين

أمك مو أخوها الضال !
أعله كل بدوي تراها عگال
أعله أبوك أطلعت مو عالخال

الماله چاره بالدنيا    مثلهم هم يضل ينسب
<>
قانون اليطب للطف   يدرس يمك ويتعَب
من الله الخدم عدكم   من الله صدگ ينحب
الينجح يمك بوجهه    المدرسة العشگ زينب

ماعنده نقص كامل
الناجح يم ابو فاضل
بالطف أسمك الكافل

والبنص الدرب عافاك    عشگه مو صدگ كاذب
____
عبد الرحمن حميد الفضلي

گالو أبقي وأنتلاگه
وفتشتهن ناگه ناگه

أسألته بويه أمچاني وين وأشتكيله
وأشر بگلبه على أمچان العليله
<>
مثل طير أبلا جنح .. أشما ردت أمشي أنذبح
وكل العيون شفتها تباوع ليّه
من شفت ذيچ العِبي .. ليش أجى أبالي السبي
ومن أهد ما شفتهن صرت مسبيه

هو السبي مو بس هزِل لو هيچ ياريت
من أتعوفك وتمشي هلك ومگابل البيت

بيا هظيمه أبقى وحدي
وأرسم الغربه أعله خدي

هذا حالي وياهو صايرله مثيله ؟
وأشر بگلبه على أمچان العليله
<>
دورت نوگ السفر .. خاطري وگلبي أنكسر
گلت مو آنه العليه أمحظرات أثيابي
واگف أبابي مثل .. الماله أخو ويخاوي ضل
دمعي كل ليله گاعد يحاچي أبابي

يدگ بابي دمعي كل مسَه ويفارگ العين
وملهوفه أفتح بابي أله حسبالي الحسين

أفتحته ماكو طوله وينه
هو ابونه هم يجينه

كلمن أيروح بحرب يعرف سبيله
وأشر بگلبه على أمچان العليله
<>
ريت مو بس بالگلب .. وياه أروحن للحرب
الحرب لا موش أليه بس أنه أبالي
أتقاسم وياهم ألم .. وأنچوي من الخيم
وي أبوي وأخوتي الجرح يحلالي

هناك أسهر بكل ليله أنه بالهيمه ما نام
وأتفگد الحد الصبح أفتر عالأخيام

ما أنامن وأبقى أنطر
بيه همهم ضلعي يكسر

وهظمتي أعله الطف تره كلش قليله
وأشر بگلبه على أمچان العليله
<>
فراش الفراگ أنفرش .. مشو كلهم للعطش
الماي حتى ويه حسين ميوگف ناصر
الخيل تركض عالوگع .. الضهره يم صدر طبع
وآنه أدعي لصدر أبويه مايجي الحافر

أرد أخذ أحزاني أله وأنطي اله الحيل
هيچ ويشوفن ويوخرن الخيل

صدر أبويه بس اليه
لا تجيله الأعوجيه

حمله لو يوگع أنه هناك أشيله
وأشر بگلبه على أمچان العليله
<>
الله وياكم هَلي .. بنص غربتي محملي
ورايحه أغفى بلكي مره بطيفي أشوفنكُم
الدرب الله يسهلَّه .. وتوصلون لكربله
توصلون وودو الأكبر حتى أجي يمكُم

بخيامكم نار الهظم بس آنه بالدار
يهلي تره وداعة علي ملچومه بالدار

تگضي كلها وهمي يكبر
أمشي يم كل عتبه وأعثر

وحتى لو يبعد على أعيوني أعتنيله
وأشر بگلبه على أمچان العليله
<>
عبد الرحمن حميد الفضلي

أربع قُباب
وين مادارت العتمه تلگه نور
للرحمه باب
ووين ماصحلك ذكرهم أنوي زور

أشمر أدموعك أشما صحلك بقيع
وأرسم بعينك طريج أشما تضيع
ذوله أهلها وذوله أهل باب الوسيع
بوصله خلّك أشما وادم تدور
وگلبك شماذاب
أسجنه وگله ذيچ ( أربع قُباب )

أمشي وحدك لاتجي بكلمة تعال
أعزم بدمعاتك وشد الرحال
الگلب لو مانال حُبهُم .. ماينال
وخل يطالب ترىٰ اليركد مايفور
واليحب ميضيع كون
وبالطريق ( أربع قُباب )

صير بچاي الجرح كُن أو تكون
للمصيبه الـ بالبقيع الماتهون
أبين لا نغار لا هُم يحزنون
حتى بالتربان متشمته القصور
وثارك شما لان ألچمه
وخطله لون ( أربع قُباب )

غمض ومد چفك ولا تستريح
أبالك الشباچ بس تضل جريح
تمده چفك لچن ما تلگىٰ ضريح
تشوف بس تراب غاطيها القبور

وحلمك المبني تهدمه
وماتشوف ( أربع قُباب )

أنكسر والينكسر طاهر حليب
وأجعل الدمعه كـ شمسٍ لا تغيب
عيش غربه والغريب يحب غريب
ولليحب تصير نيشان النحور

لنحرك أبدي بنبض نور
ونبضه كون ( أربع قُباب )

عبد الرحمن حميد الفضلي