Сизларнинг яхшиларингиз аёллар билан яхши бўлганларингиздир
•┈┈┈┈┈┈┈┈┈•❈••✾••❈•┈┈┈┈┈┈┈┈•
*📚Расулуллоҳ ﷺ дедилар: «Аёлларнинг энг яхшиси назар солганингда сени хурсанд қиладиган, буюрганингда сенга итоат қиладиган ва сен йўғингда ҳам нафсини ва сенинг молингни муҳофаза қиладиган аёлдир»Табароний ривояти
(Абдуллоҳ ибн Салом (р.а)дан)*📚Расулуллоҳ ﷺ дедилар: «Хотинлар тўрт нарсанинг бири учун никоҳга олинади: мол-дунёси, насл-насаби чирой-жамоли ва дин-диёнати учун. Сен дин-диёнати учун никоҳингга олиб муваффақият қозонгин...»Бухорий ва Муслим ривояти
(Абу Ҳурайра (р.а)дан)📚Расулуллоҳ ﷺ дедилар: «..Сизларнинг яхшиларингиз аёллар билан яхши бўлганларингиздир»
Имом Термизий ривояти
(Абу Ҳурайра (р.а)дан)*
📚Расулуллоҳ ﷺ дедилар: «Дунё ўзи бир матодир. Унинг энг яхши матоси солиҳа аёлдир»
Муслим ривояти
(Амр ибн Осс (р.а)дан)
*📚Расулуллоҳ ﷺ дедилар: «Агар кишининг кишига сажда қилиши мумкин бўлганида, хотинларни ўз эрларига сажда қилишга буюрган бўлар эдим»
Имом Термизий ривояти
(Абу Ҳурайра (р.а)дан)*
📚Расулуллоҳ ﷺ дедилар: «Қайси бир хотин вафот этса ва эри ундан рози бўлса, ўша хотин жаннатга киради»
Имом Термизий ривояти
(Умму Салама (р.а)дан)
*📚Расулуллоҳ ﷺ дедилар: «Ўзимдан кейин кишиларга аёллардан кўра зарарлироқ фитнани қолдирмадим»
Бухорий ва Муслим ривояти
(Усома ибн Зайд (р.а)дан)*
📚Расулуллоҳ ﷺ дедилар: «Аллоҳ таолонинг ғазабини келтирадиган ҳалол нарса талоқдир»
Ибн Можа ривояти
*📚Расулуллоҳ ﷺ дедилар: «Агар аёл киши беш вақт намозини ўқиса, бир ой (рамазон) рўзасини тутса, фаржини сақласа ва эрига итоат қилса, унга: "жаннатнинг қайси эшигидан хоҳласанг – киравер", дейилади»*
📚Расулуллоҳ ﷺ дедилар: «Агар аёл киши беш вақт намозини ўқиса, бир ой (рамазон) рўзасини тутса, фаржини сақласа ва эрига итоат қилса, унга: "жаннатнинг қайси эшигидан хоҳласанг – киравер", дейилади»
Имом Аҳмад ривояти
*📚Расулуллоҳ ﷺ дедилар: «Қайси бир мўминга Аллоҳ таоло солиҳа хотин насиб қилган бўлса, демак, динининг ярмига ёрдам қилибди. Қолган иккинчи ярми учун унинг ўзи ҳаракат қилсин!»
Имом Термизий ривояти*
📚Расулуллоҳ ﷺ дедилар: «Эри рози бўлмагунча аёлнинг намозлари ва хеч бир яхшилиги қабул булмайди»
Табароний ривояти
*📚Расулуллоҳ ﷺ дедилар: «Эрининг рухсатисиз кўчага чиққан аёлга эри рози бўлгунга қадар қуёш ва ой нури тушадиган барча нарса лаънат айтади»
Дайламий ривояти*
📚Расулуллоҳ ﷺ дедилар: «Эркаклар аёлларга итоат қилган пайтда ҳалок бўлишади»
Имом Аҳмад ривояти
(Абу Бакр (р.а)дан)
*📚Расулуллоҳ ﷺ дедилар: «Эй, аёллар жамоаси, садақа қилинглар, истиғфорни кўпроқ айтинглар. Албатта, мен сизни аҳли дўзахнинг кўпи эканингизни кўрдим..»
Бухорий ва Муслим ривояти
(Ибн Умар (р.а)дан)*
📚Расулуллоҳ ﷺ дедилар: «Албатта, аёл қовурғадан яратилган. Уни ҳечам тўғрилай олмайсан. Ундан фойдаланмоқчи бўлсанг эгрлигича фойдалан. Агар уни тўғрилайман десанг, синдириб қўясан. Унинг синиши талоқидир»
Муслим ривояти
*📚Расулуллоҳ ﷺ дедилар: «Аёлларга ҳуснлари учун уйланманглар, ҳуснлари уларни ҳалок қилади. Уларга моллари учун уйланманглар, балки мол-дунёлари уларни ҳаддан ошириб юборар. Лекин уларга динлари учун уйланинглар......»
Ибн Можжа ривояти
(Абдуллоҳ ибн Амр (р.а)дан)*
📚Расулуллоҳ ﷺ дедилар: «Шукр қилувчи қалб, зикр айтувчи тил ҳамда дунё ва дин ишларингда сенга ёрдам берувчи солиҳа аёл(ингни бўлиши)* одамлар хазина қилиб жамлайдиган нарсалардан яхшидир»
Имом Термизий ривояти
(Абу Умома (р.а)дан)

Мусулмонлар билиши керак бўлган Қуръондаги 30 оят
•┈┈┈┈┈┈┈┈┈•❈••✾••❈•┈┈┈┈┈┈┈┈• 1. “...ёлғон сўздан йироқ бўлинг”* (Ҳаж сураси, 30-оят).
2. “Жосуслик қилманглар” (Ҳужурот 12-оят).
3. “Бир қавм бошқасини масхара қилмасин, эҳтимол, улар булардан яхшироқдир” (Ҳужурот 11-оят).
4. “Исрофгарчиликка мутлақо йўл қўйма” (Исро 26-оят).5. “...тиланган камбағалларни ҳам таомлантиринг” (Ҳаж 36-оят).
6. “Баъзиларингиз баъзиларингизни ғийбат қилманглар” (Ҳужурот 12-оят).7. “Қасамларингизни муҳофаза қилинг” (Моида 89-оят).
8. “аҳдларини муддатларигача батамом қилинг” (Тавба, 4-оят).9.* “Ўшанда сиз у(ифк)ни тилларингиз ила илиб олар, оғзингиз ила ўзингиз билмаган нарсани гапирар эдингиз ва у (ифк)ни ўзингизга енгил санардингиз. Ҳолбуки, у Аллоҳнинг наздида буюкдир” (Нур 15-оят).
10*.* «У(ифк)ни эшитган вақтингизда мўминлар ва мўминалар ўзлари ҳақида яхши гумонга бориб: “Бу очиқ-ойдин ифк-ку!” десалар бўлмасмиди?!» (Нур 12-оят).
11*.* «Роббинг фақат Унинг Ўзигагина ибодат қилишингни ва ота-онага яхшилик қилишни амр этди. Агар ҳузурингда уларнинг бирлари ёки икковлари ҳам кексаликка етсалар, бас, уларга “уфф” дема, уларга озор берма ва уларга яхши сўз айт!» (Исро 23-оят).
12 “Сен яхшилик бўлган нарса ила дафъ қил. Кўрибсанки, сен билан орасида адовати бор кимса худди содиқ дўстдек бўлур” (Фуссилат 34-оят).
13 “Уларнинг Аллоҳдан ўзга ибодат қиладиганларини сўкмангиз” (Анъом сураси, 108-оят).
**14 “Ўлчов ва тарозини адолат ила тўлиқ адо этинг”* (Анъом сураси, 152-оят).
15 “...ўзингизни оқламанг, У ким тақводорлигини яхши биладир” (Нажм сураси, 32-оят).
16 “Агар улар тинчликка мойил бўлсалар, сен ҳам мойил бўл” (Анфол сураси, 61-оят).
17 “Қачонки сизга бир саломлашиш ила салом берилса, сиз ундан кўра яхшироқ алик олинг” (Нисо сураси, 86-оят).
18 “Садақаларингизни миннат ва озор бериш билан, Аллоҳга ва охират кунига иймон келтирмаса ҳам, кишиларга риё учун молини нафақа қилганга ўхшаб, бекорга кетказманг” (Бақара сураси, 264-оят).
19 “Агар мўминлардан икки тоифа уришиб кетсалар, бас, ўрталарини ислоҳ қилинг” (Ҳужурот сураси, 9-оят).
20 “Ўз уйларингиздан бошқа уйларга то изн сўрамагунингизча ва уларнинг аҳлига салом бермагунингизча, кирманг” (Нур сураси, 27-оят).
21 “...агар ўзингиз, ота-онангиз ва қариндошларингиз зиддига бўлса ҳам, Аллоҳ учун тўғри гувоҳлик берувчи бўлинг” (Нисо сураси, 135-оят).
22 “Бир-бирларингизнинг молларингизни ботил йўл билан еманг” (Нисо сураси, 29-оят).
23 “улар (Аёлингиз билан) яхшиликда яшанг” (Нисо сураси, 19-оят).
24 “Одамлардан такаббур-ла юз ўгирма ва ер юзида кибр-ҳаво ила юрма” (Луқмон сураси, 18-оят).
25 “Одамларни яхшиликка чорлаб туриб, ўзингизни унутасизми?” (Бақара сураси, 44-оят).
26 “Агар фосиқ хабар келтирса, аниқлаб кўринглар...” (Ҳужурот сураси, 6-оят).
27 «Роҳманнинг бандалари ер юзида тавозуъ ила юрадиган ва жоҳиллар хитоб қилганида, “салом”, дейдиганлардир» (Фурқон сураси, 63-оят).
28 “Ота-онага, қариндошларга, етимларга, мискинларга, яқин қўшниларга, ён қўшниларга, ёнбошдаги соҳибларга, кўчада қолганларга ва қўлингизда мулк бўлганларга яхшилик қилинглар” (Нисо сураси, 36-оят).
29 “Кўп гумонлардан четда бўлинглар, чунки баъзи гумонлар гуноҳдир” (Ҳужурот сураси, 12-оят).
30*** “...афв қилишингиз тақвога яқиндир. Орангиздаги фазилатни унутманг. Албатта, Аллоҳ қилаётган амалларингизни кўриб турувчи Зотдир” (Бақара сураси, 237-оят).

АЛЛОҲ НИМАЛАРНИ ХАРОМ ҚИЛГАН ????
??????????????

(Эй Муҳаммад алайҳиссалом) айтинг: «Келинглар, Роббингиз сизларга ҳаром қилган нарсаларни тиловат қилиб бераман: у зотга бирон нарсани шерик қилмангиз; ота-онага яхшилик қилингиз; болаларингизни камбағалликдан (қўрқиб) ўлдирмангиз – сизларни ҳам, уларни ҳам биз ризқлантирурмиз – бузуқ ишларнинг ошкорасига ҳам, маҳфийсига ҳам яқинлашмангиз; Аллоҳ (ўлдиришни) ҳаром қилган бирон жонни ўлдирмангиз, магар ҳақ билан (яъни шариат ҳукми билан ўлдиришингиз мумкин). Шояд ақл юргизарсизлар, деб (Аллоҳ) сизларни мана шу нарсаларга буюрди. Етимнинг молига то у вояга етгунича фақат энг чиройли йўл билангина яқинлашингиз! Ўлчов ва тарозини адолат билан тўла тортингиз! Биз ҳеч бир жонни тоқатидан ташқари нарсага таклиф қилмаймиз. Сўзлаганингизда (гувоҳлик берганингизда), гарчи қариндошларингиз (га қарши) бўлса ҳам, адолат қилингиз! Аллоҳга берган аҳдингизга вафо қилингиз! Шояд эслатма (насиҳат) олурсизлар, деб (Аллоҳ) сизларни мана шу нарсага буюрди. Албатта мана шу менинг туғри йўлимдир. Бас, унга эргашинглар! (Бошқа) йўлларга эргашмангизки, улар сизларни унинг йўлидан узиб қўяр. Шояд тақво қилсангизлар, деб (Аллоҳ) сизларни мана шу нарсаларга буюради. (Анъом сураси 151,152,153 оятлар)

ДЎЗАХ АҲЛИНИНГ СИФАТЛАРИ !!!
•┈┈┈┈┈┈┈•❈••✾••❈•┈┈┈┈┈┈┈┈┈

(Улар дўзах аҳлига): "Сизларни нима Сақарга (дўзахга) киритди?", (деганларида); Улар айтурлар: "Бизлар намоз ўқигувчилардан бўлмадик. Мискин – бечорага таом бергувчи ҳам бўлмадик. (Муддассир 42-44)

(дўзах фаришталарига айтилур): "Барча (Ҳаққа қаршилик қилгувчи) қайсар, яхшиликни манъ қилгувчи, зўравон ва (Аллоҳнинг Динига) шак келтиргувчи кофирни жаҳаннамга ташланглар! (Қоф 24-25)

(Аллоҳ жаҳаннам қўриқчиларига дер): "Уни ушлаб, кишанланглар! Cўнгра дўзахга ташланглар! Сўнгра узунлиги етмиш газ бўлган занжирга солиб боғланглар!" Чунки у (ҳаёти дунёдалик пайтида) Улуғ Аллоҳга иймон келтирмас эди. Ва мискин-бечорага таом беришга тарғиб қилмас эди. ( Хааққа 30-34)

Олтин кумушни босиб, уни Аллоҳ йўлида инфоқ-эҳсон қилмайдиган кимсаларга аламли азоб «хушхабарини» етказинг! У кунда (Қиёматда) ўша (олтин-кумушни) жаҳаннам ўтида қизитилиб, ўша билан уларнинг пешоналари, ёнбошлари ва кетларига тамға босилиб: «Мана бу ўзларингиз учун тўплаб босган нарсаларингиздир. Энди тўплаб босган нарсаларингизнинг мазасини тотиб кўринглар», (дейилур). (Тавба 34-35)

АЛЛОҲ ЖАННАТНИ КИМЛАРГА ТАЙЁРЛАБ ҚЎЙГАН ????•┈┈┈┈•❈••✾••❈•┈┈┈┈
Жаннат тақводор зотлар учун тайёрлаб қўйилгандир. (Оли-Имрон 133).... (У тақводорлар) Аллоҳга, Охират кунига, фаришталарга, китобларга, пайғамбарларга иймон келтирган, ўзи яхши кўрган молини қариндош-уруғларига, етимларга, мискинларга, мусофирларга, тиланчи ва қулларни озод қилиш йўлида берадиган, намозни тўкис адо қилиб, закотни берадиган ва аҳдларига вафо қилгувчилар ва оғир-енгил кунларда ва жанг пайтида сабр қилувчилар. Ана ўшалар чин иймонли кишилардир ва ана ўшалар асл тақводордирлар. (Бақара 177)

.... (У тақводорлар) *яхши-ёмон кунларда инфоқ эҳсон қиладиган, ғазабларини ичига ютадиган, одамларнинг хато-камчиликларини афв этадиган кишилардир. (Оли-Имрон 134)

(У тақводорлар) кечадан озгина кўз юмар эдилар. Ва саҳарларда улар мағфират сўрар эдилар. Уларнинг мол-мулкларида сўрагувчи ва (мол-давлатдан) маҳрум-муҳтож кишилар учун (ажратилган) ҳақ-улуш (бўлар эди). (Зориёт 17-19)*

АЛЛОҲ ЖАННАТНИ КИМЛАРГА ТАЙЁРЛАБ ҚЎЙГАН ????•┈┈┈┈•❈••✾••❈•┈┈┈┈
Албатта муслим ва муслималар, мўъмин ва мўъминалар, (Аллоҳга) итоатгўй эркаклар ва (Аллоҳга) итоатгўй аёллар, ростгўй эркаклар ва ростгўй аёллар, сабрли эркаклар ва сабрли аёллар, тавозуъли (камтар ва мулойим) эркаклар ва тавозуъли (камтар ва мулойим) аёллар, садақа қилгувчи эркаклар ва садақа қилгувчи аёллар, рўза тутгувчи эркаклар ва рўза тутгувчи аёллар, авратларини ҳаромдан сақловчи эркаклар ва (авратларини ҳаромдан) сақловчи аёллар, Аллоҳни кўп зикр қилгувчи эркаклар ва (Аллоҳни кўп) зикр қилгувчи аёллар — улар учун Аллоҳ мағфират ва улуғ мукофот (яъни, жаннатни) тайёрлаб қўйгандир. (Аҳзоб 35)