Яқин орада бу қадар оҳангга йўғрилмагандим. Минг афсуски, ушбу муаллиф яъни “Валентин Стрыкало” гуруҳининг асосчиси ҳозирда куйламайди. Бироқ, бу каби шедевр ижролари билан шундоқ ҳам кўзга ёш келтиришни боплаб қўйган.

Тингланг ва роҳатланинг!

📹 Юрий Каплан - Дешевые драмы

“Иблислар”.
Ухлаётган аёл.
Тун.
Гўёки дунёнинг бутун мазмуни:
Ҳомхаёл.
Ҳеч кимса қабрдан чиқмайди униб
Ғоялар жангида курашмоқ учун.

Мен эсам китобни кўпроқ варақлаб,
Айрилиб боримдан,
Ухламоққа юмолмайман кўз.
Ухласам, лаҳзада қуёш чарақлаб,
Баҳор тикилганча ақлимга, зимдан
Муболаға билан кўкартирар сўз.

Вақтнинг шўрдонаги чақилмай қолар,
Фикрлар янчилар,
Синади осмон.
“Иблислар”га суянган олам
Такрорлайди юлдузлардай сочилиб:
Мен ҳеч ҳам яҳудий эмасман!

Китобни ёпаман,
Таъсирлантирар
Муқованинг қонли овози.
Динпарварлик тугади, тамом.
Тун намчил нафас исида шира
Ухлаётган аёлнинг тақдирини ёзар.

Мен эса қўрқаман,
Довуднинг авлоди тўқиган эртакнинг
Боғларидан келар ҳур бомдод иси.
Қуёш қўнар экан қардош ғарқ томон
Уғотиб юборар ҳар бир эркакни
Мириқиб ухлаётган “Иблиси”…
2024

ФЕРУЗШОҲ

https://telegra.ph/Hotira-10-21

Ҳалигина бозорга кираверишим олди бир ўрис қиз салом бериб қолди. Кейинги суҳбат ўрисча давом этди:

– Амаки, телефонингиздан дадамга сим қоқсам бўладими? – деди ўз она тилида.

Ичимда бир балолар бошланди. Қиз 17-18 ёш атрофида. Ман 26 баҳорни қоралаб улгурмай қариб қолган бўлсам-а?! Қайданам Рауф Парфининг сочлари 25 баҳорида оппоқ эди, деган афсоналарга ҳавас қилдим. – Шу кўйи ўзим койиб-койиб, ҳалиги узоқ қардошимга жавоб қайтардим.

– Хўп, марҳамат, – дедим ва ойпанимни узатдим.

Хўп, мани Федя деб юзланувчи дўстларим, энди ман Федя эмас, дядя Федяман)

Ҳамон уйғоқмисан, оқшом суяги?
Сирларим бор...
Очсам майлими?
Коинотми... битта оқсоқ туяга
Тобора бормоқда дунё айланиб.

Уйқу узоқлашган, кўксимда ўша
Танилиб улгурган оғриқ уйғоқдир.
Кел, чириб улгурган руҳимни тўшаб,
Кўкни зиёрат қил ёқиб маёқ — қалб.

Уйимга кирмайман, йўқ сирлашмоққа
Гиламга ўрнашиб қолган тола соч.
Эсла, қўлларингга дўнган оёқда
Тилим кишанидан ундирганинг — бож

ҳамон еб ётади тишим ковагин.
Гилос гулламасдан, увлатиб итни,
Юлдузларни чайдинг солиб товага...
Ит ўлди...
Жисмини ўради ўтлар...

Ғилдирак ковушин кияр паллада
Кимдир керак ахир, тез бўл, болала.
Тонгдан асргача чўзилган кадар —
Тароқ тишларида унар — толалар...

Наҳот уйқу босди, оқшом суяги?
Бунча айланмаса ернинг жасади...
Бомдод сувратини кийган туяга
Ибодат қилади кимдир асабий...
2024

ФЕРУЗШОҲ