ВОҲА СПОРТЧИЛАРИ O’zLiDePНИ ҚЎЛЛАБ - ҚУВВАТЛАБ ИМЗО ТЎПЛАМОҚДАЛАР
O’zLiDeP Қарши шаҳар кенгаши ташаббускорлигида ташкил этилган имзо тўплаш тадбирларида воҳа спортчилари ҳам фаол иштирок этишаяпти. Улар партияни “ваъда эмас, натижа, эртага эмас, бугун” шиорини илгари сураётганлигини, бугунгача ҳам аниқ натижалари билан халқимизнинг ишончини қозониб келаётганлигини алоҳида эътироф этишмоқда. Мазкур сиёсий куч ўтган давр мобайнида ёш спортчиларни жаҳон ареналарида мамлакатимиз шарафини оламга тараннум этиш борасидаги интилишларини қўллаб-қувватлаб келаётганлиги ҳам такрор-такрор айтилмоқда.

КИТОБНИНГ СИРЛИ ОЛАМИ ЭЗГУЛИК САРИ ЙЎЛЛАЙДИ
OʻzLiDeP Қашқадарё вилоят кенгаши Аёллар муаммоларини ўрганиш ва ташаббусларини қўллаб -қувватлаш бўлими мудири ҳамда Китоб туман кенгаши ҳамкорлигида тумандаги “Чармгар” МФЙда ташкил этилган кутубхонада тумандаги бир гуруҳ аёллар, онахонлар иштирокида “Дурдона” маьрифий лойиҳаси доирасида “Китоб билим манбаи” мавзусида давра суҳбати ташкил этилди. Тадбирда сўзга чиққанлар бутун инсониятни зулмат, жаҳолат, залолатдан фақат илму маърифатгина халос эта олиши, бунинг учун китоб ўқиш лозимлиги, китоб ўқиган, илмга чанқоқ бўлган киши оламни, ҳаёт ҳақиқатини, яхши-ёмонни терангроқ англаши, китобхон бўлган одам нафақат ўзи, балки оила аъзолари, фарзандлари ва атрофдагиларни ҳам китобнинг сирли олами томон чорлаши боис, оилада ва жамиятда китоб ўқишга бўлган истак ортиб боравериши хусусида айтиб ўтдилар.

НАМУНАЛИ ТОМОРҚАЧИ АЁЛ-ФАРОВОНЛИК БУНЁДКОРИ
O‘zLiDeP Қашқадарё вилоят ва Китоб туман кенгашлари ҳамкорлигида тумандаги Обиканда маҳалласида яшовчи Рўзибиби Турдиева хонадонида “Намунали томорқачи аёл - фаровонлик бунёдкори!” лойиҳаси доирасида “Томорқа – даромад манбаи” мавзусида маҳорат дарслари ташкил этилди. Хонадон бекаси томорқасида қишлоқ хўжалик маҳсулотлари етиштириб, ҳар йили мўмай даромад топиб келмоқда. Томорқа ишларида унга келини Гулхаё ва қизи Солихалар кўмак беришади.
Обиканда ва Наримон МФЙларида истиқомад қилаётган хотин-қизлар иштирокида ташкил этилган тадбирда “Ҳар бир оила – тадбиркор” дастурида белгилаб берилган вазифаларни амалга ошириш, оилавий тадбиркорлик фаолияти турларини кенг оммалаштириш, экин майдонларидан унумли фойдаланган ҳолда қишлоқ хўжалиги маҳсулотлари ишлаб чиқаришни кенгайтириш, томорқачиликни йўлга қўйилган хонадонларда иссиқхоналар ташкил этиш ва улардан самарали фойдаланиш, уруғликни танлаш, касалликларга қарши курашиш юзасидан маслахатлар берилди.