**O‘zbekiston Ekologik partiyasining saylovdagi ishtiroki yuzasidan brifing o‘tkazildi

Bugun O‘zbekiston Ekologik partiyasi Markaziy Kengashi Ijroiya qo‘mitasida O‘zbekiston Respublikasi Oliy Majlisining Qonunchilik palatasi hamda mahalliy Kengashlar deputatlari saylovida O‘zbekiston Ekologik partiyasining ishtiroki yuzasidan brifing bo‘lib o‘tdi.**

Unda O‘zbekiston Ekologik partiyasi Markaziy Kengashi Ijroiya qo‘mitasi raisi Abdushukur Xamzayev partiyaning saylovdagi ishtiroki yuzasida ommaviy axborot vositalariga ma’lumot berdi.

Ta’kidlanganidek, O‘zbekiston Ekologik partiyasi tomonidan saylov jarayonlarida partiya Markaziy Kengashi va hududlarda 15 ta va har bir tuman va shahar partiya tashkilotlarida saylov shtablari faoliyati yuritdi. Targ‘ibot-tashviqot ishlarini samarali tashkil etish maqsadida 250 ga yaqin targ‘ibot guruhlari shakllantirilib, 15 000 nafardan ortiq ko‘ngillilari targ‘ibot ishlariga jalb qilindi.

Markaziy saylov komissiyasi e’lon qilgan dastlabki natijalarga ko‘ra partiyamiz tomonidan bir mandatli saylov okruglari bo‘yicha Oliy Majlis Qonunchilik palatasi deputatligiga ko‘rsatilgan nomzodlarning 6 nafari saylandi. Partiyamiz saylovchilarning 13,12 foizi ovozini olib, Oliy Majlis Qonunchilik palatasida partiya ro‘yxati bo‘yicha 10 ta deputatlik o‘rniga ega bo‘ldi.

Shunday qilib, O‘zbekiston Ekologik partiyasi joriy yilgi saylovlardan keyin parlamentda jami 16 ta o‘rin oldi.

Brifingda keyingi 5 yillikda partiya saylovoldi dasturida belgilangan maqsad va vazifalarini amalga oshirishda deputatlik korpusi hamda partiya faollari astoydil harakat qilishi qayd etildi.

✅Facebook | 🌐Instagram |🌐 Web site | 📹You Tube Tube

#Saylov_2024
#Ekopartiya
**Bo‘lajak saylovda yashil va musaffo, sog‘lom hayotni istaganlarning barchasi biz tomonda!

Tabiat uchun birlashaylik!

O‘zbekiston Ekologik partiyasi va uning nomzodlariga ovoz bering!**

✅Facebook | 🌐Instagram |🌐 Web site | 📹You Tube

#Saylov_2024
#Ekopartiya

Samarqand shahrida o‘tkazilgan O‘zbekiston Ekologik partiyasining saylovoldi ommaviy tadbiridan lavha.

✅Facebook | 🌐Instagram |🌐 Web site | 📹You Tube