كيف ودّعت العليلة أباها؟ قالت له إنزل عن ظهر جوادك ثم جلست في حجره و قالت امسح على رإسي مثل ما تمسح على روؤس الايتام

گلبها ايرف غده مثل الحـــــمامه
تگـــــله انزل يتمثال الإمـــــامه
و د خلي ايدك على راسي علامه
مثــــل ما تمسح ابروس اليتــامه
أنا ٱدري ابهالسفر ما من ســــلامه
يبوالســـجاد يا راعي الشـــــهامه

((ماذا فعل ابوعبدالله عليه السلام ))

نزل من مهــــــرته و علگ رسنها
وتعنّه الفاطـمه حسين و حضنها
بچه عله احوالها و وَن ٱعله ونها
و حمام الدوح ما حن مثل حنها
غــدت تنعاه و الدمــعه ابوجنها
يويلي و ذاب گلـب الصخر منـها
و خوات حسين إجن منّه خذنها
و گُبَل عيــــن ابواليـــمّه ودّعنها
و شبّن نارهـا و زادت حــــزنها
و حسّـت من ابوها انگـطع ظنها
عليــله و يتّمــــــوها ابزغر سنها
و نواعيها اعلـــه ٱهلـها ساعدنها

((ابوذية))

شيفيد من اكــــض الباب وحــداي
وانا الجسمي مصاب البين وحداي
هان الكم أظل بالــــــدار وحـــداي
حزينــــه و ناركــــــــم تستعر بيّه

ملاغلام ابومحمد البوغبيش
الكورة الولائية

@gholamabomhammab

السلام عليكم و رحمة الله و بركاته

قناتنا الثانية على التيلجرام بعنوان :
احاديث و ردود ، اليكم الرابط

https://t.me/mollagholam

نتشرف بانضمامكم ايها الرافضة الكرام
شكرا لكم

((عدلين ميتين يمك يا علي
آخره و دنيه يبوالحسنين يمك ياعلي))

مخطوط رسمك علىٰ اجبين العرش
و اجناح جبريل إلك بس ينفرش
گلـــب المـــــــوالي ابمحبتك ينتعش
و تصوير مبداك طبعته اعله الرمش

حامي الحمه ادركنا
بس انته مسلكنا

معلوم معلوم انته الأولي
عدلين ميتين يمك يا علي

گبل الخلق يا علي نورك ظهر
و انته على العاليه تاج الفخر
و الما سجد لك من الجنّه انشمر
يا كوكب الدنيا يا فارس مضر

يا هيكل المرسَل
يا طيّب المنهل

خل روحي وياك اگلها اتدللي
عدلين ميتين يمّك يا علي

هاي الولايه من الباري إلك
و فاز ابطريقك ذاك اللي سلك
يا حيدره و بيك فرحان المَلَك 
يا نور الأكوان يا تاج الفلك

نور الله يالطاهر
بالباطن و ظاهر

گبل الخلايق ندب شخصك بلي
عدلين ميتين يمك يا علي

گبل آدم النور من وجهك سطع
و ركن السمه اهناك بيديك ارتفع  
و لولاك لا عابد الصلّه و ركع
إنته الأمل بيك و العالم سمع

فوگ السمه السابع
نورك يظل ساطع

رغماً علىٰ اعداك جنابك معتلي
عدلين ميتين يمك يا علي

يا معجزه ابـإيد رسول الله اعتلت
و چم مرحب الطاح منك ما فلت
بالحومه الجيوش ليك من ٱگبلت
ردّيتها اطراد و بيديك انولت

بالحومه بٱسماها
شخصك نفس طاها
صحناها يعيون بالفرحه اهملي
عدلين ميتين يمك يا علي

يا ناطق الغيب كلّك معجزه
و يا حارس الدين يالتنطي الجزه
چم عاقل و حيد نطقك عجّزه
و معلوم جبريل من علمك حزه

گد علمك و زودك
من يوصل احدودك

يا فالق النيل يظل ٱسمك جلي
((عدلين ميتين يمك يا علي))

ملاغلام ابو محمد
@gholamabomhammab

في مدح اميرالمؤمنين علي عليه السلام

ٱبچف طاها ارتفع چفّك يبوحسين
و ملىٰ الأفــلاك و الأمــلاك صيتك
انت الدين و أصـــل الدين مـــولاي 
قرين النبي و بالمصــــحف هويتك
انت اويا عشــــت جسمين فد روح
و ظــــهر للـــــوادم ابليـــلة مبيــتك
هــــوىٰ اليتنفّسه المـــختار مأمور
يطــب مـــن ريّة الـهادي اعله ريتك
حچــــت عنك أرضــها و السموات
و فــــــوگ مــــن الملائك قابليتك
يمــــن ما تخــــتلف عــنّ ابوالزهراء
ابصفات و منــطقك حتىٰ ابمشيتك
الأعادي تشــــــهد ابفضـــلك يكرار
و سجايه املوكها اتطخ يم سجيتك
يا هـو اليعرفك و انت اشحچوا بيك
و تجلـــــىٰ يا علـــي الدين ابوصيتك
التــــوسل بيك رد و النصر مرهون
و صـــحت يا آدم اندبني الخطـــيتك
و تمــسك بيـــك هـوّه و صار مقبول
و ظل ابلهـــفته ايطــوف اعله بيتك
و انت النجّـحت ذالنون يالنــون
يحيــــدر و الوجـــود ابچف حميتك
أمـس من هجمت الأحزاب و أحزاب
سگـــتها و ما خـــفت تگــرب منيتك
رميت ٱشچم سهم وٱشچم بطل طاح
و تگنـــــطر يا علـي و مات ابرميتك
طـلب مـــنك هـــــديه يا علي الدين
و نطــيته ارگـــاب يالليث ابهديتك
ثنيـتك جــنّة الله و هاي الارواح
تدور المــــوت بس تدخـــل ثنيتك
و قضيتك عيـــب لو تدركها الاقلام
يحيــــدر تاهــــت اذهان ابقضيتك
عقـــــول الانبياء اتجمـــعت بيــك
و زايدهم ألـف غــــــاط ابوعيتك

ملا غلام ابومحمد

@gholamabomhammab

حب علي جنّة

بغضتوني و خســــرتوا و ٱشتردّون
و مـن ادماي ٱشخذيتوا و ٱشتردّون
الغالي ٱشــــلون ٱبيــعه و ٱشتردّون
و أنا ابسوگي التجاره اتريـــــد فيّه

ملا غلام ابو محمد
@gholamabomhammab

يدنيا ٱلذّل شخذتي و ٱشتردّين
رفعتي ٱبن الصهاكي و ٱشتردّين
الفخر للباع دمّــــــه و اشتـردّين
و تبــــــرّه من السّقيفه الناصبيّه

ملا غلام ابومحمد
@gholamabomhammab

في مدح اميرالمؤمنين علي عليه السلام .

أخــــذ بالطيب مــــن ربّه علم ٱمكان
و وسام من النّبي حصّـل علم ٱمكان
علي ابراس السمه السابع علم ٱمكان
و عـــــلم یبگه ٱعــــله صدر الموزميّه

ملا غلام ابومحمد
@gholamabomhammab

ذكرك شرف الصلاة و قبولها يا اميرالمؤمنين يا علي

علي الحاضر وجــــودك  والتشهد
عســــل تبـــگه  ابلهاتي و التشهد
ٱبصلاتي ٱنته ٱبركــوعي والتشهد
ٱبقنوتي ٱبسجدتي ابديني و بديّه

ملا غلام ابو محمد
@gholamabomhammab

موّال في ذكرىٰ مولد أميرالمؤمنين عليه السلام

هالكون يا حيدره ٱبچفّك تفر و الدّره
يالمنعم اعلـه الخلگ تعبك فلا والدّره
كل البرايا ترب و انته الذهب و الدره

و انته الصلٱ و بالصــّــلا ربّ الصلا والصّله
اوي النّبي السابع سمه و كلما صعد والصّله
حطـكــم منار الصــّــلا يٱهل الصّـلا والصّله

و شخصك جميع الرسل ما توصل الكعبه
ابفضلك يخط القلم ما ٱشوف ٱنا الـكعبه
ألله الخــليله وحــــىٰ و گـــلّه ٱرفع الكعبه

و مهـــدك جعلها غصب عالمادره و الدّره

ملا غلام ابو محمد (البوغبيش)

@gholamabomhammab