Афсӯс, ки нони пухта, хомон доранд,
Асбоби тамом, нотамомон доранд.

Онон, ки ба бандагӣ намеарзиданд,
Имрӯз канизону ғуломон доранд.

#Афзали Кошонӣ

**گویند اگر  می  بخوری ، عرش بلرزد
عرشی که به یک باده بلرزد به چه ارزد ؟

در خانه ی ما زیر زمینی است که در آن
یک خُم بخوری ، خشتی از آن نیز نلرزد#خیام Гӯянд агар май бихури, арш биларзад,
Арше, ки ба як бодда биларзад, ба чӣ арзад?

Дар хонаи мо зери замин аст, ки он,
Як хум бихури, хиште аз он низ наларзад.**#Хайём

Ин сагдилон, ки хидмати айём мекунанд,
Бо ваъда халқи содаро ором мекунанд.

Балъида ҳаққи халқро ҳамчун наҳанги ҳор,
Худро наҷотбахши халқ эълом мекунанд.

Дар коми хеш мекашанд амволи халқро,
Халқи ситамкашидаро ноком мекунанд.

Пур карда ҷайби халқро аз чормағзи пуч,
Дар ҷайби хеш пиставу бодом мекунанд.

Ҳар ваъдаро ба ҷоми май анҷом медиҳанд,
Халқи балорасидаро сарсом мекунанд.

Аз баҳри некномии худкомагии хеш
Моро ба паҳнаи ҷаҳон гумном мекунанд.

Дарюза мекунанд ба ҳар ҷо зи номи халқ,
Ғофил аз он, ки халқро бадном мекунанд.

Як ҳарф дар забонашон фарҳанги халқ нест,
Даъвои шарҳи Ҳофизу Хайём мекунанд.

Миннат ниҳода шамъаке бар халқ медиҳанд,
Хуршедро ба аҷнабӣ инъом мекунанд.

Бар умқи кору борашон борик бингаред,
Аз номи халқ халқро душном мекунанд.

#Лоиқ

من خود از عشق لبت فهم سخن می‌نکنم،
هرچه از آن تلخترم گر تو بگویی شکر است..

#سعدی

Ман худ аз ишқи лабат фаҳми сухан менакунам,
Ҳар чӣ з-он талхтарам гар ту бигӯӣ, шакар аст..

#Саъдӣ

گرچه در ظاهر از تو بی‌خبرم
هیچ‌کس جز تو نیست در نظرم

#فاضل نظری

Гарчӣ дар зоҳир аз ту бехабарам,
Ҳичкас ҷуз ту нест дар назарам…

#Фозил Назарӣ

ترا صد کوه محنت کاشکی پیش آمدی وحشی
که می‌مردی و راه کوی او هرگز نمی‌دیدی

#وحشی

Туро сад кӯҳи меҳнат кошкӣ пеш омадӣ Ваҳшӣ,
Ки мемурдиву роҳи кӯҳи ӯ ҳаргиз намедидӣ..

#Ваҳшӣ

Эй дил, садои марг туро ҳам расиданист, 
Субҳи аҷал зи матлаъи умрат дамиданист. 

Бар тахту наълу болиши абрешимӣ маноз, 
Танҳо ба ҷои танг туро орамиданист. 

Пайвастагӣ макун ба ҷаҳон, дил дар ӯ мабанд, 
Зеро, ки з-ин ҷаҳонат ба куллӣ буриданист. 

Аз гӯши хеш мешунавӣ к-он фалон намонд, 
Дар гӯши дигарон хабарат ҳам расиданист. 

Эй дил, макун гунаҳ, ки таҳқиқ мурданист, 
Аъмоли нек кун, ки қиёмат расиданист.

Ғарра машав бад-ин гулу бӯстони рӯзгор, 
Боди хазон бад-ин гулу бӯстон вазиданист.

Аз марги худ битарс, ки танҳо равӣ ба гӯр,
Бо Мункару Накир ҷавоби ту доданист.

Чун «куллу нафсин зоиқату-л-мавт» ҳукм шуд,
Медон яқин, ки шарбати маргат чашиданист.

Чизе шикор кун, ки ба майдони рӯзгор, 
Ин маркаби ҳаёт на доим давиданист. 

Чун ҳазрати Расули Худо(с) дар ҷаҳон намонд,
Касро чӣ эътимод, ба нобуд буданист.

Саъдӣ, дар ин қафас, натавон дошт мурғро,
Охир қафас шикаставу мурғаш париданист. 

#Саъдӣ