لا تكول مشتغل حضري اذا مفاهم المستويات واثرها على الانطباع وسببها و كميتها وتوظيفها التحتي

? راح تبلش دورة مبادئ التصميم في كربلاء قريبا جدا ف اللي رادوا ينضمون بس خلي يراسلوني حته اثبت مقاعدهم

https://www.ddinstagram.com/reel/DAY2eHLMVVD/?igsh=MW9keXg2cmQybWVkOQ==

⭕️ السلام عليكم
ممكن طلاب بغداد الي مبلغيني بخصوص الدورات والي ما اضفتهم لكروب يدزولي انسق كروباتهم
@mitham

السلام عليكم
تحديث بخصوص الاصل العلمي لمبادئ التصميم
ماعرف معدل مستوى الاطلاع للطالب المعماري شكد لكن راح احجي احد الامور الي تؤخذ بعين الاعتبار

⭕️ الي ميعرف مفهوم "التشكّل" او "morphogenesis" الذي يعتبر احد الفروع البحثية الي دخلت على العمارة والفيزياء والبيولوجيا بشكل عام تحت سقف دراسة التكون الشكلي للاشياء بناء على دراسة رياضية ومراح اعقد الموضوع عليكم بالشرح للتفاصيل بس الفكرة يبدأ دراسة نمط تكون الاشكال من اصغر وحدة بنائية هي الخلية او اصغر وحدة شكلية وهي النقطة بعدين بسبب مبدأ التكرار و الايقاع والتراتبية تظهر بعض انماط التمايز ثم التناظر اللي موجود بأغلب اشكال الحياة عالاقل على المستوى المظهري - بمعنى اغلب الكائنات الحية متشابهه من الخارج حتى وان جان تنسيق الاعضاء الداخلي يختلف بين انصفي الجسم المتناظرين - الخ من دراسة التحول الشكلي الي تتأخذه الاطراف وشكل الجمجمة وصولا لحد طريقة تموج الشعر

⭕️ شاهد الكلام : رجاءا لا تاخذون العمارة كأمر مسلم بيه وتلطيش مال خطوط والوان الموضوع اعقد بهواي

والي يقول العمارة اكذوبة هذا ابعد ما يكون عن فهم قشرة من قشور العمارة - ضعف الشخص بالتصميم - يخلي الشخص ينهال على الشيء الي ميفهمه بالاتهامات وشفت هواي من هذا النمط من طلاب العمارة

خلال بحثي داكتشف كمية تداخل التصميم المعماري وية المتغيرات شيء جدا ضخم باعتبار المعماري مسؤول عن اكبر منتج وظيفي قابل الاستخدام

لهذا السبب الدورات الي داسويها دتصير اكثف يوم بعد يوم ومضطر في مكان ما انه ابسطها حتى يفهمها اغلب الطلاب لكن حتى هذا التبسيط اذا ما لاقى الجدية الكافية من الطالب بأن يتحمل ثقل المادة العلمية مراح يأخذ حجمه الطبيعي

⭕️ ملاحظة : باعتبار داشوف الي ديصير بموضوع دورات التصميم وخلطها وية دورات البرامج او محاولة تسويقها بأنها دورة وحدة تطلعك محترف وهالشي عاري عن الصحة
يا عزيزي لو كان الاختصاص بهالسهولة جان كلها صارت مصممين مع ذلك نسبة ظهور مصممين بين خريجين العمارة ضئيلة جدا جدا واذا احد يحب يجرب فرق المستوى بين الطلاب الي درست تصميم وبين الطلاب الي معتبرة العمارة برامج مرحب بيه بأي وقت يختبر امكانياته

اذا عرفت ان المعماري اختصاص قد ميفيدك شنو الدافع الي ممكن يخليك تكمل ؟