من ديوان الكافل والحنين

قصيده للحسين

يزينب وكت الغروب لميهن بناتي
وعيونج عليهن ذني غالياتي
يزينب خل اوصيج
اتعبنج وابجيج
ـــــــــــــــــــــــــــ
يزينب وكت الغروب لمي العيله يمج
وبنياتي كلهن كعديهن بسدج
رقيه تخاف بليل تنوميهه بحضنج
بعد عينج عليهن مايحتاج احلفج
بالج لايخافن ذني مدللاتي
ـــــــــــــــــــــــــــ
بأجر ماكو خيمه خويه ومن يجي اليل
تضل تحوم عدوان والشامت تره يعيل
بحضنج خويه فدوه لميهه المداليل
صوت اليل مسموع ويشوفجن الويل
بالج لاتعثرين احلفنج ياغاتي
ـــــــــــــــــــــــــــ
يزينب خل اتعبج واوصيح برقيه
غطيهه بعباتج من تتعب خطيه
سكتيهه يخويه اذا تبجي عليه
إنه هناك مسلوب يابويه شبديه
خويه حيرتني شتكفي بعباتي
ـــــــــــــــــــــــــــ
شتصير العبايه وهي قماش واحد
المهن لو اغطيك لو ادور الشارد
شمر يكطع وريدك فوك الصدر كاعد
حار سيف يحسين والذباح بارد
المهن لو اجيلك ياخيمه خواتي
ـــــــــــــــــــــــــــ
الله يعينج بهاي بس انتي البقيتي
ياهو بهاي اوصي وانتي الماشكيتي
انتي اتكفليهن ياروحي ويبيتي
أضن تعبتج هواي اشوفنج بجيتي
لاتبجين خويه ياروحي وحياتي
ـــــــــــــــــــــــــــ
تـــمت والـــــفضـــ🤲ـــل لله تعالى
بقلم✍الشاعره حوراء بنت الكوت
الحان الملا أم علي
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام https://t.me/haoraa21h1

في الخامس عشرَ وِلادةُ عِطْرٍ
يَكفي لتَرْميمِ أرواحِ الوَرى كُلّها.

نزال رجالي

گلي زينب هل مسيه شلونها
صدگ تعبانه وحزن بعيونها
...

ياهو اليجيب الخبر هساع الي
صدگ تعبانه وتون هيبة علي
ياهو منكم سمع ندبة ياهلي

يمها ناس احقاد ويكرهونها
گلي زينب هل مسيه شلونها

...

بالضريح اونين لو عادي الامر
والله زحمه اردود زينب تنقهر
مانستها النار واسياط الشمر

خاف همه اردود هم يولونها
زينب بهاي المسيه شلونها

...

بلضريح اونين وينك يلكفيل
ردو اعله اختك الكتبو خل تشيل
ميته اخيتك لجن مدمعهه يسيل

وانته ماترضه العده يهظمونها
زينب بهاي المسيه شلونها

...

يلي ماترضاها اخيتك تنهظم
طفو الكبه عليهه اهل الضلم
ردت ايام السبي وذاك الشتم

انوب خاف خيامها يحركونها
زينب بهاي المسيه شلونها

...
خبر هايه الساعه ودو الكربله
خل يجيها ابساع راعي المرجله
زينب اتعاين وتتأمل اله

شلون يرضاها العده يحيطونها
زينب بهاي المسيه شلونها
...

خل يهد يشوف بلشام اشسده
منعو الزوار عن اخته العده
وين كافلهه يجيهه بموعده

لسه من السوط زرگه متونها
زينب بهاي المسيه شلونها

..
مدللتكم ياابو فاصل حايره
وين فزعتكم تراها امناطره
ابن ابوي تكول عني شأخره

لكربله تعاين اتريد اتجونها
زينب بهاي المسيه شلونها

تـــمت والـــــفضـــ🤲ـــل لله تعالى
بقلم✍الشاعرة حوراء بنت الكوت  والشاعرة فاطمه هاشم الحسيني

https://youtube.com/shorts/CVwXRLVKBD4?si=cTn22WZCFE3BfooZ

متباركين بولادة فاطمة الزهراء ع ?

نعي عن لسان حال السيدة زينب

يلوموني من ابجي عليهه
مايدرون ربتني بديهه
بلعباس مشتاكه لحجيهه
ـــــــــــــــــــــــــــ
مو مرت ابوي امي الحنينه
جانت تلم همهه وتجينه
تسابك بجيهه وي بجينه
ـــــــــــــــــــــــــــ
يمكاسمتني بلمصيبه
ياام الكفلنه يانجيبه
وليدج تره طاهر حليبه
ـــــــــــــــــــــــــــ
لو مثلج النسوان تنراد
لبن الشريجه ضحت اولاد
ياام المحنه وام الامجاد
ـــــــــــــــــــــــــــ
يلشايله و ونتج خفيه
و مكسور كلبج للمنيه
يمربيه اولاد الزجيه
ـــــــــــــــــــــــــــ
ياام الكفلني وام الحسين
بله اعله هونج من النونين
ياامي دخيلج لا تموتين
ـــــــــــــــــــــــــــ
تـــمت والـــــفضـــ?ـــل لله تعالى
بقلم✍الشاعره حوراء بنت الكوت
الحان الملا أم علي
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام https://t.me/haoraa21h1

قصيده للزهراء مو وكتهه فركتج.  ضلمه ضلت غرفتج رحتي يم حسين يمه شلون بيه بيش ارد الدنيه لو عالت عليه وانه هسه بعازتج.  مو وكتهه فركتج ??????? مو وكتهه الفركه يحبيبه ييمه والله م‌ـــِْن فركاج صارت روحي ضلمه كل بشر يحتاج امه تشيل همه شلون ماالكاج لْـۆ لاحتني…

الي تحب تحضر تعلق انطيه عنوان مضبوط

قصيدة الزهراء

ياعلي دفعو الباب بكل حقد عصروني
ذوله مابيهم محنه ورادو يموتوني
دني ولدك مو كضيت عيونهم
أنزف وتنزل عليه دموعهم
مني أخذهم ياشمعتي خافن يشوفوني
ـــــــــــــــــــــــــــ

ابد مارحمو حرمتك دفعو الباب بحقد
طاح كل ثكله عليه وماعنت روحي بعد
عصرو المحسن ابطني والوجع بيه صعد
مو فقط حركو ثنيتك طيحو حرمه وولد
حيل دفعوني وصحت ياويلي
سقطو طفلي وخذو كل حيلي
ونبت بلبسمار ضلعي وتعباها متوني
ـــــــــــــــــــــــــــ
دفعو الباب اعله ضلعي وطحت بس ماادري وين
روحه شاغت من نضرلي أنزف اكباله الحسين
كعد يم راسي ونضرلي ونزلت ادموع الحنين
يكلي يمه بحضني نامي فدوه لاتتعورين

يكلي يمه كون بيه جروحج
وكون وي روحي اتبدل روحج

وكتله زينه وكمت كوه ياعزيز عيوني
ـــــــــــــــــــــــــــ
كتله زينه وكمت كوه رايحه للحجره افوت
إنه كوه اسحل بروحي وانضر بنيتي بسكوت
اقره قراني وارتل يمه خاف اكطع الصوت
خلو بس فضه تجيني خاف من اسكت اموت
خاف اموت ومني تطلع روحي
خلو بس حيدر يكشف جروحي
وكون بس انتم ييمه بدفنتي تحضروني
ـــــــــــــــــــــــــــ
مااريد احد ييمه يحضر بدفني ويجي
انتو وي زينب تعالو واحجو يم كبري الحجي
موصيه ابوكم يمه بيكم ماتشوفون البجي
ادنو يمي وخل اشمكم يل عليكم انتجي
هاذه ابوي متاني روحي اليله
ياهو عنده اعتاب خل يشكيله
موتي احسن من حياتي وانتم تعذروني
ـــــــــــــــــــــــــــ
يلا هاي اخر وصيه تجمعوا يمي بعجل
خل ابوسنكم واشمكم هذا يمه اخر امل
بعد ماضل حيل باامكم راح تلحك بلطفل
ياعلي كف البواجي ليش دمعاتك تهل
عوف دمعك شد يحيدر حيلك
راح تشبع من يهود ليلك
بليل تدفني يحيدر لاتعطل ضعوني
ـــــــــــــــــــــــــــ
تـــمت والـــــفضـــ?ـــل لله تعالى
بقلم✍الشاعره حوراء بنت الكوت
الحان الملا أم علي
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام https://t.me/haoraa21h1

اِنْتَهَىٰ الأَرْبَعِين ..

قُلُوب جَمِيعِ خدَّام الحُسَيْن ‹عَلَيْه السَّلَام›
فِي اِنْكِسَار وَقُلُوبِ الزَّائِرِينَ تَلْتَهِبُ
بِنِيرَانِ الفِرَاقِ ، هَل سَنْحَضِىٰ بِعَام آخَر ؟
لِلزِّيَارَة ، لِلْخِدْمَة ،  لِدَمْعَة المُصَاب ، لِتَوْبَةٍ أُخْرَىٰ ؟
هَلْ لَنا بِزِيَارَتِك العَام القَادِم وَالتَّقَرُّبَ إِلىٰ الله مِنْكْ؟.