БИЛМАЙ ТУРИБМАН

Тушимми-ўнгимми, билмай турибман,
Ҳаёт бўлсам керак, ўлмай турибман.
Соғинмай турибман муштоқлигимни,
Во ажаб, йиғига тўлмай турибман.

Баҳор нафасидан симирганим йўқ,
Дунё ҳавасидан семирганим йўқ,
Ҳижрон қафасидан ситилганим йўқ,
Во дариғ, озод қуш бўлмай турибман.

Шамолга эргашиб кетгим келарди,
Осмонга тенглашиб кетгим келарди,
Одам-ла кенгашиб кетгим келарди,
Издиҳом ичинда тулдай турибман.

Меҳр кўрмадилар мендан одамзод,
Бемеҳр кўрмадим сендан, одамзод.
Зулматда Яқубдек чекиб изтироб
Сўқирдай турибман, кўрдай турибман.

Қақраб ётибман мен висол онига,
Ташна бўлган каби одам қонига.
Кўкламда дон сепиб тўрт томонига
Ёмғир кутаётган чўлдай турибман.

Мурувват кўрсатсин менга ҳам олам,
Бу тилсиз дардимни аритсин ором.
Соқиё, майдан қуй, эй яхши одам,
Пиёла узатган қўлдай турибман.

Ҳаммадан чўққилар қадар дард қолди,
Ёмондан кўнглимга юққан гард қолди.
Рўёбга чиқмаган битта шарт қолди –
Майит қўйилмаган гўрдай турибман.

Тушимми-ўнгимми, билмай турибман,
Ҳаёт бўлсам керак, ўлмай турибман.
Балки ўлгандирман, балки ёронлар,
Тирилиб кетар деб кўммай турибман.

Тушимми-ўнгимми, билмай турибман...

Бек АЛИ

https://t.me/dilgamaktublar

"АННА КЕРЕНИНА"ни ўқиб...

Ёлвориб қараманг, азизим, етар, 
Бўшгина кўнглимдан жой олмоқ учун. 
Сизнику кўз ёшим оққизиб кетар, 
Мен.. тошга айланиб қолишим мумкин. 

Интиқ қўлингизни қайтариш оғир. 
Кўзингизга тупроқ сочмоқлик гуноҳ.
Биламан, сизнинг хам кўнглингиз сағир 
Қанийди, мен ундан тополсам паноҳ!

Қанийди....

Замира Эгамбердиева

https://t.me/dilgamaktublar

Бухоронинг сўнги амири Саид Олимхон Кобул атрофидаги қабристонга дафн этилган. Унинг қабр тошига шундай сўзлар ёзилган:

«Ватансиз амир бадбахт ва арзимас, ўз юртида ўлган тиланчи чинакам амирдир!»

https://t.me/dilgamaktublar

Haqiqat izlab

Nihoyat uzoq qidiruvdan so‘ng u izlaganini topdi. Xaroba kulba ichidagi olov yonida Haqiqat o‘tirardi.
U bunchalik qari va yuzlari burishgan kampirni umrida birinchi marta ko‘rayotgandi.
— Haqiqat sizmisiz?
Qari kampir tantanavor bosh silkidi.
— Sizni uzoq izladim. Siz haqingizda butun dunyodagilarga nima dey?
Kampir javob berdi:
— Ularga meni yosh va sohibjamol deb ayt!

Robert Tompkins.

https://t.me/dilgamaktublar

‍ *

Икки кўзинг — икки анкабут,
Ишқ тўқийди зулматим ичра.
Жами сайёҳ ҳисларим — жануб —
уюштирар қалбингга ҳижрат.

Икки кўзинг — эгизак найбоз,
Авраб олиб чиқар хилватдан.
Икковида заҳролуд май бор —
Томчисидан куйгай дил бадтар.

Икки кўзинг — иккита Юсуф,
Тикилганнинг ҳаққи аросат.
Сайёралар сингари руҳим
Атрофида кезмиш саросар.

Икки кўзинг — икки жаҳаннам,
Иймонимни ютмоққа шайдир.
Гарчи жаннат эшиги очиқ —
Аммо чиқиб кетгим келмайди.

Нега чиқиб кетгим келмайди?

Жонтемир

https://t.me/dilgamaktublar

МЕНГА ХУШХАБАР АЙТ...

Менга хуш хабар айт, ёлғон бўлса ҳам…
Дарду машаққатлар ўтгайдир бари,
Ўксима, оёққа тургайсан, деб айт.
Умрингнинг фараҳбахш, тотли онлари
Ҳали олдиндадир, кўргайсан деб айт.

Менга хуш хабар айт, ёлғон бўлса ҳам...
Дўстларинг бордир-ку ҳали дунёда,
Сени кулфатларда қолдирмас деб айт.
Ёвузлик бўлса ҳам ҳаддин зиёда
Сени чангалига олдирмас, деб айт.

Менга хуш хабар айт, ёлғон бўлса ҳам…
Олис муҳаббатинг юрибди дегил.
Сарғайган дафтарин варақлаб пинҳон,
У сени тушида кўрибди дегил.

Менга хуш хабар айт, ёлғон бўлса ҳам…

Абдулла Орипов

https://t.me/dilgamaktublar

ҲАҚИҚАТ

Туғруқхона чинқириғида,
сукутида ўликхонанинг,
ўтаётган тирбанд автобус
ойнасига қапиштириб юз
қараётган бола кўзида
ёлғон, ёлғон, ёлғон!

Таомида емакхоналар,
ҳаяжонли чимилдиқ орти,
ялтироқ шиор ва
табрик ўқиётган қоғозга қараб
совуқ лаблар ҳаракатида
ёлғон, ёлғон, ёлғон!

Расталарга терилган китоб,
эшикларнинг ичию таши,
рўзномалар, мактуб, радио,
метро вагонларин қорни лиқ тўла
ёлғон, ёлғон, ёлғон!

Хаёл каби сузар ҳавода,
ўрмалайди ер остида ҳам.
Ичимизга жирканч вабодай
сизиб кирар бесўроқ, беғам.

Масжидларнинг меҳробин ялар,
тиланчига узатар ёвғон.
Ҳар муюлиш, бекатда талар —
ёлғон, ёлғон, ёлғон!

Тил учидан тишлаб олган сўз
либосини сездирмай ечиб
қулоқларга осар тескари.
Темир қалам битган қонунлар
ярасига сепар экан туз,
ўтмишини бутун бошли халқ
чайнай-чайнай бадбўй оғзида,
келажакка қараб кекирар:
ёлғон, ёлғон, ёлғон!

Ичганимиз шарблар таъми,
ифорида галдиратган соч,
ҳатто ўлгач қабр қошида
йиғлаб-сиқтаб ўқигувчи нутқ
ёлғон, ёлғон, ёлғон!

Мавжудмиди кўрганинг дунё,
хона, ғазаб, диққинафас май?
Ташқарида аста жимирлаб
отаётган балки тонг эмас,
тинчин бузиб сассиз ҳайқириқ,
чўчиб тушган мулойим туннинг
қўрқувдан оқарган юзидир балки?!

Айқаш-уйқаш: бола, бекат, халқ,
солиб митти оғзинга талқон
ҳақиқатми ёзаётганинг?
Шоирмисан устига-устак?!
Ёлғон, ёлғон, ҳаммаси ёлғон!!!

Жонтемир

https://t.me/dilgamaktublar

Болам!

Мен тўшакдан турмасам қайтиб,
Дазмол босолмасам кўйлакларингга.
Ҳар баҳор келганда тиловат айтиб,
Райҳон экасан-а, йўлакларинга!

Эски рўмолимга тугун тугилса,
Кўйлагимни йиртиб чанг артсалар ҳам.
Кўнглингда озгина соғинч туғилса,
Сен менинг қошимга бориб тур, болам!

Ис босса мен ёзган китобларимни,
Шеърларим ичида жим ётса нолам.
Ҳеч ким эсламасин, ризоман, аммо,
Қизингни алқаб тур, "онажон", "онам".

Болам,
Мен тўшакдан турмасам қайтиб,
Тахмон теппасида қийиқча ва тўн.
Тобутим елкангга кетмасин ботиб,
Сен мени энг яқин қабристонга кўм!

Малика Салимова

https://t.me/dilgamaktublar

Сен иста...

Ўрик гуллаганда ёғаётир қор.
Тўрт тараф бирпасда оққа бурканди.
Эндигина кириб келганди баҳор,
Куртаклар энди юз очиб турганди.
Кечагина нурга тўлганди осмон.
Кўкламдан энтиккан эди юраклар.
Бугун қор остида қилмоқда  исён,
Қаро қишда кучга тўлган куртаклар.
О,  Ҳаёт ! Бунчалар чиройли айём,
Ё, Худо! Бунчалар тотли яшамоқ.
Айниқса, умрингга келганида шом,
Сочингга қор каби тушганида оқ.
Кексалик муз каби босар елкани.
Юракни қоплайди гоҳо қаҳратон.
Нурларга тўлдирмоқ бўлиб эртани,
Умр сўрагаймиз Оллоҳдан нолон.
Оллоҳ,  навдаларни босса ҳамки қор.
Оллоҳ,  сочларимни қилсанг  ҳам  оппоқ.
Оллоҳим, сен   иста   қайтади баҳор,
Сен иста, яшарман юз йилдан кўпроқ...

МУҲАММАД  ИСМОИЛ

https://t.me/dilgamaktublar

ТОҒ БИЛАН СУҲБАТ

- Аё, тоғ-а, тош сиёғинг ғадир-будур,
Аъмолингда не синоат бўлган содир?

Қовурғангга қоялару тошлар ботган,
Уларни, воҳ, қайси ғазаб сенга отган?

Қисматингда не ғавғо бор, не савдо бор -
Тўрт фасл ҳам бошингда қиш, бошингда қор?

Кўкни тутди турналарнинг “қур-қур”лари...
Жиққа ёшга тўлди нега унгурларинг?

Зил турибсан – беҳаракат. Бу – не тақдир?
- Юксакликнинг қисмати шу - бешафқатдир.

Усмон Азим

https://t.me/dilgamaktublar