الدليل الشامل للتمارين

أنواع التغيرات النكدر نركز عليها من خلال التمرين

كلنا عبالنا التمرين يكبر عضلات بس، وهاي الخرافة أبعد ما تكون عن الواقع

احنا اذا نرجع خطوة ليورة هو شنو التمرين؟

احنا نسوي ضغط (stress) على الجسم واستجابة الجسم لهاي الأشارة تغير من تركيبتنا

زين كل الأشارات متشابهة؟

أكيد لا، موجودة 9 تغيرات نكدر نسويها حسب طريقة التمرين وشلون نتمرن

1-نبدي من الأكثر بديهية الحجم العضلي(الي بشكل واضح يكبر حجم عضلنا)

2-القوة العضلية(strength)، الي تنحسب بأقصى مقدار وزن نكدر نرفعه

3-التحمل العضلي، وهو شكد نكدر نتحمل نسوي حركة معينة على العضلة

تخيلو شخص يشتغل عمالة ولازم يشيل تريلة مال طابوكات طابقين، شكد اكثر عدد طابوكات يكدر يشيلهم هاي ال strength, و الي نكول مثلا 70 او 80 طابوكة، التحمل العضلي شكد يكدر يتحمل ذن ال70 طابوكة؟ شكم روحة وجية؟

وهم خوش مثال، ليش العمال جسمهم مو معضل؟ لأن شغلهم يتضمن اجهاد العضلة بوزن ما اكول خفيف لفترات طويلة، الي يخلي عدهم تحمل عضلي ومو حجم عضلي

4-السرعة، وهنا ما نقصد سرعة الركض مثلا، لأن هاي تدخل بمجال عضلات القلب، بس سياقنا هو السرعة العضلية مثل سرعة لكمة لاعب ملاكمة مثلا

5-القوة (power) الي هو نتيجة للسرعة في القوة العضلية، وتخيل هنا قوة ضربة الملاكم

انت من تتمرن علمود القوة power مو بالضرورة كاعد تمرن القوة العضلية، لأن أكو تفاصيل صغيرة مختلفة تخلي التغيرات الي بجسمنا كلش مختلفة

المهارة، وهاي هم واضحة، تصير بتكوين نواقل عصبية بالدماغ على حركة معينة مثل المرواغة بالطوبة، الرمي بالقوس

أصلا اي مهارة بدنية مثل تحضير مشروب هم تعتبر مهارة

الفوك أغلبه جان بعضلات الجسم، هسة راح ندخل بعضلات القلب، الي موجود بيه 3 انواع نكدر نحسنها او نمرنها

اول واحد ال VO max، الي هو اعلى جهد قلبي نكدر نبذله ب90 ثانية او أقل، مثل سباق ابو ال100 متر

ثاني واحد هو شكد جهد بدني نكدر نبذله ب4-12 دقيقة

ثالث وأخير واحد هو شكد جهد قلبي نكدر نبذله من نص ساعة وفوك، مثل مارثون

*ملاحظة
الشخص الما متمرن بحياته من يتمرن لأي نوع راح يحصل تحسن عام بباقي الأنواع، والتفصيل يفيد الرياضيين أكثر

بالمقالات الجاية راح نحجي على كل نوع بالتفصيل

الشرح من بودكاست البروف اندرو هيبورمان وية الدكتور اندي كالبن انصح شوفوه كامل منا

كذلك الدكتور اندي كالبن عنده بودكاست كامل عن الرياضة هم انصح بيه

شلون ترجع السيطرة على حياتك خلال 3 اشهر؟

مرت سنة 2024 بسرعة وصار بيها كومة تجارب، بالنسبة الي اغلبها جانت تجارب سيئة

بس هي التجارب الي تصنعنا وهي الي تخلي أثارة بقصتنا

المهم، اريد اغير من وضعي الحالي لأن طول بهذا السوء، فأريد اسوي الي كتبته بالعنوان

تحدي اشارككم ياه واني احاول اسوي شيء مدروس بهاي الثلاث أشهر

هنا ما اريد اطلع سياق المواضيع العلمية، لذلك راح اشارك القصة بشكل خفيف واركز على المواضيع العلمية الي أدرسها خلال هاي الرحلة

موضوع الاكتئاب، مع كوثر أحمد.
استقبلنا هواي أسئلة وجاوبنا عليها, عن أعراض الاكتئاب ومسبباته وطرق علاجه.

لا تنسون تنطونا آراءكم حتى نحسن الشغل، وكذلك اختاروا موضوع الاضطراب القادم... ولا تنسون نشر المقطع حتى الكل يستفاد.

شغلة ثانية ( تكملة) اكو عقلية ثانية تدعم العقلية النامية، الي هي عقلية التوتر معزز لقدراتنا شني التوتر الي يحجون عليه و يذموه يعزز قدراتنا؟ اي نعم سوو تجربة، جابو مجموعتين، مجموعة شرحولهم الآثار الإيجابية للتوتر و مجموعة شرحولهم الآثار السلبية للتوتر و النتيجة،…

شغلة ثانية ( تكملة)
اكو عقلية ثانية تدعم العقلية النامية، الي هي عقلية التوتر معزز لقدراتنا

شني التوتر الي يحجون عليه و يذموه يعزز قدراتنا؟ اي نعم
سوو تجربة، جابو مجموعتين، مجموعة شرحولهم الآثار الإيجابية للتوتر و مجموعة شرحولهم الآثار السلبية للتوتر
و النتيجة، مجموعة الآثار السلبية، صارتلهم آثار سلبية اكثر من توترو
و مجموعة الآثار الإيجابية، صارتلهم آثار إيجابية اكثر من توترو!
و بالحالتين المعلومات حقيقية!

مجرد رؤيتنا عن الموضوع، تغير ردة فعلنا تجاهه حتى لو جان الموضوع أو الحدث هو نفسه نفسه عد غير اشخاص، بس رؤيتهم للموضوع او الحدث تختلف

زين القلق شنو اصلا؟ من الناحية السلبية هو حالة مو زينة بيها جهازنا الهضمي و المناعي و غيره يتعلقن عن العمل، الدم يتركز بالجذع اكثر و غيرها و غيرها(ما اعرف بعد فكرت غيرها ههههه) المهم الجسم يركز على استغلال قدراته للمدى القصير و يعوف العمليات بعيدة الأمد

جا القلق مو زين، والهي اذا تشوفه من هاب الناحية اي نعم مو زين

بس نكدر نشوف القلق كحالة يستغل الدماغ قدرات الجسم إلى أقصى حد حتى يطلع بنتيجة احسن، لأن اصلا ما نكدر نركز بدون افراز هرمونات القلق او بعض هرمونات القلق

فالقلق، حالة جدا صحية و طبيعية عد البشر، و بدونها ما راح نكدر نتعلم اصلا

فكر بيها، من تتعلم شغلة معينة، اذا كلشي مر بسلاسة و سهولة، انت ما كاعد تتعلم اصلا!، بس من تعصى بفد جدار معين، مسئلة بالرياضيات مثلا، لو مقطوعة موسيقية صعب حفظها، هنا راح تبدي هرمونات القلق تنفرز، راح تنسى كلشي و تركز بس على مشكلتك الحالية او الجدار الي كدامك، من تعبر هذا الجدار راح تحس نفسك صعدت لمستوى اعلى بعد

بدون القلق او هرمونات القلق الي راح تخلي جسمك يستغل موارده بحل هاي المشكلة، راح تتوقع تكدر تحلها؟
لذلك افضل طريقة للتفكير عن القلق هو أن القلق حالة صحية طبيعية جدا، تخلينا نستغل قدرات جسمنا و دماغنا بشي محدد معين

و هنا لازم أوضح شغلتين، الاولى هذا المديح للقلق مو معناه هو شعور ممتع، لا أبد يبقى شعور مزعج، لكنه ضروري لعملية التعلم

و الثانية القلق من يعبر حد معين يصير مو حالة طبيعية، من ما تكدر تنام بسبب القلق و التفكير، من يصير مزمن لدرجة ما تكدر تسوي شي او تركز هنا يصير مشكلة
شغلة اخيرة، بعد عدة تجارب، الي يتعلم عن العقلية النامية و عقلية القلق معزز لقدراتنا ثنينهن دائما يزيد أدائه، و حتى مقطع فديو تعريفي ابو نص ساعة لكل وحدة راح يسوي هذا الارتفاع بالأداء( و هذا الي كاعد اسويه بالمقال)
#بودكاست
#علوم_اعصاب
#اندرو_هيوبرمان
#preformance

أهلا أهلاً بالجميع من خلال القناة اكتشفت اكثركم مهتمين برياضيات الفيدا و للاسف لأن ما راح اكمل بيها في القناة. قررت اسوي دورة مجانية إلكترونية لرياضيات الفيدا راح يكون بيها جلسات تفاعلية و حوارية و مناقشات عن الرياضيات✨ أول محاضرة راح تكون للجميع يعني حتى…

أهلا أهلاً بالجميع
من خلال القناة اكتشفت اكثركم مهتمين برياضيات الفيدا و للاسف لأن ما راح اكمل بيها في القناة.
قررت اسوي دورة مجانية إلكترونية لرياضيات الفيدا راح يكون بيها جلسات تفاعلية و حوارية و مناقشات عن الرياضيات✨
أول محاضرة راح تكون للجميع يعني حتى لو ما سجلت ممكن تحضرها?

للي يريد يحضر يتواصل معاي خاص?

يا الله

ها جماعة السادس
شلونكم