{إِنَّ الَّذِينَ أَجْرَمُوا كَانُوا مِنَ الَّذِينَ آمَنُوا يَضْحَكُونَ * وَإِذَا مَرُّوا بِهِمْ يَتَغَامَزُونَ * وَإِذَا انقَلَبُوا إِلَىٰ أَهْلِهِمُ انقَلَبُوا فَكِهِينَ * وَإِذَا رَأَوْهُمْ قَالُوا إِنَّ هَٰؤُلَاءِ لَضَالُّونَ * وَمَا أُرْسِلُوا عَلَيْهِمْ حَافِظِينَ * فَالْيَوْمَ الَّذِينَ آمَنُوا مِنَ الْكُفَّارِ يَضْحَكُونَ * عَلَى الْأَرَائِكِ يَنظُرُونَ * هَلْ ثُوِّبَ الْكُفَّارُ مَا كَانُوا يَفْعَلُونَ}

العبرة بالنهاية..
واللي هيضحك في الآخر هو الكسبان.

t.me/moh_elghaleez

السلام عليكم ورحمة الله وبركاته
صباح الخير يا شباب

أوقات كتير تعمل خير، وتكتشف بعدها إنك عملته في المكان الغلط!

وأوقات تانية تُحسن لناس وتحب ليهم الخير من قلبك، وتتفاجيء بالإساءة منهم!

قلبك هيوجعك..
لكن إوعى تندم على الخير اللي عملته..

فالنبي ﷺ قال:"قال رجل: لأتصدقن الليلة بصدقة، فأخرج صدقته، فوضعها في يد زانية، فأصبحوا يتحدثون: تُصدِق الليلة على زانية، ثم قال: لأتصدقن الليلة بصدقة، فأخرج صدقته، فوضعها في يد سارق، فأصبحوا يتحدثون: تُصدِق الليلة على سارق. ثم قال: لأتصدقن الليلة بصدقة، فأخرج الصدقة، فوضعها في يد غني، فأصبحوا يتحدثون: تُصدِق الليلة على غني.
فقال: الحمد لله على سارق، وعلى زانية، وعلى غني.
فأُتِي فقيل له: أما صدقتك فقد تُقُبِّلت، أما الزانية، فلعلها أن تستعف به، وأما السارق، فلعله أن يستغني به، وأما الغني، فلعله أن يعتبر فينفق مما آتاه الله".

فاحمد ربنا، وادعي بقبول عملك.

t.me/moh_elghaleez

روي عن ذي النون المصري أنه قال: "بصحبة الصالحين تطيب الحياة، والخير مجموع في القرين الصالح إن نسيت ذكَّرك، وإن ذكَرت أعانك"..

صدق رحمه الله

فبهم تطيب الحياة، ويهون الطريق.

t.me/moh_elghaleez

كام مرة قلت دي آخر مرة، وماكنتش الأخيرة!
كام مرة قلت هابدأ بكرة، ومابدأتش!

طب هتسيب نفسك لنفسك لغاية إمتى!

نفسك لو غفلت عنها هتسوقك..
ولو ساقتك هتبقى اتحكمت فيك، تحركك على هواها..
واتباع هواها هيسود قلبك، ويخليك عايش ميت في صورة حي.

قال الله تعالى: "أَفَرَأَيْتَ مَنِ اتَّخَذَ إِلَٰهَهُ هَوَاهُ وَأَضَلَّهُ اللَّهُ عَلَىٰ عِلْمٍ وَخَتَمَ عَلَىٰ سَمْعِهِ وَقَلْبِهِ وَجَعَلَ عَلَىٰ بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ ۚ أَفَلَا تَذَكَّرُونَ".

t.me/moh_elghaleez

السلام عليكم ورحمة الله وبركاته
صباح الخير يا شباب

طمن قلبك..
الأزمة مهما اشتدت، هتُفرج
والمشكلة مهما اتعقدت، هتتحل
والبلاء مهما طال، مش هيطول

يقول ربنا الكريم: "فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا"

فاصبروا وأبشروا خيرا.

t.me/moh_elghaleez

الدنيا دار اختبار، وطريق صعب مليان مطبات..
وعشان تعدي منه بسلامة من غير ما تتكسر لازم تعلق قلبك بربك..
ولو ربك معاك هيبقى كفاك وآواك..

فعن أبي بكر الصديق رضي الله عنه قال: «قُلْتُ لِلنَّبِيِّ ﷺ وَأَنَا فِي الْغَارِ: لَوْ أَنَّ أَحَدَهُمْ نَظَرَ تَحْتَ قَدَمَيْهِ لَأَبْصَرَنَا، فَقَالَ: مَا ظَنُّكَ يَا أَبَا بَكْرٍ بِاثْنَيْنِ اللهُ ثَالِثُهُمَا.»

فاللهم اكفنا بك عمن سواك، ولا تكلنا إلى أنفسنا طرفة عين أبدا.

t.me/moh_elghaleez

قال ابن مهدي: ما رأيت أحدا أهْيَبَ، ولا أتم عقلا من مالك، ولا أشد تقوى.

وقال ابن وهب: ما نقلنا من أدب مالك، أكثر مما تعلمنا من علمه.

وقال ابن عيينة: مالك عالم أهل الحجاز، وهو حُجة زمانه.

وقال الشافعي: إذا ذُكر العلماء فمالكٌ النجم.

#رحم_الله_الإمام

t.me/moh_elghaleez

السلام عليكم ورحمة الله وبركاته
صباح الخير يا شباب

لو بتقرأ كلامي دلوقتي

فأنا بقولك: قوم صلي الفجر، واقرأ أذكارك، وهات وردك،
وابدأ يومك على بركة الله.

t.me/moh_elghaleez

قال رجل لأبي حنيفة: اتقِ الله.
فانتفض، واصفر، وأطرق، وقال: جزاكَ الله خيرا، ما أحوج الناس كل وقت إلى من يقول لهم مثل هذا.

وقال أبو عاصم النبيل: كان أبو حنيفة يُسمى الوتد؛ لكثرة صلاته.

وقال الشافعي: الناس في الفقه عيال على أبي حنيفة.

#رحم_الله_الإمام

t.me/moh_elghaleez

جهزتي نفسك تطلعي المصيف مع أسرتك .. رحلة سعيدة إن شاء الله بس لاااازم تخلي بالك من موضوع مهم جدااا.
الحجاب ?
الحجاب يا بنات ليه مواصفات معينة حددها الشرع وماينفعش المواصفات دى تتغير بتغير فصول السنة والأماكن والموضة مثلا ?
يعنى خلينا نكون واضحين الجو حر فى الصيف جدااا بس مش معنى كده إنك تلبسى لبس خفيف شفاف يبين جسمك أو حتى حجمه .. والطرحة يا بنات ماينفعش أبدا تكون شفافة مبينة شعرك ورقبتك من تحتها حتى لو كانت طرحة طويلة .. وبردو ماينفعش تشمرى كم البلوزة ويبان جزء من ايدك وماينفعش يكون فستانك قصير مبين جزء من رجلك ?
الحجاب لازم يكون سااااتر.

طب لو كنتى فى المصيف بقى تفتكرى إيه النظام ? ؟
نفس الكلام بالضبط مواصفات الحجاب الشرعى هي هي ف كل مكان حتى المصيف وده معناه إنك ماينفعش تلبسى مايوه أمام رجال أجانب حتى لو سموه شرعي ?

لإن ببساطة من مواصفات الحجاب الشرعى إنه لا يصف حجم الجسم .. فحضرتك بمجرد ما بتنزلى البحر هايلزق عليكى مهما كانت خامته .. ده غير إنه أصلا بيكون غالبا جزء منه بنطلون ضيق ابتداءا ?
فالمايوه الشرعي مش شرعي تماما.
طبعا هتقولى طب إيه مانزلش البحر يعنى؟!
باختصار>> انزلي فى مكان خاص بالنساء فقط أو أوقات البحر فيها فاضي وفى مأمن عن نظر الرجال الأجانب .. ولو مافيش مكان كده ماتنزليش لإن رضا ربنا أهم.

وحاجة أخيرة جددي نيتك فى حجابك الشرعي واستحضري عِظَم الثواب فى كل مرة بتنزلي فيها من بيتك وتستحملي الحر علشان تطيعي أمر الله ورسوله صلى الله عليه وسلم .. جددي النية وهتلاقى ربنا بيعينك ويهون عليكي ..
وكل متعة حرام فى الدنيا بتتركيها لله عز وجل هتلاقي أفضل منها كتييير فى الجنة إن شاء الله ?

t.me/moh_elghaleez