#خروج_الظعن

1...

ودع الظل من اهل بيته وغبش
سافر ابن الكوثر لوادي العطش
اختار ناگه تشيل خدر الله وبدي
فراش من الزين للخوه فرش
...
ووداعه طول وي العليه
چنه وداع العمر
شما گلهه بويه خليني امشي
تگله يبويه انتظر
چا كبرتني شو وداعتني
من هذا عمري بزغر
...
وشافت عمهه ابو فاضل
يگل لزينب انتظري
خل اگعد على اركبي
واصعدي يابعد عمري
واجه لاخته علي الأكبر
وگلهه طلبي لا أمري
گلتله شنو الطلبه
يمي انت وخلص صبري
...

2...

نشفت العين ومشه ضعن الحُسين
وحتى گاع الله اصرخت يحسين وين
موش مطلوب الهم انت لا حشاك
همه مطلوبين الك يحسين دين
...
ارجع بل اكبر يا ابو المحنه
هل ديره موش لعلي
باچر تگله ليلى ييمه
ياهو اليشد محملي
تعبان الأكبر عبد الله محتر
دم وگلب يغتلي
...
ياهو اليسوه ياغالي
عطش عبد الله واسكينه
ياهو اليسوه دمعاتك
وهو يضحك بشينه
ياهو يباهل عيونك
خله بروحه وبعينه
الينطي اعليهه ابوفاضل
بلايه احساب چفينه

3...

هيه ايام ويطب لكربله
للمصايب والعذاب وللبله
شكم ربيبة خدر باچر عالتراب
تطيح وشكم طفله تبچي مدللة
...
باچر گمركم ينزع چفوفه
ومايرجع الكم گمر
يطيح المخيم من البواچي
يرجع لأديكم نحر
تشوفونه ضامي ماگطره شارب
وبهدمه باقي النهر
...
باچر ماكو ابوفاضل
باچر زينب تنادي
هنا يلذاب چفوفك
عگبك ياهو الحادي
باچر ماكو ضي عباس
وظلام يحوط الوادي
چا منا ورد يحسين
هذاك الموت من غادي
...

4...

وصل واصفر حتى ماي البلفرات
اضيگ من اللحد صارت يلحياة
يدري باچر وين يهوى بيا تراب
وعاري يبقى بحر هجير وبلفلاة
...
ومن المخيم تطلع اميره
وتصبح اسيرة عده
تنادي يخويه اگعد حسافه
تموت وتظل الرده
وذباحك اگبل صاح انتي زينب
بهزله يوالي حده
...
هاي المامحسبه الهه
وصارت انه مسبيه
الحدي بهزله وحچي غربه
موش اولام علويه
بساعه اتغيرت يحسين
اختك والله موهيه
شو چنهه انگضت يحسين
ها يحسين هاهيه

5...

باچر اعلى الشام ندخل بلحبال
هذاك گال انتي غريبه وذاك گال
انتي اخت النام رمحي بصدره مو
وذاك گال اخت الغزت جسمه النبال
...
شتجاوب اختك چتفو حچيهه
من گالو اخته البگه
فوگ الوطيه ضامي وينازع
تراب المعاره اخنگه
حرگولي گلبي بچلمة غريبه
وگلبي بمصايب شگه
...
انه مدللة حيدر
وسفه وهيچ تاليتي
بس مادنگت راسي
عفه وزود تربيتي
اعلى من الثريا
ياهو ينوش عاليتي
حسينيه رغم كلهن
واتباهى بحسينيتي

#حسن_هادي_المحمداوي

ياعمتي المامنهه عمه
العافت بگلبي وعيني لچمه
المفروض هاشم كله جناز
وبكل چتف تنشاف ثلمه
...
من الظيم يابويه شبديهه
والله الحزن مل من بچيهه
مو الاوليه صارت اخيال
كبرت عبات اختك عليهه
...
وين الشطر حارث ومرحب
وبس من يتاماه يتنگب
گلوله زينب صاحت الغوث
ياعلي بويه الشام تنطب؟
...
بوياي بويه ياهو اليصيح
وياهو اعلى أخيته يگوم ويطيح
ماتت وراهم لكن تگول
ميته انه من يوم المذابيح

#وللحزن_بقيه

(1)...
اعلى حايط سجنه مرسومات دمعات
ومرسوم الضعن والغاضريه
منينام بقيوده يحلم شلون
عمته تنوح من هول الرزيه
صاح اه ياغريبه ابين الاوطان
وهز صوته السجن والكاظميه
...
من سمعو الحراس صاحو علامه
من دمعه سمعو صوت وشافو علامه
شافو اطفال تنوح نوح اليتامه
...
گالو شنو تفسير دمعاته
وشنهو السبب ماسكتت اهاته
يلومونه چي ما بطل اونينه
مادرو مهظوم اعلى عماته
...
يبچي ويصيح شلون راحت أسيره
بت غيرة الله تروح للماله غيره

(2)...
ياهو يهدي نوحه وعنده بلشام
عمات ويصيحوهن غرايب
يبچن من عظم ذيچ الجراحات
وطريق الآه راواهن عجايب
ابو السلطان يبچي ويرجع يصيح
الله يعين عمتي اعلى المصايب
...
يبچي ويگول شلون يمشن والعيون
تربه على العباس كفال الظعون
وماكسر رمحه وصاح وين اليعيلون
...
المسموم صاح الغربه تاذيني
اتمنيت مسبي وغربه تحديني
وبلشام اموت وابقى ابرالچ
ووياچ عمه بغربه ادفنيني
...
وي عمتي للشام اتمنيت اروحن
موش بسجن هارون يادهري اموتن

(3)...
الليالي شگد خذن من ناظره دموع
وانهار السجن مرمر حياته
مايعرف ظلامه من ضواه ليش
بحديده وثگله يسجد في صلاته
كلهن ذكرياته انسجنن وياه
مثله اتعلعلن ياذكرياته
...
بطامورة الأحزان موسى وينادي
ياعمتي يواسيچ گيد الأيادي
ياهيبة القرآن شلون وي اعادي
...
فوگ الجسر ياعمه يرموني
باچر واصيحن لليشعيوني
انه غريب وغربة الساده
تلگوهه كلهه بدمعة عيوني
...
بس هظمتي بتابوت مو عاري جسمي
لا مثل جدي حسين لامثل عمي

(4)
حسره بگلبه ظلت واليشيعون
ما يشفون جرحه ولا عيونه
صاح شلون جدي حسين ياناس
عاري وبلخيول يرضرضونه
يصيح احاه يلمذبوح عطشان
والناس التهو مايسمعونه
...
يبچيله جده حسين ويمدله ايده
وينادي يامسموم ينعى حفيده
يوميه سم وموت وبلوه جديده
...
مسموم بس مايبچي لمصابه
يبچي على النايم على اترابه
اتجدد دمع من هظمة العاشر
وصاح اه يجدي الشيبه بخضابه
...
صاح بسجن هارون ياجدي وانعاك
واتمنى لو مذبوح بلطف انه وياك

صلوات الله عليك يامولاي ياموسى أبن جعفر الكاظم

#حسن_المحمداوي

1

فاض الوجع وضاگ الفضا
يمته اعتني لصحن الرضا
لحد ياوكت ابقى انتظر
بمشهد يظل كون العمر
...
يا أيها الضامن سلاماً
الشوق امساني حطاماً
من بعد أن جافيت دربك
يامُلهمي عشقاً حلالً
بالله أحسبني غزالً
لاذ من الدُنيا بقُربك
...
بده بيه العمر يگصر
اللهي بموسى ابن جعفر
بحق الخدر والخِدر
ارزقني الزياره
شويه شويه ايامي
گضن ياربي گدامي
اوصل للرضا احلامي
واشوفنهه المناره

2

عمري مشه وحيلي ركد
غير الرضا مالي أحد
ماسولفت شنهي الحچي
چلماتي انه شوگ وبچي

...
ياعينُ في الدمعات قولِ
طال النوى يا ابن البتولِ
تالله قد جفت دموعي
خدي لقد لاقى السيولِ
بحق من تحت الخيولِ
اذهب ولا ادري رجوعي
...
گلبي بكل مسه يشچي
يدعي وبلدعاء يبچي
بس بزيارتك يحچي
يتمنه يزورك
وبقيت انه اعلى هل حاله
المشالك احظن خياله
يل كل خطوه تبراله
ويضويله نورك

3

والله الهجر يچوي الگلب
موتي سهل وصبري صعب
ليل ووجع شوگ وحزن
من البچي شاب الجفن

...
ياسيدي ياحلم عيني
يا باكياً طف الحُسينِ
في بابك ارجو البكاءِ
ياكُل شيءٍ ياوتيني
أحنُ وازداد حنيني
يا ضامني هل من لقاءِ
...
احس گلبي خلص حيله
حزن ليله ودمع ليله
اصيح الزارك دخيله
يابخت الاجالك
ياعيني بعد نوحي
وزيدن بعد يجروحي
شلي بلدنيا وبروحي
اذا ماكو وصالك

4
موصي المشه لصحنك امس
غروب العمر گل للشمس
انه عبد ياسيدي
يمك اظل مو وحدي
...
قد جف دمعي والليالي
زادت عليَ سوءُ حالي
رحماك ياسلطان قلبي
اذقني طعماً للوصالِ
ياصاحب اعظم خصالِ
لمشهدك مولاي دربي
...
روحي والله مهظومه
يمولاتي يمعصومه
اليكتله الشوگ ما الومه
من فرگه حبيبه
مسموم الوكت واصفر
يساده يا اهل درب اخضر
وياكم خايف اتغير
ياعظم المصيبه

#حسن_المحمداوي

شگد عزيز اعليه بزري
انت اعز منه وعلي
يا اهل انشد عليهم
انت يايمه هلي

حسين يا ماي المحنه المايشح
حسين يضماد الجرح قبل الجرح
يبو نحر الينشم شماله الذبح
طولك گبالي واحس باچر رمح

ينام الدمع والوجع يصحه
يطيب الجرح وارجع اجرحه
لاطال عمره الگاطع الماي
والناوي شر لاطال رحمه

______

مالي وادم عگبك انه
انه الي الهم والقهر
تسوه عباس واخوته
وتسوه يايمه النهر

وداعتك وحشه وبقيت انطر واعد
وادعي ربي سوي هذا الحر برد
حسين ماخذ بلضعن شدة ورد
ولده يختلفون عن باقي الولد

عگبك بقيت احسب ليالي
يايمه حال الظيم حالي
ظليت ادور عني يحسين
ولوحدي امشي بلا خيالي

________

الليل ياخذ روحي يمه
وبلنهار تردلي روح
بلظلام تروح تنعه
وبلنهار ترد تنوح

ياعزيز الماخذ اعزاز الگلب
كون بيدي وعلي اعرضلك بلدرب
حسين من هذا الدرب لا لاتطب
ياوطن موش انت اليروح لغرب

يمرجف انس ومرجف ابليس
يلماخذ شيوخ وعراريس
من الحرب والحسد يحسين
گلبي يخاف اعيون التجيس

______

طالت الغيبه وسؤالي
هسه وين انت صرت
ما مطول عني هلگد
شلون هل غيبه غبت

وطب بشر صاح انهبنه ياعرب
بكربله الدم واصل لحد الركب
حسين من مهره على وجهه انگلب
خيمته لنيرانهم صارت حطب

صاح المشاعل فوگ الخيام
وفوگ النهر چف السبع نام
ظلت تصيح ام الخدر أه
وين العشيره وذيچ الازلام

______

گبل ما اطيحن سبگني
وطاح گلبي اعلى الارض
اركض اعليمن ييمه
صارت دموع وركض

ريت من جمر الخيم اسحگ جمر
بركضه وحده اعليك خلصت العمر
ياصبر وحسين طايح ياصبر
هسه زينب لا اخوهه ولاخدر

ريت الطرش ليه يگلي
وده عليچ احسين عدلي
شو صاح حيهم مات الحسين
ومحتاره من ياطين اخلي

#حسن_هادي_المحمداوي

يخوان زينب زينب تناديكم
حزمو الخوذ يازود بچفافيكم

...
نادت اختكم وين اليحلوهه
عطشانه وين عيونكم جيبوهه
بعيوني يهلي عيونكم بدوهه
گلبي ونظر عيني استحه يجافيكم
...
يلعايفين الظعن بيدي وانه
بخلافكم ما اشوفن وعميانه
گلبي يبس بس ماصحت عطشانه
شلون ارتوي والماي ما راويكم
...
عدلوهه مالت ياولد حاميهه
زينب يهلهه فراگكم عاميهه
المرجفه اسمكم عالهزل سابيهه
عذروني ادري هل حچي ياذيكم
...
الظال من عمري بعد مايسوه
مكور بلاوي فراگكم مو بلوه
سرجو الشگر خل حذوه تشكي لحذوه
وخلوني اشوفن ياهو اليلاگيكم
...
وين المطوگ خالد وفقاره
والدنيا كلهه ماشيه بتسياره
خل يحظر النه وخل يسل بتاره
لو للظعن يا اهل الوفه يوديكم
...
حيهم صحت ياخوي ها يمحمد
ياحار يا ابو الزود يل ماتبرد
الشام خويه من دخلناه عيد
والعال بيه يخاف من طاريكم
...
مرفوعه اديه وظاله بس ادعي
يحنان كلش ماهو طيب وضعي
يخواني ياولدان گلبي وظلعي
ادعي الله كون بهل مسه يحييكم
...

#حسن_هادي_المحمداوي

جيتك وعفت الخيم كلهن وراي
ساعه اعثر بيك ساعه بمستحاي
جيت ادور اعليك ماگتلي تعاي
هنا يلمتعبك ضماك الدنيا ماي

جيتك وتبچي عباتي تراب من الحومه
منك ومن الخيم والماي شو محرومه
المايموت وي اليحبهم روحه تبقى تلومه

زينب ليش مامتي
روحي تصيح وانه اسمع
گبل لا اعوف المخيم
حرت بين اطلع وارجع
صرت ياروحي ما اريدچ
اطلعي مني راح اطلع

هنا يميت شوفني العدله عمت
يخو زينب زينب اعليك انچفت
*_____

مو*ش اسولف جيت اگلك ماتصير
العدهه مثلك وسفه ياخويه تحير
صحت يمك ها يسيدنه الچبير
عفت زينب ليش وحدهه شتصير

چلمه وحده ان چان تگدر فتش وحاچيني
گوم وصي النوگ بيه خافن توازيني
خويه ذباحك اجاني وهظمه من يحديني

گوم وياي ياروحي
گوم وفتش عيونك
فز ياماي لعيالك
گوم وخل يشوفونك
غربه شلون يبن امي
تحدي وتبره لضعونك

بعد ما اگلك الحگلي بطلت
راح اصيح حسين يبن امي متت

*____

وي*نك شگد صحتك وصحت انوليت
خويه اجاني الجيش كله وما اجيت
ادري تسمعهن ادموعي وهل بچيت
اتلگه دمعاتي الرملّ وانت بطيت

كافي يمي وانه ادورك تعبتني حسيني
لراسك لخنصرك خويه لياهي بس دليني
تايهه واعليه ادور بيه شو دليني

لا ميته ولاعدله
ما ادري شنو البيه
لايم عون لازينب
لاصاحولي علويه
يخويه انه موش انه
من صاحو يمسبيه

رايحه ياتعبي وسنين العمر
زينب من ايدك لديوان القصر

*___

نوگ* جابو وانه اگولن مو عليچ
لو الچ ياروحي ابو فاضل يجيچ
ثاري الي ودنو عليه الهزله ذيچ
شبيچ روحي لاخوتچ رفعي اديچ

بكثر تعبك يابو تعبي مطشرات جروحي
بس اسمعك كلشي ارضه گلي زينب روحي
انه احبك وانه اختك ليش الوم بروحي

ما اريدن بچي ودموع
لا اريدن عليك انعه
ردت روحي ويروحك كون
يطلعن بس فرد طلعه
ما يسوه الحچي بلياك
كل الحچي ما اسمعه

شرد اگلك راح اگولن كون اموت
ومن عدوك يابو گلبي ما افوت

*_____

ل*الي خيمه ولالي والي ولالي راي
بلخرابه احچي وي روحي انه هاي
انكسر گلبي وشنهي اذا الزم گفاي
صح شربت الماي لاچني بضماي

انه من الطف يروحي لحد طبة الكوفه
رحت للشام اعلى هزله وبلحبل مچتوفه
صحت وين الگمىر ياماي انه اريد چفوفه

هايحسين حاچيني
چلمه وخل اسمعنك
يبعد چلاي وعيوني
يلما ينشبع منك
اليوم بطيف امر اعليك
يبن امي واندهنك

ماشيه ضل گلبي يمكم ماشيه
الباقي عدكم موت موش العافيه

_____#حسن_هادي_المحمداوي

(١)....
من البدايه نزلت ايه قل هو الآكبر علي
صاح عمه وين آمه گومي لآبنچ هلهلي
موش الآكبر چنه حيدر نزل بچفوف الولي

........
نزل نزل
ويمينه هز گاع بيهه وسمه

نزل نزل
ويساره عت بيهه چم موزمه

نزل نزل
سواهه طشار ابن فاطمه

لبيك لبيك علي الآكبر ... لبيك لبيك علي الآكبر
^^^^^^^^^^^^^^^^^^^^^^^^^^^^^^^^^^^^^^
(٢)......
طفح زوده وبزنوده ركع اهل الشوشره
صاح بيهم ها عليهم رجع چنه حيدره
اشكم مقاتل منه خاتل رجف من الزمجره
..........
قسم قسم
بلزهره والگاع طشهه جثث

قسم قسم
ميهمه جيش الكفر والعثث

قسم قسم
من ايده تطيح الزلم لونكث

لبيك لبيك علي الآكبر ... لبيك لبيك علي الآكبر
^^^^^^^^^^^^^^^^^^^^^^^^^^^^^^^^^^^^^^^
(٣)....
راح گاصد منه شارد جيش اميه باجمعه
منهو گده يصل حده بيده نزلت واقعه
بعينه لوصد چن محمد وچن تشوف القارعه
.......
رعد رعد
وبصوته صار النهر بي فتگ

رعد رعد
زخاهه عالشاطي روس ورشگ

رعد رعد
يستاهل عالغيم رايه يدگ

لبيك لبيك علي الآكبر ... لبيك لبيك علي الآكبر
^^^^^^^^^^^^^^^^^^^^^^^^^^^^^^^^^^^^^^^
(٤)...
نزل قائل يا ابوفاضل يلا ياعمي الگمر
بعيني شفته من خزرته بادت جروفه النهر
منهو يگدر لآبن حيدر لو زعل مره وخزر
.......
رعب رعب
بلحومه نزلوهه ولد الولي

رعب رعب
والدنيا خلوهه تصرخ علي

رعب رعب
والآكبر خل العجاجه اتهلي

لبيك لبيك ياعلي الآكبر... لبيك لبيك ياعلي الآكبر
^^^^^^^^^^^^^^^^^^^^^^^^^^^^^^^^^^^^^^^
(٥)...
ياصفاته وياحلاته يرهب الي يناظره
ماضي حيدر اليوم الاكبر چنه راح يكرره
بكلشي هيبه من يصيبه عمه سبع الگنطره
.....
نعم نعم
ياليلى ابنچ عيونه بحر

نعم نعم
نضراته تحز اليجي من النحر

نعم نعم
چن جده چن علي فارس مضر

لبيك لبيك ياعلي الآكبر ... لبيك لبيك ياعلي الآكبر
__
(#حسن_هادي_المحمداوي)

كأني بغريب الكوفه المولى مُسلم ابن عقيل صلوات الله عليه يقول:

ارجع يا ابو ضعون الحلوه
بهاي الوادم ماكو مروه
باچر زينب بين الخيل
تحشم وينك يا ابو الخوه

وي الهوى هاي الرساله اسمعهه
ارقيه ماتحمل عطش رجعهه
رد للعليله فراگك ملوعهه
ارجع ولم بكترك ابنياتك

يحسين ذول الوادم اليردونك
من الگفه شكم يوم ويذبحونك
ان چان تسمع فدوه رجع ضعونك
باچر تفيض الگاع من دمعاتك

ماي اشرب هواي
يا ابوعلي ماي اشرب هواي
چي لازمه الماي
هاي العرب چي لازمه الماي
ياجرحي ودواي
فدوه انه الك ياجرحي ودواي

________

اسمع كونك تگدر تسمع
چذاب الگلك لينه اطلع
ناديتك من قصر الموت
يجسين ارجع يحسين ارجع

باچر تره مامش بشر يوگفلك
عباس يمشي ومابعد يرجعلك
من بين نار وخيل من تطلعلك
زينب تگلك اگعد وحاچيني

اگعد يبعد الماي فز ياضامي
بلا مستحه طبت النار خيامي
بمگفاي ضعن اطفال والگدامي
خيل وزلم يا ابوعلي واليني

ماچني ام عون
تگلك افا ماچني ام عون
يا ابن امي وشلون
امشي بيسر يا ابن امي وشلون
وي اليذبحون
امشي غصب وي اليذبحون

______

باچر مامش عون العازه
وگلبك يفگد كل اعزازه
تتچفن بتراب الگاع
وگلبك من الحر يتوازه

عطشان ياماي الشرب واويلي
ياكون تشرب چا گلت خليلي
كلشي بدونك والله مايعنيلي
انت الحياة وانت نور عيوني

يا ابو الخيام الراح تنشب باچر
لاگربه الله وكون مامش عاشر
يمين ويسار تظل يغالي تناضر
وزينب تصيح وياك خيذبحوني

ياسبع الاسباع
لوحدك تضل ياسبع الاسباع
طايح على الگاع
مو بس دمه طايح على الگاع
مسچ وي نعناع
يفوح النحر مسچ وي نعناع

_____

يفرن باچر خوف وحسره
كلمن لوعه وكلمن جمره
يصيحن وينك بويه حسين
وزينب صاحت يمه الزهره

وبلا حمه ورد المخيم حافي
اتذكرت عمهه الگلهه فوگ اچتافي
صاحت رقيه من الركض ماكافي
من طاح عمي كلهه ركضت لينه

وتصيح ياعمي رقيه انه
متحفيه اجيتك خايفه وعطشانه
زغرت الهيمه بعيني انه حيرانه
صاحو عليه وينه عمچ وينه

عميانه يلعين
عگبك يعم عميانه يلعين
مو وحده الاثنين
عگبك عمن مو وحده الاثنين
ي يتيمة حسين
صاحو علي ي يتيمة حسين

_____

#حسن_هادي_المحمداوي

#بندريه

سر الخليقه عشگك ولونك
دين ومحنه تارس ضعونك
احسبني فدوه وي اليخدمونك
ياسر وجودي
كلشي انه بيه يگلك اغديلك
فدوه ونذر وارزقني ابچيلك
وي روحي نص الليل انعيلك
ياسر وجودي

ممنون منك عالدمع تارسني خيرك
ماعندي غيرك
يا ابو المحنه

تسوه المدامع واللطم تسوه البواچي
شويه المحاچي
يابعد اهلنه

يلومون خلي الي يلوموني
ابچي لحد مايعمن عيوني
للمگبره موصي اليزتوني
گبل الدفن گبرك يزوروني

_______

اول ذبيح يهابه ذباحه
الرماح صدرك كسر ارماحه
ايات صمتك داست اصياحه
ياسر وجودي

ياماي وجهي وقبلتي وديني
بدرب العدل انت التمشيني
موضوعي انت وكل عنوانيني
ياسر وجودي

اول واخير بكل زمن باقي يضامي
روحي وامامي
وكلهن جنابك

انت فلا غيرك يضل تاج اعلى راسي
يلكل حواسي
تنعى لمصابك

الماي عگبك فطر اشفافي
من خير بابك كبرت چتافي
اگضي العمر لمصيبتك حافي
موكافي لاجلك كلشي موكافي

_________

يانور الله بدنيه مهجوره
الماتبچي لاجلك عيب معذوره
مكسوره روحي اعليك مكسوره
ياسر وجودي

يحسين بسمك سبح العالم
يبچي على الخنصر بقه الخاتم
گلبي اعلى گلبك والله يتثالم
ياسر وجودي

فدوه الك ماي المشرعه وكلشي يغالي
لكن سؤالي
شيسوه بدونك

گاع الله كلهه ياشهم فدوه لعيالك
فدوه لخيالك
فدوه لضعونك

انه لخدمتك ناذر ايامي
كلشي وراي وانت گدامي
گلبي تفطر ليك ياضامي
خدمه وبواچي صارت احلامي

_______

يفتش الاعمه بلطمة عيونه
اليدخل عزائك هذا خيعونه
مولاي منك روحي ممنونه
ياسر وجودي

شتسوه الحياة بدونك شبيهه
المابيهه رسمك والله اعميهه
جروحي العليك شلون اداويهه
ياسر وجودي

انت الحنين الماترس واحد مكانه
واحد زمانه
الماكو مثيله

وانت المطاع بكل وكت حچيك اوامر
تخسه الحوافر
يا ابو العليله

معگوده كل احلامي بلرايه
احسب ثواني اخدم المشايه
تگضي حياتي دموع وقرايه
بس هاي عندي وماكو كل غايه

_______

وداعت الكافل چلمه بلساني
احچيهه وادري الشامت متاني
بفضل الحُسين انه الله سواني
ياسر وجودي

مفتاح جنة الله بچفوفه
كل الخدم للجنه مزفوفه
فدوه لحضرته وفدوه لحروفه
ياسر وجودي

اخدم اظل طول العمر اعظم هديه
لأبن الزچيه
ناذر سنيني

بس هوه يحضر شدتي بگبري اشوفه
بلحدي واطوفه
واثق يجيني

هو الوحيد يعاين لحالي
ومتروس گلبي اعليه موخالي
مرافگني اسمه رفگة خيالي
هو الوحيد الساكن ابالي

_______

#حسن_هادي_المحمداوي