✔️ Maraqli.tv -nin rəsmi telegram kanalı
Reklamla və əməkdaşlıqla bağlı:+994552205568 (📞 Business Wp: )
Last updated 4 days, 6 hours ago
Kanalın yaradılmasında əsas məqsəd insanların bir-birinə tədris üçün kömək etməsidir.
Müzakirə qrupu: @BirlikTeam
Adminlə əlaqə: @BirlikTeamAdmin
Kanal qorunur©
Last updated 11 months ago
Dünyada və Ölkədə baş verən ən yeni xəbərlərdən anında xəbərdar ol❗
💡 Doğrunu bizdən öyrənin
🔹 Operativ Xəbər Portalı
ℹ️Dəqiq, Tərəfsiz və Sürətli xəbər
@Rusi_006
Last updated 8 months, 1 week ago
*📍Culeybib (Allah ondan razı olsun)*
Culeybib sözünün mənası "az böyümüş" deməkdir və "cəlbəb" sozünün kiçildilmiş formasıdır. Bu addan məlum olur ki, Culeybib (Radiyallahu anhu) çox kiçik boylu idi. Bundan əlavə, o "dəmim" kimi təsvir olunmuşdu yəni eybəcər, şikəst və ya nifrət doğuran zahiri görünüşə malik biri kimi. İslama girdikdən sonra Peyğəmbər ﷺ onun üçün zövcə seçmiş, Osman ibn Affan və Əli ibn Əbu Talib (Allah onlardan razı olsun) evlənmək üçün ona maddi kömək etmişdilər.
Culeybib (Allah ondan razı olsun) haqqında. ⤵️
https://t.me/islamtarixinde
©İslam tarixində
*📍Dört Məzhəb imamının həyatı.*
*📍Monqol-tatarlar üzərində qələbə: (Ramazan ayı)*
Bu qələbə tarixdə «Aynı-Calut» adlanan yerdə, hicrətin 658-ci ilində, Ramazan ayının 24-də baş vermişdir. Bu qələbə Allahın böyük yardımı idi. Hər yerdə müsəlman qanı axıdanların, evləri dağıdanların, Fələstinə qədər insanları qıranların böyük qətliamına mübarək Ramazan ayında son qoyulmuşdu. İlk öncə Allahın yardımı, sonra isə müsəlman ordusunun komandiri Qutuz və müavini Baybersin səyləri ilə müsəlmanlar böyük bir zülmdən xilas oldular və misli görünməmiş bir qələbə qazandılar.
✍ Sahib Əsədov
https://t.me/islamtarixinde
©İslam tarixində
**📍Şeyx Abdur-Razzaqın gözəl əxlaqının səmərəsi.*
Şeyx Abdur-Razzaq (Allah onu qorusun) Mədinənin böyük alimi şeyx Abdul-Muhsin əl-Əbbəd'in (Allah onu qorusun və ömrünü uzatsın) oğludur. Mədinədə Peyğəmbər məscidində dərs deyir. Şeyx çox gözəl əxlaqlı və heybətli şəxsdir. Şeyx Abdur-Razzaq İmam Nəsəinin "Kitəb ən-Nu'ut min Sünənil-Kubra" əsərini şərh edərkən belə bir hekayə danışdı:
"İllər öncə, Ramazan ayının 27-ci gününün səhəri yolla gedərkən bir dəstə gəncin musiqi dinlədiyinin şahidi oldum. Musiqinin səsini çox vermişdilər. Onlara yaxınlaşıb dedim: "Siz belə bir ayın son on mübarək günlərində, özü də belə bir gündə musiqi dinləyirsiniz? Allahdan qorxun! Xeyir edə bilmirsiniz, heç olmasa, bu musiqinin səsini alın!"
Onlar musiqini söndürürlər. Sonra onlara bu gecədə edəcəkləri duanı öyrətməyə çalışdım. Gənclərdən birinə dedim ki de:
"Allahummə innəkə Afuvvun, tuhibbul-afvə fəafu anni"
Mənası: (Allahım sən Əfv edənsən, Əfv etməyi sevirsən, məni əfv et!)
O bu duanı deyə bilmədi. Bir neçə dəfədən sonra o gənc bu duanı əzbərlədi. Digərləri də bu mübarək gecədə deyəcəkləri duanı eşitdilər. Onlara bu gecə bu duanı çoxlu demələrini və bəlkə də bu duanın Allahın onları bağışlamasına səbəb olacağını bildirdim və onlardan ayrıldım.
Artıq bu hadisədən beş-altı il keçmişdi. Dini idarələrdən birinə getmişdim. Orada gülərüz və mehriban bir şəxs ilə rastlaşdım.
Mənə dedi ki: Şeyx! Məni tanıdınızmı?
Dedim: Xeyr, tanımadım.
Dedi: "Mən illər öncə Ramazan ayında qədr gecəsində edəcəyimiz duanı öyrətdiyiniz gənclərdən biriyəm! Allah mənim qəlbimi hidayətə tərəf açdı. Mən o gündən bəri o duanı deyirəm!"
Mədinə şəhəri. 2016. 20 iyun. Peyğəmbər məscidi.
Qeyd: Bu gənc Allahın hidayəti və sonra şeyxin gözəl əxlaqı, hikmətli dəvəti səbəbiylə doğru yola yönəlmişdi.*
📍Əndəlüsün fəthi (İndiki İspaniya (Ramazan ayı)
Hicrətin 92-ci ilində, Ramazan ayının 28-də müsəlman komandir Tariq ibn Ziyad’ın rəhbərliyi altında müsəlmanlar elə həmin şərəfli komandirin adı ilə bu gün də anılan Cəbəlutariq boğazını keçərək Əndəlüs (İspaniya) ərazilərini fəth edirlər. Bu fəthdən sonra Əndəlüs elm və mədəniyyət mərkəzinə çevrilir, hətta, avropalılar belə öz övladlarını müsəlman elm adamlarından təhsil almağa göndərirdilər.
✍ Sahib Əsədov
https://t.me/islamtarixinde
©İslam tarixində
📍Bədr döyüşü (Ramazan ayı)
Bu, müsəlmanların Məkkədə Qüreyşli qeyri-müsəlmanlara (müşriklərə) qarşı ilk döyüşüdür. Hicrətin ikinci ili Ramazan ayının 27-si cümə günü baş vermişdir. İslam Bədirlə qalib gəldi, şirk və bütpərəstlik məğlub oldu və bu müharibədə Əbu Cəhl öldürüldü. Bu gün uca Allahın haqqı batildən ayırdığı Furqan* günüdür. Uca Allah Bədr döyüşü haqqında Ali İmran surəsidə belə buyurmuşdur:
**123) Siz zəif olduğunuz halda Allah, Bədrdə sizə yardım etdi. Elə isə Allahdan qorxun ki, bəlkə şükür edəsiniz.
124) O vaxt sən möminlərə demişdin: “Rəbbinizin göndərdiyi üç min mələyin köməyinizə çatması, sizə bəs etmirmi?”Bədr döyüşü haqqında daha ətraflı aşağıdakı linkə daxil olaraq oxuya bilərsiniz. ⤵️***
https://t.me/islamtarixinde/337
*📍Peyğəmbərimizin ﷺ Meracı bu gün olmuşdur*.
Dəlillərimizdən bəzisini ona (Peyğəmbərə) göstərmək üçün Öz qulunu gecə vaxtı Məscidulharamdan ətrafına xeyir-bərəkət verdiyimiz Məsciduləqsaya aparan Allah pak və müqəddəsdir. (İsra,1)
*Bu hadisə Məkkədə Peyğəmbərlikdən sonra və hicrətdən bir il əvvəl 27 Rəcəb 621- ci ildə baş verib.
Peyğəmbər ﷺ on il Allahın əmrinə tabe olaraq tövhidə dəvət etdi. On ildən sonra göylərə yüksəldi. Merac (ARACƏ) sözündən götürülüb. URUC qalxmaq, yüksəlmək deməkdir. İsra (ƏSRA) sözündən götrülüb. Bəzilərinin dediyinə görə Peyğəmbər ﷺ Merac səfərini yuxuda edib, digərlərinin dediyinə görə o ﷺ, Meraca yalnız ruhu ilə gedib. Lakin səhih odur ki, həm ruhu, həm də cəsədi ilə gedib və ömründə bir dəfə olub.*
Aşağıdakı linklərə toxunaraq Merac hadisəsi haqqında daha ətraflı oxuya bilərsiniz ⤵️
https://t.me/islamtarixinde
©İslam tarixində
*📍Yərmuk döyüşü*
Yərmuk döyüşündə bir nəfər xaçpərəst ərəb kişi səhabələrin vəziyyətini öyrənmək üçün gecə, pusquya çıxmışdı. O səhabələrin vəziyyətini gördükdən sonra belə deyirdi: “Mən gecələri rahiblik (ibadət), gündüzləri süvarilik edən bir tayfa gördüm. Allaha and olsun, onların şahzadələri oğurluq etsəydi onun da əlini kəsər, zina etsəydi onu daşqalaq edərdilər”. Rumluların sərkərdəsi ona dedi: “Allaha and olsun, əgər sənin dediklərin doğrudursa onda yerin altı üstündən daha xeyirlidir”.
Yərmuk döyüşü haqqınıda daha ətraflı ⤵️
⇢https://t.me/islamtarixinde/175
https://t.me/islamtarixinde
©İslam tarixində
*📍İmam Hüseyn (Allah ondan razı olsun)*
Hicətin 60-cı ili (Kərbəla hadisəsi)
*Mədinədə olan Hüseyn ibn Əli və Abdullah ibn Zubeyr Yezidə beyət etməmişdilər. Onlardan Yezidə beyət etmələri tələb olunduqda Abdullah ibn Zubeyr dedi: Qoyun bu gecə fikirləşim sonra sizə öz fikrimi deyərəm. Onlar dedilər: Yaxşı. Gecə düşdükdən sonra Abdullah ibn Zubeyr beyət etmədən Mədinədən çıxıb Məkkəyə getdi. Hüseyn ibn Əlidən beyət etmək tələb olunduqda o dedi: Mən gizlində beyət edən deyiləm. Mən camaat arasında beyət edəcəyəm. Onlar dedilər: Yaxşı. Gecə düşdükdən sonra o da Abdullah ibn Zubeyrin ardınca Məkkəyə getdi...
Aşağıdakı linklərə toxunaraq Hüseynin (Allah ondan razı olsun) Kərbəlaya getməsi və Taff döyüşü haqqınıda daha ətraflı oxuya bilərsiniz.⤵️*
⇢Hüseynin (Allah ondan razı olsun)
döyüş öncə duası
⇢Əhli-beytdən şəhid olanlar
⇢Hüseyini (Allah onda razı olsun) qətlə yetirənlərin cəzasıhttps://t.me/islamtarixinde
*©İslam tarixində*
**📍Əli ibn Əbu Talib'in (Allah ondan razı olsun) oğlu Hüseynə çox dəyərli nəsihəti.*
Oğlum, sənə həm gizlində, həm də aşkarda Allahdan qorxmağı, həm qüvvətli, həm da zəif halında haqqı deməyi, həm varlı, həm də kasıb olanda qənaət etməyi, həm dosta, həm də düşmənə qarşı ədalətli olmağı, həm tənbəllik, həm də yaxşı əhval-ruhiyyən olduqda çalışmağı, həm çətin, həm də asan vaxtı Allahdan razı olmağı tövsiyyə edirəm. Oğlum, bil ki, Cənnətdə heç bir pislik, Cəhənnəmdə isə heş bir xeyir yoxdur. Cənnətdən başqa hər bir nemət, Cəhənnəm odundan da başqa hər bir bəla heç kimidir. Oğlum bil ki, öz eyiblərini görən şəxs, heç zaman başqasında eyib tutmaz. Allahın ona böldüyü payla razılaşan şəxs heç zaman itirdiyi bir şeyə təəssüflənməz. Pis niyyətlə qılıncını qınından çıxaran elə onunla da öldürülər. Qardaşına quyu qazan özü düşər. Özgəsinin hicabını açan şəxsin ailə üzvlərinin örtüyü açılar. Öz səhvlərini unudan şəxs başqalarının səhvlərini böyüdər. Hər işə dözən tələf olar. Dənizə surətlə atılan batar, özünü bəyənən kəs yolunu azar, ağlını hamıdan yüksək tutan alçalar, başqalarını səfeh sayan söyülər, pis yerlərə gedən böhtanlara məruz qalar, alçaqlara qarışan rəzil olar, alimlərlə oturub duran isə ucalar, çox sevinən ələ salınar, ayrı olan salamat qalar, şəhvətlərini tərk edən azad olar, həsədi tərk edəni insanlar sevər. Oğlum, möminin izzəti insanlardan heç bir şey istəməməyidir. Aza qane olmaq tükənməz bir maldır. Ölümü tez-tez xatırlayan azacıq dünya nemətlərinə razı olar. Əzabdan qorxub pis əməli tərk etməyənin və xeyir istəyib çalışmayanın halı necə də qəribədir. Oğlum, bil ki, zikr nurdur, qəflət zülmətdir, cahillik zəlalətdir, başqasından ibrət götürən xoşbəxtdir, ən xeyirli miras ədəbdir, ən yaxşı dost gözəl əxlaqdır. Oğlum, qohumluq əlaqələrini kəsməklə irəliləyiş, pisliklə də varlanmaq olmaz. Oğlum, salamatlıq on qismdir: Onun doqquzu, (zikr istisna olmaqla), susmaq, biri isə səfeh insanların məclisindən uzaq olmaqdır. Kim məclislərdə Allaha asilik nümayiş etdirsə, rəzil olar. Elm tələb edən isə bilikli olar. Oğlum, elmin zirvəsi mülayim olmaqdır. Müsibətlərə səbir etmək isə iman xəzinələrindəndir. İffətli olmaq kasıbın, şükür etmək isə varlının zinətidir. Bir şeyi çox edən onunla tanınar. Çox danışanın səhvi də çox olar. Xətası çox olanın isə həyası az olar. Həyası az olanın təqvası da azalar. Təqvası azalanın isə qəlbi məhv olar. Qəlbi məhv olan kəs isə Cəhənnəm oduna girər. Oğlum, günahlarından dolayı ümidsizliyə düşmə, əməllərini xeyirlə bitirən o qədər günahkar var ki. Həmçinin nə çox əməl edib sonda Cəhənnəmə düşənlər var. Məqsədini axtaranın işləri yüngülləşər. Oğlum, bil ki, çox ziyarət etmək adamı bezdirir. Təcrübə toplamadan rahat olmaq səhv bir addımdır. İnsanın özünü bəyənməsi isə onun ağıldan kəm olduğuna sübutdur. Oğlum, islamdan daha şərəfli, təqvadan daha ülvi, tövbədən yaxşı şəfqət, iffətdən gözəl libas yoxdur. Oğlum, elmini və əməlini, sevgini və nifrətini, alışverişini, danışığını və sükutunu yalnız Allah üçün edən kimsəyə Cənnət vacib olar”.
📚(Tarix əl-Uməm vər-Rusul vəl-Muluk, 5/147-148)
📚*(əl-Bidayə vən-Nihayə, 7/328-329)
https://t.me/islamtarixinde
©İslam tarixində
✔️ Maraqli.tv -nin rəsmi telegram kanalı
Reklamla və əməkdaşlıqla bağlı:+994552205568 (📞 Business Wp: )
Last updated 4 days, 6 hours ago
Kanalın yaradılmasında əsas məqsəd insanların bir-birinə tədris üçün kömək etməsidir.
Müzakirə qrupu: @BirlikTeam
Adminlə əlaqə: @BirlikTeamAdmin
Kanal qorunur©
Last updated 11 months ago
Dünyada və Ölkədə baş verən ən yeni xəbərlərdən anında xəbərdar ol❗
💡 Doğrunu bizdən öyrənin
🔹 Operativ Xəbər Portalı
ℹ️Dəqiq, Tərəfsiz və Sürətli xəbər
@Rusi_006
Last updated 8 months, 1 week ago