МЎЪЖИЗАВИЙ ТАБИАТ

t.me/Muzaffar_Xafizovich1975

УСМОН НОСИР

Дунё вафо қилмас шоҳу гадога.
Умрга гоҳ нуқта қўяр битта ўқ.
Назм бўстонини босди хазонлар,
Афсус, бу дунёда Усмон Носир йўқ.

Дилларни сеҳрлаб, шеърга тўлдирган,
Мазлумликка ёвуз тақдир кўндирган,
Умр гулин фитна. туҳмат сўлдирган,
Афсус, бу дунёда Усмон Носир йўқ.

Шу миллат, шу юртнинг юксак маёғи,
Назм кошонасин порлоқ чироғи,
Ортда қолган абад икки қароғи,
Афсус, бу дунёда Усмон Носир йўқ.

Бақосиз дунёда кўрмасдан сафо,
Ичганлари оғу, чеккани жафо,
Элим, деб жонини айлаган фидо,
Афсус, бу дунёда Усмон Носир йўқ.

Ёруғлик кўрмасдан ўтди не зотлар,
Сўнди не орзулар, синди қанотлар,
Қалбимизда қолди ҳеч кетмас доғлар,
Афсус, бу дунёда Усмон Носир йўқ.

✍️ ҚАҲРАМОН САТТИХЎЖАЕВ

ЎЛГАНЛАРДАНМИЗ

Сенсиз ғариб кўнгилда фироқ,
Бахтлар йироқ, орзулар йироқ...
Нафас олиб юрибмиз бироқ,
Биз кўмилмай ўлганларданмиз...

Дунё ғами биргина бошда,
Юрагимиз чақилди тошда...
Ёрдан ажраб ўн саккиз ёшда,
Биз кўмилмай ўлганларданмиз...

Тенгиммас деб урдишдилар дўқ,
Пуллари кўп сабрлари йўқ...
Бир қизни деб қабрлари йўқ,
Биз кўмилмай ўлганларданмиз...

Ўша таниш анҳор бўйида,
Ялпиз билан куйдик кўйида...
Вафоси йўқ ёрнинг тўйида,
Биз кўмилмай ўлганларданмиз...

Ошиқ эдик элга овоза,
Нийяти соф, қалблари тоза...
Ёр ёр бўлди бизга жаноза,
Биз кўмилмай ўлганларданмиз...

Ҳазон бўлди муҳаббат боғи,
Сенга макон ўзга қучоғи...
Ярамадик яшашга чоғи,
Биз кўмилмай ўлганларданмиз...

Орзулари сўлганларданмиз,
Бахти армон бўлганларданмиз..
Айрилиқнинг касрига қолиб,
Биз кўмилмай ўлганларданмиз...

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

МЕН СЕВСАМ-У...

Мен севсам-у, сен кибрда осмон бўлиб,
Кулгуларинг аразларга соврилса-я.
Орзуларим оташларда гирён бўлиб,
Қоврилса-я, қоврилса-я, қоврилса-я.

Мен севсам-у юзингга тун тутиб парда,
Бир жуфт камон, киприкларни ўқ қилса-я.
Терс қарашинг мухаббатга бўлиб зарда,
Йўқ қилса-я, йўқ қилса-я, йўқ қилса-я.

Мен севсам-у, сен севмасанг алам менга,
Юрак гирён, фарёдларда қақшаса-я,
Бу дунёда бирор қоши қалам сенга,
Ўхшаса-я, ўхшаса-я, ўхшаса-я.

ЎРМОНЖОН ХОЛЙИГИТОВ

20.IX.2022-йил

t.me/Olis_qishloq_sadolari

СЕВМАЙ ҚЎЯМАН

Ишқингизда куймай қўяман,
Ортингиздан юрмай қўяман,
Соғиниблар қоласиз ҳали,
Бир кун сизни севмай қўяман.

Синмадингиз синаб сабримни,
Тинмадингиз тилаб жабримни,
Ортиқ урмай ерга қадримни,
Бир кун сизни севмай қўяман.

Келдимикан ишқим малоли,
Тутсин майли севгим уволи,
Бир ўзингиз қолдириб холи,
Бир кун сизни севмай қўяман.

Гул япроғи гард эмас экан,
Ошиқлик бир дард эмас экан,
Сизни севиш шарт эмас экан,
Бир кун сизни севмай қўяман.

Меҳр кутдим баҳордан,куздан,
Меҳр кутдим юраги муздан,
Юрагимни совитиб сиздан,
Бир кун сизни севмай қўяман.

Умид узиб кетман нари,
Вафосизлик,мендадир гали,
Соғиниблар қоласиз ҳали,
Бир кун сизни севмай қўяман.

✍️ Хуршид Карим

💖💖🔥🔥❤️❤️

Ота

хақида гапирар эканмиз жон қулоғингиз билан эшитинг

Хулоса чиқаринг
Кейин кеч бўлганидан кейин армон ёшлари оқмасин кўзингиздан

Эй Отаси бор яхшилар отаси бор жасурлар
Эй отасини мехрига тўйганлар

Отангиз хаёт отангизни олдига бориб қўл оёқларини ўпинг
Қучоқлаб хидларига тўйинг
Кшчага чиқганизда Дадажон нима егингиз келябди денг
Отангизни сарғайган дўпиларини ўрнига янги дўппи олиб беринг

Ранги ўчган махсиларини таги ейилган калишларини алмаштириб бпринг янгисини олиб беринг

Жумма намозларига олиб боринг

Эй отаси борлар

Отаси йўқларнинг юзига бир қаранг

Отани ўғлим деган сўзига зор бўлиб юрадилар

Босган изларини тополмай
Хизматларини қилолмадимку деб армон ёши балқиб  туради кўзларидан

Ота хақида ёзамиз гапирамиз эшитамизу

Лекин хулоса чиқаролмаймиз ширин гапиролмаймиз
Бунга вақт топаолмаймиз аа..?

Отамсиз улғайдим тақдир экан қийнчиликлар ўтди бошдан
Отани мехрига зор бўлиб

Яшадим

Бир бор ўғлим деган сўзларини эшитиш учун бир умр қул бўлишга боримни беришга рози бўлиб яшаябман

Палончи Отасини  хажга оборябди
Экан деган гапни эшитсам беихтиёр кўзимга ёш келади

Менихам отам бўлсаю мен хам оборсам
Мен хам ўғиллик бурчимни бажарсам дейман

Авсуски бу менга бир умрлик армон бўлган

Хаёлот оламига шўнғим уйга кираман қанийди хозир дадам уйда ўтирган бўлсалару дадажон деб бағримга боссам

Хидласам  уша мен  учун йиртилган кўйлакларию махси калишларини янгилаб берсам

Мен учун қадоқ бўлган қўлларини ўпиб ўпиб кўўимга сурсам

Эх ота отажонима

Нега бизни ташлаб кетингиз

Ахир билардингизку сиз сиз қийналишимизни
Сизни соғинишимизни
Сиз биз учун улкан қоя эдингизку

Деб кўксимни муштлаб йиғлайман...

Ота хақида сўз очилдими ўзингизга бу сўзларни шиор қилиб олинг

Эй отаси борлар яхшилар қўрқмаслар

Отаси борлар хечнимадан қўрқмайди

Чунки ота қоя соябон ота забардаст куч

Отангиз ёнингиздалиги одатий холга айланиб қолган
Ишга борасиз келасиз отангиз уйда
Қўллари қалтираб қолган онангиз билан хоналарида сизни кутиб ўтиришади

Сиз ярим тундами тонгдами келсангизхам кутишади

Сиз эса парвоингиз палак отам онам борларку деб хотиржам юрасиз

Улар омонат эканини яхши биласизку нега хизматларини қилмайсиз

Ўғлингизни туғулган кунига олган кўйлагингизни ярим пулига отангизга хам кўйлак берадику

Сиздан аслида совға эмас этибор мехр бир оғиз отажон яхшимиз деган сўзингизни кутишади.

Эй отаси хаётлар хозироқ бориб отажон сизни яхши кўраман деб бағрингизга босинг
Армон бўлиб қолмасин

Отамсиз ўтгазган хар оним дақиқам умрим азобли суянчсиз ёлғиз бўлиб қолдим

Дуоларини ололмадим қўлларини пойларини ўполмадим хизматларини қилолмадим деган армон кўксимга нишини санчиб туради

Отаси хаётлар қўйинг дунё ишини

Дунёйингизни олдига бориб хизматларини қилинг оқарган сочларини соқолларини силаб тўйиб тўйиб хидлаб олинг

Отангиз ўтганидан кейин тополмай қоласиз

Хечкимга бу бахт армон бўлмасин

Отаси борлар Отангизни асранг

Оламдан ўтган Оталарни жойлари жаннатдан бўлсин

Борларини умрлари узун узуун узун бўлсин!

Камрон Нур

Ҳали ёш бўлишига қарамай юракка яқин шеърлар ёзаётган Муҳаммадбакир Рустамжоновнинг ижодини сизларга ҳам илингим келди.

🗒"Онам"
✍️Муҳаммадбакир Рустамжонов
🎙Музаффар Ҳафизович
https://t.me/NizomiddinMadrahimov

Тасаввурлар

Чоғинг етмас чоғи чоғланмоқликка,
Руҳинг руҳим билан боғламоқликка,
Юрагим кўникди доғланмоқликка...

Илкимга илк бора кафтингни чиздим,
Соямда соянгнинг тафтини сездим,
Кези келганида ёлғиз, жим кездим....

На илож, шодликлар ноилож қолди,
Кўзингни оч, кўксим ишққа оч қолди,
Руҳим айвонида қалдирғоч қолди....

Қоралама ёзган қораламамни,
Шамол шаъмасида ўчирма шамни,
Ғамлаб юрма яна юракка ғамни...

Яратган дунёни шундай яратган,
Сочдан тирноқ қадар нурлар таратган,
Ким у сайр чоғи булбул сайратган...

Зиёни борми ҳеч нурни, зиёни,
Дунё деб дунёга сарфлаб дунёни,
Руёбга чиқармай ўтдик рўёни...

Кўнглим кўҳна ғамга кўниккан, кўнган,
Сўнгаклар ичида иликлар тўнган,
Шамларни ёқай деб пиликлар сўнган...

Ё Худо!!!

2016 йил сентябр. Сочи.Қораденгиз

Очиқ хат

Бандаман, сўрадим: озиғим не деб,
Руҳим банди бўлган қозиғим не деб,
Ёзғириб не қилдим ёзиғим не деб,
Ҳар неки изнингла содир, Художон!

Сен севиб яратган бўлсанг начора,
Бу севги дастидан қолдим бечора,
Изҳор этмасамда ҳар кун беш бора,
Ишқинг юрагимда жодир, Художон!

Улар эл устига солмишдир отлар,
Бу ҳолдан не ғариб, ночорлар додлар,
Фақат мен ёмон... сен сийлаган зотлар,
Бари азиз, бари нодир, Художон!

Сен ҳукм айласанг тараф қайдадир,
Муҳрингни урмасанг салаф қайдадир,
Исён айлаганга шараф қайдадир,
Шундан қадларимиз ё(й)дир Художон!

Кўчсам, манзилимга кўчим етмади,
Меҳриму нафратим, ўчим етмади,
Менинг ҳеч нарсага кучим етмади,
Ўзинг барчасига қодир, Художон!

Баъзан ҳаёт сийлаб улоқни олдик,
Ёвуз ёв қўлидан байроқни олдик,
Ўзинг эгасисан, жонимни ол, лек,
Ўзимни ўзимда қолдир, Художон!!!

2016 йил сентябр. Сочи.

Англаш

Худойим не дардлар юбординг менга,
Дард тўла бир хатлар юбординг менга,
Ўзингдан дастхатлар юбординг менга,
Хатларинг мунг бўлиб кўзимда қолди.

Кечир, жавоби йўқ саволлар бердим,
Ўзимга зулм қилдим, заволлар бердим,
Дилларни ўлдирдим, уволлар бердим,
Сўзларинг жаранги сўзимда қолди.

Ҳар битта исмингни айтиб йиғладим,
Азал даргоҳимга қайтиб йиғладим,
Адашиб йиғладим, дайдиб йиғладим,
Кўз ёшим кўзиммас, бўғзимда қолди.

Тунлар ухлатмади муножот завқи,
Муқаддас каломнинг жунунваш шавқи,
Илоҳий илҳомнинг сурурли савқи,
Тошларга босилган изимда қолди.

Англадим, тақдир бу Оллоҳнинг сўзи,
Ёлғиз ўзим қолдим ва ёлғиз Ўзи,
Жойнамоз бағрида тиззамнинг изи,
Тасбеҳларинг изи юзимда қолди.

Билдимки, итоат қутқарар фақат,
Энг гўзал ибодат қутқарар фақат,
Унутсам ҳисоб бор, қасос бор албат,
Художон...ҳаммаси эсимда қолди.

Ҳаммаси, ҳаммаси эсимда қолди..

Гулжамол Асқарова
@Guljamol_Asqarova

@СОТИЛГАН ОТИЛМАЙДИ.
ОТИЛГАН СОТИЛМАЙДИ@

Рост сўзлига дор, кунда.
Маддохга айш хар тунда.
Бир хақиқат бор бунда.
Сотилган отилмаган.
Отилган сотилмаган.

Мард қайғуда номард шод.
Деманг бу хол бизга ёт.
Тўрт ёнда талай исбот.
Сотилган отилмаган.
Отилган сотилмаган.

Хушомаднинг қорни тўқ.
Хақ танқидга тўлов дўқ.
Ғарбми, Шарқми фарқи йўқ.
Сотилган отилмаган.
Отилган сотилмаган.

Жим юрганлар омонда.
Бонг урганлар ёмонда.
Ўтган барча замонда.
Сотилган отилмаган.
Отилган сотилмаган.

Тарихни битар ғолиб.
Мағлуб кетар йўқолиб.
Шу урфга содиқ қолиб.
Сотилган отилмаган.
Отилган сотилмаган.

Хақ сўзлига дор, кунда.
Қайда айш маддох шунда.
Битта қонун бор бунда.
Сотилган отилмаган.
Отилган сотилмаган.

Хар келганга ширин жон.
Кимга ёқмас мансаб, шон.
Қоюмгача йўқ гумон.
Сотилган отилмайди.
Отилган сотилмайди.

Ғуломжон Нормат. 19/04/2024-й

***БУ ДУНЁГА!

Яшайверар тирик жон борки,
Токи умри бўлгунча охир.
Берилмаган дунё абадий,
Бу дунёга ҳамма мусофир.

Жарангласа ажал куйимиз,
Тобутга жой бўлар бўйимиз,
Асли тупроқ сўнги уйимиз,
Бу дунёга ҳамма мусофир.

Нолийверар Аллоҳга одам,
Кам кўринар қанча берса ҳам,
Ёрдам бермас, молу дунё ҳам,
Бу дунёга ҳамма мусофир.

Тиш тўкилиб, сўз бўлар майин,
Мадор кетиб, қариган сайин,
Келдикми бас, кетмоқ ҳам тайин,
Бу дунёга ҳамма мусофир.

Яшнайверар биз кетсак боғлар,
Осмон ўпар баланд тоғлар,
Тугамайди ойдаги доғлар,
Бу дунёга ҳамма мусофир.

Ўлимни ҳам қилмайди писанд,
Она жони, болага пайванд,
Омонатдир отага фарзанд,
Бу дунёга ҳамма мусофир.

Айланади чархпалак гўё,
Ярми ёлғон, ярмиси рўё,
Мукаммал бир яралган дунё,,
Бу дунёга ҳаммамиз меҳмон.

Бирин, кетин ҳамма боради,
Ўлим келса жонин олади,
Онанг ёпган, нон ҳам қолади,
Бу дунёга ҳамма мусофир.

Пешонага нима битишин,
Ажал келиб, ёқа тутишин,
Хеч ким билмас қачон кетишин,
Бу дунёга ҳамма мусофир.

Эй одамзот кўнглингни узма,
Ўлмайман деб, оламни бузма,
Қулоч ёзиб қанчалик сузма,
Бу дунёда ҳамма мусофир.

Жойнамозга пешонангни бос,
Яшаб ўтгин мўминларга ҳос,
Кафан бўлар, энг сўнги либос,
Бу дунёга ҳамма мусофир.

Яшайверар тирик жон борки,
Токи умри бўлгунча охир.
Берилмаган дунё абадий,
Бу дунёга ҳамма мусофир.

(Тупроқ қучган, олиму ҳалил, Ана қара қабристон далил..)

📙-Камронбек Исмоилов. 2024.14.04.***

t.me/Sani_sevamanko