Ҳали инсонийлик ўлмаган...https://t.me/Muzaffar_Xafizovich1975

АССАЛОМ НАМАНГАН!
Бугун 2024-йилнинг 17-ноябр кунидан бошлаб Наманган шахрида бўлиб ўтадиган футбол турнирига етиб келдик. Жамоамиз билан Наманган шахрида меҳмонхонага жойлашдик. Эртага соат 12:00 да биринчи ўйинимизни ўтказамиз. Рақибларимиз ХОРАЗМ.

Ассалому алайкум варохматуллохи барокатух !!!

Кунларнинг султони Саййид-ул айём ҳажжул масокин яна бир Жума кунига насиб қилган "Аллоҳ" таолога ҳамду санолар бўлсин! Хонадонингизга тинчлик омонлик тилайман !!!

О Н А М Д У О С И

Хоҳи шаҳар, хоҳ кезай чўллар,
Мени онам дуоси қўллар,
Менга олқиш айтади йўллар,
Онам мени дуо айлади.

Хотиржамлик бўлди йўлдошим,
Омон боргин дейди қуёшим,
Қўл кўксимда, таъзимда бошим,
Онам мени дуо айлади.

Энди менга тансоқчи имон,
Васвас урар ўзини ҳар ён,
Мени қучар фараҳ тўла шон,
Онам мени дуо айлади.

Онам жону жаҳоним менинг,
Дуосида паноҳим менинг,
Тўкилар минг гуноҳим менинг,
Онам мени дуо айлади.

Олқиш айтар ҳув баланд тоғлар,
Дуо вожиб деб айтар боғлар,
Умримдадир энг гўзал чоғлар,
Онам мени дуо айлади.

Қулоқ тутиб беҳад қувондим,
Қудрати бор, яна инондим,
Жоним фидо бўлсин деб ёндим,
Онам мени дуо айлади.

Муаллим АСЛИЙ.

⛈

ОНАЖОН

Топмоқ йўқотмоқдир, йўқотмоқ топмоқ.
Сен сўлиб, мен яшнаб тўлишимга боқ.
Сенсиз топганимдан кўпроқ йўқотдим,
Сен мени юпатдинг, сени йиғлатдим.
Сен мени яратдинг, сени тугатдим.
Уялмай она деб келишимга боқ!

Соғинч ҳақда шеърлар ёздим ўзимча,
Мендан пешонангда доғлар тизимча.
Ўғил бўлмай ўлай, аттанг, минг аттанг,
Қиз туғсанг нетарди, кўпроқ қиз туғсанг.
Тиргак бўлолмадим битта қизингча,
Уялмай шоирман дейишимга боқ!

Жонингдан айланай тургин жонажон,
Йўл қараб бўлдими жигаргинанг қон?
Боқма кўзларимга бемажол, хаста,
Мени топганларим гулми бир даста.
Йўқотганим... Йўқотганим энди сенми онажон,
Ўз этимни ўзим ейишимга боқ!

Билсанг... Билсанг юрагимни бир алам элар,
Буюрсанг қўлимдан келмайди нелар.
Айт, пичан йиғайми, ўтин ёрайми,
Ерни ҳайдайинми, кўк ағдарайми?
Итдек оёғингга суйкалгим келар,
Учиб-учиб мана қўнишимга боқ!

Ҳеч нарса керакмас, болам ҳеч дейсан,
Энди кеч дейсан-да, энди кеч дейсан.
Юзимни босаман муздек юзингга,
Онажон зор қилиб кетма изингга.
Ўлим олдида ҳам ғамимни ейсан,
Мен-чи жим тақдирга кўнишимга боқ!

Шеърим битди, хайр дўстлар, хуш қолинг,
Бедил яшамакка ўрганманг мендек.
Боринг, волидангиз кўнглини олинг,
Эртага кеч қолиб ўртанманг мендек.

#Муҳаммад Юсуф

Севолмайсан

Севолмайсан мени мендайин
Соғинсанг ҳам менданда ортиқ.
Дардим кўп қай бирин айтайин
Сўра борим айлайин тортиқ.

Олис кетсам билиб қадримни
Эслармисан мени чиндан ҳам?
Ҳис этолсанг чиндан қадримни
Рашк қилардинг мени мендан ҳам.

Рангинг сўлса кетиб жилолар
Ўзгармагай кўнглимдаги ҳис.
Сенсиз сиғмас қалбга дунёлар
Мени мендан асрагувчи қиз.

Саратоннинг тиғи танимни
Бағрим ёқар тиндирмайди хеч.
Дўстларим кўп хатто ғанимни
Йўқлигини билдирмайди хеч.

Сен дўстим бўл ёру маҳрамим
Синмасин хеч ўтли бардошим.
Сен бўлсанг дардимга малҳамим
Асло дарддан чиқмасин бошим.

Икки юзинг ой каби тўлса
Қувончларга тўламан ишон.
Бахтинг учун жон керак бўлса
Шу заҳоти ўламан ишон...

@Horun_Sulaymon
12.08.2024. 08:57

СИЗНИ СEВИБ АДАШДИМ ЧОҒИ

Кетармикин кўнглимнинг доғи,
Ҳазон бўлди муҳаббат боғи.
Сира аттанг қилмадим аммо,
Сизни севиб адашдим чоғи.

Чиройлигим осмонда ойим,
Юрагимда оғриқсиз дойим.
Мен қилган энг катта хатойим,
Сизни севиб адашдим чоғи.

Ажралишди тутилган қўллар,
Айрилишди кутилган йўллар...
Бошни ёрди дард деган дўллар,
Сизни севиб адашдим чоғи.

Соғинчларим кетмайди ариб,
Топармидим юрсам аҳтариб?
Маликани суйгандай ғариб,
Сизни севиб адашдим чоғи.

Суяр дебман боқса кўзингиз,
Айтилганда ширин сўзингиз...
Мени алдаб қўйган ўзингиз,
Сизни севиб адашдим чоғи.

Кетдингизей хайрсиз дўқсиз,
Шошдингизей бунчалар шўхсиз.
Кўнглимда бор ёнимда йўқсиз,
Сизни севиб адашдим чоғи.

Ҳижронингиз дилдаги охим,
Бахтли бўлинг илоҳим моҳим...
Билиб туриб қилган гуноҳим,
Сизни севиб адашдим чоғи.

✍ Одилбек Қодиров

❤️ ????? | ??????? ???????

***(Жуфти ҳалолинг. У бир сени деб, ота-онасини, ака-укаларини, опа-сингилларини ташлаб келади. Сени деб ўз иффатидан кечиб, сенга умрини бахшида қилади. Шу сабабли, унинг бутун яқинлари, жигарларини ўрнини босишинг керак. Аёлингни ҳаётида энг яқин инсонига айлангансан. Унутма, Аёлни кўнглига қараб, эркаликларини кўтариш, яхши ёмон кунларида, бемор пайтларида  ёнида туриб, севгингга садоқат қилишлик, бор мехрингни беришлик, пасткашлик эмас, балки мардликдир...)

АЙИРМАСИН!

Ота уйин ташлаб келган,
Она кўзин ёшлаб келган,
Асли қисмат бошлаб келган,
Ҳалолингдан айирмасин.

Пешонангга битган қайди,
Фаришталар гўзал байти,
Рози бўлган никоҳ пайти,
Ҳалолингдан айирмасин.

Кенг ҳовлингни асли хури,
Оқ марварид, денгиз дури,
Сада райҳон, атир гули,
Аёлингдан айирмасин.

Мехнат қилар чумолидек,
Бир жойда хеч турмайди тек,
Хокисор бир мусичадек,
Аёлингдан айирмасин.

Боланг учун жонин тутган,
Хавотирда йўлинг кутган,
Бешик қучиб, алла айтган,
Ҳалолингдан айирмасин.

Қанча мехринг берсанг камдир,
Бирга ўткан, ширин дамдир,
У ҳам ёниб, ўчар шамдир,
Аёлингдан айирмасин.

Кўчадаги совууқ чойда,
Номахрамдан нима фойда,
Чиройи йўқ, қара ойда,
Ҳалолингдан айирмасин.

Эркалаб сен хурим дегин,
Қироличам гулим дегин,
Керак бўлса, жонинг бергин,
Аёлингдан айирмасин.

Шамоллардан сочи майин,
Ёшинг ўтиб борган сайин,
Узукка кўз қўйгандайин,
Ҳалолингдан айирмасин.

Қизлик уйин ташлаб келган,
Ота кўзин ёшлаб келган,
Асли қисмат бошлаб келган,
Аёлингдан айирмасин.

(Бевақт ажал кўзинг ёшлаб. Ҳалолингдан айирмасин..)

?-Камронбек Исмоилов. 2024.25.07.***