🕌وأيضاً من الحاجات اللي هتخليك تصلي
بشكل مختلف وتخشع في صلاتك وتحس بها،
التنويع في أذكار الصلاة، وسور القرآن
اللى بتقرأها، لأن بدون التنويع إنت أصبحت عبارة عن
آلة مُبرمجة إنها تقول كلام معين وتعمل حركات معينة ثابتة !!

⬅️فأصبحت حتى لو إنت سرحان
ودماغك في حتة تانية بتلاقيك بتقول الفاتحة
وبعدها "قل هو الله أحد" وتركع وتسجد عادي جداً
مع إن دماغك في حتة تانية خالص !!
ولو حد سألك بعد الصلاة إنت قرأت بسورة إيه ممكن تكون مش عارف!!
وده لأنك اتعودت خلاص على كده وبقيت بتردد كلام
حركات بشكل تلقائي ، لا إراديا !!

✅التنويع في الأذكار هيخليك مركّز
وإنت بتقول كل ذكر وهتحاول تفهم اللي بتقوله وتتدبر معناه وتخشع

✅نوَّع من أول أذكار الاستفتاح وصيغ الاستعاذة
وأذكار الركوع والرفع من الركوع لحد أذكار ما قبل التسليم
وكل الأذكار دي هتلاقيها موجودة في كتاب حصن المسلم
أو مختصر النصيحة أو ابحث عنها على النت وهتلاقيها بسهولة جداً،
وكل يوم حاول تحفظ ذكر جديد منها وتقوله في صلاتك لحد ما تحفظها كلها..

✅وكذلك سور القرآن لازم تنوّع فيها
مينفعش كل الصلاوات تكون بسورة الاخلاص وسورة الكوثر !!

نوَّع في السور القصيرة حتى لو مش حافظ غيرها،
وإبدأ احفظ ولو كل يوم ٥ آيات
واعرف معناهم وكرّرهم في كل صلواتك،
هتلاقي نفسك مركّز فيهم كويس أوي ..

🟢فوصيتي لك بالتنويع في أذكار الصلاة
والتنويع في سور القرآن في كل صلاة،
وح تشوف النتيجة الرائعة بنفسك ان شاء الله تعالي

طيب ... نزرع حب ربنا في قلوبنا إزااااي ؟؟

الجواب بكل بساطة : باننا نعرف ربنا
إزاي هتحب حد متعرفهوش ؟!!
فلازم نعرف ربنا وإلهنا ومعبودنا كويس ….علشان نحبه
_نعرف نعمه وأفضاله اللي مغرقانا وهنحبه
_نعرف عظمته وحكمته ولطفه وقدرته وهنحبه
- نتأمل في أنفسنا وفي كل شئ كبير أو صغير في الكون وهنحبه
- نعرف أسماءه وصفاته بالقراءة وسماع الدروس وهنحبه
وأنصحك بسماع سلسلة شرح أسماء الله الحسنى لد/حازم شومان

2⃣النبي ﷺ  كان لما يحين وقت الصلاة،
بينسى الدنيا واللي فيها كان وقتها
" كأنه لا يعرف أحداً " .

⬅️فإنت محتاج تفصل نفسك عن كل حاجة حواليك
وقتها لمدة دقايق، علشان تقدر تدي نفسك فرصة للخشوع..

✅افصل نفسك عن الكون كله من بداية ما تخرج من بيتك
أو شغلك أو أي مكان إنت فيه وتتجه للمسجد
يعني وقت الصلاة اعتبر الكون كله توقف
مفيش حاجة خلاص في الكون دلوقتي غير الصلاة
مفيش أي حاجة تهمني علشان اشغل
نفسي بها دلوقتي مهما كانت ..
أنا خلاص أخدت أجازة من الدنيا وقت الصلاة

⬅️اقطع حبل تفكيرك في الدنيا من بداية خروجك من البيت؛
لأن اللي هتقعد تفكر فيه وإنت في الطريق رايح تصلي،
هتكمل تفكير
فيه في الصلاة، وكلنا مجربين !
ف حاول تنسى الدنيا ومشاكلها
وكل ما فيها الفترة دي واشغل نفسك في الطريق للمسجد
بالذكر والاستغفار علشان تدخل الصلاة بقلب مهيأ وذهن صافي .

3⃣حاول يكون مع كل حركة بتعملها اطمئنان حقيقي
في قلبك وأعضاء جسمك يعني ترفع إيدك
وتقوم وتقعد وتتحرك باطمئنان..بالراحة ، واحدة واحدة، على مهلك،
متستعجلش .. الدنيا مش هتطير!

4⃣لذة ومتعة وخشوع الصلاة في كلمتين هما :
" المناجاة و القرب"
المناجاة هي كلمة السر في الصلاة ..
وأساس أي لقاء هو المناجاة..
والصلاة أصلاً كلها عبارة عن مناجاة بداية من دعاء الاستفتاح لحد
السجود والتسليم
🟢فاستشعر إنك بتكلم ربنا،
وإن ربنا بيخاطبك لأن ده هيحرك الانفاعلات في قلبك،
غير لما يكون الخطاب من جانب واحد ..
وده واضح جداً في الحديث القدسي اللي ربنا قال فيه:
(قسمت الصلاة بيني وبين عبدي نصفين )

⬅️وكل ما تناجي أكتر،
كل ما تحس وتستمتع أكتر فحاول تطول المناجاة والدعاء على قد ما تقدر ..
وبالذات في السجود ..
زي النبي ﷺ ما قال: (فأكثروا من الدعاء فيه)
🤎أما القرب فإنت هتلاقيه وتحس به أوي أوي في السجود ..
كما قال تعالى ﴿وَاسْجُدْ وَاقْتَرب} ..
وكما قال النبي ﷺ : (أقرب ما
يكون العبد من ربه وهو ساجد)
اسجد وتصوّر كأنك ساجد تحت عرش الرحمن واستشعر وقتها
إن القرب في السجود هو ثمرة الركعة هو الجائزة الختامية
السجود هو آخر حاجة بتعملها في الركعة
يعني التكبير والفاتحة والركوع والقيام فيهم تمجيد وتعظيم وحمد لله،
وكل ده مقدمة علشان تقرب أكثر من الملك
وتطلب كل اللي إنت عايزه في السجود

🟢أهم نقطة عملية واقعية على الإطلاق
في موضوع الاستمتاع بالصلاة هي إنك تستعد للصلاة من قبل الأذان
✅يعني حاول تظبط ٥ منبهات في الموبايل
على قبل معاد كل صلاة بربع ساعة أو
دقايق، أو الأسهل إنك تستخدم أي تطبيق على الموبايل
زي صلاتي
أو المؤذن، أو غيره من البرامج اللي بتذكرك قبل معاد الصلاة بفترة
..ده غير إن التطبيقات دي فيها خاصية بتخلّي الموبايل صامت أثناء كل صلاة،
علشان ميكونش سبب في ضياع خشوعك
وخشوع بقية المصلين في المسجد !
✅وأول ما تسمع المنبه،
استحضر معنى "لبيك اللهم لبيك"
ياااااااااااه..مين فينا مش نفسه يردّد الدعاء ده في الحرم كل سنة
بس مش بيكون له نصيب ؟؟
أهو لك نصيب تقولها ولو بقلبك كل ما تسمع أذان الصلاة بينادي عليك.
.فتقوم وتسيب كل اللي في إيديك وتقول "لبيك اللهم لبيك" .
."لبيك" يعني جايلك يارب بقلبي روحي وعقلي وكل كياني
✅وتروح تتوضا أو تجدد وضوءك
وتلبس من أحسن لبس عندك،
وتحط عطر، وتتهيأ زي ما اتفقنا قبل كده
✅وبالنسبة للبنات، هتتوضي وتلبسي إسدال فضفاض
وتكوني مستعدة على سجادة
الصلاة، في مكان هادي مناسب في البيت بعيد
عن الملهيات زي التلفزيون والأطفال والحاجات اللي ممكن تشتت تركيزك .
✅وبعدها تستحضر النية وتنزل للمسجد اللي بتستريح فيه،
وتدخل تصلي ركعتين خفيفتين،
وتقعد في الصف الأول على يمين الإمام وتذكر ربنا لحد الأذان،
وبعدين تردّد الأذان، وتقول دعاء ما بعده،
وبعدين تصلّي السُّنة، ولما تخلص تفضل تدعي ما بين الأذان والاقامة،
وبعدها تصلّي الفرض، وتقول أذكار ما بعد الصلاة
ويبقى انت كده فزت بغنيمة كبرى متتفوتش في كل صلاة
⬅️كل الفضل ده، ومعاه كمان حديث النبي ﷺ
(إن العبد إذا جلس ينتظر الصلاة،
صَلِّتْ عليه الملائكة، وصلاتهم عليه : اللهم اغفر له، اللهم ارحمه )

فمتنساش كمان تنوي نية انتظار الصلاة،
لأنها بتمحو الخطايا وترفع الدرجات
🟢جرب كده هتلاقي موضوع الاستعداد للصلاة ده هيفرق معاك
وهيساعدك على الخشوع بشكل لا تتخيله .

‏لا شيء يمرّ في حياتك عبث،

حتىٰ تعثراتك الصغيرة ?*?كانت لأجل أن تعرف شيئًا ما،
?*? لأجل أن تعي،
?? لأجل أن يتّسع أفقك، وتزيد حكمة ..!

"يؤتكم خيرًا مما أُخذ منكم"
كل فقد وراءه عوض،
وكل عوض أفضل من الذي فُقد

البلاء قد يكون :
- رفع درجات كما في حاله الأنبياء.
- تكفير سيئات.
- عقوبه على ذنب.
- اختبار لعبوديه العبد.
ولا نستطيع الجزم بأن إصابتنا بالبلاء تدخل تحت اي نوع ، لكن علينا نُحسِن التعامل مع البلاء ، وذلك بالصبر والرضا.
فقد قيل: البلاء ضيف زائر ..
فأحسن ضيافته بالصبر
، فقريبا سيرحل
، تاركا عظيم الأجر مع محو الوزر??.