Фитр садақасининг қисқача ҳукмлари.

1. Ҳукми: тӯрт имом наздида вожиб.

2. Жумҳур наздида ид кунида ӯзи билан аҳлларидан ортиб қоладиган озуқаси бӯлган кишига фитр садақасини бериш вожиб бӯлади.

3. Миқдори егуликдан бир соъ, яъни 2,5 кг.(Баъзи уламолар наздида 3 кг дан кӯпроқ, соъ сиғим ӯлчови бӯлгани учун килога ҳисоблаганда нарсаларга қараб фарқ қилади).

4. Фитр садақаси ӯша диёрнинг кӯпроқ ейиладиган егулигидан бӯлади: гуруч, булғур, мош, макарон каби.

5. Нон, шакар, ёғ, сариёғ, пишлоқ ва шунга ӯхшашлар жумҳур наздида фитр садақасидан ӯтмайди. Чунки булар қут (озиқ-овқат) ҳисобланмайди.
   Ун тӯғрисида ихтилоф қилинди. Ҳанафийлар ва ҳанбалийлар фитр садақаси ӯлароқ берса бӯлишлигини айтишди. Моликий ва шофеийлар бӯлмаслигини айтишди.

6. Вожиб бӯлишининг вақти: охирги рамазон кунининг қуёши ботиши билан вожиб бӯлади.

7. Мустаҳаб вақти: ид намозига инсонлар чиқишидан олдиндир.

8. Фитр садақасини бир кун ё икки кун олдин бериб қуйишнинг бирон зарари йӯқ.

9. Фитр садақаси бериладиган кишилар: Ҳанафий, Шофеий ва Ханбалийлар наздида кимга закот берилиши жоиз бӯлса ана ӯша кишиларга фитр садақаси берилаверади.
   Моликийлар фақатгина муҳтож фақирларга фитр садақаси берилишини айтишди.

10. Аслларга ва фаръларга фитр садақасини бериб бӯлмайди.

Асллар - ота ва оналар ҳамда бобо ва момолардир. Фарълар - фарзандлар ва уларнинг фарзандлари.

1. Фитр садақаси агар фақир бӯлсалар, ака-укалар ва опа сингилларга, амаки ва аммаларга, тоға ва холаларга яқинларга ва келинга берилса жоиз бӯлади.

2. Онанинг қорнидаги ҳали туғулмаган бола учун фитр садақаси чиқариш жумҳур наздида (тӯрт мазҳабда ҳам) вожиб бӯлмайди.

3. Фитр садақасининг вақти чиқиши билан фитр садақасини бериш соқит бӯлмайди.
   Ид намози ӯқилганда ҳам ҳали бермаган бӯлса беради, лекин  бу оддий садақа ҳисобланади.

4. Ота-она ва яқинлар тамонидан фитр садақасини чиқарса жоиз бӯлади. Лекин улар тамонидан ният бўлиши учун уларнинг буни билиши шарт қилинади.

5. Фитр садақасининг бошқа диёрга обориб берилиши жоиз. Агар шунга эҳтиёжмандроқ бӯлса.

6. Фитр садақасини бериш учун  вакил қилиш ва фитр садақасини олиш учун ӯринбосар таъйин қилиниши жоиз.

7. Кимки ид кунининг эрталабида фитр садақасини беришдан ожиз бӯлиб қолса, у кишидан фитр садақаси соқит бӯлади.

8. Кимки рамазон кунларининг аввалларида фитр садақасини бериб қӯйган бӯлса, ҳанафия ва шофеийлар наздида дуруст бӯлади, лекин суннатга хилоф қилган ҳисобланади. Авлоси иккинчи марта фитр садақасини қайтадан бермоғидир.

ШАЙХ АБДУРАЗЗОҚ МАҲДИЙ ҲАФИЗАҲУЛЛОҲ.

Каналимиз манзили: @tanziymalislam