Kuldirguvchi ham, yig'latguvchi ham O'zingsan.

Mendan o'tgan har bir hisni bilguvchi ham, tuzatguvchi ham Sensan.

Zaifligimdan, chora-tadbirimning kamligidan Senga shikoyat qilaman.

Biron narsani o'zgartirishga kuch, yoki ijro etishga quvvat faqat Sendandir.

Shifo Sendan, Najot Sendan.

Ey Mehribon va Rahmli Zot, Sen zaiflar xojasisan. Meni kimlarga tashlab qo'yding? Yoki ishimni dushmanning qo'liga tashladingmi?

Sening karaming keng, Sen uchun barcha ish oson.

Meni qiynaydigan mushkullarning yechimi Sening izmingda.

Zulmatlarni yoritgan, dunyo va oxirat ishini isloh qilgan Yuzing nuri bilan g'azabing va norizoliging menga kelishidan panoh so'rayman.

Choram — Sen. Umidim — O'zing.

Ofiyating bosh ustiga. Yo Rabbi, fazling ila yo'l axtaray.

p.s: rasmda, "Zaiflikdagi duo" - Rasululloh ﷺ hayotlarining eng qiyin payti (Toif)da qilgan duolari

@shhzd_notion

befoyda kitoblar
kitob o'qish — foydali mashg'ulot. lekin barcha kitoblarni ham o'qishga yaroqli deb bo'lmaydi.

muqova dizayniga mahliyo bo'lib, sotib olib, so'ng, shkafingizda chang bosib turgan kitoblar yo'q emas-a?

ayni holatingizga qarab, kitob tanlay bilish ham — mahorat.

esimda, bir paytlar (4-5 yil avval) turk adabiyotiga doir psixologik, badiiy kitoblar juda ommalashgandi.

hislarni o'ynatuvchi satrlari bilan vaqtni o'g'irlashdan boshqa narsaga xizmat qilmaganligini bilish mumkin.

masalan, Elchin Safarli ("Qaytganimda uyda bo'l"), Halis Karabenli ("Ba'zilar olisdan sevarlar") kitoblarini ko'p insonlar qo'lida ko'rganman, ammo qanchalik tez mashhur bo'lgan bo'lsa, shunchalik tez unutildi.

sayoz kitoblarda davom etish, saviyali, ilmiy kitoblarni mutolaa qilishni qiyinlashtiradi.

men uchun yaxshi kitob harakatga undaydi, tahlil qilishni talab qiladi.

har kun 11.000 ga yaqin kitob nashrdan chiqadi. vaqtimizni eng sara, taalluqli kitob mutolaasiga bag'ishlash samaraliroq.

kitobni qanday tanlayman:
1. kitob muallifi bilan qisqa tanishib olaman, vikipediya yordam beradi — asl kasbi yozuvchi bo'lmagan insonlarning kitoblarini ko'proq tanlar ekanman;
2. kitob mundarijasini o'qiyman;
3. istalgan 2-3 betga ko'z yugurtiraman;

shulardan so'ng, bu kitob shunchaki javonimga bezak bo'lmasligiga ishonaman.

ha, yana eng muhimi, kitob sizga yoqmasa, boshlab qo'yib, oxirigacha o'qib tugatishga o'zingizni majburlamang. mutolaadan bezib qolasiz.

#yordam_berar / @shhzd_notion

eng kuchli chora
"duo qilishdan boshqa choram qolmadi", deyishadi. aslida duo — eng kuchli chora.

odamlar oldida ko'z yoshlaring qadrsizlansa, Robbing huzurida to'kilgan yoshlaring qimmatli gavhardek.

ular uchun so'zlaringning qadri, qiymati qolmaganida, faqatgina Unga aytiboq taskin topasan.

insonlar sendan kutuvlariga mos natija ko'rishmasa voz kechishadi, ko'ngli qoladi.

U — ash-Shakur, faqatgina Robbing natijaga emas, harakatingga, niyatingga qarab, natijaga erishmasang ham, ana o'shanga erishganchalik ajr-mukofot beradi.

odamlar dardingni eshitiboq uzoqlashishadi, sendan o'zlarini olishadi.

U — ash-Shafi, dardingga shifo bo'loladi, O'zi bergan dard bilan sening Unga munojot qilishingni istaydi, seni O'ziga yaqinlashtiradi.

sirlaring oshkor bo'lgach, chegarangni buzib kirishganini tushunasan.

U — al-Batin, sirlarningni saqlaydi, gunohlaringni boshqalardan satr qiladi.

insonlar ayblaringni kechirishlari og'ir, ular uchun bu iz kabi qoladi.

ammo, U — al-G'afur, fazli ila tog'dek gunohlaringni kechirishga qodir Zot.

ularga hojating tushganda, oldingda bo'lmasliklaridan qiynalasan, lekin...

U — al-Kariym, Undan biron nima so'ramasang ham, hech bir evassiz senga yaxshilik qilaveradi.

sen unda nega yana insonlarga talpinaverasan?!

talpinishing faqat Unga bo'lsin, hotirjamlikni shunda topasan.

#healing / @shhzd_notion

men uchun sevimli ovoz - yomg’irniki.

yomg’ir yog’ayotganda nima qilish yoqadi, sizga? ☔️

p.s: men uchun yomg’ir paytidagi sevimli mashg’ulotlar — kitob o’qish(badiiy), achchiq qahva, sayr va shunchaki yomg’ir ovozini tinglab o’tirish ham maroqli

katostrofik ssenariy
bizda hozir bor bo'lgan muammolar, avval ham, uzoq va yaqin o'tmishda ham bo'lgan.

muammolarga yechimlar berib bo'lingan. kitoblar, ko'rsatuvlar, maqolalar, qo'lyozmalarda aytib ketilgan.

menimcha, eng yomoni hozir bizni qiynayotgan muammolarga yechim izlamay o'z bilganimizdan qolmaslik, boshqalar qanday yo'l tutib, oqibatlarini o'rganmaslik.

yana bir muhim nukta: biz uchun "chiroyli orzu" ko'ringan narsalar ham aynan shu xatoga boy ssenariyni orqasidan ergashtirib kelishi hech gap emas.

misol uchun, farzandlarning oldindan kim bo'lishi, qayerda o'qishi, ishlashini avvaldan o'z orzulariga tayangan holda, belgilash — mutlaqo EGOISTIK qarash.

erishilmagan orzuga, farzand orqali eshishishni ko'zlashdan ko'ra, bolaning o'z ichki kechinmalari, maqsad va qarashlarini inobatga olish kerak.

inobatga olindimi, demak, bolaga shaxs sifatida qarash boshlanadi.

oldindan hamma narsani belgilab berish esa, robotlarni yetishtirishdan boshqa ish emas, nazarimda.

shaxs sifatida qaralayotganligini sezgan bola, fikrini aytishdan qo'rqmaydi, yashirmaydi. xatolarini bekitmaydi, ulardan o'rganadi.

muhimi, eski ssenariy bo'yicha ketmaydi. o'z poygasida yuguradi.

#thoughts / @shhzd_notion

so’zlar tinglanmasa, o’z ahamiyatini yo’qotadi

ahamiyatini yo’qotgan so’zlardan so’ngra voz kechiladi.

#thoughts / @shhzd_notion

hammaning oldida qilingan nasihat, nasihat emas, balki haqorat

#eslatma