وها أنا أعود إلى إكتئابي، إلى سجائري التي أحرقها وتحرقني،إلى غرفتي المظلمه، إلى قبري، كم هو قاتل الغياب،كيف يموت فيكَ كل شيءٍ إذا غابت الروح التي تعيش لأجلها

الـشـاعـر : ﴿ مــشــاڪــس ﴾ ☕️✍️

مش عارف انساكي? يا ليلي ونهاري وبراحي يا اول وي اخر افراحي?يا ضحك علي الخد مرسومه?الفرحه من غيرك معدومه?يا نجمه في وسط احزاني ?يا كل العالم سمعاني?انا شاب عشريني ?وي برجع طفل لو بس تضميني ?عوز اقولك والله وحشتيني ?انتي انجازاتي و الحلو الي في حياتي ?فا متبعديش?مستنيكي ايكي متجيش?انا اسير عينكي☹️بهرب منك ليكي القلب من قبلك محبش?قبلتك حليتي ايامي?ورسمت معاكي كل احلامي?ونتي نجاحه وي اويه?وي مضرضيش ليا الاذيه ?فا متئزنيش بي البعد عني?يا كل البنات في عيوني ?♥️يا احلا حاجه ببداء بيها يومي?مش عارف انساكي وكل حاجه حلوه معاكي انا الجاني?وراضي بحكم اعدامي بس قبل موتي?قولي انك حباني قبل موتي قولي انك حباني?

الشاعر ﴿مـــشــاڪـس﴾

اليوزر ﴿ @X_M_50 ﴾

‏كان عنده حق نجيب محفوظ لما قال "ثم تتحول فجأة لشخص لا يُعاتب أحداً، يتجنب المُناقشات التي لا جدوى منها، ينظر للراحلين عنه بهدوء، ويستقبلُ الصدمات بصمتٍ مريب".

يارب عجل موتي عضان مبقتش حابب اعيش ???

لم أتوقع بأن شغفي أتجاه ما تبقي لي من الحياة سيُنطفئ بَهذهِ الطريقة البُشعه .

??

#الجزء_السادس
#البالطو_الاحمر
اشتغلت اغنية صباح، صوتها كان بيدخل جوة قلب احمد كروان وبيحسسه بخوف غريب، خوف لأول مرة في حياته كان بيحس بيه.. ومع صوت الأغنية وريحة الدم وشكل الميزان واللحم اللي عليه، وكمان مع جسم فضل اللي بيترعش وخالد اللي بيستسلم للموت من كتر النزيف، ابتدت دماغ احمد كروان تتقل والغاز المخدر ابتدا مفعوله يشتغل، الدنيا بتزغلل في عينيه، بيغمض وبيتوه لحد ما بيغيب عن الوعي وكُل حاجة بتبقى ضلمة.
بعد فترة، ابتدا صوت صباح يقرب، ومعاه النور كان بيرجع من تاني.. فتح احمد كروان عينيه، كان جوة نفس الأوضة، بس المرة دي كانت مختلفة.. الأوضة ماكنش فيها حد غيره، كان نايم على الأرض وقصاده نفس السكينة اللي قطع بيها اصحابه، اما جنبها، فكان في كوز بلاستك!
اتعدل، قعد وسند ضهره على الحيطة، ماكنش قادر يقف من قلة الأكل ومن كل اللي مر بيه، وقبل ما يسأل عن اللي هيحصل معاه، سكت صوت صباح اللي خارج من السماعة واتكلم نفس الصوت اللي بيكلمه من اول ما دخل الأوضة...
(صباحية مباركة يابيه.. ايه القمر ده؟.. وشك وانت صاحي من النوم ايه.. يقطع الخميرة من البيت العَمران)
بص كروان ناحية السماعة واتكلم بصوت ضعيف..
-وأخرتها ايه؟!.. هتعمل فيا ايه تاني؟.. لا.. الأهم من هتعمل ايه، انت بتعمل كده ليه، والأغنية، كل حُب وانت طيب، هي كانت حطاها نغمة تليفونها.. انت كنت تعرفها!.. مش كده؟
رد عليه الصوت..
(اعرف مين ياعم، ومين دي اصلًا اللي كانت حاطة الأغنية نغمة تليفونها!.. دي اغنيتي المُفضلة، وبعدين جرى ايه دكتور، هو في حد مابيحبش الشحرورة؟!)
بص احمد كروان قصاده وضحك ضحكة مليانة يأس وتعب..
-شحرورة!.. طب وحياة أمي لو خرجت من هنا حي، لا هكون مشحررك ومقطعك زي اللي قطعتهم وماتوا قصادي دول.
(كداب ياكركر.. انت مش هتعرف تعمل حاجة، او اقولك، مش هتقدر تعمل حاجة، وبالنسبة بقى لموضوع خروجك من هنا، فده في ايدك، ودلوقتي جينا لأخر لعبة.. لعبة الدم.. اللي قصادك ده كوز بلاستيك، بيشيل اتنين لتر من السوايل، واللي جنبه زي ما انت شايف كده، سكينة حامية، طب هتعمل بيهم ايه؟!.. انا اقولك... انت زي الشاطر كده هتمسك السكينة وهتجرح جسمك وهتخليه ينزف، وعن طريق النزيف والدم اللي هينزل منك، هيبقى مطلوب انك تملى تلات تربع الكوز.. ووعد مني ياعم، لو قدرت تعمل ده، انا بنفسي هجيلك وهخرجك.. عيش يادوك.. واه، لو مابدأتش تنفذ في خلال دقيقتين، هتموت، وهنا ماقصدش انك هتموت بالغاز المخدر ولا بالكهربا.. انا اقصد بالغاز السام.. يلا.. شد حيلك.. عاوزك تقطع بضمير واوعى تقرب من أي وريد، ما انت دكتور وعارف، ماينفعش، والا.. والا هتموت ياكوكو)
سكت الصوت، ومع سكوته سرح احمد كروان، بص للسكينة وللكوز واتشجع، مسكها وقربها من دراعه، جرح نفسه وهو بيصرخ وابتدا يضغط عالجرح، الدم بدأ يسيل وينزل جوة الكوز، لكن للأسف، النزيف وقف والجرح بطل ينزل دم بسبب قلة الأكل والضعف اللي جسمه فيه، وبسبب وقوف النزيف، جرح كروان دراعه التاني وابتدا يضغط عالجرح، ومن جرح لجرح ووجود دم كتير، جسمه ابتدا يضعف من كُتر النزيف، الكوز تقريبًا كان اتملى نصه وزيادة، وفي لحظة، فرد جسمه على الأرض.. رمى السكينة ورفع إيده واتكلم بصوت ضعيف..
-مش.. مش قادر.. خلاص.. موتني.. الموت ارحم.
بعد ما قال كده ورمى راسه على الأرض، اتفتح جزء من الحيطة اللي قصاد كروان، كان زي باب مخفي، دخل منه شاب لابس تي شيرت بزونط، خطواته كانت تقيلة وهادية، قرب من احمد اللي رفع راسه وبص له، وعند نظرة احمد له، شال الشاب الزونط وراسه بانت..
-انت مين وعملت فينا كده ليه؟.. انا ماعرفكش!
ابتسم الشاب وهو حاطط ايديه في جيوب التيشيرت وقاله..
-بس انا اعرفك يااحمد ياكروان.. وماعرفكش انت وبس، انا اعرف خالد وسعدني وفضل وبلال، واه.. هي كمان كنت اعرفها.
ابتسم احمد كروان بحُزن..
-كنت عارف.. كنت عارف انك تعرفها.. بس ازاي؟!
-هقولك ازاي.. فاكر الحدوتة اللي حكيتهالك انت والاتنين قبل ما تقطعهم؟.. حدوتة الوالا بتاع اسكندرية!.. اهو الواد ده بقى يبقى انا.. انا اللي ولعت في امي وعشيقها وهربت، نزلت على القاهرة، وبعد هروبي، اتمرمطت، اشتغلت في كل حاجة لحد ما اتعرفت على جماعة ليهم علاقة بالهكر والدارك ويب، كنت بهكر، بسرق، بقتل، لكن مش مهم، المهم اني عايش وبكسب فلوس كتير، لكن وسط عيشتي المقرفة والماضي اللي مليان رماد، كان في حاجة حلوة في حياتي.. جيراني، الست فدوى وبنتها نرمين وجوزها نعيم، التلاتة كانوا طيبين، او يبانوا كده، لكن في الحقيقة، فدوى كانت غلبانة ومكسورة ومغلوبة على أمرها، ست بتسمع كلام جوزها وبتطيعه لانها مالهاش حد غيره، اما جوزها بقى واللي اتجوزها بعد ما صاحبه مات، فكان راجل دِني، زيه زي ابويا، بتاع حريم، ابوه وامه الكيف، اما البنت، بنت فدوى من جوزها الأولاني، فكانت ملاك في صورة بني أدمة.. #جزء_السادس_