#من_قصائد_الملة_ام_هجران_الركابية_العمارچية.

لطمية ندبة لام البنين عليها السلام

انخاها .. انخاها ام البنين انخاها
تحضر تحل كل شده ابجاه الكفيل وزنده
ام البنين انخاها
🏴🏴💔🏴🏴
ام البنين الفاگده تعرفيها
تحضر عزانه او واجب انعازيها
بالشده توگف ساعة التنخيها
يالبالكرم معروفه ام الگطيعه اچفوفه
وياها .. وياها خان الدهر وياها
🏴🏴💔🏴🏴
ام البنين الخان وياها البين
ماهمها من فگدت ولدها الطيبين
اتگول فدوه لو يرد ليه حسين
ضلت تون مهضومه بس للحسين ويومه
بضنواها .. بضنواها ضحت اله بضنواها
🏴🏴💔🏴🏴
عالدرب ضلت تنتحب ليل انهار
وتگول يايوم البرد ضعن السار
هاك العمر والروح يبن الكرار
اربع بنين أنطيتك واترد الي تانيتك
رجواها .. رجواها روحي انگطع رجواها
🏴🏴💔🏴🏴
مهدومه روحي وانتظر ليه تعود
ترجع ليالي الزاهيه بيك اردود
من يوم هجرك والگلب ضل ممرود
مانايمه وسهرانه والروح الك خلصانه
سلواها … سلواها روحي انگطع سلواها
🏴🏴💔🏴🏴
بالاربعه وبحسين كلنه انعزيچ
يوم القيامه هناك كلنه انلاگيچ
تحضرين كلمن بالعزه أتون اعليچ
كلمن يهل العبره ام البنين اتحضره
بحماها .. بحماها دنيه وحشر بحماها
🏴🏴💔🏴🏴
كلمن لطم وياچ لا تنسينه
من كل الم يم البطل شافينه
ابجاه الزچيه بالحشر حضرينه
كل مشكله حليها بجاه الوگع واليها
ولياها .. ولياها بجاه الگضو ولياها
🏴🏴💔🏴🏴

تـــمت والـــــفضـــ🤲ـــل لله تعالى
بقلم✍الشاعره الملة ام هجران الركابية العمارچيه
صاحبه ديوان📚صبر العقيلة
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/haneen_Ali_Faris

#من_قصائد_الملة_ام_ريام_دخيل_الركابي_.

فزاعية ندبة لام البنين عليها السلام

ها يم البنين انخاچ
وانتي الماترديني
💔💔🏴💔💔
ها يالطاهره الحره
اجيت وبالگلب عبره
عليچ بداعة الزهره
اريد امراد تنطيني
💔💔🏴💔💔
من ايدچ اريد امراد
ها يالفاگده الويلاد
امشي اعليچ ابو السجاد
بچفوفچ تشافيني
💔💔🏴💔💔
من ايدچ اريد ادواي
وانتي الماترد عناي
بجاه المات يم الماي
ابو فاضل بعد عيني
💔💔🏴💔💔
امشي اعليچ ابو الشاره
وبمجلسچ خطاره
ردي الغايب الداره
بحق زينب اسمعيني
💔💔🏴💔💔
واحفظي كل ولد لمه
وانتي الكاشفه الغمه
أنخه وبالگلب هضمه
اريدچ ما تفشليني
💔💔🏴💔💔
تنطين النخاچ ادري
كريمه يابعد عمري
نشفي كل دمع يجري
كلمه وعلم زيديني
💔💔🏴💔💔
اريد النضم مولاتي
وتقوين كلماتي
اخدم دون ساداتي
وبدفترچ سجليني
💔💔🏴💔💔

تـــمت والـــــفضـــ🤲ـــل لله تعالى
بقلم✍الشاعره أم ريام دخيل الركابي قضاء الرفاعي
صاحبه ديوان📚الدموع الزينبيه
❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/haneen_Ali_Faris

#تراث **امصيبتج يم البنين الأربعه
اتزلزل الكرسي أبسماه السابعه

ليش ابوالسجاد عافچ بالوطن
ولا مشيتي أوياه بالطف من ظعن
جاوبت ودموعها أتصب جالمزن
أسرار هاي من الخفايه امودعه

والعليله أوياي ظلت والعيال
مشت ویه حسين بالعز والدلال
أمصيبتي ومصابها حته الجبال
تهيل من عظمه وتساوي الواسعه

أوشابحات اعيونها الدرب الاحباب
أولا وصل طارش وله أوصيه وكتاب
ويستعر بگلوبنه جمر المصاب
من مصيبتها الشجيه الفاجعه

بين ما تربي العيون وشابحه
الدرب الاحباب وتمسّي مصبحه
ولن خبر یدمي الگلوب أومذبحه
ابكربله اتهز العرش وتضعضعه

ذبح ابوالسجاد والسبعه اوعشر
والاصحاب اوهل بيته اهل الفخر
احسين لو سالِم وعباس الگمر
وخوته فدوه لحسين ومصرعه

آه لمن بشر اعلن بالمصاب
باد حيلي والگلب من عندي ذاب
المهجة الزهره وچبد داحي الباب
العالم اسود حين ناعيه نعه

بشر ابحين الاجه ابذبح الحسين
الجسم منه ابكربله ثاوي وطعين
وراسه فوگ الرمح وهله اميسرين
ودمت السجاد منه الجامعه

آه لمن سمعته أم البنين
امن الچبد سچبت عليه دمعة العين
ولا تسل عن العليله وعالونين
ونت البيد اعله ابنها المرضعه

حيث لن أمصابها ما ينحمل
شرد أوصفه أيشيب من عنده الطفل
وگف برض الطف شبه تبت نبل
وزر من أرماح العليه مشرعه

أحسین ما شفتيه لا أنتي وله
العليله فاطمه ابطف كربله
اشحال زینب شافته او گفت عله
جثته البطبر الهنادي أموزعه

وعلى التل وگفت وصرخت ياحسين
هجمت اعلينه العده ايسار ويمين
انچانك حي گوم ياگرة العين
ولو متت لله أمرنه أنودّعه

من سمعها حسين هاجت شيمته
نهظ لاچن وگع فاگد قوّته
حيث المثلث مردها الجبدته
وروحه غابت غده أيعالج ما وعه

اله حين الشمر من عليه جسر
فوگ صدره گعد والسيفه شهر
گطع ياويلاه من عنده النحر
ونذبح ظامي الچبد عالمشرعه

وخذوا أعياله يسر بين الأجناب
أمسلبه ونور النبوه الهن احجاب
وروس اهل بيته على روس الحراب
وراس بن بنت النبي أيبر أوّعه

الشاعر المرحوم
الشيخ عبود غفلة

(323)**#اللهم_عجل_لوليك_الفرج@haneen_Ali_Faris

#المربعه_بديوان_الدموع_الزينبية_الجزء_١٤_.

مربعه للأمام الحسين عليه السلام

رديت أبهضم والباب دكيته
انشد عالحنين وشال عن بيته
●●●●●?●●●●●
رديت ابهضم والباب ادكنه
انشد عالحنين وجيت اشوفنه
لكيت البيت خالي وحملو عنه
اوياهم ما كعدنه ولاتسامرنه
الموت الموت بجفاهم تمنينه
●●●●●?●●●●●
انشد دارهم ناديتهه اشمالج
ظلمه وموحشه من غرب اهلالج
وانه امدلوبه وحالي مثل حالج
لا ردلي المشه ولابعد ردالج
نايم عالرمل بالكبر خليته
●●●●●?●●●●●
نايم بالكبر مايرجع لحوشه
وانه لشوفته يادار معطوشه
لكيتج خاليه وبالحزن مفروشه
مشلوع الكلب وامكطعه اهروشه
كون يشوفني هاليوم ياريته
●●●●●?●●●●●
كون ايشوفني عالحايط اتوجه
نحيله امن المذله وكاطعه السجه
عيني مولحاهه النوح والمبجه
شو عني رحت يالعندك اتشجه
حيلي بنومتك عالكاع هدميته
●●●●●?●●●●●
صوبت الكلب من نمت هالنومه
وجهك بالمكابر ضموا رسومه
شنسه والدهر ماتنسه اهمومه
والشايل وليهه اتصير مهضومه
وين انروح وانته البيت سديته
●●●●●?●●●●●
ماليه نفس بالبيت ماطبه
شايل والسفر ماينكطع دربه
علينه اخلاف عينك من يحن كلبه
ضربانه الزمان وتوجع الضربه
فكس عيني بعزيزي البين تاليته
●●●●●?●●●●●
فكس عيني بعزيزي وبعد شيعوده
امر بالدار والكه الدار مسدوده
ياضيم التحمله الروح ممروده
للمذبوح اون والكطعو ازنوده
الطم واللطم مايوم مليته
●●●●●?●●●●●

تـــمت والـــــفضـــ?ـــل لله تعالى
بقلم✍الشاعره أم ريام دخيل الركابي قضاء الرفاعي
صاحبه ديوان?الدموع الزينبيه
❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/amhejran12345

تعـ.ـزية ومـ.ـواسـ.ـاة
في ذمـ.ـة الله
امنا
( الملة ام رعد )
وبمزيد من الحـ.ـزن والأسـ.ـى
انتقلت الى رحـ.ـمة الله تعالى
خادمة الامام الحسين الحاجة ام رعد

الفاتحة على روحها الطيبة

شوط كربلائي
لعودة السيدة زينب ع والعيال في الأربعين ______مسبيــة چنت واليوم
ردت يخوتي ضعوني
جبت العيلة يلوليان
اخيتكـــــم تلگــــوني
زينب آنة بت حيــدر
عقيلتكــم تســــموني
محـــد شاهد خيالي
ولا غربة الي سمعوني
امــــي الزهرة الكرار
ابوي الناس يــدروني
بعد ذبحتكم بعاشور
شفت لوعات بعيوني
بچتلكم جارو العدوان
وياكم ريت ذبحوني
شفت الروس فوگ رماح
بگطع الروس فجعوني
شبو نار بالصــيوان
بضهر عاشور هضموني
بين الخيل والنيران
بين انذال عفتـــوني
يهل الغيرة والنوماس
يهون الكــم تخلوني
فوگ الهضم والآهات
بسبي لشام ودوني
هزيلة النوگ جابوهة
عليهة الكوم رچبوني
السبي آه السبي لوعات
لأن ارجاس يحدوني
وين حسين والعباس
بهل حالة ينضروني
يسمعون الحرم واطفال
بحسرة مـن ينادوني
وين الي كفل لضعون
بهل نشدة ينادوني
الصخر ون العلي سجاد
بحديد وياه گيدوني
الف وسفة الدهر غدار
منهلي الگوم حرموني
صاح آنة أمام الكون
چنكم مــا تعرفوني
ورقية الشبگت علراس
وصاحت بوية يتموني
ونت شهگت ومــاتت
عليهة تمطر چفوني
شسولف يا الم يا جور
شكثر هضمات راوني
ومرت أربعين وجيت
وادري مـــــا نسيتوني
بعيلتكم اجيت اليوم
كل ضنهم تسمعوني
وآنة انشـــد الدفان
يعمة مــــا تدلـوني
وينة گبر ابوك حسين
ريت ويـــاه دفنوني
اريد اگصد گبر عباس
واگلة اعداك ظلموني
سبع الگنطرة ترضة
انة زينب يشتمـوني
انخاكم گلت بلچن
تسمعون وتحضروني
جينة وشفنة بس گبور
چــــــا وين اليردوني ***خادم أهل البيت ع
سيد عادل الموسوي

قصده للحسين ع. عن لسان الشاعر
??????
نون طول السنه ونتذكر حسين
ووي شرب العذب تتهامل العين
عايش دوم. وياي
بزادي بشربت الماي
نون طول السنه ونتذكر حسين
??????
اذا مره انجرح والجرح ياذيني
اتصير جروح ابو اليمه گبل عيني
واذا اعطش واشرب ماي. يرويني
عطش جبده جمر يسري بشراييني
واذكر حرك الخيام
واضل الطم على الهام
نون طول السنه ونتذكر حسين
✍?العلويه ام مرتضى. الموسوي
??????
حسيني ساكن بنبضاتي واحساسي

وي شم الهوه مقرون بانفاسي

اميري صار ابو السجاد اعز ناسي

باسم احسين مولاي ارتفع راسي

ذكره شلون انساه
اظل للموت انعاه

نون طول السنه ونتذكر حسين

ام منذرالحجار
??????
من يگبل شهر عاشور وهلاله
يضل دمعي على ابو السجاد يتلاله
اذكرنه. لمن داسته الخياله
على كبر الكاع طشت. ويلي اوصاله
وتجي زينب تجمعه
تون وعليه. تنعه
نون طول السنه ونتذكر حسين
العــ✍?ـلويه ام مرتضى الموسوي
??????
من اذكر مصايبهم يهل دمعي

واظل طول العمر اذكرهم اوانعي

لو هل الحرم يختلف وضعي

لجل اضلوع ابو اليمه انحنه ضلعي

مامل ونيني دوم
يحسيني يامظلوم

نون طول السنه ونتكذر حسين

ام منذرالحجار
??????
ماانسه الغريب حسين ومصابه
ولاانسه الجمرلاحركت اطنابه
بضعة فاطمه ومسلبه اثيابه
مسلوبه خواته مذبحه أحبابه

لمن انظر الماي
من دم تهل عيناي
نون طول السنه ونذكر حسين

✍️هديل المياحيه
??????
من يجبل محرم تنعصر روحي

وجرح حسين احسه يلجم جروحي

من اول يوم يبدي وني ونوحي

وحس تتهدم من العالي اصروحي

اقيم المجلس ابيتي
بجاله يرتفع صيتي

نون طول السنه ونتذكر حسين

✍? الحجيه ام علي
.??????