@@@@ЙЎҚОТИБ ҚЎЙДИМ@@@@

Неча кунки юрак минг пора.
Жабрларда жонимдан тўйдим.
Ишқ қадрсиз шум дунё ора.
Мен "сиз" имни йўқотиб қўйдим.

Фойда бермас шароб, май, қимиз.
Тақдиримга чўкким келмас тиз.
Икки ёқда иккимиз ёлғиз.
Мен "биз" имни йўқотиб қўйдим.

Хаёлларга қўйиб бўлмас чек.
Бечора йўқ тўрт ёнда мендек.
Олдингизга борсам дейман, лек.
Мен "из" имни йўқотиб қўйдим.

Кўксим ковлар соғинч дер бигиз.
Қайлардасиз юзлари қирмиз.
Сизли кўклам, ёз ўтди сизсиз.
Мен "куз" имни йўқотиб қўйдим.

Бўлинг бахтли, ишқда панд емас.
Мен бахтсизни йўқлаш шарт эмас.
Нафасим жим, юрак ғинг демас.
Мен "жиз" имни йўқотиб қўйдим.

Неча тунки бағрим минг пора.
Аламларда жонимдан тўйдим.
Ишқи ёлғон шум дунё ора.
Мен "сиз" имни йўқотиб қўйдим.

Ғуломжон Нормат. 1/03/2024-й

https://t.me/GulomjonNormat

Telegram

ҒУЛОМЖОН НОРМАТ

Ғуломжон Норматнинг телеграмдаги расмий канали.Сирдарё вилояти, Сайхунобод тумани, Паймард махалласи. +998902425822

@ВАҚТИНГ БЎЛСА КЕЛИБ КЕТ БОЛАМ@

Йўлинг пойлаб етмишга етдим.
Хира тортиб бормоқда олам.
Соғинмадинг соғиниб кетдим.
Вақтинг бўлса келиб кет болам.

Тирик жонда тугамас ташвиш.
Эх кимлардан қолмаган бу иш.
Мадорим йўқ, пойларимда шиш.
Вақтинг бўлса келиб кет болам.

Кўнглим оғрир бағримни тилсанг.
Мен хам бунда ғанимат билсанг.
Шод бўламан мурувват қилсанг.
Вақтинг бўлса келиб кет болам.

Тун хаёлим хар ёнга кўчиб.
Яшаяпман ажалдан чўчиб.
Умр шами қолмасдан ўчиб.
Вақтинг бўлса келиб кет болам.

Ўғлим эдинг ўғлимдек қолиб.
Қўш нонга қўш кабобни солиб.
Жуфт, ўғлингни ёнингга олиб.
Вақтинг бўлса келиб кет болам.

Куним бермас соғинчинг доғи.
Қулаб борар сабримнинг тоғи.
Мен Онангман унутдинг чоғи.
Вақтинг бўлса келиб кет болам.

Қўлим хасса тутмоқда аранг.
Деб асабинг қилмайман таранг.
Тушларимда рахматли Даданг.
Вақтинг бўлса келиб кет болам.

Нафақамдан йиққанларим бор.
Бир камингга келиб қолар кор.
Қиёматга қолмасин дийдор.
Вақтинг бўлса келиб кет болам.

Йўлинг пойлаб саксонга етдим...

Ғуломжон Нормат. 27/02/2023-й

https://t.me/GulomjonNormat

Telegram

ҒУЛОМЖОН НОРМАТ

Ғуломжон Норматнинг телеграмдаги расмий канали.Сирдарё вилояти, Сайхунобод тумани, Паймард махалласи. +998902425822

@МОЗОРЛАР КЎП МЕЗБОНИ БЎЛАК@

Ёлғон дунё беш кунлик сафар.
Кимлар мағлуб, кимларда зафар.
Тўрт ёнимга ташласам назар.
Беморлар кўп дармони бўлак.

Кўзлар кулган, юраклар хунда.
Яшаб ўтар бандалар бунда.
Мохи чиққан, чиқмаган тунда.
Бедорлар кўп армони бўлак.

Бермоқ,олмоқ Аллох қўлида.
Ким офтобда, кимдир дўлида.
Тақдир дернинг турфа йўлида.
Сайёрлар кўп фармони бўлак.

Хар келганга топилар ёвлар.
Қоқилсин деб йўлга чох ковлар.
Оч бўридек ғўрларни овлар.
Айёрлар кўп нишони бўлак.

Тилда Рахмон, дилида Шайтон.
Хар ишида кўзлагани шон.
Мансаб учун зўрга дастурхон.
Тайёрлар кўп мехмони бўлак.

Кимнинг рисқи, кимнинг умри оз.
Фоний дунё сўнги инқироз.
Солим талаш абжир чавандоз.
Тулпорлар кўп майдони бўлак.

Ғулом Нормат Қиёматдан қўрқ.
Хато кетмас ажал узган ўқ.
Эшиги йўқ, деразаси йўқ.
Мозорлар кўп мезбони бўлак.

Қўхна дунё беш кунлик сафар...

Ғуломжон Нормат 25/02/2024-й

https://t.me/GulomjonNormat

Telegram

ҒУЛОМЖОН НОРМАТ

Ғуломжон Норматнинг телеграмдаги расмий канали.Сирдарё вилояти, Сайхунобод тумани, Паймард махалласи. +998902425822

🎙 Sarbadorlar sardori.

Dadam qabriga...

✍Gʻulomjon Normat

🎙 Sarbadorlar sardori...

✍Gʻulomjon Normat

Xabar yozib tinching buzgan

@ТУШЛАРИМДАН КЕТМАГАН ҚИЗ@

Сиз Хилолсиз юрти само.
Калта қўлим етмаган қиз.
Анча тунлар ўтди, аммо.
Тушларимдан кетмаган қиз.

Эслайсизми мактаб даври.
Гул эдингиз қадди сарви.
Хушбўйгина, малак қавми.
Тушларимдан кетмаган қиз.

Куйдиргансиз, куймагансиз.
Соғинч жабрин туймагансиз.
Айтинг нега суймагансиз?
Тушларимдан кетмаган қиз.

Ошиқликда таратдим донг.
Хамон ўша кўксимда бонг.
Кулиб туриб кетасиз тонг.
Тушларимдан кетмаган қиз.

Кўксим ўяр рашк ханжари.
Жоним олар хар санчари.
Сиз гўзалсиз, гулюз пари.
Тушларимдан кетмаган қиз.

Хасратдошим қоғоз, патим.
Дардли ашъор битган хатим.
Армон бўлган мухаббатим.
Тушларимдан кетмаган қиз.

Сиз Қуёшсиз ашён само.
Ерни писанд этмаган қиз.
Қанча умрим ўтди аммо.
Тушларимдан кетмаган қиз.

Ғуломжон Нормат. 8/02/2024-й

https://t.me/GulomjonNormat

Telegram

ҒУЛОМЖОН НОРМАТ

Ғуломжон Норматнинг телеграмдаги расмий канали.Сирдарё вилояти, Сайхунобод тумани, Паймард махалласи. +998902425822

🎙 Sarbadorlar sardori...

Sevgi sarob sevmoq iztirob.

✍ Gʻulomjon Normat.

🎙️ Sarbadorlar sardori

Bugun muhabbatni koʻmib tashladim.

✍Gʻulomjon Normat

🎙 sarbadorlar sardori

Sizdan kechdim...

✍Gʻulomjon Normat

@sarbadorlar_sardori