ОТАМНИНГ СОЯСИДА

Турибман кўксим кериб,
Ғурур - тоғ қоясида,
Юрибман даврим суриб,
Отамнинг  соясида.

Равон умр йўлларим,
Гулзор ўнгу, сўлларим,
Кўкка етар қўлларим,
Отамнинг соясида.

Душманга хор бўлмадим,
Дўстларга зор бўлмадим,
Яшнадим, ҳеч сўлмадим,
Отамнинг соясида.

Тириклиги давлатим,
Ош пиширар савлатим,
Онам менинг жаннатим,
Отамнинг соясида.

Ҳизирдек оқ соқоли,
Нуроний,сўзда боли,
Мен бир Ҳоқон мисоли
Отамнинг соясида.

Топганларим тўй бўлди,
Сўйганларим қўй бўлди,
Қалб қўърим нурга тўлди,
Отамнинг соясида.

Ёнимдасиз онажон,
Бахиёрман мен ҳар он,
Кўксим тоғ,бошим осмон,
Отамнинг соясида.

Ҳизматини қилайман,
Кўп умрлар тилайман,
Ўғлим бошин силайман,
Отамнинг соясида.

✍Хуршид Карим

t.me/Xurshid_Karim

УЙИНГДАГИ АЁЛИНГ

Сира сира учмасин,
Бошқасига хаёлинг,
Ҳаммасидан гўзалдир,
Уйингдаги аёлинг.

Вафо қилмас ўзга ёр,
Бир кун келиб қилар хор,
Садоқатли, вафодор,
Уйингдаги аёлинг.

Жонингга жон риштадир,
Хоҳ уйда, хоҳ ишдадир,
Ердаги фариштадир,
Уйингдаги аёлинг.

Чидар турмуш корига,
Ёмғир,довул,қорига,
Шукур қилар борига,
Уйингдаги аёлинг.

Қалбида бор диёнат,
Қилмайди ҳеч хиёнат,
Аллоҳ берган омонат,
Уйингдаги аёлинг.

Кимлар гулингни севар,
Тилло, пулингни севар,
Танҳо ўзингни севар,
Уйингдаги аёлинг.

✍Хуршид Карим

t.me/Xurshid_Karim

СЕНИ ТОПГУНЧА

Туним қаро бўлди тонгим отгунча,
Бағрим яро бўлди ҳижрон ўтгунча,
Сени севдим тамом ўзимдан кечиб,
Ўзимни йўқотдим сени топгунча.

Юрагим эзилди ғам панжасида,
Сенинг исминг бўлди ҳар парчасида,
Куйдим армонларнинг исканжасида,
Тошдайин тош қотдим сени топгунча.

Кенг дунё тор бўлди гоҳо кўзимга,
Гоҳо жоним келиб қолди бўғзимга,
Гоҳ бегона бўлдим ўзим ўзимга,
Аламларга ботдим сени топгунча.

Ҳузурингга борсам келма дедилар,
Сени севмайди у севма дедилар,
Охир мажнунсифат телба дедилар,
Азобларни тотдим сени топгунча.

Соғинч кўзимда жам, кипригимда нам,
Ёдинг хаёлимдан кетмади бир дам,
Ҳатто сени йўқ деб алдадилар ҳам,
Ёлғонларни тотдим сени топгунча.

Ишқинг ўтида ҳеч тонмади дилим,
Исмингни айтишдан толмади тилим,
Ўзимдан ҳам асраб севган севгилим,
Ўзимни йўқотдим сени топгунча.

Хуршид Карим

t.me/Xurshid_Karim

ЖОНИ ҚИРҚТА ХОТИНЛАР

Умр ўтаверади.
Оқар сувдек оқинлар,
Рўзғорим деб тинмайди,
Жони қирқта хотинлар.

Тунлар тинмас алласи,
Шу Аллоҳга ноласи,
Ухлатмайди боласи,
Жони қирқта хотинлар.

Шом саҳар чиқмас ердан,
Манглайи қаро тердан,
Дакки эшитар эрдан,
Жони қирқта хотинлар.

Ҳеч ким билмас сири бор,
Фалакда кўз қири бор,
Тоғорада кири бор,
Жони қирқта хотинлар.

Чидар ҳаёт жабрига,
Йиғламайди қадрига,
Тоғлар чўкар сабрига,
Жони қирқта хотинлар,

Ҳаёти нурга тўлсин,
Йўллари гулга тўлсин,
Жонлари омон бўлсин,
Жони қирқта хотинлар.

Хуршид Карим

23.11.2024

t.me/Xurshid_Karim

📹 Muzaffar Nazarov - Qo'y yuragim sevma o'shani (audio 2024) →
Matn; Xurshid Karim

t.me/Xurshid_Karim

**ЙЎЛДАМАН

Умр мисли бир тугун,
Гоҳ ўлда, гоҳ жўлдаман,
Сизни соғиндим бугун,
Онажоним йўлдаман.

Сизни қучиб суйгани,
Қувончингиз туйгани,
Меҳрингизга тўйгани,
Онажоним йўлдаман.

Бу дунёда ғамлар мўл,
Ташвиш дарё,ташвиш кўл,
Ҳаммасига силтаб қўл,
Онажоним йўлдаман.

Дунёга берилиб хўп,
Йўқламадим сизни кўп,
Сиздан зарур ишим йўқ,
Онажоним йўлдаман.

Меҳрибоним,жаннатим,
Ғаниматим,давлатим,
Меҳр истаб бир қатим,
Онажоним йўлдаман.

Дунё мисли бир тугун,
Қалбим гирён,дилим ҳун,
Сизни соғиндим бугун,
Онажоним йўлдаман.

Хуршид Карим**
t.me/Xurshid_Karim