Qor yog‘sa, og‘ir qo‘shiqlar eshitgim kelib qoladi.
Nega shunday?

Ҳарна ёмғир ёғар, ювар айбимиз,
Кеча сир сақлайди, очилмас сира.
Не бўлди, куйдими охиратимиз,
Ширин дийдор кечди,
Бокирам.

Тарози кўтариб келган фаришта,
Иқрор этса этар, ғам ема, жоним.
Топарман мен сени ўша гардишда,
Яна бир қучарман,
Тоза армоним.

Итлар қопсалар ҳам ёнғин кунларда
Самоларда исминг айтгум чирқиллаб.
Руҳим йиртсалар-да халқоб тунларда.
Яна бир лабингга
Қўяжакман лаб.

Кўзлардан, қўрқаман, дема, мен ўзим
Юрагимни бергум, тўйиб чўқирлар,
Эзилма, бир куни чумчуқдай учиб,
Бағрингда ухларман,
Яна чуғурлаб.

Ҳарна ёмғир ёғар, ювар айбимиз,
Кечиб кечирмайди ғанимат дайр.
Ёмғирпўшни очдинг, ожиз қайсимиз,
Хайр, Хайр, Хайр...

• • * 
    Истардим, 
    Фалакнинг қабоғи бўлса
    Ва қабоқ ичида бўлса чимилдиқ. 
    Атрофим сабуҳий мушкларга тўлса, 
    Ҳам сен кутсанг мени
    Дилинтиқ.

Истардим, 
Юлдузлар чироғим бўлса, 
Зулмат кечаларин кечсам адоғин. 
Бир ажаб, сеҳрли чорбоғим бўлса
Ва сен ёлғиз бўлсанг, 
Азобим.

Истардим, 
Кўнглимни улоқтирсаму
Бу ёвуз оламга... 
Юрак устига
Сени ўлтиргизсам, 
Термилсам, термилсамммм...

Истардим... 
Ва лекин оёғим ботган, 
Ҳаёт бўғиб қўйган гирибонимдан. 
Бу ёғи ёшим ҳам ўттизга кетган, 
Бу ёғи умид йўқ тошдай жонимдан
Истардим... 

ХИЙЛА

Хийла кеч тушибди севайлик десак,
Ўғри оралабди боғу равона.
Чиннидай рўёдан эшитдик — чўпчак,
Хийла бегонамиз, билсак, жаҳона.

Кексайиб кетибди тунлар биз учун,
Тақса ярқирамас эски тақинчоқ.
Хийла бекорларга яшайман маҳзун,
Хийла овунчимга сен бир ўйинчоқ.

Хийла макрларинг сеҳрли эмас,
Бало ҳам урмайди на аъжуз-маъжуз,
Ҳийла найрангларим йўлдан оздирмас,
Хийла сочинг эмас сенинг чанқовуз.

Хийла кеч тушибди севайлик десак,
Бизга олакўзроқ хийла замона.
Хийла сен ҳам бир оз қаҳрли эрмак,
Хийла мен ҳам бир оз чала девона.

Абдували Қутбиддин

Qor. Avtobus. Toza havo.
Quloqchinda "Qurbon o‘lam".
"Barq urib oinadak siynai sofing ko‘rinur..."
Voh-voh-ey!

ТАҚҚОСЛАР

Сизнинг келишингизни эшитганда
отиш ҳукми бекор қилинган
маҳбусдай қувонаман,
рост.

Бошқалар учрашганда
тилло топган қашшоқдек
бахтиёрдир,
биламан.

Биз учрашгач,
оғир аравага қўшилган отлар мисол
ҳорғинмиз,
нега?

Сиз кетдингиз,
тўшакда ётибман
сувга чўкиб кетган одамнинг
қирғоқда қолдирган кийими каби
эгасиз,

оқлов қоғозини йўқотган
маҳбусдай
маҳкум.

1989

Карим Баҳриев

#Qalb_kechinmasi

Butun kecha o'ychan va sokin,
Xona ichra qolmishdik tanho.
Bir telbalik ruhimga hokim,
Shunday hokim ruhimga sen ham.

Ohang oqar. Devorda suvrat.
Moviy dengiz ustida kema...
Tanholigu o'rtada hurmat
Va sevgiga o'xshash bir nima.

Men o'ylayman, nedan boshlay gap,
Sen o'ylaysan ne qilay javob?
Na kuladi, na yig'laydi qalb,
Qarashlarda yaxlagan sarob.

Butun kecha o'ychan va sokin,
Xona ichra qolmishdik tanho.
Men demadim sevaman seni,
Sevolmayman demading sen ham.

© Rauf Parfi

@sherSehri

"Daqiqa so‘rayman sendan, yorijon..."
"Duel"ning finalidan beri shu qo‘shiqni izlayman. Va topdim. Avaz aka Alimovga rahmat.

🎙️ Shuhrat Daryo - Yorijon
🖌️ Abduvali Qutbiddin sheʼri
🎶 Musiqa: @Avaz_Alimov_ijodi

@suhrob_ziyo1