Bəzi kütləvi informasiya vasitələrində, eləcə də bəzi xaricdə təhsil şirkətlərinin müvafiq elanlarında Türkiyə Respublikasının ali təhsil müəssisələrində təhsillə bağlı həqiqəti əks etdirməyən məlumatlar dərc olunaraq, vətəndaşlarımız “qiyabi təhsil” adı altında sözügedən ölkənin müxtəlif universitetlərində təhsil almağa təşviq olunur.

Ətraflı:
https://tkta.edu.az/p/news/c/qiyabi-tehsilalma-formasi-ile-bagli-vacib-meqam

#TKTA #ETN #VacibMəqam #Təhsil

#TKTA #VacibMəqam #ETN

Ölkəmizin təhsil salnaməsini yaradan, yaşadan "Azərbaycan müəllimi" qəzetinin fəaliyyətə başlamasından 90 il ötür.
Müstəqil dövlətimizin təhsil siyasətinin həyata keçirilməsi, eləcə də elm vә tәhsil sahәsindә aparılan genişmiqyaslı islahatların təbliğində əvəzsiz xidmətləri olan “Azərbaycan müəllimi” qəzetinin kollektivini Təhsildə Keyfiyyət Təminatı Agentliyi adından təbrik edir, onlara fəaliyyətlərində uğurlar arzulayırıq.

#TKTA #ElmVəTəhsilNazirliyi #AzərbaycanMüəllimi #AzərbaycanMüəllimi90

Tariximizə qızıl hərflərlə yazılmış 15 İyun – Milli Qurtuluş Günü münasibətilə xalqımızı təbrik edir, müstəqilliyimizin əbədi olmasını arzulayırıq.

#15İyun #QurtuluşGünü

Bildiririk ki, xarici dövlətlərdə əldə edilmiş ali təhsilə aid kvalifikasiyaların tanınması Azərbaycan Respublikası Prezidentinin 2023-cü il 18 avqust tarixli, 2306 nömrəli Fərmanı ilə təsdiq edilmiş “Xarici dövlətlərin ali təhsilə aid kvalifikasiyalarının tanınması Qaydaları”na uyğun olaraq həyata keçirilir.

Qaydaların 5.9-cu bəndinə əsasən xaricdə natamam ali təhsil alan şəxslər təhsilinin qalan hissəsini Azərbaycan Respublikasının ali təhsil müəssisələrinin birində davam etdirmək üçün ilkin olaraq kvalifikasiyalarının qismən tanınması üçün Təhsildə Keyfiyyət Təminatı Agentliyinə müraciət etməlidir. Ərizəçinin kvalifikasiyası qismən tanındıqda, o, Azərbaycan Respublikasının ali təhsil müəssisələrindən birinə köçürülmək üçün müraciət etmək hüququnu əldə edir.

Köçürülmə “Ali təhsil müəssisələrinin bakalavriat (əsas (baza ali) tibb təhsilində) və magistratura səviyyələrində təhsilalanlar tərəfindən təhsil müəssisəsinin, ixtisasın, təhsilalma formasının dəyişdirilməsi, onların təhsil müəssisəsindən xaric və ya təhsil müəssisəsinə bərpa olunması, habelə təhsilalanların təhsilini müvəqqəti dayandırması (onlara akademik məzuniyyətin verilməsi) Qaydaları”na əsasən həyata keçiriləcəkdir.

Qismən tanınma şəhadətnaməsi ilə əlaqədar olaraq xüsusilə qeyd etmək istərdik ki, bu sənəd sahibinə sadəcə Azərbaycan Respublikasınını ali təhsil müəssisələrindən birinə köçürülmək üçün müraciət etmək hüququ verir və köçürülmə yay mövsümündə başlayacağı üçün prosesdə iştirak edəcək şəxslərə https://apply.enic.edu.az/ keçidi vasitəsilə elektron qaydada müraciət etmələri tövsiyə olunur.

Təhsildə Keyfiyyət Təminatı Agentliyi “bp-Azərbaycan” şirkətinin dəstəyi ilə “Sənətin varsa, sənədin olacaq” layihəsi çərçivəsində avtomobil mühərriklərinin yığıcısı, kompüter operatoru, poliqrafiya üzrə dizayner, kargüzarlıq və mühafizəçi peşə ixtisasları üzrə qeyri-formal və informal təhsil formaları vasitəsilə əldə olunan bilik, bacarıq, səriştə və təcrübələrin qiymətləndirilməsi və tanınması məqsədilə müraciətlərin qəbulunu elan edir.
Layihə çərçivəsində sözügedən peşə ixtisasları üzrə formal təhsilə çıxış imkanı məhdud olan, lakin bilik, bacarıq və təcrübəyə malik olan vətəndaşlar qeyri-formal və informal təhsilin tanınması prosesinə cəlb olunaraq müvafiq imtahanlardan keçib TKTA tərəfindən peşə ixtisasını təsdiq edən diplom əldə edəcəklər.
Müraciət üçün son tarix: 15.06.2024.
Ərizəçilər qeydiyyat üçün yerləşdirilmiş keçiddən istifadə edə bilərlər.
Ətraflı: https://tkta.edu.az/p/announcement/c/tkta-daha-5-pese-ixtisasi-uzre-muracietlerin-qebulunu-elan-edir

May ayı ərzində Təhsildə Keyfiyyət Təminatı Agentliyinə müraciət edən 815 ərizəçinin 760-ı barədə müsbət qərar verilərək müvafiq şəhadətnamələr təqdim edilmiş, 55 nəfərin müraciəti isə mənfi qərarla yekunlaşmışdır.
Ətraflı: https://tkta.edu.az/p/news/c/may-ayi-ucun-taninma-uzre-muracietlerin-statistikasi-849