عاشرتك عطش

(بين المدامع)

بـيـن الــمـدامـع والـحـزن
         والـدنـيـا أحـسـنهـه سـجـن

أتـنطـر ومـاجـانـي    أشـمـنـتـظـر دفانـي

----------------------------------*

بساعة الفاركت أخوتي   واني لليوم احتضر
الـوادم يشوفوني عدله   ودنيتي صارت گبر
أتـأخـرت عـني المنيه    لشوكت ابقه أنتظر
يخلص الليل بحسرتي   هيچي شيفيد العمر

أسـهـر وأكـابــر لـلـصـبـح
            شـيصـبّـر الـصـايـر جـرح

أتـذكـر الـولـيانـي     أشـمنـتـظـر دفـاني

----------------------------------*

ماتت احلامي بعيوني  وكلشي بالدنيه أنعـدم
أشعـر الليل اليجيني   يـشـبـه الـجـيّـت سهـم
اذكـر امصاب الغوالي   ويجـرح بـروحـي الألم
والله يوميه ابـكيانـي   تـشـتـعـل نــار الـخـيـم

تـچـويـنـي نـسمات الـهـوه
           ومـايـنـفــع الـروحـي دوه

امـعـلـعلـه خلاني    أشـمنـتـظـر دفانـي

--------------------------------*

أشـبـه الـميت تـراني   أنـتـظــر بـس الـلـحـد
أيّست محـد يجينـي   الروحي أقريت الحمد
چانت أمنيتي كفيلي   يطبـگ عيـوني أويسد
تـالي خـلانـي زمـاني   لا كــفــيـل ولا وِلـــد

مجـروحه والمدمـع يـصـب
           شـتـئــمـل وشـاب الــگـلـب

أتـحيـرت بحـزانـي   أشـمـنـتـظـر دفانـي

-------------------------------------*

أشـبـقـه بـالـدنيـه ألـيـه   أنـدفـن حـتى الأمـل
ضلت الذكره وحسرتي  وكلشي حسيته ارتحل
مساهره وأحسب ليالي  يمته يـوصلني الأجـل
تنزف أجروحي بدليلي  والـصبـر شاب وذبـل

أمـكـابـر وحصتـي الـدمـع
          بـالـراحـو أتـمـنـه أنـجـمـع

وعباسي يـتلـگـانـي    أشـمـنـتظـر دفانـي

----------------------------------*

تحضر بعيني صورهه  كـربله بـوكت الغرب
العايش بنار أنتضاره   وينتظر موتـه صعب
الهوه يچويني أحسه   بـظـامري لمن يـطب
أتعذبت والله بحياتي   ارّوح اهـواي التـرب

مـاتــرجـع احـبـابـي بـعـد
           أدريــهـه راحــت لـلأبــد

مـاتـنطفي نيـرانـي   أشـمنـتـظـر دفانـي

-----------------------------------*

كسرت الخاطر عشتهه   دنيه راوتـني العجب
الـمـغـرب الدمعه أهلهه   وأدري الفراك السبب
يـمتـه دفـانـي يجـيني   عمـري خلصته تـعب
أتـأخـر بـدفـنـه عـليـه   أعتب وحـگـي العتب

مـا أدري شـيـريـد الـدهــر
           عـذبـنـي والـخـاطـر كسـر

أتـعـمـد  وأذانـي        أشـمنـتـظـر دفانـي

----------------------------------*

✍خادم السيده زينب ع
الشاعر رعـد الجريخي

ياغريب بكل وكت و اختك غريبه
من يقل معنى الحچي تزيد المصيبه

ماتت ام عون .... وحمرة العيون .....
من البواچي .....

..........................

من شحت اعيون الهله والشوگ سد بيبانه
احتركت مراسيل العشگ والموت مد ذرعانه
من كودن الماعنده اهل ماتنصفه الدفانه
يعرف امتون الشالته لو غربه لو خوانه

ياهضيمه وكسرت اخواطر بعيده
زينب بعازت اخو يمدلها ايده

يشوف المتون ..... وحمره العيون...
من البواچي......

............................................

هاجس سوالف كربله كلساعه مر بذكره
ياخذ حلم بي چم حرگ وسوالف اشگد جسره
المبحوح صوته من البچي لو شيع بيا نبره
ماتهم نيران البعد بس تچوي نار الحسره

حسرة الفگدت اخو بعز الضهيره
اتمنت ايشعونها بذيج الحصيره

وتمشي الضعون .... وحمرة العيون....
من البواچي

.............................................

الصفنه موگد للكبر وتاخذ الحيل الدمعه
هودرت لجمات الگلب يم طاري ثلمت ظلعه
الماحصلت بالطف شتم حصلت لازم دفعه
سومر ضوه اعيون الگمر من طفت اخر شمعه

يابو سكنه اختك اعله طواري المگابر
ضلت بحسرت اخو يغمض المشاعر

وي اليشيعون ..... وحمرة العيون ....
من البواچي

...................................................

من غمضت عين الشمع جم خيط فارگ لونه
شح السراب اعله العطش من جفوا ليحبونه
المكسور من فرگت اخو تقرا الحجي بعيونه
وضل النعش ذاك الوكت معتاز اليشعونه

ياكثر ذيج الزلم ابوكت الاميره
ويامقلهم من مشت زينب اسيره

وبان مضمون ..... وحمره العيون
من البواچي

.......................................................

طوح الحادي اعله الدفن واعيون زينب حمره
وشافوا اصابيع الاخت صوب الحسين ماشره
جاهيه مكسورة گلب وانوب هاي الكسره
يحشمون بالوادم افا يشعون بت الزهره

وين ذيج الهيبه وفياي الصوارم
غربه شايلته النعش تهضم يهاشم

ومايردون ..... وحمره العيون
من البواچي

...............................................

الاقل شرفا
كرار اللامي
#محرم_العقيلة

**هاي المالها بالشام تچايه ..
                """""""""""""""""""""""""""""""""""''''''''''''
زينب هــــاي هيه يـــالتنشدون
هاي ام عون هاي المالگت عون
هاي البيها يبدي وينتهي الكون

بس ويّ الضعن شو ماترف رايه
هــــــاي المـالها بــــالشام تچايه ...

"""""""""""""""""""""""""""""""""""''''''''''''

هاي ام أسم فوگ العرش منقوش
هاي الخوش بس الشام موخوش
هاي ولــــلــكـفلها ودت طــــروش

احضر والشماته سوو سوايه
هــــاي المــالها بالشام تچايه ...

"""""""""""""""""""""""""""""""""""''''''''''''

احضر يالمبرگِعّ هـــودج ارحيلي
احضر يالگمر خويه وبــعد حيلي
الصبح ماگمت اعرفنه وبعد ليلي

سبي الثاني يخويه والمشي هوايه
هــاي المالـــــها بــــالشــــام تچـايه ...

"""""""""""""""""""""""""""""""""""''''''''''''

ياعباس ويــــنك والسبي الثاني
هـــم دروب وعره خويه شمتاني
خويه السوط عگب السوط أذاني

والشمات صاحو بت علي هايه
هـــــــــاي المـالها بالشام تچايه ...

"""""""""""""""""""""""""""""""""""''''''''''''

وداعت خـوتك عباس متحيره
عگـــب الصـحره وأرد للصحره
وبگيد الحديد وصرت متيسره

وهم تركض الهزله وموش بهدايه
هــاي الـــــمالها بـــــــالشام تچايه ...

"""""""""""""""""""""""""""""""""""''''''''''''

ياشام النوايب كـافي ملينه
تاخذنه بسبي تالي ترد بينه
راح الچان بچفوفه يغطينه

يم شاطي النهر والماي اخذ مايه
هــــــــــاي المـــالها بالشام تچايه ...

"""""""""""""""""""""""""""""""""""''''''''''''

ياشــام السبي والمدمع بسكته
يــاذاك القصر ماتگضي سالفته
بدربك راح اموتن والعمر عفته

اموتن احسن ولا اسمع حچايه
هـــاي المــــالها بـــالشام تچايه ...

"""""""""""""""""""""""""""""""""""''''''''''''

يـاتالي العمـــر ماينگضي تالي
اموت ولا اشوف الشمر يبرالي
ولا يـــم القصر تتفرهد احوالي

وياحزن السبي لا ما أله انهايه
هاي المالها بــــــــالشام تچايه ...

"""""""""""""""""""""""""""""""""""''''''''''''

ومن ذاك السبي والمـوت بعيوني
واخوتي ابعاد عني ومايحضروني
والسجاد يمي ومنخطف لـــــــوني

هضيمه بالغرب والنعش ودايه
هــــــاي المـالها بــالشام تچايه ...

عبد زينب
محمد الابراهيمي**