مبعرفش الوداع الشيك
ولا الروح الرياضية
و قلت زمان كتير لعينيك
بإني حالة مرضية
لـذا
واحد .. أنا بحييك
على هروبك ك تضحية
اتنين .. أنا بهنيك
على خروجك من الخية
تلاتة .. لأ تلاتة عادي
تلاتة عشرة ف الميه

الطحان

أنجبتُ أرواحًا تنبض خارج جسدي، وإلى الآن لا أعرف ما الذي تعنيه الأمومة:
هل هي شعوري بالرجفة حين يمرض أحدهم؟ أم هروب دمي من عروقي حين يتأخرون بالخارج؟
هل هي خوفي الذي لا يتوقف عن ضخ نفسه في جلدي، بسببٍ وبلا سبب؟
أم هي فرحتي الممزوجة بالغضب حين استبدلوا كلمة "نعم" بـ "لا" لأول مرة اعتراضًا على رأييّ؟

الحقيقة أنها مربكة، ومخيفة، ومطمئنة: فكرة أنني أم.

فاطمة رحيم..

اللي في قلوبنا يا علي
تحت التراب
و اللي بضفاير يا علي
لبسوا الحجاب
و اللي إشتروا روحنا يا علي
نسيوا الحساب
قال الطبيب إيه يا علي؟
نوبة إكتئاب !
ما تقول له أح*ا يا علي
و " ليت الشباب " ..

الطحان

دلوقتي كل واحد اولى بشيلته
صاحبك مسيره هيمشي مهما عاشرته
وحبيبك اللي انتا بتحكي في سيرته
عنده قضية وعنده الف دليل ادانة
حبيت محبة صافية لا يشوبها عكر
وكرهت من كل قلبي بغل فر وكر
في فرق بين الاتنين
بين اللي مات واتنسى
وبين اللي عاش وافتكر

الطحان

السياج متشال وانا اعمى
يا مسدس طلقته ناعمة
صعب تجرحني مكان ما تمُر
صعب تخلق روح ف أي جماد
ولا مفر ولا مفر وآه يا نبي الله
فؤاد حداد..

الطحان

أنا لمّا جيت من الغيب،
العدل كان سيفي،
والحق كان مطمعي،
والحب كان كيفي.

دقيت على الأبواب،
لقيتني في السرداب،
غابة من الأنياب،
مسنونة حواليا.

• أحمد فؤاد نجم

انسحب
بس ابقي قول للست علي القهوة
أن الهوي مش غلاب
وانك استسلمت لشكوكك
وسبت ايدي في عز الضباب

الطحان

كان شكلنا مع بعض
يشبه كل الأحِبِّة
طايرين وما لينا أرض
خلافاتنا بتستخبَّى
لكن ما بينّا نار
على حافة الانهيار
فاضل بس القرار
وهنبعد حبَّة حبَّة
لكن فيه مغناطيس
و ف ليل إسود غطيس
ببعض بنستغيث
نرجع لبعضنا
إنتي ولا أنا

الطحان

‏وحتيجي يوم وتصدّقي
عشقي الأصيل وتحققي
حلمي الجميل وتزوقي
عمري اللي ضاع مستنظرك.

- أحمد فؤاد نجم

قناة دينية جميلة، ربنا يجعلها ف ميزان صاحبتها.