ХУМОРИНГМАН. #премера **Ул ким фаромуш айлади кўнгилда доғ,
Сенинг ила кезгум келур айланиб бoғ.
Банди қилма, эй париваш зулфинга гоҳ,
Гар кўрмасам кўнгилгинам бўларми чоғ.

Сарви қомат бўйларингни айла хиром,
Оҳу кўзинг гавҳарлари дилга ором.
Телба қилур, ҳуснингга зор этма жонон,
Ой юзларинг дудоғингга бўлайин хол.

Зимдан туриб боқишларинг жоним олар,
Ўтлар ёқар юрагимга, ҳушим олар
Хуморингман, бўйнинга мен бўлай тумор,
Куйлай ишқинг сенинг учун, бўлайин тор.

Суйдим сени қаро кўзим йўқдир гумон,
Ҳузуринга бормоқ истаб топгум имкон.
Қизғонмагин нозиккинам ёноғингни,
Тунларингда энди ўзим бўлай меҳмон.

Ойюзлигим бир кўрайин жамолингни,
Қошу қаро, киприги ўқ камонингни.
Тотай таъмин лабингдаги шу болингни,
Ўзим бўлай харидори шу холингни.

📝АЗИЗАБЕГИМ**

@Sevmli_sherlar

СЕВИБ ЯШАНГ

Табассумга буркансин дунё,
Шодликларга кўмилиб яшанг,
Қалбингизга тўлсин нур-зиё,
Севиб яшанг, севилиб яшанг.

Кўзингизда кулсин муҳаббат,
Дилингизда унсин муҳаббат,
Бу ўткинчи дунёда фақат,
Севиб яшанг, севилиб яшанг.

Эгилмасин ғамга бошингиз,
Порлаб турсин бахт қуёшингиз,
Оқмасин ҳеч кўзда ёшингиз,
Севиб яшанг, севилиб яшанг.

Нолимоқлик,куймоқлик нечун,
Ҳеч нима йўқ меҳрдан устун,
Қадрингизни билганлар учун,
Севиб яшанг,севилиб яшанг.

Ҳаётнинг ёз,кўклами гўзал,
Умрингизнинг ҳар дами гўзал,
Қалбингизга қуринг тожмаҳал,
Севиб яшанг,севилиб яшанг.

Нур ёғилсин осмондан қат, қат,
Ҳамроҳ бўлсин сизга бахт-омад,
Маҳаббат ҳам Аллоҳдан неъмат,
Севиб яшанг,севилиб яшанг.

🖋Хуршид Карим

https://t.me/Sevmli_sherlar

*💦*💦💦💦💦💦💦💦💦
Сабр ила енгдим мен.
💦💦💦💦💦💦💦💦💦

Кўнгил тўлса аламга.
Касал келса танамга.
Жар солмадим оламга.
Сабр ила енгдим мен.

Ишонганим ёв бўлса.
Атроф ғанимга тўлса.
Соғинч юракни тилса.
Сабр ила енгдим мен.

Тухмат тошин отса хам.
Дўст душманга сотса хам.
Бошим ғамга ботса хам.
Сабр ила енгдим мен.

Бўлганида кўзда ёш.
Юз буриб кетди сирдош.
Барига айлаб бардош.
Сабр ила енгдим мен.

Жон халқумга етар чоғ.
Умид билан қилдим боғ.
Бўлса хамки йўл узоқ.
Сабр ила енгдим мен.

Айрилсамда боримдан.
Оғишмай қароримдан.
Арз қилмай ахволимдан.
Сабр ила енгдим мен.

Юрак кетса-да ёниб.
Ғамларга хам қувониб.
Яратганга суяниб.
Сабр ила енгдим мен.

✍ Низомиддин.**

@Sevmli_sherlar

?МАЖНУН КАБИ СЕВСАНГ, БЎЛДИ?

Майли гуллар тўшамагин йўлларимга,
Гулдасталар тутма, майли, қўлларимга,
Бошқа нарса сўрамасман, мен маҳримга,
Мени Мажнун каби ёниб СЕВСАНГ, бўлди.

Ҳолим абгор, дилимни зор этиб қастдан,
Қайноқ муҳаббатга асло зор қилмасдан,
Ширин жонимни бу ўтларда ёқмасдан,
Мени Мажнун каби ёниб СЕВСАНГ, бўлди.

Кўркам боғга айлантириб чўлларимни,
Изҳори дил қилсанг тутиб, қўлларимни,
Ҳеч бир тўсиқ тўсолмасди йўлларимни,
Мени Мажнун каби ёниб СЕВСАНГ, бўлди.

Келармисан, севгимнинг ҳурматин қилиб,
Кўздаги жоламни юрагингга илиб,
Яшай Лайлидан ҳам ортиқрооқ севилиб,
Мени Мажнун каби ёниииб СЕВСАНГ, бўлди.

Келар бўлсанг, йўлларингни ювсин кўзим,
Болдан ширин бўлсин сенга айтар сўзим,
Соғинганман, кел, бағрингга бос , азизим!
Мени Мажнун каби ёнииб СЕВСАНГ, бўлди.

✍? Дилбаҳор?

https://t.me/Sevmli_sherlar

#YANGISI#ABUDIL **K E T S A M M I K A N ?

Yoʻlim toʻldi hayot qoʻygan tuzoqlarga
Azob qiynar bilmam sabr qilsammikan?
Yo bariga qoʻlim siltab uzoqlarga
Bu yerlardan boshim olib ketsammikan?

Sinov ichra qoldim goʻyo alangada
Chiqmoq uchun qoʻlda choʻgʻni tutsammikan
Koʻksim yonar yurak boʻldi alamzada
Sovish uchun dengiz tomon ketsammikan?

Yurak kuydi soxta mehri arzonlardan
Men ham boyu kambagʻal deb chertsammikan?
Toʻyib ketdim vijdoni yoʻq insonlardan
Sahrolarga boshim olib ketsammikan?

Fitnalardan sabr kosa toʻlib toshdi
Qasos olay? Yoki rahm etsammikan
Tashvish kelsa soxta doʻst-u yor ham qochdi
Hech kimsa yoʻq joylar tomon ketsammikan?

Azob ketsa izidan gʻam dardlar kelar
Baxt ham kelar deya biroz kutsammikan
Sinov bilan men tomonga toʻfon yelar
Koinotga parvoz etib ketsammikan?

Dardlar kelib yuragimni tirnayapti
Bir soʻz demay barin ichga yutsammikan,
Tashvish toʻla hayot rosa qiynayapti
Bu dunyodan boshim olib ketsammikan?

Bu yerlardan boshim olib ketsammikan? ❤️‍??

✍

? DILSHODBEK "ABUDIL"**@Sevmli_sherlar

@Sevmli_sherlar

Ўзимга бегона ўзни излайман,
Тонг чоғи шудрингнинг томчиларидан.
Билмам бардошларим омон қолгайми,
Ҳаётнинг зарби зўр қамчиларидан.

Булбулнинг навосин дилимга солдим,
Гулларнинг анвойи беланчагида,
Қарғалар қарғишин англолмай қолдим,
Бахт қолди умрнинг қай бурчагида.

Дарёлар пишқирди руҳимда менинг,
Ҳарсанглар қўйнига зеб берди қалбим.
Суйгучи ўзим деб такрор ва такрор,
Суюкли бандасин қўллади Тангрим.

Ва, яна барини бошидан қайта
Бошлашга жасорат топиб бораман.
Гўёки бир эмас, неча умрни
Руҳига сиғдирган битта танаман.

Баҳорлар сийлади ҳар йили такрор,
Ҳар келар чоғида қайта яралдим.
То, умрим энг сўнги онига қадар
Баҳорга аталдим, кузга аталдим.

Кечмишлар турланар тақдир изнида,
Улуғлик, заҳматдан иборат демак.
Фақатки кўксимни сиқувга олмай,
Жойида хотиржам урсайди юрак.

©Маъмура Муҳаммад

https://t.me/Sevmli_sherlar

*?ОТА-ОНАМ БОР?*

Бисмиллаҳдан бошлайман ҳар бир сўзимни,
Юмиб бу дунё корига мен кўзимни,
Сажда қилай, қиблага буриб юзимни,
Дуогўйим, пойи жаннатим онам бор,
Қиблагоҳим ,тожу давлатим отам бор.

Болам, дея тинмай югурибон елар,
Аллоҳимдан менга доим умр тилар,
Гар йиқилсам суянч бўлар, тиргак бўлар,
Дуогўйим, пойи жаннатим онам бор,
Қиблагоҳим, тожу давлатим отам бор.

Улғайсамда , ёш боладек ғамимни ер
Нимаики топса, бўлсин боламга дер,
Йа Робб, икки дунё саодатини бер,
Дуогўйим, пойи жаннатим онам бор,
Қиблагоҳим, тожу давлатим отам бор.

Ҳаёт, сендан оладиган дарсларим кўп,
Адо этилмаган неча фарзларим кўп,
Ота-онам олдидаги қарзларим кўп,
Дуогўйим, пойи жаннатим онам бор,
Қиблагоҳим, тожу давлатим отам бор.

Гарчи дунё ғаниматдир, ҳамма меҳмон,
Ота-онамни ё Тангрим, айла ОМОН,
Шукроналар айтай СЕНга ҳар кун, ҳар он,
Дуогўйим, пойи жаннатим онам бор,
Қиблагоҳим, тожу давлатим отам бор.

✍ ДИЛБАҲОР?**

@Sevmli_sherlar

Bu yogʻiga qiyin boʻladi ?**

Bilmam yana qancha koʻngilda,
Tuygʻularim oʻyin boʻladi.
Jonim goʻyo turganday qilda,
Bu yogʻiga qiyin boʻladi!

Sen oʻzgaga, men oʻzgaga yor,
Yuragimga tikilganday dor,
Mayli kimga ketsang yaxshi bor!
Bu yogʻiga qiyin boʻladi!

Men boʻlmayman, tabiiyki ishq ham,
Turfa sinov kutar boʻlib jam,
Dunyoyingda bitta inson kam,
Bu yogʻiga qiyin boʻladi!

Olam-olam vaʼdalar berding,
"Oʻlgunimcha sevaman" derding,
Kapalakning umricha sevding,
Bu yogʻiga qiyin boʻladi!

Dillar rozi boʻlishgungacha,
Iztiroblar oʻlishgungacha,
Qiyomatda koʻrishgungacha,
Bu yogʻiga qiyin boʻladi!

She'r bitaman singuncha qalam,
Ketgunicha dilimdan alam,
Yangilanar har kuni yaram,
Bu yogʻiga qiyin boʻladi!

Jim... Gapirma... Saqlagin sukut,
Hislaringni sekin ichga yut,
Mumtozingni unutgin-unut!
Bu yogʻiga qiyin boʻladi!

Axir buni tanlading oʻzing,
Koʻngling menda, undadir koʻzing,
Hamon yodda ohirgi soʻzing:
"Bu yogʻiga qiyin boʻladi!"

Ba'zan boqmay qolar teng-tengga,
Taqdir ishi tayin boʻladi.
Balki senga, yokida menga,
Bu yogʻiga qiyin boʻladi!

✍ Mumtozbegim**

@Sevmli_sherlar

**АРЗОН МУҲАББАТ

Ўлда қолди гул дилим,
Жўлда қолди гул дилим,
Кўзи қувнаб бойликка,
Учди менинг севгилим.

Армон бўлди муҳаббат,
Арзон бўлди муҳаббат,
Бевафонинг дастидан,
Ҳазон бўлди муҳаббат.

Дунё бунча тор экан,
Ишқ аламга ёр экан,
Мен ёримни гул десам,
Тиконлари бор экан.

Ночор экан муҳаббат,
Бекор экан муҳаббат,
Алдамчилар қўлида,
Абгор экан муҳаббат.

Ҳайрон этди гулпари,
Вайрон этди гулпари,
Тўйи куни ёлғондан,
Йиғлаб кетди гулпари.

Данғиллама уйларда
Бахтга етди гулпари.

Хуршид Карим**

@Sevmli_sherlar

Яхши эдикку??

Келсангиз кўришиб, қўлингиз сиқдик.
Уйингиз тўрининг нақши эдикку..
Биз қачон зўрсиздан ёмонга чиқдик.
Ишингиз тушганда яхши эдикку..

Афсуз адашибмиз кимлар панд емас,
Биров бир кунимга яраган демас,
Ўзимча айтаман миннатку эмас,
Ишингиз тушганда яхши эдикку..

Чин дилдан ҳурсандман уйлар солибсиз,
Биз минган уловни энди олибсиз,
Душмандек момила билмай қолибсиз,
Ишингиз тушганда яхши эдикку..

Ёрдам беринг деган менми ё сизми,
Менимча кўнгли бўш бир битта бизми,
Мен борсам шуьларни унутдингизми?
Ишингиз тушганда яхши эдикку..

Сабаб кўп қуриди. ишончим боғи,
Сохталар ҳар жойда дилимда доғи,
Соямга саломлар тугаган чоғи,
Ишингиз тушганда яхши эдикку..

Озорлар ёғдиринг топилса журъат,
Таскин ололсангиз бўлай бе-ҳурмат,
Лекин кутмагандим қўйингее уят,
Ишингиз тушганда яхши эдикку..

Сарвар Мирзо дардин битади шу он,
Алам қилди роса кечдилар осон,
Зиёним тегдими ҳайронман ҳайрон,
Ишингиз тушганда яхши эдикку..

Муаллиф✍Сарвар Мирзо

https://t.me/Sevmli_sherlar