Дронлар очилиши керак.

Беҳзод Ҳошимовнинг мана бу пости ростан ҳам жуда муҳим ҳисобланади. Дронлардан фойдаланишни бутунлай чеклаб ташлаш бир кун келиб бизга зарарга ишлаши мумкин.

Ростан ҳам Украина урушида Украинанинг устунликларидан бири аскарларнинг ўта профессионал даражада дронлардан фойдалана олиши бўлмоқда.

Аслида ечим бор! Биз кўпроқ миллий хавфсизлик дея дронларни тақиқлаганмиз, лекин бу ечим эмас. Масалан, кеча мен Макау аэропортидан тўрт километр узоқликда дрон учирмоқчи бўлганимда дрон ҳавога кўтарилмади, аммо бир километрча масофага узоқлашганимда дрон яна ҳавога кўтарилишни бошлади.

Айтмоқчи бўлганим маълум бир ҳудудларда дрондан фойдаланишни тақиқлаб қўйиш ҳам мумкин, қолган ҳудудларда эса одамлар дрондан фойдаланиши мумкин бўлиши керак.

Агар дронлар учун чегаралар ўрнатиб қўйилса, уларни ҳавога кўтаришнинг иложи бўлмайди, асосийси хоҳиш бўлиши керак. Биз эса бу нарсага бош қотириб ўтиргандан кўра умуман тақиқлаб ташлаймиз.

Ҳозир технологик жараёнлар жуда жадал кетаётган бир пайтда биз технологияга тақиқ ўрнатишимиз фақатгина ўзимизга зарарга ишлайди. Кун келиб мана шу тақиқларимиз учун ҳам яхшигина жазоланамиз.

@bektoshkhatamov

Telegram

Iqtisodchi Kundaligi

Hozirgi urushlar jumladan dron urushlari. O’zbekistonda hatto rasm olish dronlarni fuqaroviy maqsadlarda ishlatilishga yo’l qo’yilmasligi, menimcha, milliy xavfsizligimiz uchun katta muammo. O’rta asrlarda Xtoyliklar “porox” ya’ni miltiqdorini birinchi…

Учоёқли радарларга тушса, жарима тўламасликнинг йўли қандай?

👉 жавоб 👈

@bektoshkhatamov

Жуда тез келади…

90-йилларнинг охирида ва 2000-йилларнинг бошларида “сотка” телефон бўлишнинг ўзи бир катта нарса эди, ўша пайтларда телефон орқали видео қўнғироқ қилиб бир-бирини кўриб гаплашиш мумкинлиги ҳақида баъзи фантастик фильмларда томоша қилар эдик.

Ҳатто уйдаги оддий телефонни телефон дер эдик, қўл телефонни “сотка” деб атар эдик, палончининг “сотка”си бор экан ёки бирортанинг исми ёдимизга келмай қолса, “сотка” тутадиган бола бор-ку деб қўяр эдик. Ҳозир бу нарсалар жуда кулгули кўринади, лекин бу унча узоқ бўлмаган пайтда бўлган эди.

Технологик ихтиролар бизга етиб келаман дегунча анча вақт бор деб ўйлар эдик, лекин технология шу даражада ривожланиб бормоқдаки, уни ҳеч бир диктатор, авторитар тузум тўхтатиб қололмайди.

@bektoshkhatamov

Эшикни ёпиб қўйишса, тешикдан кириш керак.

Ноябрь ойида янги инстаграмда янги адвокатлик саҳифаси очган эдим, икки ой ичида 50 мингга яқин обуначилар, миллионлаб кўришлар сонига чиққан эдим. Бир техник хатолик туфайли инстаграмдаги асосий профилим ҳам, адвокатлик профилим ҳам ўчиб кетди.

Профилимни юритган болалар бир неча марта ҳаракат қилишларига қарамай профилларни тиклашнинг иложи бўлмади.

Хуллас ҳаммаси яна бошидан бошлашга қарор қилдик, энди барча профилларимни қайтадан бошлаб чиқишимиз керак. Қўллаб-қувватлашингизга умид қиламиз ва доимо сиз учун фойдали бўлган контентлар яратамиз.

Мен бизнесда ҳам, ҳаётда ҳам бир қоидани жуда яхши кўраман. Эшикни ёпишса, тешикдан кир, жуда бўлмаса, эшикни бузиб кир, чунки ҳаёт ҳеч қачон сенга пойандоз ёзмайди. Нимадир ўхшамаса, бу уни янада яхшироқ, зўрроқ қилиш учун имконият холос.

———

Instagram👇🏻

https://www.instagram.com/khatamov.bektosh?igsh=MWVoZWd0dnNleGFidw%3D%3D&utm_source=qr

Tiktok👇🏻

https://www.tiktok.com/@bektosh.khatamov?_t=8kmQjXk3m5g&_r=1

Youtube👇🏻

https://youtube.com/@BektoshKhatamov?si=bwnHwA3QusrHSBdd

——-

@bektoshkhatamov

Зудлик билан Тошкентдан чиқиб кетдим.

Олдин Гонконгда кейин эса Макаода Халқаро тадбиркорларнинг конференцияси бўлиб ўтмоқда, унда Ўзбекистондан камина, Бунёд Ибрагимов ва Ботир Муталов таклиф этилгагмиз.

Март ойида бешта давлатни кезиб келишим керак эди, шунга ҳозир Банконг, Хитой, Макао, Гонконг ва яна бир жойларга ўтиб келаман. Тез орада қайтаман.

Саёҳатларимдаги барчаси қизиқарли видеоларни инстаграм профилимда, яъни мана бу линкда кузатиб боринг.

@bektoshkhatamov

Асосийси миямиз блокланмасин.

Адвокатлик профилим инстаграмда мен тушунмаган ҳолатда блокланиб қолди, бир неча кун ҳаракат қилишимизга қарамасдан блокдан еча олмадик, сал кам 50 минг обуначига эга канал ҳозирча блокда, лекин ҳуқуқий билим беришдан ҳар қандай вазиятда ортга қайтмаймиз, шунинг учун инстаграмда янги ҳуқуқий аккаунт очдим.

Қўллаб-қувватлашларингизга ишонаман ва сизлар учун янада яхшироқ контентлар қилишга бел боғладим.

Янги профилимга мана бу👉 линк 👈орқали ўтиб аъзо бўлиб қўйишингиз мумкин.

Ҳақиқий ҳуқуқий жамиятни ҳуқуқий онги юқори бўлган инсонларгина қура олишади. Профиллар блокланаверади, биз янгисини очиб яна ижод қилаверамиз, асосийси бизнинг миямизга блок қўйишларига йўл қўймайлик, азизлар.

@bektoshkhatamov

Эртакчилар…

Жуда кўпчилик археологлар, антропологлар ва бошқа олимларнинг инсоннинг Сапиенс тури бошқа жонзотлардан асосийси фарқи хаёлот қилишида деб билишади. Яъни Сапиенс (Ақлли одамлар, яъни бизлар) бошқа жонзотлар каби иқлим ўзгаришлари, турли хил фалокатларда ўлиб йўқ кетмаганимизнинг асосий сабаби хаёл қила оламиз, миямизда ҳикоялар, турли эртаклар туқий оламиз ва ўша эртак ва ҳикояларимизга бошқаларни ишонтира оламиз.

Бу эса инсонлар орасида бирлашиб ҳамкорликда иш қилишлари учун замин яратади. Лекин эртакчиликнинг бир ёмон томони бор, у инсонларда танқидий фикрлашни ўлдириб бораверади, яъни инсон зомбилашиб бораверади. 👉Антизомби 👈канали эса теран ақлни йўқотмасдан, дуч келган эртакчига ишонмаслик кераклигини фактларда кўрсатиб боради. Аъзо бўлиб қўйинг.

@bektoshkhatamov

Қора кунга…

Биласизми, аслида пулни орқасидан қувмасдан, уни қанчалик эркин ва енгил сарфласангиз, шунчалик пулнинг қайтиб келиши тезлашар экан.

Жуда кўпчилигимиз қора кунга деб пул олиб қўямиз. Олдинлари менда ҳам шунақа одат бор эди, кейин нимага мен қора кун келиши ҳақида ўйлашим керак… сиз шу ҳаракат билан мияга қора куннинг келиши учун сигнал берасиз ва ўша кун келади.

Яхшиям қора кунга пул асраб қўйган эканман дейсиз… яъни аслида сиз қора кунни кутиб яшайсиз, кутган нарса эса содир бўлади албатта… нимага бизда яхши кунга деб пул сақлаб қўйиш йўқ? Чунки инсонлар зотан яхши кунни кутмай қўйганмиз…ҳамма гап шунда…

@bektoshkhatamov

“Чемодан тадбиркорлар”!

Охирги пайтда Ўзбекистонда “чемодан тадбиркорлар” кўпайиб бормоқда, турли даражадаги тадбиркорлар билан гаплашсам, деярли ҳаммаси бошқа қайсидир давлатда қочиш учун замин тайёрлаб қўйишни бошлашган.

Нега бундай бўлаётганини тушунолмаяпман, мен ниманидир ўтказиб юбордим ёки ўтказиб юборяпман.

@bektoshkhatamov

Лицензияси бекор бўлган олийгоҳ талабаларининг тақдири нима бўлади?

Кеча шу мавзуда Хушнудбек каналида Олий таълим, фан ва инновациялар вазирлиги департамент бошлиғи Абдували Холиқов билан овозли суҳбат бўлди.

Унда мен ҳам саволларим билан иштирок этдим. Аслида Абдували ака жуда кўп саволларга етарлича аниқ ва қонун доирасида жавоб бердилар.

Аслини олганда вазирлик жуда кўп нодавлат олийгоҳлар билан яқиндан алоқа ўрнатган, ҳатто ўзим ҳам баъзи саволларим туғилиб қолса, кечаси-ю кундузи департамент ходимлари билан ҳам Абдували акани ўзи билан ҳам бемалол боғланиб жавоб топаман.

Лекин шунга қарамай баъзи саволларга барибир қонунчилик доирасида тузатишлар киритиши керак деб ўйлайман.

Биринчидан, лицензия бекор бўлгач нодавлат олийгоҳ талабаларининг ўқишга кўчириш тартиби аниқ қилиб қонунчиликда белгиланмаган. Ҳа, ПҚ-200 сонли қарорда лицензияси бекор бўлган олийгоҳ талабалари қонунчиликда белгиланган тартибда ўқиши кўчирилиши назарда тутилган, лекин белгиланган тартибга кўра йил ярмида бекор бўлса, нима бўлиши йўқ.

Масалан, ҳозир Наманган Халқаро университети лицензияси бекор бўлиш жараёнида (ҳали суд жараёни кетмоқда дейишмоқда) , йилнинг ўртаси бошқа нодавлатга кўчириш ҳам аслида мумкин эмас, шунинг учун НамХУ талабалари бўйича ҳукумат комиссиясининг махсус қарори кутилмоқда экан.

Бундай ҳолатлар яна бўлиши мумкин, кеча Хушнудбек буни қонунчиликка киритмайлик, агар шу тартиб киритилса, кейин нодавлатларнинг лицензияси кўпроқ бекор бўлишига сабаб бўлади деган важни ўртага ташлади.

Лекин бу ҳолат барибир яна бўлади, ҳамма ҳам қонун қоидага амал қилиб университет юритмайди, кимдадир хоҳиш йўқ, кимдадир эса бунга тажриба бўлмаслиги мумкин.

Мен ҳуқуқшунос сифатида ҳар қандай ҳолат қонунийлик асосида бўлиши тарафдориман. Нодавлат олий таълим тизими ҳам секин-аста изга тушади, лекин ҳар қандай вазият учун бизда қонуний асослар бўлсагина ҳукумат ҳам, талабалар ҳам, тадбиркорлар ҳам қийналмайди.

Аслида бунда жуда катта қонунчиликка ўзгартириш киритиш ҳам шарт эмас. Масалан, йил ўртасида лицензияси бекор бўлган олийгоҳларга ўша ўқув йилини тугатиб олишга имкон бериш керак.

Шунда йил охиригача олийгоҳ ўз талабалари билан орани очиб олишига ва талабалар хоҳласалар давлат, хоҳласалар нодавлат олийгоҳга ўқишини кўчира олишига имконият яратилади.

Ҳали яна саволларим ва уларга ечимларим ҳам бор, секин-аста ёзиб бораман.

@bektoshkhatamov

Telegram

Xushnudbek.uz

Litsenziyasi bekor qilingan nodavlat universitet talabalarining oʻqishini koʻchirish tartibi haqida ovozli chatning to'liq audiosi. ***👉*** @xushnudbek ***👈***