زينب دهري يا عالم ولاني
المصايب غيرت حالي ولاني
لا ميته بوطن جدي ولاني
متت ويه إخوتي بالغاضريه
————————
زينب من زماني إشفت بس موت 
اليرسم چان عالوجنات بسمات
كفلني وأمنت بحماه بس مات 
وعگب عباس أخذوني سبيه 
————————
يالتنشد ضريح أم عون وين صار 
بأرض الشام لا خوان وأنصار 
غريبه وعليها إشكثر ون صار 
گبر زينب صبح بيد آل أميه  
————————-

خادم الحسين (ع) :
السيد مرتضى المحنه الكربلائي


ابا الحسـن ابا الحسـن      حامي الحميه
افرض علينه محـبـتك       رب البريــــه  ******يا وصي الهادي المختار       يا ابا الحسن
بالكون مثلك ما صار          يا ابا الحسن
متوّج بتاج الاحرار           يا ابا الحسن
صوتك رعب للكفار         يا ابا الحسن
يالصرختك عالي صداهه     السابع سمه يوصل مداهه
حـــامـي الحـمـيـــــه
***** 


حيدر يفارس صفين         يا ابا الحسن
يالجاهدت بالسيفين          يا ابا الحسن
يا ابو الحسن والحسين     يا ابا الحسن
يللي إخلدت بالدارين       يا ابا الحسن
يا عزة الدين وكيانه      يا جلمه الحكَ وبيانه
حـامـي الحـمــيـــه
*****ياعلي  يا حامي الجار        يا ابا الحسن
يا سعد كل  الأحرار         يا ابا الحسن
نعاهدك نبقى ثوار           يا ابا الحسن
ماتمضي  بينه الاخطار      يا ابا الحسن
لو كَطعونه إعداك نصين  ماننسه حبك يا ضوه العين
حامي الحميه
****** 


نعاهدك نوفي وياك        يا ابا الحسن
ونعادي كلمن عاداك         يا ابا الحسن
للموت لا ما ننساك         يا ابا الحسن
بالحشر نصرخ إهناك       يا ابا الحسن
للحشر شيعه نصرخ بصوت    ميموت حبك أبد ميموت
حــامــي الحــمـيـــه
****يملاوي جف الأهوال        يا ابا الحسن 
ما زال حبك ما زال         يا ابا الحسن
ينبض بدم الأجيال           يا ابا الحسن
وتنضرب بيه الأمثال       يا ابا الحسن
يا ابا الحسن بيك التزمنه          ومحبتك تجري بدمنه
حـامـي الحــمــيــه
***** 
    ياعلي دحضر وشوف       يا ابا الحسن
فرقوا بينه الصفوف           يا ابا الحسن
بدلوا قوه بالخوف              يا ابا الحسن
اصبح المنكر معروف         يا ابا الحسن
من عكَب عينك هجمت إعداك     تضغط علينه تريد ننساك
حـامــي الحـمـيـــه
*****ياعلي وكل العيون           يا ابا الحسن
ناظره شخصك بالكون       يا ابا الحسن
خليهم اليلومون               يا ابا الحسن
يمحون ذكرك يردون        يا ابا الحسن
ما يخفى منك حرف واحد     يلي انت إسمك علم خالد
حــامــي الحـمـيـــه
*****               تمت القصيده*

خادم الحسين عليه السلام
السيد مرتضى المحنه الكربلائي

يا لايم يلام كف لومك عليه
أنا حبي وهيامي للهادي إوصيه
————————
يا سامع ندائي     معروف إنتمائي
أتباها إبولائي    إلحماي الحميه

غصبن عاليضدنه    حيدر غالي عدنه
معروف اليودنه    أصل أمه وأبيه

بعناد السقيفه    علي أول خليفه
لتصدگ نعيفه    علي حد المنيه

أول واليحبه    طاهر يبقه گلبه
لا ما يعصي ربه   وما يعصي نبيه

يا لايم علامك    ما تعرف إمامك
خابصني بكلامك   معروفه القضيه

تتهجم علَينه    چي مدينه إدينه
وبايعنه علِينه   وطبقنه الوصيه

علي صار إبغديره    إلكل مؤمن أميره
علي شيخ العشيره    صدر إبكل ثنيه

علي واضح بيانه    قرآن إبلسانه
نبراس الديانه     أبو نفس الأبيه

غصبن عاليمانع    غيره ما نبايع
لا ما نرضى رابع    علي شيخ البريه

علي لمن هويته    إبنص گلبي لكيته
إبكل شده نخيته    علي قدوه إليه

علي ماكو مثيله    وين ألگه بديله
علي حيدر دخيله    إله مديت إديه

شيعي وما أغالي    بس حيدر أوالي
عالي ويبقه عالي    علي فوگ الثريا

علي للأمه رحمه   من الباري نعمه
فدوه إسمي لأسمه    علي هو الهويه
——————
تمت القصيده

جراح العروبة

حزينٌ لما حلَّ بالضاحيه
وعيني لما قد رأت باكيه
جرت للجنوبِ دموعُ الأسى
وبيروتُ ثكلى غدت ناعيه
وداعاً لمن كان فيها شراع
وربانُ أوتادها الراسيه
أواسي مصابَ القتيلِ الشهيد
ببيتِ القصيدِ وبالقافيه
لقد شُلَ شعري وظل العروض
يحنُ لأشعاريَّ الماضيه
حزينٌ وماذا عساني أقول
ُأصيبَ فؤادي وبالقاضيه
وما حرَّ قلبي فعالُ اليهود
فمهما تكونُ هيَّ الباغيه
فما بالُ إخوانِنا في الحدود
وأين العروبةُ إذ راضيه
أتشمتُ فينا وتشفي الصدور
سيأتي عليها خطىً عاتيه
تدور الدوائرُ بالشامتين
ويُوشى بمن كانت الواشيه
سيأتي زمانٌ على من يخون
فلا للخيانةِ من باقيه
اذا ما توحد كل الشعوب
لنُنقذَ أوطاننا الغاليه
تركنا فلسطينَ اذ تُستباح
ولبنانُ صارت هي التاليه
فمن بعدَ بيروتِ هل من مجيب
وطابورُ من بعدها آتيه
على التلِ من يستسيغُ الجلوس
يظنُ الحياةَ لهُ زاهيه
فتَعساً لقومٍ أضاعوا الجوار
على الظلم أعينهم غافيه
حزينٌ كئيبٌ سئمتُ البقاء
حياةُ الشريفِ غدت واهيه
جِراحُ العروبةِ لا لن تزول
على الصدرِ أحزانُها جاثيه

مرتضى المحنه

خادم الحسين عليه السلام 
السيد مرتضى المحنه الكربلائي 

ردوا أصحاب السبت غايتهم
تنبني إبهاي الأرض دولتهم 
——————-
يا رسول الله اليهود إتحشدت 
كشرت نيبانها إعلينه وطغت 
بالحقد والجور مهما حاولت 
بالنهايه تنكسر شوكتهم 
——————
عنه ما يرضون ندريهم أكيد 
اليهودي اليوم يتسلط يريد 
واحنه اسياد وفلا نصبح عبيد 
 إحنه يالهادي إنعرف نيتهم 
——————
مثل ما چانوا يعادونك قبل
كل بني صهيون خيرهم نذل 
والعروبه بس كلام إبلا فعل 
 إمششتة يا للأسف كلمتهم 
——————
كون نتوحد نشتتهم شلع 
ومثل خيبر بابهم هم تنقلع 
ضد بني صهيون لمن ننجمع   
تنمحي من الدهر سيرتهم 
——————-
يا نبينه إمن العرب لا مرتجى 
الطبعوا لإسرائيل ما بيهم رجه 
عدنه غايب لو إذن ربنه وإجه  
يدحر الشر ويذل هيبتهم 
——————-
يوم غزه ويوم لبنان الشرف 
الضاحيه چن كربلاء وچنها طف 
بموت نصر الله ركن دينك نزف 
وظلت أنصاره تهل دمعتهم
——————
يمته يظهر صاحب الثار ويصول 
بيده راية حيدره فحل الفحول 
يمته يجبر خاطر الزهره البتول 
وآل هاشم ترتفع رايتهم 
———————

ثورة النسور

صبراً جنوبُ لبنان
يا شجرةَ الأرزِ صبراً
سيقضي اللهُ في ما شاءَ أمراً
دماءُ أبناءِ الجنوبِ
ستكتبُ في قادمِ الأيامِ
للأحرارِ نصراً
فلسطينُ العروبةِ باقية
تقارعُ الظلمَ المقيت
تصافحُ الرصاصَ المميت
تحاربُ أصحابَ الفيل
بحجارةٍ من سجيل
الموتُ لليهود
وتبقى فلسطين
إيقونةُ الخلود
سيولدُ من دمِ الشهداءِ جيل
يذيقُ الظالمين الويل
عراقُ عليٍ والحسين
مؤازرٌ للمستظعفين
سنحفرُ للصهاينةِ قبور
لن نكتفي بوضعِ صورَ الشهداءِ
في محطاتِ العبور
وعلى الجسور
الفخرُ للشهداء
الموتُ للجبناء
الشعوبُ العربيهُ ستثور
والحكامُ العملاء
سيقبعونَ في الجحور
حينما يتحدُ لبنانُ وفلسطينُ والعراق
ويحلقوّن في الأفاق
كالنسور
ننتظرُ الباقين
من أبناءِ الوطنِ الواحد
من يساند .. من يعاضد
من سيثور
من يلتحقُ بثورةِ النسور

مرتضى المحنه

خادم الحسين عليه السلام
السيد مرتضى المحنه الكربلائي

جيتك وجبت الضعن والرايه
إمن اليسر زينب يخويه جايه
———————
جيتك إمن إبعيد وإدموعي إتهلي
گوم وإتلگاني يا بيرغ هلي
إلكربله يحسين ردت بت علي
وهايه يبن أمي الفواطم هايه
———————
هاي سكنه وهاي ليلى والرباب
وهاي رمله الفاگده زين الشباب
عودن يمك يبن داحي الباب
بس رقيه ما جبتها إويايه
———————
جيت أسولفلك يبو اليمه الجره
بالخرابه ماتت إبنيتك تره
حين شافت راسك ودم منحره
وعالطشت ظلت تنوح إهوايه
———————-
جيتك إمن الشام وأسچب دمعتي
ويم كفيل إخته إعتنيت إبرايتي
گوم يا عباس أنادي إبلوعتي  
يا كفيلي إوياك عندي إحچايه
————————
أرد أخبرك بالجرالي باليسر
معتنيتك لا تردني وتعتذر
ورمت إمتوني تره إبسوط الشمر
إمن اليسر زينب لفت شچايه
————————
أشتكيلك حالتي ياحسين جيت
يمك ويم كافل إضعوني إعتنيت
لو يصح بيديه چا يمك بقيت
وأندفن يم الفرات ومايه
———————-
غايتي هذي أموت إبكربله
وأندفن يمك يبن عقد الوله
الموت يحسين إشكثر محتامه إله
إبكربله حد ما أموت الغايه  
———————
تمت القصيده

خادم الحسين عليه السلام
السيد مرتضى المحنه الكربلائي

إبدمعة العين يالموالين
زينب اليوم گاصده حسين
——————-
إمن اليسر زينب تعنت گاصده إبلوعتها
ردت الحره الغريبه إلكربله إبدمعتها
شافت إگبور الهواشم نادت إبحسرتها
يخوتي زينب تراني حشمت بخوتها

تمشي وتطيح زينب إتصيح
گلبي مهضوم گاصده حسين
——————
بأربعين حسين زينب گصدته مشايه
تصيح يحسين إعتنيتك والضعن ويايه
بالدرب تمشي وتشاهد عالمواكب رايه
ذكرت العباس طايح فوگ المسنايه

للنهر راح كافلي وطاح
راسه مهشوم گاصده حسين
——————
يم گبر عباس گعدت والدمع يتجاره
جيت يا كافل خواتك نادته محتاره
گلبي يا بدر الهواشم ما تهود ناره
أرد أظل يمك يخويه سوي لأختك چاره

بين الگبور زينب إتدور
ظلت إتحوم گاصده حسين
———————
من گبر عباس گامت گصدت إبن الزهره
حسين يبن أمي إعتنيتك نادته بالحسره
بأربعينك جيت أزورك خويه وأجري العبره
گعدت إتسولف هضمها والحرن يم گبره

تنعه وإتنوح هايمه الروح
إبهاي الهموم گاصده حسين
———————
تمشي وإتهل المدامع زينب المهضومه
إتذكرت لمن أخوها وحده ظل بالحومه
كون هاي الناس چانوا حاضرين إبيومه
حسين وإبعاشر محرم ما تسيل إدمومه

هاي الأنصار تمشي زوار
تبقى للدوم كاصده حسين
———————-
تمت القصيده

خادم الحسين(ع)
السيد مرتضى المحنه الكربلائي

بالعبايه إتجر سُكينه عمه يا زينب تعاي
هذا كَبر حسين أبويه خل نرش عالكَبر ماي ______________من بعد رحله طويله رجع ظعن العايله
رفعت البوشيه زينب حين وصلت كربله
صاحت إبونه ثجيله بريحة أهلي يا هلـه
يخوتي إتلكَوا العقيله زينب أم الخدر هاي ____________زينب بجمرة حزنها بكربله إتكَوم وتطيح
وينه كَبر حسين وينه شابجه العشره وتصيح
لن تشوف إسكينه تركض ساعه توكَف تستريح
ذاك يمكن كَبر أبويه عمتي إمشي وراي _____________ 
لحكَت إسكينه العقيله ويم أبو اليمه إكَعدن
مدن إجفوف إعله كَبره وفاتحه إلروحه قرن
عالكَبر مو ماي رشّن دم مدامعهن جرن
زينب تكَله إعله فكَدك مابقه يحسين راي ______________إتوجت ولزمت ضلعها وكَصدت المكَطوعه إديــه
إنحنت يم كَبر الكفلها وشمرت المعصب عليـه
إرتعد كَبر الكَمر لمن سمع زينب تنتخيه
خويه يا ساقي العطاشه جيتك إتردليضماي _____________ونّه من الكَبر سمعت يمكن الكافل عِدل
كَامت إتنشف دمعها تخاف أبو فاضل زعل
تستحي تعاتب إخوها إحمر وجها إمن الخجل
يا بدر عزي تكَله بعدك أظلم ظل سماي _____________ 

نادته يا خويه تذكر ذاكَ تل الزينبي
من صحت عباس وينك ترضه زينب تنسبي
لسه أثر نار إبعباتي والرماد إبمعصبي
من بعد عينك يخويه عيلتي إتلوذ إبحماي _____________ودعت كافل خدرها وعزته بذاك المصاب
ويم أبو السجاد ردت خذت من كَبره تراب
مسحت إمتون العليل ومن أثرها المرض طاب
صاح أبو الباقر يبويه تربتك بيها شفاي ______________تمت القصيده

گالوا مات أخويه العود والعين
بمصابه المدامع دم تهلها
مسموم الچبد وبروحي يا ناس 
نار إمصاب أبو محمد شعلها
شفته إمددينه الحسن عالگاع 
هاجت من جديد إجروحي كلها
ذكرت أمي الزچيه ودفت الباب
 من طگ الضلع وأسگط حملها
محسن والضلع والسطره عالعين
إوين اليوجعچ يا ييمه أگلها
تعالي وشوفي زينب يم حسن هاي 
دمعاتي التهل لفراگ أملها
الحسن يم الحسن دلاله مسموم 
گطع گلبي الحسن والروح علها
أشوفنه إبطشت ذب چبدته اليوم 
رحت يمه ومصابه إجدامي شلها
يحسين أسمعه إيگله بهداي 
الطشت شيله وچبدتي إهناك خلها
إجت زينب يبو السجاد ماريد 
أبچيها إبمصيبة چبد خِلها 
صحت خويه الطشت خله إبمچانه
أنا شفته وبچت عيني إبزعلها
وداعاً يالحسن ناديته والنوح 
عليك إشما بقت دنيه وأزلها
 يا ناس الحسن مظلوم يا ناس 
من العملته الركبت جملها
رمت نعش الحسن بسهام الأحقاد
ولا صار بعدها ولا قبلها 
الله يعين گلبي إشايل إهموم
يا هي المثلي فگدك كل أهلها
———-
مرتضى المحنه