Yana bir chala qolgan asar oxiriga yetkazildi)

Samuel Bekket - "Godoni kutish" 📚*

Inson umri davomida doim qandaydir bir bo'shliqni his qilib, nimanidir yoki kimnidir kutib yashaydi. Ushbu pyesada ruhiyatimizdagi ana shu xaos tasvirlangan.
Asar ikki bosh qahramon Vladimir va Estragonning noma‘lum bir joyga yig‘ilishidan boshlanadi. Ularning maqsadi Godo bilan gaplashib olish — nima to‘g‘risida suhbatlashishlari esa nafaqat o'quvchiga, balki qahramonlarning o‘zlariga ham aniq emas. Ular shu ilinjda noma’lum kundan beri uni kutishadi. Kecha ham kutishgandi, bugun ham kutishyapti, ertaga ham Godoni kelishiga umid qilib yo‘l poylashadi. Ushbu pyesa absurd teatrini boshlab bergan asar hisoblanadi.

Asarning absurd ruhiyatini his qildim lekin unda tamoman hamma narsa inkor qilingandek tuyulmadi. Absurdlikni hamma narsani inkor qilish deb tushunaman. "Godoni kutish"da esa kutish motivi bor. Kutish - umid demakdir. Umid qilgan inson esa ishonadi, har qishning bahori, tunning tonggi, zulmatning ziyosi bo'lishiga va kelishiga. Godo sarob emas, u mavjud.*

Ranjigan bo'lsam kechirib yuboraman. G'azablangan bo'lsam, birozdan so'ng o'tib ketadi. Ammo ko'nglim sovisa, sovigan bo'lsam yana bir bora avvalgiday bo'lmaydi, bo'la olmaydi...

Jaloliddin Rumiy

*Oqarsuv bo‘yida, oqshom chog’ida,
Qari tol boshida oy porlagan payt.
Ozurda tuyg’ular qo‘nalgohida
Menga suv tilida sirlaringni ayt.

Ilkis tun sayriga shamol chaqirsa,
Shovqinli shaharni aylansang sekin.
Chor tarafda tinmay sevinch baqirsa,
Sen sog’inch tilida bir narsa degin.

Ne kechar dunyoning o‘ngu so‘lida
Tuyg’ular ko‘zyoshday qalqib turgan payt.
Hamma laqqillasa bozor tilida,
Sen ko‘ngil tilida biror jumla ayt.

Qanday tushuntiray holimni senga,
Egik boshim uzra oyday yog’du soch…
Barini bir chetga qo‘ygin-da, menga
Sukunat tilida yuragingni och…*
Eshqobil Shukur

*Сенли ҳаволарда тўзғийди мезон,
Ўзгарар кунларнинг ям-яшил ранги.
Деразанг ортида баҳайбат осмон
Кафтимдай ойнага боқади ғамгин.

(Кўзимга кўзгу тут,
мен нур истарам*!)

Башорат  ОТАЖОНОВА

*Kel, yashirib qo'yayin seni
Yurakning eng chuqur yeriga.
Keyin sen ham yashirgin meni
Yurakning eng chuqur yeriga.

Topolmasin bizlarni birov.*

Shavkat Rahmon

Insonlar koʻpincha shikoyat qiladi, noliydi, lekin fikrlamaydi…

?”Chernobil tavallosi”

https://t.me/+71xFNHL31IllOWQy

*BAXTNI O'YLAGANDA

Men chin zahmat haqda o'yladim,
G'ayrat, rag'bat haqda o'yladim,
Og'ir mehnat haqda o'yladim
Baxt haqida o'ylashdan avval.

Ko'p aylandi bu charxi davvor,
Xonu xoqon, ahli hukmdor-
O'yladimi yurt haqda bir bor
Taxt haqida o'ylashdan avval.

Ishq, yurakni o'yladilarmi,
Pok tilakni o'yladilarmi,
Kelajakni o'yladilarmi,
Naqd haqida o'ylashdan avval.

Qancha maqtov, may, ov haqida,
O'ylashdimi dard, g'ov haqida,
O'z-o'zini maqtov haqida -
Madh haqida o'ylashdan avval.

Endi odam zamonni o'ylar,
Paxta, donni xirmonni o'ylar,
Oldda turgan dovonni o'ylar
Ahd haqida o'ylashdan avval.

Samandar, sen she'ringni o'yla,
To'kkan manglay teringni o'yla,
Tuqqan ona yeringni o'yla,
Vaqt haqida o'ylashdan avval.*
Erkin Samandar
@Kundaliknoma

*Osmonlarga uzatdik qoʻlni,
Yuraklarga qoʻndi bir surur.
Tanlagandik eng mushkul yoʻlni,
Oxir bizni oʻldirdi gʻurur.

Bizga qarshi jang qildi samo,
Boshimizdan yogʻildi qorlar.
Qishdan omon chiqqandik ammo
Bizni qatl etdi bahorlar.
©* Xayrulla Hamidov