СССР пайтларида намоздан тўсган, рўзаларни ароқ билан очирган қўллар, қандай хорлик кўрганини, ит азобини тортиб, қуриб битганини боболаримиздан эшитганмиз.

Ўзи насиб қилиб, яшаб турсак, соқол ва рўмолга узатилган қўлларни ҳам қандай қуриб битганини биз невараларимизга айтиб берамиз.

Қарғаётганим йўқ, суюклигимиз алайҳиссалом бизга бундай ўргатмаганлар. Айтаётганим, тарих қанчадан қанча Абу Лаҳабларнинг ҳалокатига шоҳид бўлганидан хулосадир.

https://t.me/QodirMuhammad

Халқининг дардига малҳам изламаётган депутатнинг олаётган ойлиги ҳаромдир! Менинг Олий Мажлисда вакилимсан, деб овоз берганлар ҳақ-ҳуқуқини ҳимоя қилмаса, у хоиндир!

Шарафи билан депутатлик қилаётганларга саломлар бўлсин.

(с) Муҳаммад Одил Ҳамид

https://t.me/QodirMuhammad

Соддачилик қурсин, бу нима дейишибди. Ҳозир IT ривожланган пайт бўлса. Google'га юборсангиз ҳам "бу форточка" деб чиқариб беради-ку.

https://t.me/QodirMuhammad

Устозимиз Мубашшир Аҳмад домланинг Ўзбекистонда туғилганликлари биз учун неъмат десам ишонаверинг. Аҳолимизнинг нафақат диний, балки, сиёсий онгини оширишда ҳам пешқадамлик қилмоқдалар.

Аллоҳ у кишининг қилаётган эзгу ишларига мададкор бўлсин!

https://t.me/QodirMuhammad

Гапнинг қисқаси: иқтибос.

"Яъни, ота-оналар ёки уларнинг ўрнини босувчи шахслар томонидан бола қонунга хилоф равишда диний таълим олиш жараёнига жалб қилинса, БҲМнинг 10 бараваридан 15 бараваригача (3,4 миллион сўмдан 5,1 миллион сўмгача) жаримага тортилади. Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилса, БҲМнинг 15 бараваридан 25 бараваригача (5,1 миллион сўмдан 8,5 миллион сўмгача) жарима ёки 15 суткагача маъмурий қамоқ жазосини тайинлаш белгиланмоқда.

Шунингдек, ота-оналар ёки уларнинг ўрнини босувчи шахслар томонидан болани қонунга хилоф равишда диний таълим олиш жараёнига жалб қилишга, яъни болани рўйхатдан ўтказилмаган ёки лицензияга эга бўлмаган ташкилотлар ёхуд махсус диний маълумоти бўлмаган ва диний ташкилотларнинг Ўзбекистон Республикаси бўйича марказий бошқарув органининг рухсатисиз диний таълим бераётган шахслар ихтиёрига диний таълим олиши учун топширишга йўл қўйилмаслиги белгилаб қўйилмоқда."

Иқтибос тугади.

Олиб борилаётган кенг кўламли ислохотлар натижаси ўлароқ, юртимизнинг айрим ҳудудларида ўзбошимчалик билан, ноқонуний равишда яширин ҳужраларни ташкил этиб, ёш болаларга диний сабоқ бериб келаётган шахслар, тергов тезкор гуруҳи ходимлари томонидан аниқланиб, бундай шахсларга нисбатан қонун доирасида тегишли жазо тайинланмоқда.

https://t.me/QodirMuhammad

Оломон қурғоқчилик сабабли Аллоҳдан ёмғир сўраб дуо қилиш учун тўпландилар. Аммо фақат бир кичик болакайгина соябон билан келди.

https://t.me/QodirMuhammad

Мен билан энг кўп содир бўладиган, энг қўп йўл қўйган ва қўяётган хатом - эрта баҳо бериш, тез хулоса чиқариш, шошқалоқлик бўлиб қолмоқда.

Баъзи нарсаларга нисбатан шундай жараён бўлиб турибди. Энг қимматга тушадигани ва бунинг учун қиммат бадал тўлаш керак бўлгани - одамларга нисбатан эрта баҳо беришдир. Нега шундай?

Бунинг жавобини Қуръони Каримдан қидириб кўрсак, бу сифат, яъни шошқалоқлик бизнинг фитратимизда борлигини, бу бизга пайғамбарлардан мерос эканлигини тушунамиз.

Аллоҳ таоло Ўз каломида айтади: "Инсон шошқалоқ ўлароқ яратилгандир." Анбиё сураси, 37-оят.

Довуд алайҳиссалом ибодат қилаётган пайтларида икки киши девор ошиб, изнсиз, тортишиб, одил ҳукм сўраб келдилар. Довуд алайҳиссалом улардан бирининг гапини эшитди, даъво аниқ ва тиниқ эди. "Дарҳақиқат, сенинг совлиғингни сўраб, ўз совлиқларига (қўшиш) билан сенга зулм қилибди" (Сод сураси, 24-оят) деб унинг фойдасига ҳукм чиқардилар. Ҳолбуки, адолат юзасидан аввал иккинчи томонни ҳам эшитиб кейин ҳукм чиқаришлари керак эди, аммо, аксинча, шошқалоқлик қилдилар.

Айнан шу оятнинг давомида Аллоҳ таоло айтади: "Ва Довуд Биз уни синаганимизни билди-да, тезда Роббига истиғфор айтиб, саждага йиқилди ва тавба қилди."

Қуръони Каримдаги Юнус алайҳиссалом қиссасини эслайлик. У киши ўз қавмини қанча даъват қилсалар ҳам натижа бўлмагач ўз қавмини ташлаб чиқиб кетдилар. Уламоларимизнинг айтишларича, у киши бошқа пайғамбарларга ўхшаб Аллоҳнинг амрини кутишлари керак эди, аммо бундай қилмадилар, ғазабланиб, қавмларига зарда қилиб юртларидан чиқиб кетдилар.

Бу ҳақида Аллоҳ таоло айтади: "Зуннунни эсла. Ўшанда у ғазабланган ҳолда чиқиб кетган эди. Бас, у Бизни ўзига (ер юзини) тор этмас, деб гумон қилди. Зулматларда туриб: «Сендан ўзга илоҳ йўқ, Сен поксан, албатта, мен золимлардан бўлдим», деб нидо қилди." Анбиё сураси, 87-оят.

Бундай қиссалар саҳобалар, тобеинлар, салафи солиҳлар ҳаётида ҳам учрайди. Табиатимиз шундай эканку деб, бирор шахс ҳақида, ёки, воқеа-ҳодиса бўлсин, тез хулоса чиқариб, шошқалоқлик қилиш бизни албатта тавба қиладиган ишга етаклашини билиб оламиз. Баъзиларимизнинг постни шу еригача сабр билан ўқий олмаганимиз ҳам айни шошқалоқликнинг ўзидир. Юқорида айтганимдек, бундай ишлардан ҳаётимда кўп панд еганим учун аввало булар ўзим учун эслатмадир. Бунча қилган хатомдан кейин ҳам енгил қарасам, буларнинг бадалини маълум миқдорда яна бир бор: вақт, пул, куч-қувват, яқин кишилар, эркаклик лафзини йўқотганим ҳисобига тўлашимга тўғри келади.

https://t.me/QodirMuhammad

Аллоҳ таоло Тоҳа сурасининг 116-оятида марҳамат қилади:

«Эсла, фаришталарга: «Одамга сажда қилинглар!» дедик. Бас, сажда қилдилар, фақат иблисгина бош тортди».

Маълумотларга кўра ушбу қисса Қуръони Каримда етти маротаба зикр қилинган экан. Оятга қараб иблиснинг нега бош тортганини билсак бўлади.

Оятлардаги қиссаларда фаришталарга, Аллоҳ таоло томонидан Одам алайҳиссаломга Ўз руҳини пуфлаганидан кейин сажда қилиш амр бўлди, ундан аввал, яъни, одам жонсиз ҳолатдалигида эмас.

Фаришталар Одамни нимадан яратилганига эмас, балки Уни ичидаги Руҳни ва бунга Аллоҳ таоло амр қилганини эътиборга олишди ва сажда қилишди. Иблис бўлса: «Мен ундан яхшиман. Мени оловдан яратгансан. Уни лойдан яратгансан» деди. Сод сураси, 76-оят.

Кибр ва ҳасад ҳалокатга етаклаши билан бирга, яна бир хулоса қиладиган жойи шуки, фаришталар Аллоҳнинг амрига ва Одамнинг ботинидаги РУҲга қарадилар ва сажда қилдилар. Иблис алайҳи лаъна эса Одамнинг зоҳирига (ЛОЙ) қаради ва Аллоҳ таолога осий бўлди.

Бизнинг ҳам айни замонамиздаги одамларнинг зоҳирий кўриниши, насл-насаби, мансаби, уй-жойи, кийиб турган кийими, ҳайдаб турган машинаси, ўтиб кетган аждоди, эгаллаб турган курсисига қараб ўзимизни тутишимиз, бизни ҳалокатга олиб бормаслигига ким кафолат бера олади? Нега айнан бир қисса Қуръони Каримда етти маротаба такрорланди экан? Қизиқ!

Батаҳқиқ, уларнинг қиссаларида ақл эгалари учун ибрат бор эди. Бу (Қуръон) тўқима гап эмас, лекин ўзидан олдин келганнинг тасдиғи ва барча нарсанинг тафсилоти, ҳидоят ҳамда иймон келтирганлар учун раҳматдир. Юсуф сураси, 111-оят.

https://t.me/QodirMuhammad