יום הקדוש תשפ"ה בצל הקודש פון כ"ק מרן רבינו עט"ר שליט"א:

בזאת יבא אל הקודש
6:55 איז רבינו שליט"א אריינגעקומען אין ביהמ"ד צו כל נדרי.

צו האלטן די ספרי תורה זענען מכובד געווארן הרה"ג ר' אהרן זאב חשין שליט"א מחשובי רבני אנ"ש, הרה"ח ר' משה הערש כהן הי"ו, און הרה"ח ר' שלמה אריה פריעד הי"ו.

דערנאך האט רבינו שליט"א אנגעהויבן מעריב. נאך מעריב האט מען געזאגט אדון עולם און רבינו שליט"א האט פארגעזאגט אנעים זמירות און דערנאך די ערשטע פיר קאפיטלעך תהילים, דערנאך האט מען געזינגען שבת שלום ומבורך.
שיעורי היחוד האבן פארגעזאגט חדב"ן הרה"צ ר' דוד צבי מייזליש שליט"א, הרה"ח ר' דוד גרין הי"ו, הרה"ח ר' מנחם יהודה גרין הי''ו, און נכדי רבינו הרב ברוך שמעון שניאורסהון שליט"א, און הרב שרגא פייביש מייזליש שליט"א, הרה"ח ר' בערל לנדסמן הי"ו, הרה"ח ר' יואל הערשקאוויטש הי"ו. דערנאך האט מען געזינגען א חלק פון די זמירות שב"ק,
מען האט געענדיגט ארום 10:30.

ונתנה תוקף קדושת היום

יום הקדוש אינדערפרי איז רבינו שליט"א אריינגעקומען אין ביהמ"ד 7:45.

פסוקי דזמרה: חדב"ן הרה"צ ר' דוד צבי מייזליש שליט"א,
המלך: כ"ק מרן רבינו עט"ר שליט"א,
שחרית: מורינו הרב הגה"צ אבד"ק שליט"א, מען האט געענדיגט שחרית ארום 12:00, דערנאך איז געווען הפסקה.

צען נאך איינס איז רבינו שליט"א אריין געקומען אין בית מדרש און אנגעהויבן אתה הראת, רבינו שליט"א איז געווען בעל קורא און האט געלייענט בהתעוררות רב.
עליות. כהן: הרה''ח ר' מרדכי כהן הי''ו, לוי: הרה"ח ר' מנחם מענדל סג"ל הי"ו, שלישי: הרה"ח ר' יעקב אלכסנדר פרענקל הי"ו, רביעי: הרה"ח ר' מרדכי קורלאנד הי"ו, חמישי: הרה"ח ר' אברהם בנימין שפירא הי"ו, שישי: חדב"ן הרה"צ ר' דוד צבי מייזליש שליט"א, שביעי: כ"ק רבינו שליט"א.

הגבה די ערשטע ספר: הרה"ח ר' שמעון מאיר פריעד הי"ו, גלילה: הרה"ח ר' חיים איסר פריעד הי"ו, מפטיר: הרה"ח ר' שלמה ווסנר הי"ו, הגבה די צווייטע ספר הרה"ח ר' שלמה אריה פריעד הי"ו, גלילה: הרה"ח ר' דוד משה פריעד הי"ו.

רבינו שליט"א איז צוגעגאנגען צו מוסף.

טהור לב פסע ופניו לקודש ומתפלל, אמירת סדר העבודה באש להבת שלהבת, קהל עדותינו עליך יסמוכו, ועל ידך תהא סליחתינו
אשרי עין ראתה די עבודת הקודש ביי מוסף בבכיות נוראות פון כ"ק מרן רבינו עט"ר שליט"א, בפרט ביי די עבודת הקודש ביי די סדר העבודה בהשתפכות הנפש.
ובכן צדיקים יראו וישמחו די ריקודי קודש למעלה מהשגתינו ביי די שטיקלעך און ביי די קדישים נאך די תפילות.

הגבה ביי כורעים זענען נתכבד געווארן משמש צו זיין ליד קדשו פון רבינו שליט"א, הרה"ח ר' שלמה אריה פריעד הי"ו, און הרה''ח ר' מאיר שטיינפעלד הי''ו (מנכ"ל מוסדותינו הק').
מען האט געענדיגט מוסף ארום 6:00.

מנחה: כהן: הרה"ח ר' יצחק יוסף כהן הי"ו, לוי: הרה"ח ר' מאיר שטיינבערג הי"ו, שלישי - מפטיר יונה: כ"ק מרן רבינו עט"ר שליט"א,
הגבה: כ"ק מרן רבינו עט"ר שליט"א, גלילה: הרה"ח ר' משה ווידער הי"ו.
צו מנחה איז צוגעגאנגען מורינו הרב הגה"צ אבד"ק שליט"א.

נאך מנחה האט רבינו שליט"א אנגעהויבן אשרי 'תפלת נעילה' באש קודש ובבכיות עצומות,
פאר קדיש תתקבל אום 7:30 האט כ"ק מרן רבינו עט"ר שליט"א געבלאזן די תקיעה גדולה און דערנאך אויסגעשריגן בקול אדיר וחזק לשנה הבאה בירושלים!.

הרה"ח ר' דוד הערשקאוויטש הי"ו איז צוגעגאנגען צו מעריב, מען האט געענדיגט ארום 8:00

ויו"ט היה עושה בצאתו בשלום מן הקודש

צוואנציג צו צען איז רבינו שליט"א ארויסגעקומען פארענט פון בית מדרשינו הגדול אויף קידוש לבנה,
10:05 איז רבינו שליט"א אריינגעקומען צום עריכת שלחה"ט מוצאי יום הקדוש בתופים ובמחולות אינעם שאטער פארענט פון בית מדרש וואס איז ספעציעל אויפגעבויעט געווארן פאר די עריכת השלחנות דורכאויס די ירח האיתנים. ביים אנקומען איז דער רבי ארויס אין א פייערדיגן ריקוד אויפן פלאץ פאר עטליכע מינוט.
דער רבי האט זיך געוואשן צו די סעודה, נאך די פלייש האט מען געשטעלט משקה כנהוג.

במשך דעם טיש האט מען מאריך געווען מיט ניגוני יו''ט וניגוני שמחה, און מיט ניגוני התעוררות מתפילת היום, רבינו שליט"א האט פארגעזינגען די זמר המבדיל, און דערנאך האט מען געזינגען זמירות למלוה מלכה.

רבינו שליט"א האט געזאגט תורה אויפן פיוט פון המבדיל 'שובו לכם לאהליכם, ובראשיכם אלקיכם, יהללו שמו במחול' און ארומגערעדט מעניני מצוות סוכה און מסיים געווען בברכות לרוב.
רבינו שליט"א האט געבענטשט על הכוס.

נאכן בענטשן האט מען ממשיך געווען מיט נגוני שמחה, מען האט געענדיגט ארום 1:00 אזייגער, ווען מהאט ארויסבאגלייט רבינו שליט"א בשירה ובזמרה.

אשרי העם שככה לו אשרי העם שה' אלוקיו.

'תחל שנה וברכותיה'
יו"ט ראש השנה תשפ''ה בצל הקודש פון כ"ק מרן רבינו עט"ר שליט"א

ליל יו"ט פארנאכטס 6:35 איז רבינו שליט"א אריינגעקומען אין ביהמ"ד מעוטף בטלית און צוגעגאנגען צו מנחה בתעוררות רב, און דערנאך האט מען געזאגט דעם פיוט 'אחות קטנה' כנהוג. ביים זמן ר"ת איז רבינו שליט"א צוגעגאנגען צו מערבית, און נאכן דאווענען פארגעזאגט לדוד מזמור כנהוג.
נאכן דאווענען איז רבינו שליט"א ארויף אויפן ספעציעלע בימה פארן ארון קודש און געוואונטשן א ברכת השנה פאר יעדן "גוט יום טוב, גוט יאר, לשנה טובה תכתבו ותחתמו לאלתר לחיים טובים ארוכים ולשלום." ויענו כל העם אמן.
נאכן אראפגיין האט רבינו שליט"א עקסטער געוואונטשן לשנה טובה פאר די משפחת המלוכה, און דערנאך זענען אנשי שלומינו אריבער אויף לשנה טובה וואונטשען פאר א לענגערע שעה, און דערנאך איז דער רבי אהיים געגאנגן לביתו נאוה קודש.

ארום 10:30 האט דער רבי שליט''א געמאכט קידוש בחדרו הפרטי.
11:00 אזייגער איז רבינו שליט"א אריינגעקומען צום טיש אינעם שאטער וואס איז אויפגעשטעלט געווארן פארענט פון בית מדרשינו ספעציעל פאר די טישן דורכאויס די ירח האיתנים.
מיט'ן ניגון אתה בחרתנו האט דער רבי מכבד געווען מורינו הרב הגה"צ אבד"ק שליט"א. מלוך: מורינו הרה"צ ר' מאיר איתמר שליט"א. דערנאך האט רבינו שליט"א געזאגט תורה
דערנאך האט מען אריינגעברענגט א ראש כבש, דער רבי האט געזאגט דעם יהי"ר שנהיה לראש ולא לזנב, נאכן טועם זיין האט דער רבי געטרינקן לחיים און געוואונטשן 'לחיים א גוט געבענטשט יאר', נאך די פלייש האט מען אריינגעברענגט זיסע מייערן. רבינו שליט"א האט געבענטשט על הכוס, מען האט גענדיגט 1:00 אזייגער.

יום תרועה יהיה לכם

ארום 8:20 איז רבינו שליט"א אריינגעקומען אין ביהמ"ד.
רבינו שליט''א האט אפגעראכטן די הייליגע תפילות בבכיות נוראות. דער קול בוכים פון רבין האט זיך געהערט אינעם גאנצן ביהמ"ד ביי די תפילות.

דער רבי האט פארגעדאווענט פסוקי דזמרה, שחרית: מורינו הרב הגה"צ אבד"ק שליט"א, מען האט געענדיגט שחרית ארום 12:20.

עליות. כהן: הרה"ח אליהו בר"מ כהן הי"ו, לוי: הרה"ח שמואל שטיינבערג הי"ו, שלישי: מורינו הרה"צ ר' מאיר איתמר שליט"א, רביעי: הרה''ח יעקב פרענקל שליט''א, חמישי: רבינו שליט"א, הגבה דעם ערשטע ספר: הרה"ח אלימלך ווייס משב"ק, גלילה: הבה"ח יוסף פריד משב"ק.
מפטיר: הרה"ח ר' מאיר שטיינבערג, הגבה דעם צווייטע ספר: נכד רבינו הרב זושא ראזענבוים שליט"א גלילה: הבה"ח חיים צבי פריד.

רבינו שליט"א האט געמאכט די ברכות באש קודש און געבלאזן די תקיעות. בעל מקרא איז געווען מורינו הרב הגה"צ אבד"ק שליט"א.

רבינו שליט''א איז צוגעגאנגען צום עמוד צו תפילת מוסף.

גשים מול ארון הקודש באימה, ועמך מסביבים אותם כחומה, מיטצוהאלטן די עבודת הקודש באימה וביראה בהתעוררות וברגש קודש ביי תפילת מוסף ובפרט ביי די פסוקי מלכיות וזכרונות, עיני עמך תליות ועינים לך מיחלות
הרה"ח ר' מאיר שטיינפעלד הי"ו, און הרה"ח ר' שלמה אריה פריעד הי"ו זענען מכובד געווארן אויפהייבן דער רבי'ן ביי כורעים.

מען האט גענדיגט 5:45 תיכף נאך מוסף האט די רבי קידוש געמאכט בחדרו הפרטי און געמאכט א מזונות אויף האניג לקח און טועם געווען פיש. 6:45 איז דער רבי אריין צו מנחה און פארגעדאווענט פארן עמוד בהשתפכות הנפש.

ליל ב' דיו''ט

ביים זמן האט רבינו שליט''א אנגעהויבן מערבית.

תיכף נאכן דאווענען איז רבינו שליט"א אריינגעקומען צום טיש אינעם שאטער און תיכף געמאכט קידוש.

דער רבי האט טועם געווען פון די פירות, און דערנאך געטיילט עפל און האניג פארן גאנצן עולם.

ונתנה תוקף קדושת היום

כמעשהו בראשונה כך מעשהו בשני', דעם צווייטן טאג יו"ט אינדערפרי איז רבינו שליט"א אריינגעקומען זיבן אזייגער אין ביהמ"ד און פארגעדאווענט פסוקי דזמרה. שחרית: מורינו הרה"צ רבי מאיר איתמר שליט"א.

עליות. כהן: הרה"ח ר' אליהו כהן הי"ו, לוי: הרה"ח ר' אורי ווסנר הי"ו, שלישי: הרה"ח ר' אלימלך ווייס משב"ק, רביעי: הרה"ח ר' משה פיינשטיין הי''ו, חמישי: רבינו שליט"א. הגבה דעם ערשטע ספר: הרה"ח ר' דוד הערשקאוויטש הי"ו גלילה: הרה"ח ר' זושא לנדסמן הי"ו.
מפטיר: חדב"ן הרה"צ ר' צבי אלימלך שטערן שליט"א, הגבה דעם צווייטע ספר: הרה"ח ר' שמעון גרין הי"ו, גלילה: הרה"ח ר' יצחק ווייס הי"ו.

רבינו שליט"א האט געמאכט די ברכות באש קודש און געבלאזן די תקיעות. בעל מקרא איז געווען מורינו הרב הגה"צ אבד"ק שליט"א.

רבינו שליט''א איז צוגעגאנגען צו תפילת מוסף.
די תפילות זענען געווען איין שטיק רגש דקדושה, און מיט א קול חוצב להבת אש, וואס האט מעורר געווען דעם גאנצן היכל בית המדרש.

מען האט גענדיגט 3:10.
זעקס דרייסיג איז דער רבי אריינגעקומען צו מנחה.
יהי''ר שיתקבלו תפילתינו ברחמים וברצון

גליון דרך אמונה: שיעור נפלא לראש השנה תשפ"ה, ע"י מורינו הרה"צ רבי מאיר איתמר שליט"א.

קוֹל רִנָּה וִישׁוּעָה בְּאָהֳלֵי צַדִּיקִים

כ"ק מרן רבינו עט"ר שליט"א ערשיינט יעצט צום שמחת החתונה.

כ"ק מרן רבינו שליט"א קומט יעצט אריין צום מעמד קבלת פנים.

גליון דרך אמונה: שיעור נפלא לפרשת חקת תשפ"ד, ע"י מורינו הרה"צ רבי מאיר איתמר שליט"א.

?יזכור אהבתם ויחיה זרעם?

דעם שב"ק א' דראש חודש תמוז פאלט אויס די הונדערט און זעקסטע יארצייט פון רביה"ק רבי מאיר בן רביה"ק רבי מרדכי זצוקללה"ה

זכותו יגן עלינו ויעמוד לנו ולכל ישראל, אמן.

גליון דרך אמונה: שיעור נפלא לפרשת שלח תשפ"ד, ע"י מורינו הרה"צ רבי מאיר איתמר שליט"א.