ماهو خطاك انك تكبر علينا
هذا خطانا فوق حجمك عطيناك

حنا على طيب التعامل ربينا
والطيب مايصلح لمثلك وشرواك

ولا هو معذربنا ليا من غدينا
عن سود شوفاتك وخايب نواياك

ياوجودي وجد من قطعت منه العلوم
انقطاع الدلو يوم انقطع منه الرشا

ضايقٍ صدري واسامر مع الليل النجوم
واهني من يرقد الليل لاصلى العشا

اترقب من يجيب البشاير كل يوم
مؤمنٍ يفعل بي الله تعالى مايشا

الفراق احيان يطرح قويين العزوم
طرحه اللي صابه الرمح وسط الحشا

الضلوع العوج كن بينها لفح السموم
من غياب اللي على الزين والعفه نشا

عاد قلبي كل ليله يصوت للهموم
كنه بن مهيد لاجا يصوت للعشاء

من بالحسن سيدي شراتك
مثلك فلا قد شافت العين

الشمس تخجل من بهاتك
والبدر لك بنواره يدين

مثل العسل منطق شفاتك
ذرب وموزون بموازين

والطيب من اصلك وذاتك
واضح ولا يحتاج تبيين .

خلاني امشي واقضب الدرب واتوق
ماني بتايق عقل لكن متوق

تقول مرمي ً على الارض من فوق
ولا من السم السقطري مذوق

يغمى علي شوي واشويً افوق
واقول لامن قمت والبال روق

اشفق على شوفه وضحكة احجاجه
واشتاق له شوق المغاليق للبوح

وليا ارتخى ليله وولع سراجه
جريت له صوتٍ من الشوق مبحوح

والصبر حلم ماطويت انفراجه
ابني به امالي عمارات وصروح

واليأس لو يسبق سحابه عجاجه
باب الرجى بين المحبين مفتوح .