بلشنا ولله الحمد الانتقال لتطبيق DictTango?
واللي فيو ميزات أحلى بكتير من تطبيقنا القديم Golden Dictionary واللي منها على سبيل المثال إمكانية حفظ الكلمات اللي بحثنا عنها وبتقدر فيما بعد تختبر نفسك بكلماتك بلعبة Hangman (المشنقة) اللي كنا نلعبها ونحنا صغار?
بالإضافة لكتير ميزات رائعة
والأهم أنو نفس فكرة ال Golden Dictionary كل القواميس أوفلاين
بس الفرق أنو هون صار في قواميس أقوى وأحدث والعرض هون متطور على عكس العرض في GD اللي كان بدائي جداً

مبدئياً أنشأنا القناة.. اللي بحب يشترك من الرابط تحت.. حاليا موجود بالقناة رابط التطبيق DictTango عالجوجل بلاي للي بحب يحملو.. ورح نبدأ إن شاء الله تدريجياً ننزل القواميس بصيغة mdx .. وأول قاموس رح ينضاف هوة قاموس لفظ ألماني فيو كل كلمات موقع Forvo مع لفظها من أشخاص ألمانيين أصليين وعدد الكلمات فيه هائل بيشمل كل الكلمات حتى المصطلحات الطبية وغيرها

رابط قناة DictTango:
https://t.me/DictTangoCollection

موضوع تحويل القواميس لصيغة mdx للأسف بدو شغل اكتر من ما كنت متوقع
الفترة الماضية ما كان عندي الفرصة لأشتغل فيهن
الفترة الجاية إن شالله رح أبلش فيهن عالمدى البطيء نوعاً ما

هلق حاليا في حل جزئي..واللي هوة استخدام هي النسخة القديمة من Golden Dictionary (ميزاتها للأسف قليلة والتصميم قديم) لكن بتمشي الحال للغة وحدة مثلا (إنجليزي/ألماني/قواميس طبية..)
وبالتوفيق
ولا تنسونا من دعواتكم ?

خبر حلو للي حدث جهازو وبطل يشتغل معو تطبيق golden dictionary أو اختصارا GD..أو اللي جهازو حديث وما توافق مع التطبيق..

أول شي بالنسبة لتطبيق GD فمصمم التطبيق صار موظف بشركة جوجل وما مهتم أبدا يحدث التطبيق ونسيانو ?
طبعا التطبيق كان تعبان ومحدود وبدو دفع لحتى نستخدمو بشكل كامل..لكن في مصممين روسيين عالتلجرام قاموا بعمل جبار وأنعشوا التطبيق وصار مجاني وسلس بالتعامل..
لكن رغم هيك ما بيقدروا يحدثوا التطبيق بدون ما يحصلوا عالكود المصدري من المصمم الأساسي
لذلك للأسف خلال فترة قصيرة ومع تحديث معظم أنظمة التشغيل رح ننعي التطبيق عاجلا أو آجلا ورح نحتاج بديل جديد☠

طبعا الحمد لله البديل نوجد من خلال مصمم صيني اللي قدر يعمل تطبيق جديد بالكامل وفيو ميزات حتى أحسن من GD بكتير وأهم شي أنو حديث وعم ينزلو تحديثات دائما

التطبيق الجديد اسمو DictTango وموجود عال Google Play.. وبتقدروا حاليا تنزلوه فورا
العقبة الوحيدة لاستخدام هالتطبيق انو صيغة القواميس اللي بيتعامل معها هي mdx على عكس تطبيقنا السابق اللي بيتعامل مع صيغ dsl
طبعا بفضل الله لاقينا طريقة سهلة وسريعة لتحويل القواميس من صيغة dsl ل mdx
لذلك خلال فترة شهر بالكتير رح تنتقل القناة ومحتوياتها وقواميسها السابقة والجديدة إلى تطبيق DictTango إن شاء الله
دراسة موفقة لعشاق اللغات والدراسة الذاتية❤️

قاموس ألماني جديد ✨
Verben mit Präpositionen
قاموس خفيف وبسيط ومفيد جدًا.. يعطي أحرف الجر المناسبة لكل فعل مع الحالة الإعرابية المناسبة (داتيف/أكوزاتيف)
والأهم أنه يعطي بعض الأمثلة البسيطة مع كل حرف جر

بالطبع يمكنك إضافته لمجموعة قواميسك على تطبيق Golden Dict Deu ❤️

ناوي صمم قاموس للأدوية بحيث يعطي لكل دوا استخدامات وجرعات وتحذيرات...الخ
اذا حدا بيعرف كتاب pdf جيد وباللغة الإنجليزية بهالخصوص يا ريت يشاركنا فيه لحتى نسحب المعلومات منو..وبدنا كمان pdf بيتضمن الأسماء التجارية بسوريا حتى تكتمل الفائدة
أي مساعدة من أي شخص بالبرمجة أو بالتنسيق
مرحب فيها ?
@hazemdaeif

قاموس ألماني جديد ✨
Wörterbuch der Präpositionen IDS
قاموس متخصص بشرح وقواعد استخدام أحرف الجر

يمكنك إضافته لمجموعة قواميسك الألمانية ضمن تطبيق Golden Dictionary Deu

النقطة السلبية أن النتائج في القاموس عبارة عن صور .. سأحاول في ما بعد باستخدام الذكاء الاصطناعي تحويل القاموس إلى صيغة نصية مما يقلل حجم البيانات ويعطي نتائج أوضح