لِمن تكتب؟ لنفسِك أم لقارئٍ عابر، أم لروحٍ تجدُ في كلماتِك سلوى لها، أم لتلفتَ انتباهَ قلبٍ طالَ قلبك؟
لِمن تكتب، وهل يهمُّ ذٰلك حقًا؟

- مَدلوج.

لا لحظة أثقل من اللحظة التي تقرّر فيها أنّك لا تودّ الكتابة، ليس لأنّك عاجز، بس لأنّك لا تستحق ترف أن تخرج ما بداخلك. فبالداخل يبقى وبالداخل يعيث ويفسد، وتدعه لراحته فيقرح. ولعلّك عندها فقط تستحقّ ما يحلّ بك.
- مَدلوج.

كم من كلمةٍ حملت معنىً أحيَت ما كان ميتًا في نفس أحدهم قيلَت بأسلوب أنبتً وردًا بعد قحطٍ. وكم من كلمةٍ قيلت ولو بغير قصدٍ قتلت شيئًا وفتّتته.

- مَدلوج.

مش كل الناس عندها نفس الطاقة ونفس القدرة على التحمّل، أكتر من هيك، مش كل الناس عندها القدرة على التأسي بأهل البيت، لكن دايماً في نقاط مشتركة بين شخص ثابت وإيمانه قوي، وشخص عنده إيمان لكن ناقص، أو ضعيف..
أحيانا يمكن تلاقي شخص بعد نا هسر شي لكن خايف ومتشائم، وأحيانا بتلاقي شخص فقد بيته وأهله وعزيز على قلبه، ثابت ومتفائل وعنده إيمان راسخ جداً..

ما حدا بيكره الكلمة الحلوة اللي تُقدّم بطريقة لائقة وحاضنة، مهما كان وشو ما كان نوع الحدث، لكن الأهم ما يشعُر الخائف بتسخيف خوفه أم تشاؤمه أو او او…

لما يفقد الإنسان عزيز أو تحلّ عليه مصيبة، الكلمة مش رح ترجّع المفقود ولا رح تبدّل المصيبة، لكن رغم هيك هي مطلوبة، ويحتاجها، مجرد ما صار في حوار وفضفض شوي الإنسان الراحة بتصير دون ما يعرف.

اللي بلاقي حالو ثابت وقوي وصابر ومتفائل، وظيفته ينقل هالإحساس للناس اللي حواليه، وظيفته يحتضن مش ينفر ولا يستنكر ولا يستخفّ، لما تكون نيته صادقة لله، الله سبحانه وتعالى رح يساعده بدوره، ورح يساعد المُتلقّي.
هي مرحلة صعبة عالكل، وتقريبا الكل بهالمعركة فقدو، واحد بيته، واحد والده. واحد والدته، واحد ابن عمو واحد خالو…
هي فرصة لما جميعاً للتفكّر والعودة لله.
كل اللي عم يصير فرصة، بالظاهر تهديد، لكن بالواقع اذا فكّر شوي الإنسان بلاقيها فرصة، لإصلاح النّفس بالدرجة الأولى

نحنا ليش موجودين بهالدنيا؟ شو هدفنا؟ كيف كنا ماشيين؟ لوين رايحين؟ بشو طمعنا وبشو رضينا؟! أديش اشتغلنا لله؟ اديش حضّرنا أنفسنا للآخرة؟! أصلا اديش كنا مفكرين بالآخرة؟
على الصعيد العملي كيف كان توحيدنا؟ وكيف ممكن نعززه ونقوّيه؟
الفقد صعب صح، بس بفيّق.. وبيكشف لنا الغطاء عن كتير أمور كنا غافلين عنها

قبل ما نحكي بالنصر المادي والمعنوي العام، لازم نشوف هل انتصرنا على أنفسنا بهالمعمعة كلّها؟!

ولا تهنوا ولا تحزنوا وأنتم الأعلون إن كنتم مؤمنين

- علي القاضي

أتعرّف إلى قرىً بأسمائها للمرة الأولى بعد خبر استهدافها. ربّي أسألكَ أن تديمَ جهلي..

- مدلوج.

'Homo sapiens' doesn't necessarily mean 'human', and it shows..

لا تتوّقع أن يقف الجميع بصفّك لمجرّد أنّك صاحب حق. انتصر لنفسك.

لمَ تواجهُ الكونَ وحدك؟

إن كنتَ تلعن حظك في كلّ خطوة في حياتك فيا عزيزي أين عقلك؟ أين قدرتك على اتخاذ القرارات والتحكم بمسار حياتك؟ على الأقل لا تلعن الحظ بل العن سوء تدبيرك!

- مَدلوج.

علّموا أطفالكم احترام وقت الآخرين، لأنّنا سئمنا من البالغين الذين لا يفعلون!

- مَدلوج.