ما دام محد يجي
المن نسوي درب والمن نرش الباب ؟
والمن نخلي عطر و المن نبدل ثياب ؟

والمن نتاني بعد
و اهل البعد غياب

ان شاء الله نحب صدك "و يبين الجذاب "

وان شاء الله نرد سوا و نتعاتب وننعاب

و أن شاء الله ما ترد
واصفن بوجهك سنة
خاف ارد مثلك شاب

وان شاء الله من انكسر
جام أوگف بخطوتك (حتى انسحگ و انهاب )

هدوم الموته هم تضل شهر بالبيت
صورنه شعجب باول ليلة حاركهن

تستاهل حزن
والبس عليك اسود

الاعز منك خذتهم مني الكبور
وما طاحت عليهم دمعه وحدة

ليشَ تخَسر مَثلي واحدَ
هَامل الدنَيا وَيجيكَ
انَسانَ منَ تَوگع بشَده
يعَينِك أكثر منَ أديَك
انسَان جَان يبَيعَ روَحهَ
ويَشتَري الترهَم عليكَ .

لل امانه بيوم رحتي
جانت الكروة اعلى صحتي

الف مبروك ما زعلان
اني شعدي بس انتي
عرسج من يخلص عود
معزومه اعلى فاتحتي

خذني يمَّك
گبُل لا يخلص صبُرنه
ويطفىٰ دم وجُوهنه وتِطلع صفر
خذني يمَّك
بعد ماظل كُل عذر لا تعتذر
خذني يمَّك
گبُل لا يم الصُفر ينحَط صُفر

ساكت مثل اليرسموه ..!
الموقف هيج خلاني

اخر رسالة و بَعد .. ما أنتظر رَدك
شكرًا و هذا الجرح تذكار من عندك

ماردت اودعك لَچن، مجبور مو رايد
گتلي احبك و انه عشت بعلاقة اذى
بس من طرف واحد

چا سامحت بس صعب مابيه أعديها
مو حلوة من ابتدي و الگاك ناهيها

و ما اريد اعاتب بَعد و اعتابي كَفيته
الـ دومه يفكر الك محتار خليته

بس يلا هم البشر سولتهم النسيان
و المثلي رغم الوفى متوقع الخذلان

اتمنى الك تنسعد، و ما تنجرح بعدين
و مبريه ذمتك الي و لا تعد جرحك دين

انساني عيش بفرح بس لا تظل وحدك
و لا تحيّر بالتّكتّبه ، ما منتظر ردك ..