┄═❁✨❈[﷽]❈✨❁═┄

Yanlış düşüncənin insanların bir birinə yadlaşmasında rolu

Texnologiya əsrində əlaqə və münasibətləri qurmaq və mövcud əlaqələri sevgi və duyğularımızı (zamanı və miqdarında) ifadə edərək bir birimizlə əlaqə və münasibətlərimizi qoruyaraq möhkəmləndirmək mümkün olduğu halda necədə bir birimizə yad və qəribə olmuşuq!
Bu qədər yadlaşma və qəribəliyin səbəbi nədir görəsən? Bu mövzuda cildlərlə kitablar yazmaq olar. Lakin mən önəmli bildiyim bəzi məqamları qeyd edirəm. Əzizlər, bir çox hallarda biz insanları bir birimizdən uzaqlaşdıran və yadlaşdıran əsas səbəb, "yanlış düşüncə"dir. Misal ünvanında bəzilərini sizlər üçün xatırladım. Bəzən kiçik bir şeyi böyük, böyük şeyi isə kiçik sayırıq. Məsələlər barəsində yanlış düşünür və yanlış anlayırıq, özümüzə məxsus düşüncə və həyat tərzini digərlərinin qəbul etməsini və onun əsasında yaşamaq tələbimiz, aramızda danışılan sözlərin danışanın məqsəd və niyyətini anlamadan öz başa düşdüyümüz mənaya uyğun qarşı tərəflə rəftar və davranışlarımız, bizləri bir birimizdən uzaqlaşdıran olduqca önəmli səbəblərdir. Və düşünürəm ki, "yanlış düşüncə" bunların hamsında mühüm rol oynayır.
Nəticədə bunlar səbəb olur ki, bizlər bir birimizə yaxın olduğumuz və yaxud lazım qədər əlaqə qurmaq vaistələrinə malik olduğumuz halda günü gündən yadlaşır və qəribləşirik. Bu çox üzücü haldır, bir halda ki, bunun əksində edə bilərik. Sadəcə bir birimizə qarşı anlayışlı və diqqətli olmaq gərəkir.

Sonda isə özümüzə və ətrafımızdakı insanlara nisbətdə doğru düşüncə və doğru dəyərləndirməyə sahib olmaq ümüdü ilə Allahdan sizlərə birlik, yaxınlıq, mehribanlıq, sevgi, səmimiyyət və.s gözəlliklər diləyirik.

? t.me/seyyid_mirtosif

┄═❁✨❈[﷽]❈✨❁═┄ Qədr günləri, Ramazanın zirvəsi; Ramazan ayının zirvəsi Qədr günləri və mübarək Qədr gecələridir. Biz (qədr günlərində)bu zirvəyə yetişirik. Alləmlərin Rəbbinə yalvarmaq, dua, təvəssül fürsətindən istifadə etməliyik. Özünüz, bütün din qardaşlarınız…

İnsanı başqalarının yanında sevimli edən davranışlardan bəziləri... 4/ Səbrli olun! !صبور باشید? Dünyanı çətinlik və sıxıntılarsız təsəvvür etmək mümkün deyil. Hətta qaçılmazdır. Çətinliklərlə yoğrulmuş bu dünyada insan əgər istəyirsə, hansısa nailiyyətlərə…