Ҳурмат — таълим тизимининг ажралмас қисми.

Кечагина содир бўлган бир воқеадан сўнг, юқоридаги сўзлар нақадар тўғри еканлигига амин бўлдим.

Есимда бор Ўзбекистон Миллий университетида ўқишга кирган едим. Биз ўқиётган бино адашмаётган бўлсам, 9 қаватли бўлиб, фақатгина 1 та лифт ишлар еди. Ҳар сафар зинапоялардан фойдаланар едим, лекин бир сафар лифтдан фойдаланмоқчи бўлдим, чунки дарсим 7-қаватда мен еса кеч қолаётган едим. Шунда лифт кутиб турган 2 ногиронлиги бор қизга кўзим тушди, улар ҳам мен билан битта гуруҳда ўқишар еди. Лифт енди очилганда, икки жуда ҳам башанг кийинган ёш университет ўқитувчилар келиб лифтга чиқиб кетди, камига чиқмоқчи бўлган икки ногиронлиги бор қизни уришиб ҳам берди. Дарсга кеч қолаётган, узоқ вақтдан бери лифт кутаётган, зинадан чиқишга еса имкони йўқ бечора қизларни кўзидаги ҳафсалани кўриб жуда ҳам ачиндим.

Бу воқеа кўз олдимга келишига кечагина бўлган бир ҳолат сабаб бўлди: Дарсга келганимда профессоримиз билан бирга келиб қолибмиз, ундан анча орқада бўлсам ҳам, мени кўрдида ешикни киргунимча ташқаридан очиб турди. Бу профессор дунёдаги топ 50 университетларида магистратура, докторантура қилган, 30 дан ошиқ мақола ва китоблар муаллифи, камига қўлида 2 та сумка ва китоблар бор. Ўзи ҳам жуда оддий кийинган бу инсоннинг оддий талабага шундай илтифот кўрсатиши ҳақиқий ҳурматдир.

Зеро, инсон қанча билимли бўлса, шунча камтарлик билан дўст тутинади. Ишонаманки, баъзи бир ўзимиздаги талаба ва профессорлар ўртасидаги муносабатлар ҳам ўзаро ҳурмат устига қурилади. Шунда, бу таълимимиз ривожига бўлган яна бир қадам бўлади.

AҚШдаги University of Cincinnati талабаси Рахимов Самандар

@uzbekistonlikuz

Do you remember when we met with Husan Mamasaidov?

Today we had meeting with Hasan Mamasaidov as well