بسررعة يا جماعة.. فصل الجهاز الهضمي من الفيزيولوجيا صار بامكانك تتابعه مع هالفيديو الخارق ??

⭕️ فيه كل افكار الفصل الامتحانية
⭕️ سلايدات خارقة وصور ونكشات
⭕️ الفيديو اعداد الدكتور ايمن حمد المعروف باسلوبه المبسط بشرح المادة

الكل يتابعه ونصيحة ??
https://youtu.be/f1qvw0IJI3I?si=TJfI_2paOT0sS1yq

موعدنا غدا مع الكورس المكثف - على ارض الواقع

? تبقى #مقعدين فقط لاكتمال العدد ??

⏰ تبدا الجلسة الساعة ٣ حتى الساعة ٦

للتسجيل التواصل على الواتس مع الرقم 0943567987 ❤️

كيف بتجي أسئلة الفيزيولوجيا في الامتحان ؟! ❓❗️

لازم تحط ببالك أنه الفيزيولوجيا علم ديناميكي حركي ??‍♀️
وكل معلومة ممكن تنبنى على معلومة قبلها وتكامل هالمعلومات بيعطي الصورة الكاملة

لذلك الأسئلة بتكون بتراتبية وتدرج محدد
ما بين أسئلة محددة جوابها كلمة وحلها ممكن يعتمد على الحفظ
وأسئلة استنتاجية بتعتمد على التفكير والربط
وأسئلة تعرف الطالب المتميز
ولا بد من سؤالين أو ثلاثة خلافيات (ما يتم الاتفاق على جواب محدد بين الطلاب)

السنة الماضية كان نصيب الأسئلة الاستنتاجية كبير وتجاوز عدد هالاسئلة ٣٠ سؤال مختلف بدرجة صعوبته ✌️

لذلك وأهم فكرة حاليا تكون دراستك موجهة وما تكون عم تمر ع المعلومة بشكل عابر ✍?

طيب هالشي حياخد معي وقت ؟!!
اكيد لأ وخاصة وقت تمشي بفصولك بتواتر ومدة جيدة "وقت الزنقة" فحتمر بمعلومة من فصل قرأته تربطها مع فكرة ثانية بنفس الفصل أو غيره ?

? حناخد مثال:
درست بالفصل الثالث إن فقر الدم كبير الكريات سببه نقص فيتامين B12 وانت بتعرف إنه لازم يتواجد العامل الداخلي المفرز من المعدة ليقوم بالمساعدة على امتصاصه:
استنتجت إنه أي سبب أدى لنقص العامل الداخلي (مثل تشكل أضداد له) أو أي أذية على المعدة مثل اسئصالها (بعملية قطع المعدة) حيسبب فقر دم كبير الكريات
بالسياق نفسه بعرف إنه امتصاص الفيتامين B12 بيتم بالأمعاء الدقيقة (اللفائفي)
استنتجت إنه اسئصال اللفائفي من الأمعاء حتسبب المشكلة (رغم ان المعلومة ما مكتوبة صارحة)

#مثال_ثاني
درست من وظائف الكلية تشكيل فيتامين د بشكله الفعال صار فيني اعرف انو مريض القصور الكلوي عنده نقص بالكالسيوم لأن عنده نقص هالفيتامين

#مثال_ثالث
اذا اجاك سؤال عن الحماض فانت بتعرف انو بيسبب سبات أو ضعف بقلوصية القلب بس ليش؟! لأن بالفصل الثامن حتشوف انو الحماض بيعني ارتفاع شوارد الهيدروجين فالكلية بتطرح الهيدروجين وبتحتبس البوتاسيوم يلي بيرتفع بالدم وبيسبب هالأعراض ??

طريقة الربط والتفكير الاستنتاجي بتحتاج منك جهد وإنك تتوجه صح بدراستك
وتطرح أي سؤال على نفسك أو غيرك وتناقش فيه (مهما بدا لك السؤال سخيف أو ما بيجي هيك شي) ❤️❤️