‏هنيئاً للشِعر بشاعر كبير ومُبتكر مثل أيمن ❤️‍?.

‏"حزين ان الستاير واقفه ماتشكر الشباك
‏على صفق الهبايب .. وقفة الشباك تعنيني"

يا ا ا ا ا ا ا ا ا ا ا ا ا الله ✨!

يلاعبك الهوى والارض خضرا ياعويد الراك
‏يناديني حفيفك ليه ظلّك مايناديني ؟
‏
‏لو أفواه الشماتة بالملام تحطّني مسواك
‏عزاي الطهر في وجه الشبه مابينك وبيني

‏من الاسوار ياسورٍ دخلتك كنت أخاف حمْاك
‏تخيّلتك ضياعي .. ماتخيّلتك تقدّيني !

‏من أحداث الليالي؟ لاغريب تشوفني شكّاك
‏ياليت ان كثرة الاحداث ترحم قلّة سنيني

‏أنا يرضيني انك تكسب بفعل الصحيح رضاك
‏ولا يرضيني انك تفعله من شان ترضيني

‏على كثر الشكوك اللي تطولك من كلام عداك
‏طرى مشواري اللي فالبداية كاد ينهيني

‏لقيت الاحترام بداخلك والصدق في مبداك
‏أنا في كل خطوة ضايعة قبل أوصلك ويني؟

‏ حزين ان الستاير واقفة ماتشكر الشبّاك
‏على صفق الهبايب؟ وقفة الشباك تعنيني

‏صحيح آخاف بس آخاف من تقصيري بذكراك
‏ولا احط البلا فالناس .. لاصار البلا فيني

‏بدون إدراك كنت بكل حرف مْن القصيد أدراك
‏تخلّيني جسد لكن " قصايد " لاتخليني

‏أقول لرايتك لارفرفت جعل السنين فداك
‏تراني جيت لك ماعندي الا الشعر بيديني

‏لو تْطيحين من عيني قدرت اوادعك وانساك
‏لكنّك في خيالي واقفة والطايحة عيني

- أيمن الرويلي

ما ترجّيت السحايب وانا قفرٍ لهوف
‏لين سالت ضحكته في معاليق جروي

‏من بياض الفعل والا تراتيل القنوف؟
‏جيتني يالناعم الترف والقلب ثروي

‏مرحبا بك عدّ ما حلّ في مكّه ضيوف
‏وعدّ ما يزبن ضلوعي من الوجد جلوي

‏يارهيفٍ تخلف العقل بانصاف الوصوف
‏كيف لا هيّفت كامل وخصرك منزوي

‏لا تبادر بالسوالف وعانق بالكفوف
‏خلّني من ثقل عقلي احوّل واغوي

‏ماورا عينك مفازه، وسلهامك عطوف
‏كم قصيدة في رجاها على الرمش تهوي

‏لا تعذّر عن طعونك ومحوال الظروف
‏لي ضلوعٍ من حديده وراسٍ مرتوي

‏جعلها فدوة يمينك لو انك ما تروف
‏وش يسوّي من يعدّك ملاذ المهتوي

‏لا تخاف ان طاح فارس وجرّد بالسيوف
‏دونك الترس المنقّى ومصقول حموي

- عامر بن مبشر

مساكم الله بالخير ?:)

‏تنقيتك ؟ ابد والله ، عَبرت و شفت قلبي طاح ‏بغيت أشيله و طاحت تنادي بأسمك عظامي ‏أنا صحراي جفت من زمان الين برقك لاح ‏و صارت جنةً خضرا بوادي صدري الضامي ‏اكذب صوت عقلي كل ما قال الحظوظ شحاح ‏و أصدق صوت قلبي " رُبَّ رميه مالها رامي " ‏مشيت لباب قلبك…

ماجيت أخيّرك جيتك حاذفٍ عمري فداوي
‏والله لو سنيني تقفي سدى .. و أدفع ثمنها

‏- عبيد فهيد

‏من يصلي الليل ويسجد لله سجدات، يستحيل أن يكون مهمومًا في حياته، وحتى لو صارت عليه مشكلة أو كرب يستطيع تجاوز ذلك، لأنّه في كل ليلة يلجأ لله في أموره ويطلب الله ويرجو الله، من كان الله هو كل همه وخاصة في الثلث الأخير، كفاه الله ما أهمه! بهذا تستطيع مواجهة الحياة، ولن تسقط أبدًا

لا اله الا الله يا هذا الشعر !

‏" كنت حاسبها ومرتاح و ضامنها ضمان
‏ و أثرني عكس الإتجاه الصحيح اعدها "

- عبدالله السميري ‏رحمة الله عليه