Уйингизда қандайдир ноодатий овозлар эшитилаётган бўлса, мўрини текшириб кўринг, мўридан шамолни увиллаши эшитилади.
Дераза ромларни изоляцияси заиф бўлса шамол кирса овоз чиқаради.
Шифтда қитир-қитир овоз келса, сичқон ёки мушук кириб қолган бўлади.
Ёки юқори қаватда ухламайдиганлар бор.
Идишлар силжиб қолса ўзингизни хотирангизни текшириб кўринг.
Жўмракдан ахён-ахёнда сув жилдираб қолса сантехник чақиртиринг.

“Жин” сўзини маъноси-тўсилган дегани.
Очиқ ойдин кўрина олмайди, уларни борлигига иймон келтирганмиз, бирон хайвон шаклида бўлиши мумкин аммо уни биз жин эканини билмай ўтиб кетишимиз мумкин.
Очиқ ойдин кўринишдан тўсилган.
Инсон учун яратилган моддалар, ашёлар инсонларга хосдир.
Биз ушлаб ичадиган пиёлани жинлар фойдалана олмайди, уларни ўз оламига хос моддаларни Аллох яратиб берган.
Акс холда хавода муаллақ турган пиёлани кўришимизга тўғри келган бўлар эди.

“Уларни озуқалари суяклардир” дейилганда, жинлар бизга ўхшаб суякни ушлаб олиб ғажимайди, ит мушуклар шаклида бўлиши мумкин.
Чунки улар хайвонлар шаклига кира олиши хақида хадислар ворид бўлган.
Пол ғирчилласа бинони аста тебранишлари оқибатида рўй бериши исботланган.

Маслахатим “паранормальное явление”, жинларни шакли акс эттирилган фантастик филмларни камроқ кўринг)
Икки кундан бери давраларда шу мавзуга кўп қулоғим чалиняпти.
Одамлар :
жин кўрдим, шохи бор, қулоғи шалпайган, қўштуёқли экан деса, каззобмисан дегим келади.

Билгим келгани учун бу масалани изланиб кўрганман ва зохир далилларга назар солиб хулоса олганман.
Аллохга аён...
@uzbeku

Бир дўстим янги туғилган фарзандига атаб ош берадиган бўлди. Тонг ёришиб улгурмасиданоқ улфатдаги барча қадрдонлар айтилган ресторанга йиғилдик. “Шундай кунида ёнида турайлик” деб хаммамиз рестораннинг кираверишида бир қатор бўлиб, салобат тўкиб турардик.

Бир пайт ош бераётган дўстим:

- Аброр келмадими? - деб сўраб қолди.

- Келиб қолар, хали вақт бор-ку, - дедим.

Бу орада тонг хам ёришиб, атроф гавжумлашди. Одамлар ресторанга саф-саф бўлиб киришар, саф-саф бўлиб чиқишар эди. Бу орада дастурхон эгаси яна менга яқин келди.

- Аброр келмадими? - сўради у теварак-атрофга аланглаб боқиб.

- Йўқ, - дедим мен хам атрофга яна бир қур кўз ташларканман паст овозда.

Дўстимнинг пешонаси тиришди. Қовоғи уйилди. Юзи тундлашди.

- Билардим келмаслигини, ўғиллик бўлганимни хазм қилолмади у. Ичиқоралигича қопти, - деди ғазаб билан қўлини сермаб.

Унинг жахлга тўла овозидан сўнг суҳбатга бошқа дўстларимиз хам аралашди.
- Ўзи охирги пайтларда пули кўпайиб, хеч кимни менсимай қўйган! - ўртага гап суқди бири.

- Олдин хам гўр эмасди. Ўша Аброр ўша Аброр, - изох берди иккинчиси.

- Эй, виждониниям пулга сотворган ўзи бу!, - афсус билан бошини сарак-сарак қилди учинчиси.
- Менимча хотини “борма”, деган, – Тахминини айтди тўртинчи дўстимиз.

- Хотинқули-ку Аброр...
- Хотиниям майли, ўзида оқибат йўқ. Кўролмаган бўлса ҳам эхтимол...

Хуллас, ош тугагунча Аброрнинг ғийбати тўхтамади.

Мехмонлар тарқаб, ош ейиш навбати бизга етди. Хаммамиз дастурхон атрофига йиғилган хам эдикки, хизмат қилиб юрган болалардан бири шошиб келиб, мени имлаб чақирди. Унинг ранги нимадандир қаттиқ қўрққандек нихоятда оқариб кетганди. Хайрон бўлдим. Ўрнимдан туриб, олдига бордим.

Эшитган хабаримдан сўнг менинг хам рангим оқариб кетди шекилли... Аброр тонгда машинасида ошга келаётганда аварияга учрабди. Ўша захотиёқ жони узилган экан. Чўнтагидан ош бераётган дўстимизга деб конвертга солинган 500 доллар тўёна ва машинасидан чақалоққа олинган ўйинчоқ самолёт чиқибди...

Ош ҳам емай, хаммамиз жанозага отландик...
@uzbeku

Бугун бир-бирига тескари икки видео кўриб қолдим. Биринчиси Жей Ло (Женнефер Лопез)ни Саудиядаги концерти, деярли яланғоч холда.

Иккинчиси, шахзода Виллиамни аёли, Уилс маликаси Катерина хақида. 30 сонияга яқин, 30га яқин кадрни бирлаштирган видеода малика 30 хил кўриниш берган. Лекин ҳар кўринишида ёпиқ кийимда.

Бу ёпиқ кўринишда малика у қадар сипо, кибор, хайбатли шу билан бирга истарали кўринардики, Лопез билан фарқи фақат кийимда деб ўйлайди, ташқаридан қараган одам.

Аслида, ҳеч биринчи хонимларни кийимига эътибор берганмисизлар?! Бирортаси очиқ кийинмайди. Аксинча, ёпиқ ва сипо кийинишади.

Нимага?! Улар модани билмайдими?! Хечамда, уларни устида ишлайдиган ўта профессионал дресс код мутахасислари, дизайнерлар, моделерлар бўлади. Улар хатто, кечки овқатга қанақа кийиниш керак, расмий учрашувга қандай, фақат аёллар даврасида нима кийиш, оммавий тадбирда қандай кийиниб, соч турмагидан, пояфзалини рангигача танлаб беришади.

Нима учун улар очиқ ва ўзига жалб қилувчи кийимлар кийишмайди?! Бунга бир нарса тўсқинлик қилади: “Уларни статуслари” яъни улар ўзини олий насабдан деб хисоблашади.

Хулоса шуки, аёл қанча ёпиқ кийинса уни қадри, мавқеи, салобати, хайбати ошиб бораверади ва кибор кўринади. Қанча очилиб бораверса, қиймати хам тушиб бораверади…
@uzbeku

Одамлар бир-бирини аямаяпти.

Бир ошнам фармацевтикада ишлайди, қолгани унинг тилидан:

“Оддий цефтриаксон бор, кейин сал кучлиси бор: цефтриаксон сульбактам. Бизни тармоқ кучлисини сотади. Дўхтирлар билан келишамиз. Оддий цефтриаксон керак жойига ҳам кучлисини ёзаверади. Унга фарқи йўқ. Кейин агент дегани бор: у дориларни “ўтказади”. Ойига ўртача 15-30 млн бонус оладиган агентлар бор. Мени ишимам шунга яқин”.

Қолганини ёзмайман, хамма билади чунки.
Расмда битта акага оддий шамоллаш учун ёзиб берилган дорилар

*дўхтир аввалдан танишингиз бўлсагина боринг ёки одамлар орасида хурмати бор (фейсбукдаги айрим дўхтир акалар) одамларга учранг. Шунчаки клиникадаги дўхтирга борманг

Қолганига бориб ўтирманг. Калласига келганини, агент бериб кетганини ёзаверади.

Россияда шамоллаб дўхтирга борганимда “Бориб яхши овқатлан, ўтиб кетади” деб жўнатиб юборган...

P. S.
Чиндан хам аксарият ривожланган давлатларда дорилар ўта кам ёзиб бериларкан. Енгил касалларга эса иложи борича ёзилмайди. Жумладан, Буюк Британияда ўта жиддий деб ўйлаганингизга хам баъзан шунчаки "Парацетамол" ёзаркан, бўлди.

20 йилча аввал мазам бўлмай, клиникига бориб, бир танишга учрадим. У бошқа докторга олиб кирди. У доктор 6 хил дори ёзиб берди. Кетаётганимда ҳалиги танишим иккитасини қолдирди ва "Қолганини ичманг" деди. Шу шу бошқа безовта бўлмадим...
@uzbeku

Фарзандинг йиқилса, касал бўлса, танасининг бирор жойига озор етса фарзандингдан кўра сен кўпроқ азобланасан. Агар сенинг фарзандинг дўзахда куйсачи, бурдаланган танаси қайта янгиланиб яна янгиланиб абадий азоб чексачи, унда сенинг холинг не кечади.... Яратган эгам ислом уммати, мени ва оила аъзоларимни хақ йўлингдан  адаштирма. Тоатда бардовом қил, дўзах оловидан узоқлаштир...
@uzbeku

Мен хамиша маслахатларимга амал қилган инсонларнинг хатосидан ўрнак оламан...
@uzbeku

Кеча ўғилларим билан гаплаша туриб,  Ютубда қанақадир "брат" ларни каналларига гап келиб тақалди. Шунда уларга: 

- Хеч қачон бундай савиясиз каналларга аъзо бўлмаларинг. Чунки инсон қанча савиясиз контент томоша қилса ёки ўқиса,  ўзининг хам савияси тушиб кетади. Иложи борича фақат иш ёки билим олиш юзасидан ўқув контентларни кўрларинг. Ёки илмий контентларни кўрларинг. Агар савиясиз, бемани ролик ва контентлар ўқисаларинг ёки кўрсаларинг,  бориб-бориб тузи паст,  бемаза овқатни истемол қилаверган одам шу "бемазаликка" ўрганиб қолгани каби,  сенларни онгларинг хам савиясиз,  бемазалашиб қолади, дедим.

Ўртанча ўғлим:

- Ада ўша "брат" ларни каналларига  юз минглаб одамлар аъзо экан, деди.

- Ўғлим. Бу жамиятимизни қанчалар савияси тушиб кетганига далолат қилади, дедим.

---

Буни ёзишимга сабаб шуки, Инсон онги табиатан хар нарсага кўникувчан бўлади.

Атроф мухитидаги инсонлар,  ўқиётган китоби, кўраётган кино ва бошқа барча уни ўраб турган нарсалар инсон онгига тўғридан-тўғри таъсир қилиб уни онгини шакилланишида жуда муҳхм рўл ўйнайди.

Чунки онг, атрофдаги барча маълумотларни ўзига қабул қилаверади. Буни хохлаймизми йўқми. Айниқса болаларда маълумотларни фильтрлаш қобилияти яхши ривожланмаган бўлади...
@uzbeku

ЙПХ ходими жаримангиз бор деб автомобилингизни жарима майдонига олиб киришга хақлими?

- Йўқ, агар жаримага тушганингизга 60 кун бўлмаган бўлса, шунингдек 60 кундан ошган бўлса хам қўлида ваколатли органнинг ёзма кўрсатмаси бўлмаса жарима майдонига олиб киришга хақи йўқ.

Асос: Маъмурий жавобгарлик тўғрисидаги кодекс 291-моддаси...
@uzbeku

Шундай бир вақт бор...

Ботил унда куч-қувватнинг энг чўққисига чиқади. Хақ эса синов ва қийинчиликнинг энг оғирларига дучор бўлади. Ана шу вақтда сабот билан туриб бериш ўзгариш нуқтаси бўлади.
Мухаммад Ғаззолий
@uzbeku

Шундай одамларни биламан - ўзи қуруқ ойликка ишлайди, аммо ўзи емаса хам, пулини йиғиб айфон олади, чунки одамлар унда айфон борлигини кўриши керак. Айфон тутиб юрса ўзини қандайдир олий тоифадек хис қилади.

Шундай одамлар бор - бирорта барқарор бизнеси бўлмаса хам пул йиғиб қиммат маркаб олиб миниши шарт. То ўша маркабни олмагунча ҳотиржамлик нима эканини билмай юради.

Шундайлар бор - музлатгичида хеч вақо бўлмаса хам, энг қиммат кийим кийиб юришни бош ғоя қилиб олишган.

Баъзилар эса буни акси - уй-жойи, мол-мулки, тайин иши бўлса ҳам оддий кийим кийиши ёки оддий уловда юриши мумкин, балки метрода хам юриши мумкин.

Менга хам "нега қиммат мошина олмайсиз" деб савол берди бир танишим. Хўп, эртага бориб электромобиль олдим дейлик. Кейинчи? Ким учундир бой бўлиб кўринишим керакми ўзи? Ойига ҳеч бўлмаса ўртача 5000$ келиб турса эди шунақа мошина олсам ярашади, ёки гуллаб кетадиган яхши бизнесим бўлса экан қиммат мошина олсам.

Умуман олганда - бировга яхши кўринай ёки мени бой деб ўйлашсин деган интилиш фақат бизни миллатда бўлса керак. Кўрпага қараб оёқ узатавериш керак...
@uzbeku