#الرحلة_مكملة
الورشة المجانية الثالثة من اسبوع المحطة راح تكون مخصصة لتطوير واكتساب مهارة التفاوض؛ بعنوان “Develop your Negotiation Skill”

تستمر ليوم واحد بالتعاون مع المدربين نور سرمد - مساعد مطور منتجات في شركة Doinc والمقدمة آثار حكيم - خريجة هندسة طيران و مهتمة بالمجال الإبداعي وريادة الأعمال بشكل عام.

خلال الورشة راح تتعرفون على المهارات اللازمة للتفوق بالمفاوضات بحياتكم اليومية والمهنية، من خلال فهم التقنيات الخاصة بهذه المهارة عن طريق التركيز على التطبيقات العملية بسياقات مختلفة، مع تعلم الاستراتيجيات الخاصة بحل النزاعات وتحويلها لفرص اتفاقيات مهمة، وايضاً كيفية بناء علاقات إيجابية والحفاظ عليها أثناء وبعد المفاوضات مثل عروض العمل والصفقات التجارية والعلاقات الشخصية وغيرها الكثير، بالإضافة لممارسة مجموعة من التمارين اللي تعزز من كل هذه التقنيات.

التاريخ: الثلاثاء، 30 كانون الثاني
الوقت: 5:00 مساءً

تكدرون تسجلون مجاناً عن طريق هذه الاستمارة👇🏻

https://forms.gle/C4p7ZVKYubeiHJME6

تعالوا و اكتسبوا مهارة جديدة تعزز من قدراتكم خلال العمل.

#الرحلة_مكملة
الورشة المجانية الثانية من اسبوع المحطة راح تكون خاصة بمجال المبيعات بعنوان “Discover Sales Management Skills”📈

تستمر لمدة يومين بالتعاون مع المدرب محمد أمين - يعمل كمطور أعمال ومستشار تجاري ويمتلك خبرة اكثر من 5 سنوات في مجال ادارة وتطوير المشاريع الناشئة.
راح تتعلمون خلالها أساسيات عملية البيع والتواصل والاستراتيجيات الخاصة بخدمة العملاء، مع معرفة المنتج والعرض والقيمة المضافة، و كيفية بناء عرض تقديمي للمبيعات مع معرفة مهارات التفاوض الناجحة لإتمام عمليات البيع المختلفة.

التاريخ: الأربعاء، 31 كانون الثاني (تستمر لمدة يومين متتالية)
الوقت: 2:00 ظهراً

فإذا جنتو من المهتمين بهذا المجال وحابين تزيدون من معلوماتكم أكثر؟ هذه فرصتكم🤩!
سجلوا عن طريق هذه الاستمارة

https://forms.gle/JNroy4GEU1RojCo8A

وبعدها راح يتم التواصل مع المقبولين.

#الرحلة_مكملة
لكل محبي المونتاج اللي يريدون يتقنون عملية إنتاج الفيديوهات باحترافية؛ نقدملكم الورشة المجانية الأولى ضمن أسبوع المحطة بعنوان "Master Video Editing Techniques" 🎥

تستمر الورشة لمدة 5 أيام راح تتعلمون خلالها أساليب تعديل وتحرير الفيديوهات والاختلاف ما بينها، مع دراسة مختلف النوافذ في واجهة Adobe Premiere Pro، و كيفية قص وترتيب المشاهد على الخط الزمني، مع استخدام التأثيرات الصوتية، والتصحيح اللوني، وبعد اكمال عملية المونتاج تبلش مرحلة استيراد الفيديو داخل برنامج After effects، مع اضافة الكرافكس للفيديو وتحريكها بواسطة Keyframe، وايضاً تعلم اضافة النصوص وتحريكها، بالإضافة لإتقان واحدة من طرق الـ tracking داخل البرنامج.

بنهاية الورشة راح يتمكن كل مشترك من إنشاء فيديو متكامل من ناحية المونتاج والمؤثرات والتحكم بالكاميرا.

التاريخ: الإثنين، 29 كانون الثاني (تستمر لمدة 5 أيام متتالية)
الوقت: 5:00 مساءً

تكدرون تقدمون مجاناً عن طريق هذه الاستمارة
https://forms.gle/GoaUPfYvvdtVw1tt7
وبعدها راح يتم التواصل مع المقبولين!

تريدون تحولون شغفكم بصناعة المحتوى وإدارة منصات التواصل الاجتماعي لمهارة تأهلكم للعمل بهذا المجال؟

انضموا لورشة ال “digital marketing” بالتعاون مع المدرب رضا حسين - يمتلك خبرة 4 سنوات بمجال الميديا، وعمل بعدة شركات ناشئة منها Ai Dojo و Transpi، وحاليا يعمل بشركة بلي مع اكثر من شهادة معتمدة في مجال الماركتنك.

راح تتعرفون خلال الورشة على فن إدارة منصات التواصل الاجتماعي وتحديداً Meta، من ناحية إنشاء إعلانات وشلون تستهدفون الجمهور بدقة والميزانية اللي تستخدموها بالاعلانات، مو بس هيج راح تكتشفون اسرار ابتكار محتوى جذاب وشلون تنظمون جداول زمنية وشهرية لعملكم، وغيرها الكثير من الإستراتيجيات الخاصة بعملية صناعة المحتوى.

التاريخ: الأربعاء ، 20 كانون الأول ( تستمر لمدة 5 أيام كل اربعاء وسبت وأحد وثلاثاء)
الوقت: 6:00 مساءً
مبلغ الاشتراك: 50,000 دينار عراقي

تكدرون تسجلون عن طريق مكتب استعلامات المحطة!

شنو هي العلاقة بين سوق العقارات والمجال المعماري بالعراق؟

هذا اللي راح نكتشفه خلال الجلسة الحوارية القادمة بعنوان "Architectural Impact on Iraq's Real Estate" مع المهندس المعماري شيروان مزوري - يمتلك خبرة كبيرة بمجال الهندسة المعمارية، وانتقل من عالم الهندسة لعالم العقارات وكدر يربط بين المجالين، مع خبرة في العديد من المشاريع منها في بوليفارد واربيل هيلز وأبراج التوليب والقرية الاسبانية وغيرها الكثير.

راح ناقش خلال الجلسة التغييرات المعمارية والتحديات اللي يواجه السوق، من ناحية التصاميم المستدامة والاستراتيجيات المنهجية في البيع اللي تشكل مستقبل العقارات بالعراق، مع تسليط الضوء على الحلول المعمارية الإبداعية اللي ممكن تطبيقها بالسوق الحالي، بالاضافة للتعلم من العادات الناجحة للعاملين بمجال العقارات مع معرفة حجم التأثير اللي يتركه المجال المعماري على السوق والسياحة.

فإذا جنت مهندس معماري او طالب بهذا المجال انضم النا ووسع من شبكة معارفك بعالم العقارات والهندسة!

التاريخ: الثلاثاء، 19 كانون الأول
الوقت: 5:00 عصراً

الدعوة عامة للجميع!

تريدون تبلشون بمشروعكم الخاص بس متعرفون شلون؟

انضموا لورشة "أساسيات دراسة الجدوى الاقتصادية" اللي راح تستمر لمدة 3 أيام بالتعاون مع المدربة تمارا رعد - تمتلك خبرة مصرفية تريد عن 6 سنوات و حاصلة على الماجستير في مجال الاستثمار، و دبلوم في إدارة الأعمال، وتعمل مدير قسم تمويل المشاريع الريادية في مصرف آشور

راح تتعرفون خلال الورشة على أساسيات دراسة الجدوى لتحليل وتقييم المشاريع الصغيرة والمتوسطة، مع إجراء دراسات واقعية وعملية مكثفة للمشاريع من ضمنها التسويق والجوانب الفنية والقانونية بالإضافة للدراسات المالية والتخطيط والتمويل، وغيرها الكثير من المعلومات والمهارات اللي تساعدكم ببدأ مشروعكم بخطوات صحيحة.

التاريخ: السبت، 23 كانون الأول (تستمر لمدة 3 أيام)
الوقت: 12:00 - 2:00 ظهراً
مبلغ الاشتراك: 100,000 دينار عراقي للشخص و 75,000 دينار عراقي لشخصين

عززوا من فرصة نجاح مشروعكم، وسجلوا عن طريق مكتب استعلامات المحطة!

انتوا من صناع الأفلام، منتجين أو فنانين ناشطين تعملون بتنظيم الحملات وتريدون تصنعون مشروع مؤثر بعالم السينما؟ 🎥

نقدملكم فرصة مميزة مع “مختبر أفلامنا للتأثير” لاكتشاف قوة التغيير والإبداع اللي تنتجها السينما، خلال هذه الورشة راح تتعلمون كيفية استخدام الأفلام كأداة للتعبير عن القضايا المهمة، وشلون تشكلون روايات قوية تلامس القلب والعقل، لتعزيز وتقوية السرد الوثائقي وإنتاج التأثير عن طريق صناعة السينما وغيرها من الوسائط الفنية كجزء أساسي من عملية التغيير البيئي والاجتماعي، عن طريق تكوين تحالفات بين صناع الأفلام وناشطي المجتمع المدني.

التاريخ: الأربعاء، 31 كانون الثاني (تستمر لمدة 4 ايام)
الوقت: من 10:00 صباحاً حتى 5:00 عصراً مع استراحة غداء.

انتهزوا الفرصة وكونوا جزء من هذا التأثير، وقدموا عن طريق الرابط الموجود!

https://shorturl.at/lzNU0

آخر موعد للتقديم يوم الأحد, 18 كانون الأول
هذه الورشة تنظمها مؤسسة أفلامنا بالتعاون مع مبادرة وثائقيات العراق بدعم من المجلس الثقافي البريطاني والمحطة

#حققي_حلمچ
صار الوقت حتى نعلن عن الفرصة اللي منتظرتج!

نعلن عن عودة برنامج رائدات بنسخته الرابعة لتطوير النساء وتمكينهم في بغداد، راح يركز البرنامج على النساء الشغوفات والطموحات اللي يملكون مشروع أو حرفة بمجال معين ويريدون يطورون ويكبرون مشروعهم الخاص.

يقدملج برنامج رائدات بنسخته الرابعة سلسلة من التدريبات المهمة اللي تحتاجيها حتى تطورين فكرتج أو مشروعج، عن طريق تعلم كيفية عمل بحوث وتحليل للسوق اللي راح تدخلين بي، وشلون تسوين نموذج عمل تجاري، وايضاً التعرف على طرق الحسابات المالية وشلون تحصلين على فرص استثمار وتمويل، مع عرض مشروع أمام مهتمين وغيرها الكثير من التدريبات المهمة.

يتضمن البرنامج ايضاً مراحل ثانية غير التدريبات تشمل جلسات تدريب وتوجيه من قبل مجموعة من الخبراء بالسوق العراقية اللي يساعدوج حتى تحضرين لمشروعج للمشاركة بالمسابقة المحلية والوطنية للتنافس مع باقي المشاريع، بالإضافة لحصول المشاريع المتأهلة للمسابقات على فرص تدريب مجانية في لبنان.

فاذا جان عندج مشروع أو تمتلكين موهبة أو صنعة معينة و تطمحين تطوريها اكثر، سجلي هسه وحققي حلمچ عن طريق الاستمارة 👇🏻

https://shorturl.at/FGTVZ

اليوم الثالث من أسبوع ريادة الأعمال العالمي راح يكون خاص بمجال العاب الفيديو بعنوان "How to start a game development Company" بالتعاون مع Baghdad Game Lab!

خلالها راح تتعرفون على مجال صناعة الألعاب بشكل عام وعن السوق الموجود بالمنطقة والفرص والإمكانيات المحتملة لدخوله، ويشمل الحدث ايضاً مجموعة من الفعاليات المتنوعة، بالإضافة لمشاركة عدد من المتحدثين تجاربهم و رحلتهم بهذا المجال وشلون أسسوا الاستوديو الخاص بيهم وشنو التحديات اللي واجهتهم.
وبنهاية الحدث راح يكون باب النقاش مفتوح حتى يجاوبكم على اسئلتكم.

التاريخ: الخميس، 16 تشرين الثاني
الوقت: 4:00 عصراً
الدعوة عامة للجميع!